شهادة

Croissant_84115 🇩🇿

منذ 6 أيام

شعور غاضب جدًا

مرة كنت ادرس فلابتدائي و نسيت كتابي فلمنزل و الاستاذة قالت هل كلكم معكم كتاب الكل قال نعم بعدها قالت و لمن هاد الكتاب لي فلمكتب واحد ما رد انا رفعت يدي قلتلها اعطني نقرى بيه و كي نكمل نرجعو بعدها اطاتهولي و جات تراقب لكتب لقات وحدة معندها كتاب قالت لها الاستاذة وينو كتابك قالتها تلميذة جبتو معايا لا

Coffee_50010 🇪🇬

منذ أسبوعين

شعور محبط

دلوقتي سؤال للمحامين اللي هنا دلوقتي كنت شغال مع صاحب مصنع المهم صاحب المصنع ده كان مديون لناس وعليه شيكات للناس دي والناس دي جت وانا شغال في المكان وقعدوا عاوزين صاحب المصنع وهو مكنش موجود وكلمته قولتله في ناس عاوزينك قالي قولهم انا جاي وشويه ومجاش كلمته قالي قولهم مش جاي وشويه بقوله هياخدوا المكن

Chilli_28482 🇪🇬

منذ شهر واحد

شعور مرتبك

لسه متخرج من 3 شهور رحت أقدم علي وظيفة في مجال ال IT الراجل قعد يقولي أنت متعرفش حاجة لسه و شهادة الجامعه دي متأكلش عيش الكلية bis ف رايح أقدم علي كورس network إسمه ccna و ccnp كان قالي عليهم ك بداية ف هاخدهم ان شاء الله مع شركة Raya حد أتعامل معاهم و يعرف هما كويسين ولا لأ

Donut_72376 🇪🇬

منذ شهر واحد

شعور ضائع

لو سمحت عايزه حد فى مجال الdata analysis ينصحنى أن لو هاخد كورس الاحسن أن يبقى اون لاين ولا المحاضرات المتسجله بس حد بيتابع معايا بردو ويشوف التاسكات وكده وموضوع الشهاده فى الاخر بيفرق من مركز ولا جامعه ولا لا

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Croissant_66460 🇪🇬

منذ شهرين

شعور ضائع

السلام عليكم انا كنت تالته ثانوي السنه دي، الحمدلله على كل حال بس انا جبت المجموع 56 وشلت مادتين فيزيا واحياء، دلوقتي اهلي بيقولولي مدخلش دور تاني واستنى امتحنهم السنه الجايه، وانا بصراحه تعبت ومش هقدر استحمل سنه تانيه ف الضغط ده، غير اني كمان خايفه ادخل دور تاني ومنجحش برضو مش عارفه اعمل ايه ومتو

Coffee_71897 🇪🇬 استني لو هتشد حيلك الترم الجاي وعارف اخطاءك وهتحسنها من الاخر لو هتقدر تستغل الفرصه لو لا وهتقع تاني خش وسلم امرك لله

عرض الكل 14 نصيحة

Pineapple_62201 🇪🇬

منذ 3 أشهر

شعور منزعج

موضوع:

ماذا لو

لو هرجع بالزمن لورا هرجع للفتره اللي اهلي قرروا ان هم يدخلوني كليه ثانيه بالعافيه واقول لنفسي اني اتحداهم ان شاء الله ان انا اقعد على الرصيف لان انا اكتشفت ان بسبب اني كرهت الكليه اللي اجبروني عليها خلتني اضيع فيها ست سنين بدلا من اربع سنين لان سقطت سنتين وبعد ما خلصت وطلعت بتقدير مقبول ما عرفتش اشت

Watermelon_58274 🇪🇬

منذ 4 أشهر

شعور Not great 😕

بصوا انا مشكلتي طويلة حبتين بس مش عايز عمري يروح ع الفاضي و انا محققتش حاجة ف حياتي او يتقال عليا فاشل للأسف انا سبت كليتي لظروف قاهرة جدا عشان اخواتي يكملوا تعليمهم و الحمد لله ربنا كرمهم و انا اتجهت لمجال السيلز و اشتغلت فيه و ربنا كرم لحد ما سبته بسبب ان خلاص الشغل كان عايز ياخد خبرتي و يرميني بس

Apple_56039 🇪🇬

منذ 4 أشهر

شعور مزعوج

السلام عليكم عايز احكي معاكم في حاجة خناقني الفترة دي حصل مشكلة في الشغل واتهمت بالسرقة وقالولي في الشغل يا تدفع خمس تلاف جنية يا نطلب البوليس وتتسجن كنت عامل شهادة بنكية ب خمس تلاف وكسرتها وخده الفلوس المشكلة ان زميالي كلهم اعترفو عليه ان انا اللي خد عايز اعرف اعمل ايه مش حاسس باسستقرار نفسي في شغ

Hazelnut_52786 🇪🇬 اللي حصل معاك قهر وظلم كبير، خاصة لما ناس حواليك يشهدوا عليك زور، وده يوجع نفسياً جداً. بس خليني أقولك 3 حاجات تمسك فيهم: 1. لو عندك أي دليل أو شهود يثبتوا براءتك، حتى بعد الـ3 شهور، حاول تتحرك قانونيًا، ممكن تروح لمحامي وتشرح له التفاصيل. 2. اللي اتظلم مره، ميتظلمش مرتين، متسكتش عن حقك تاني، ولو مش مرتاح في الشغل ده وبيهدد استقرارك النفسي، شوف البديل وخطط تطلع منه.

عرض الكل 8 نصيحة

Kiwi_31988 🇪🇬

منذ 4 أشهر

شعور مرهق

انا عندي 23 كنت بدرس برا خلصت دراسه ٤ سنين لما رجعت اكتشفت ان الشهاده بتاعتي مش معتمده و لبست سنتين جيش حاولت اعمل كل حاجه بس مفيش نصيب اخرج عدي ٦ شهور من السنتين و فاضل سنه و نص اقسم بالله نفسيتي متدمره و مخنوق و بشوف ناس بتخش سنه و ببقي حاسس اني مظلوم اوي عشان حقي اخد سنه مش سنتين أنا متعلم و م

Mango_30835 🇹🇷

منذ 5 أشهر

شعور مرتبك

حاسه المجتمع هنا مريض بس إلا ما يكون في ناس عدله صح؟ صح😅 ..المهم انا حاسه نفسي زي الي بيطلع بيطلع وبعدين بدل بقى ما يكمل للجوله الاخيره لا بيزهق وبيفقد الشغف مش باقي غير كم يوم عالفاينل وحقيقي حاسه طب ايه الهدف ومعدلي الحمدلله عالي وكنت بشتغل على نفسي علشان اتخرج وانا معايه شهادة الشرف دلوقتي اخر ت

Kiwi_52622 🇪🇬 العيشه دلوقتي غير عيشه ابائنا واجدادنا كانوا نفسيا مرتاحين دلوقتي ضغوط الحياه خلتك غصب عنك مش فارق معاكي الهدف يتحقق او لا بس نصيحه لوجه الله اليأس مش بس سببه ضغط الحياه لا السبب الرئيسي هو البعد عن ربنا لاننا لو كنا قريبين مكنش هيتسلل لنفسنا اليأس بأن كل حاجه بنسعي ليها ملهاش لازمه عشان كده من توكل ع الله حق التوكل لرزقه الله من حيث لا يحتسب

عرض الكل 4 نصيحة

Apple_12537 🇪🇬

منذ 5 أشهر

شعور لا مبالٍ

ليه عندنا في مصر بنشوف ان ٣ث هي اخر الدنيا وان لو حد جاب مثلا ٧٥% يبقى فاشل ؟ لو نقص عن ٩٠% يبقى كده غبي ..! ليه بنعتمد على ان الدراسة هي المحدد للذكاء البشري ؟ وليه بيتقال ان الكليات هي المستقبل ؟ او بقية حياتي معتمدة عليها ؟ يعني ليه مناخدش الكليات على انها ادوات مش اكتر وحاجة تانية ليه بنشو

Chocolate_52272 🇪🇬 اي حد كمل تعليمو حلو اوي كدا مش مهم متخرج من ايه انا مكملتش تعليم ومش فارق معايا ولا شاغل دماغي اساسا لأن حياتي موقفتش يعني

عرض الكل 3 نصيحة

Mango_27895 🇦🇪

منذ 11 شهرًا

شعور ضائع

ممكن لو حد يعرف حاجه عن شهادة ال CMA يكلمني عنها و ياريت يكون كلام إيجابي عشان دفعت مبلغ محترم عشان ابدأ فيها و خايفة جدا، أنا مش شاطرة اوي في المحاسبة بس لسه ببدأ و بحاول 😭 التزم ازاي و اذاكر ازاي و هل فعلا اقدر اعدي من اول مرة؟؟

Coconut_43544 🇪🇬

منذ 11 شهرًا

شعور لا مبالٍ

عبّر عن شعورك بشكل مجهول

انا ابويا و امي علاقتهم مع بعض مدهوره خالص من زمان بس زادت اوي الفتره دي يعني زمان كانو بيتخانقو كل يوم أما دلوقتي ف ولا حد فيهم طايق التاني و لا حد فيهم بيكلم التاني و ادينا داخلين علي الشهر الخامس علي نفس الحال ده و احنا وضعنا مختلف يعني مش بنشتري الخضراوات و الفاكهه و الحجات دي لا بابا مش بيرضي خالص و بيقولوا أننا نزرعهم لو عايزين ناملهم هو اه فعلا بيجيب شتلات وكده بس مش كل الاكل بيكون متوفر انا حرفيا في انواع اكل كتير عاديه و بتتاكل كل يوم انا مدوقتهاش اصلا بس المهم انهم اصلا مع بعض بقالهم اكتر من ١٧ سنه و الخناقات و الخلافات سببها مش واحد دي تراكمات و طبعا ماما مش عارفه تتعامل مع بابا خالص بسبب كل حاجه و شخصيه اللي انا مشوفتش حد كده خالص ربنا يخليهولي طبعا وفي مره و هما بيتخانقو ماما قالتله روح موت و من ساعتها بردو و بابا بيفكر أمه يتجوز تاني معنديش مشكله بس لو ده حصل ماما اكيد هتزعل اكتر مهيأ مخنوقه اصلا و العلاقه مبينهم يعتبر هتنتهي و اصلا بسبب أنهم متخانقين المده دي ف انا اللي بعمل شغل البيت بدال ماما بالظبط + المذاكره و ده مخلي الحاجه صاعبه خالص + انها سنه شهاده اصلا و بجد الموضوع بقي صعب اوي و المشكله مش معايا انا بس طب وخواتي و اخويا بيدرس بس في مكان بعيد عننا و هو الكبير و اللي اقدر اتكلم معاه و هو مشغول جدا الفتره دي + إن تيليفونه اتسرق دعواتكو بقي الدنيا تتحسن كده

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_21374 🇪🇬

منذ سنة واحدة

شعور آسف

ارجع شغفي للدراسه ازاي؟ كنت بادئة السنه جد واذاكر اول باول ودلوقتي معدتش قادرة والنوم بق يغلبني وبقيت اعيا واتعور كتيرر بق يحصلي كذا حاجه لما اجي اذاكر ومش عارفه انظم وقتي.. اعمل اي وخصوصا اني شهادة انصحوني

Mango_70768 🇪🇬

شخصية كتومة ومشاعري جوايا بتتعبني

انا شخصية كتومة جدااا ودايما مشاعري جوايا ودي حاجة بتتعبني جدا وبتستنزفني حاولت مبقاش كتومة وافضفض بعدها بندم ندم عمري لان مفيش حد بيفهمني او بيفهمني غلط فبرجع تاني لقوقعة الكتمان حاجات كتيررر بتأثر فيا وبتاكلني من جوايا بس مبعرفش احكي ولا افضفض فبقيت لما اتكلم مع اي حد اتكلم عن اي تفاهات ومواضيع جانية عشان اتجنب اتكلم عن اي حاجة مزعلاني حاسة من كتر التراكمات بقي عندي اكتئاب بس انا مش بظهر دا ولا عايزة اظهر اني تعبانة دايما بضحك واهزر مع كل الناس، لحد ما واحدة صحبتي قفشتني وقالتلي حساكي مش كويسة احكي ، لما قالتلي كدا حسيت بتناقض جوايا غريب على قد مافرحت ان في حد حاسس بيا وشايفني متغيرة رغم اني بضحك وبهزر، على قد ما اضايقت ان في حد خد باله اني مكتئبة مش عارفه ليه بس انا مبحبش اكون مصدر طاقة سلبية لحد وادوش حد بماشكلي مش عارفه ليه حكيت دا بس قولت احاول اقول الي جوايا.. ...عرض المزيد

14 الدعم

35 نصيحة

Strawberry_80896 🇪🇬

هل الكلام بيخليني مريضة نفسية من صغري؟

عندى مشكلة و مش مشكلة انا لما كنت صغيرة كان كلهم بيقولوا عليا مريضة نفسية و ده كان بيتقال نتيجة لتصرفات بتطلع مني، بس انا من وقتها لحد الوقتي، شايفه اني فعلا مريضة، و كنت بحثت عن الموضوع و كده و شوفت فيديو و لقيت ان سبب من أسباب المرض النفسي ان الشخص يكون حد قاله كده من صغره، ف بيبقي فعلا مريض، انا بصراحة مش عارفة أوضح المعنى لأن الفيديو ده سمعته من زمان و حاليا مش فاكرة، ف ممكن لو حد عنده معلومة يفيديني انا لما كنت في الإعدادي كان طموحي لما أكبر اروح لدكتور نفسي اصلا، ف عاوزة افهم انا تمام ولا فعلا نتيجة الكلام بقيت فعلا مريضة 👍🏻 ...عرض المزيد

0 الدعم

23 نصيحة

Lemon_67534 🇪🇬

خنقة بلا سبب ومش عاوزة أعيش.. تعبت من الشعور ده

هل في اسباب للخنقة بلا سبب يعني نكت صحيت مش قادرة اقوم من على السرير ولا اعمل حاجة حتى اني اخرج كخروج مش عاوزة حاجة غير اني ابقى لوحدي وبقالي فترة على كده اني مش قادرة اعمل اي حاجة ف حياتي انا حتى مش قادرة احلم ودايما ببقى حاسه باحساس اني مش عاوزة اعيش ومش ضروري احلم بحاجة لاني اصلا مش حابة الحياة ومش حابة اعيش فيها على الرغم من اني مش حد بعيد عن ربنا لا الحمد لله ده سبب من اسباب اني عايشة لحد دلوقتي بس حقيقي مبقتش فاهمه اي سبب ده اني مش قادرة استمتع بحياتي ولا قادرة اعيش اللي هو ولا عايشة مع العايشين ولا ميته مع الميتين.. حقيقي تعبت من الشعور ده اصلا كون اني كل يوم بتحايل علة نفسي علشان اعمل اي حاجة ده تاعبني بجد ...عرض المزيد

0 الدعم

15 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع