شقة

Banana_57181 🇪🇬

منذ 13 ساعة

شعور ضائع

جالي عريس سنه مناسب شغال في الكويت تعليمه مناسب لكنه مش هيقدر ييجي لرؤيه شرعيه ولا خطوبه هييجي على كتب كتاب مش عنده شقه فهيتجوز في شقه ايجار باباه متوفي وهو اكبر اخواته عنده 4 اخوات بنات متجوزين ووالدته موجوده قدامه بالكتير سنه عشان يبقى جاهز يتجوز محتاجه رايكم 😑

Pistachio_56152 🇪🇬 واحد مش قادر يجي يقابلك ويتعرف عليكي هيبقي فاضيلك بعد الجواز ... ده لو مغصوب علي الجوازه هيبقي زوق عن كده وقوليلو مش لازم ينزل كتب الكتاب ممكن يعمل توكيل لحد علشان متعطليهوش

عرض الكل 26 نصيحة

Mango_52555 🇪🇬

منذ يومين

شعور مكسور القلب

Pistachio_56152 🇪🇬 انا شايف انه باباكي مغلطش وانتي لسه في بيت ابوكي الاصول بتقول هو الي يحدد ترجعو الساعه كام ... وليه خطيبك يدخل امه اصلا ؟

عرض الكل 1 نصيحة

عبّر عن شعورك بشكل مجهول

في العيد الصغير خرجت مع خطيبي ومامته واخته وجوز اخته ورجعنا متأخر شوية ف بابا اتصل عليا وعلي خطيبي واتضايق جدا وقفلنا راحت مامة خطيبي اتصلت علي ماما وقعدت تزعق وهي بتقولها والله ماهيخروجوا مع بعض تاني الا لما تكون مراته ف ماما قالتلها طيب خدي بقي قولي لباباها الكلام ده راحت مكلمه بابا وبتقوله مش أصول تسألها عن الساعة وهي معايا وانت مش واثق فينا وكلام من ده راح بابا قالها مش انتي اللي هتعرفيني الأصول غير طبعا انها قعدت تزعق طول الطريق وانا راكبه معاهم ف العربيه وترمي كلام وحصلت مشكلة والخطوبة اتفركشت وبابايا ساعة الشبكة خطيبي كان جايبلي ب ٦٠ الف وبابا حط عليهم ٢٥ الف ف لما جينا نفركش بابا قالهم ادوني ال ٢٥ الف بتوعي ومش عايز زيادة لان الدهب ساعتها كان غلي ٧ الاف قالوا لا احنا هناخد فلوس بدل الدهب وكانوا عايزين ياخدوا الزيادة ف الفلوس بابا قالهم لا هما ٦٠ الف ي اما تاخدوا الدهب المهم خدوا الفلوس ف الآخر وبعدين  رجعنا لبعض  تاني كنا احنا بيعنا الشبكة ف خطيبي كلم بابا قاله انت هتحط ف فلوس الشبكة الزيادة ال ٧ الاف ف بابا استغرب لأنهم ف الاول طلبوا فلوس ومن كرمه قاله هحط ١٠الاف مش ٧ بس وبعدين حصل موقف تاني مابين ابو خطيبي وبابا بسبب الاتفاقات وراح ابو خطيبي قال لبابا ف نص الكلام انا مش عايز اتعامل معاك من اصله راح بابا قاله وانا مش عايز اعرفك تاني اصلا وابو خطيبي بيقولي اية رأيك نجيب عربية بدل الفرح راح بابا قاله مش موافق مع ان بابا هيدفع نص الفرح اصلا راح الراجل قايله وانت مالك انا بسألها هي ويقولي لو ابوكي سبب المشاكل نعزله لو انا سبب المشاكل يتقطع خبري واتسجن وعمال يقول كلام اهبل وعشان بابا وخطيبي قبل كدا حصل مابينهم كلام ان بابا بينصحه يشتغل علي نفسه اكتر لانه بيقول انه شغال مع ابوه ف شركة وهما اصلا الشركة دي ملهاش مقر وخطيبي مبينزلش شغل كل يوم هو مهندس مدني ومخلص ماجستير وبيحضر دكتوراه وابوه بيديله مرتب ١٥ الف ف الشهر  ف بيقوله لازم تشتغل علي نفسك  وتفتح مكتب وكدا ف ابوه جاي يقول لبابا انت ملكش دعوه هو يشتغل ميشتغلش هو ليه مرتب كل شهر بديهوله وخلاص وملكش دعوة بشركتنا ولا شغلنا ده غير ان بابا اول لما خطيبي اتقدملي قال انه مقدم علي شقه اسكان اجتماعي وقال هو واخدها استثمار مقالش هنقعد فيها وقال هناخد شقه ايجار قريبه من شغلي وبابا وافق بعد كدا غير كلامه وقال لا هنقعد ف شقة الاسكان وبابا رفض لاني مستوايا الاجتماعي عالي ومكانش ده الاتفاق من البداية وبعدين وهو بيختار شقه ايجار قال هيختار شقه قريبه من شغلي عشان لو بعيده قالي هو مش هيقدر علي فلوس التاكسيات وقالي احطها كوست علي الشغل بتاعي انا بشتغل دكتوره وعندي البيزنس بتاعي ومستحيل طبعا اسيب شغلي وبعدين اهله اقترحوا شقق إيجار حلوه ف مكان كدا لكن بيقولوا لبابا انت توديها وتجيبها راح بابا قالهم انا مش مجبر راح ابو خطيبي بيقول لبابا مانت كنت هتحطلهم ١٢ الف جنية مقدم شقة لأن كان في شقه ايجار ب٧٠٠٠ جميلة وخطيبي كان آخره ٦٠٠٠ الاف ف بابا قاله انا هحط الالف جنية الزيادة دي واعتبرها سلفه ومش عايزها وابقي ردها لما ربنا يكرمك وخطيبي وافق بالعافية بصراحة مكانش عايز كدا ولكن بعد كلام ابوه ده كله خطيبي جيه اعتذر لبابا وهو اصلا مش مغلط ابوه اللي هو شايف ان بابا كمان رد عليه يبقي مفيش حد غلطان وبعدين بابا قرر يفشكل الخطوبة تاني لانه بيقولي لما ف الخطوبة بيتعاملوا كدا اومال بعد الجواز هيعملوا اية جينا بعد كدا بابا قالهم كل شيء قسمة ونصيب وطلبوا الدهب المرادي وبابا المفروض كانوا يرجعولوا ال ١٠ الاف رجعولوا ٣ الاف بس ع اساس ام ده حقهم من المرة الاولي هل ده عدل ؟؟ ف بابا لما اخو خطيبي جية ياخد الشبكه راح قاله انه هيصوره وهو بياخدها عشان هما بيقلبوا الحقايق وبيغيروا ف الكلام ف ده ضمان يعني وهما اعتبروها اهانه  .. إحنا بقالنا شهر سايبين بعض لكن هموت والله وتعبانة اوي لاني بحبه اوي ومتعلقه بيه وهو كمان بيحبني وكان متعلق بيا وكنا كويسين مع بعض جدا وانا صعب احب حد ولكن حبيته هو الوحيد لكن هو بعد خلاص ومبقاش عايز يرجع بعد م كان عايز يرجع بس بشرط ان بابا يكلم ابوه وطبعا بابا مستحيل يعمل كدا ودلوقتي مبقاش عايز يرجع ولا يكمل وبعد عني خالص وعملي بلوكات وواخد الموضوع كرامة وأننا مش كويسين وانهم اتهانوا خصوصا لما جم يصلحوا اول مرة امهم جت وقعدت تعيط واعتذرت ف بيقولي الموضوع ده كسره وغير صورة البروفايل بتاعته بتاعة فيسبوك بعد مفركشنا بأسبوعين وصحابه عمالين يقولوله اخويا العريس والعريس المنتظر وبيرد عليهم يقولهم دعواتكم ربنا يتمم بخير والنهارده ضعفت وكلمته مردش عليا وحطني بلاك ليست وعملي بلوكات من كل مكان قولولي اعمل اية انا اسفه ع. الاطالة بس حقيقي قلبي مكسور خصوصا ان فرحنا كان المفروض بعد العيد الكبير

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Ice Cream_56279 🇪🇬

منذ 5 أيام

شعور مستنزف

انا حقيقي مش عارف الموضوع بيجي ازاي انا حاليا عايز اتجوز و مش عارف ابدأ منين ولا اروح لمين أهلي مش ناس هتقف جمبي ولكن انا عايز حلال ربنا و عايز اتجوز ولكن مش عارف اعمل ايه انا لسا بدأ شغل جديد و معنديش شقة ولا فلوس و عارف ان مفيش حد هيقبل بيا بس انا نيتي خير والله و مش عايز اعمل اي حاجه تغضب ربنا ول

Mango_13775 🇪🇬

منذ شهر واحد

شعور مرتبك

أنا في حد بيحبني وهو انا شايفاه مناسب وكل حاجه بس هو لسه هيتخرج كمان شهر بس لسه قدامه شقه ووظيفه وجيش بس هو طموح وبيشتغل علي نفسه وشخص كويس عاوز يجي قبل الجيش حتي يلبس دبل علشان خايف اتخطب انتوا شايفين الوضع بتاعه مناسب لازم أفكر في أي قبل ما أقبل؟!

Durian_52455 🇪🇬 تفكيرك ملوش لازمة، بالعكس ده هيكون عبء عليكى القرار فى إيد اللى بيحبك، هل هو قادر يخطبك فعلًا ولا عنده مخاوف تجاه الرفض من اهلك عامةً الناس رزق، ورزقنا مكتوب من قبل مانتولد، متخافيش على رزقك لو ضاع لإن مستنيكى الأحسن منه… ربنا يرزقك بالزوج الصالح والذرية الصالحة 🤍

عرض الكل 4 نصيحة

Coffee_27700 🇪🇬

منذ 6 أشهر

شعور ضائع

موضوع:

تجربتك مع تأخر الزواج

داخل على ٣١ سنة ولسة متجوزتش. كل اصحابي اتجوزا وخلفوا طفل واتنين. كلام العيلة مع كل زيارة اللي ببحسسني إن الموضوع بسيط، ماما تشوفلك عروسة واتجوزها انت رافض تتجوز ليه؟ طب ما انا بسعى (بكون نفسي ـ بجهز شقتي ـ بطور شخصيتي وبتعالج نفسياً من صدمات الطفولة عشان منقلهاش لزوجتي وأولادي) أنا فعلاً خايف، خايف

Cherry_40587 🇪🇬 سيد كوفي .. انا متفهمة جدا وضعك وحقك تحس انك بسباق مع الزمن غير ضغط الاهل والمجتمع بس خليك واثق ان ربنا عم يهيأك وكاتبلك الافضل لكن بالوقت المناسب لهيك لاتستعجل على قسمتك .. فمرة قريت حاجة عجبتني جدا وهي واحد بيقول انك لو اعزب استمتع بالعزوبية والحرية ولو متزوج استمتع بالحب والمشاركة والاهتمام ولو معندكش صحاب استمتع بعزلتك ورفقتك مع ذاتك وهكذا خلينا نحاول نركز ونمتن على يلي عندنا مش على معندناش

عرض الكل 15 نصيحة

Donut_30912 🇪🇬

منذ 7 أشهر

شعور محبط

Watermelon_31455 🇪🇬 اختك هو انت اللى هتجوزى ولا اختك كويس انه عنده شقه حتى لو بعيده انك يكون عندك شقة ملك احسن متكون ايجار وكمان بدل هو محترم وبيحاول يعمل كل عليه ف بالحلال ف الزمن اللى احنا فيه دا فعاش ليه بجد لانه فعلا راجل ويستحق كل التقدير بس انا من رأيى انك تصلى استخارة وتتوكلى ع الله وربنا يكتبلك اللى فيه الخير يارب

عرض الكل 22 نصيحة

عبّر عن شعورك بشكل مجهول

انا بنوتة ٢٤ سنة كان كل احلامي اني يبقي عندي ونس و عيلة ربنا رزقني بخطيبي عيلته زي ما دعيت بظبط طيبين و حنينين الحمدلله بيحبوني اول ما تخطبنا ووقت قرايه الفاتحة اختي اعترضت يومها علي الشقة و مكانها و قالت له بيع  وهات حاجة جنبنا او اسكن في ايجار جنبنا كان رده انه صعب عليه خصوصا انه بيبدا مشروعه و شغال في المشروع بتاعه بس فقالها كويس ان في شقة ومش في مقدرتي اجيب شقة دلوقتي فقالت له وانا مكان الطقة بعيد عليا و مش هاجي لكم قالها متجيش انا كمان مكانكم بعيد وصعب اجي كل دا 
ودبت خناقة بينهم، بعدها الرجالة اتفقوا وخلاص 
جت يوم الخطوبة اختي اتخنقت مع امه 
مامته طلبت منها
 كذا مرة هي اللي تقدم الشبكة فاختي قالت لها لا فراحت قالت لها بس انا ام العريس وحابه اقدمها قالت لها لا 
اختي بختصار كل اعتراضها انها شايفه انه شكله مش حلو وانه عريض واني احلي منه العيلة زي اقل مننا عشان هما من وسط البلد واحنا في التجمع
الحمدلله هو بيعمل عشاني كل حاجة يقدر عليها وبيحاول بكل جهده يراضيني ويمكن مش بينام غير ساعتين تلاته عشان يوفر تكليف الجواز ويعملي كل اللي عاوزاه
حقيقي كل ما بحس اننا بنقرب وان فعلا هنبقي لبعض كل حاجه بتتهد 
ماما دلوقتي بقت شايفه ان الشقة تتباع ويجيب جنبنا او لا ومش موافقه 
انا مش حابه اضغط عليه اكتر من كدا 
بس حقيقي انا تايهه ومضغوطة اوي مش هقدر امشي وفي نفس الوقت صعبان عليا ان عيلتي بتعامله وحش و شايفين انه يغير شقته او لا 😅

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.