سبب

Potato_58394 🇪🇬

منذ يوم واحد

شعور عاطفي

السلام عليكم في مشكلة حصلالي وحاسس انها واخدة حيز كبير من تفكيري بدون سبب انا طالب في الكلية ف سنة اولى و بحكم ان الكلية بعيدة عن محافظتي ف خدت سكن مع شباب زيي ف سنة اولى المهم عدت الشهور و خدنا على بعض و كده و بقينا اقرب للخوات مش صحاب و دلوقتي احنا ف اخر شهر ف سنة اولى و اتفاجأ بدون اي مقدمات

Apple_59029 🇪🇬

منذ يوم واحد

شعور محبط

ليه حد ممكن ياذيني وانا معملتش حاجه حرفيا معملتش حاجه مش شكر ف نفسي ليه حد يعلقني ٦ سنيين وانا كنت مدياله كل المفاتيح انه لو مش عايز يكمل يمشي وانا هشوف حالي وانا الحمدلله جميله ومحترمه وصغيرة يعني هقدر اشوف حالي انما ليه يعشمني انه بيحبني ويمشي من غير سبب مع اني عارفه ومتاكده ان الجواز قدامه كتير ج

Carrot_55880 🇪🇬

منذ يومين

شعور مرتبك

عبّر عن شعورك بشكل مجهول

انا ٢٠ سنة في كلية طبية بشتغل في صيدلية مرتب ضعيف وناوي ادخل مجال تاني ان شاء الله لسه بتعلم فيه في بنت معايا في الكلية مش عارف الشعور ده ايه و مش بشوفها كتير بس كل ما اشوفها بحس اني منجذب ليها عايز اشوفها تاني ازود مدة بصي ليها عن العادي الفكرة اني قولت مثلا ده فراغ عاطفي بس مش بحس بالشعور ده نحو اي بنت تانية سواء في الشغل او في الكلية او في اي حتة تانية المشكلة اني حتى مش عارف اسمها هي محترمة جدا مختمرة ولا مرة شوفتها واقفة مع ولد وشغل ال open minded يعني لو ممكن فعلا اتقدم يوما ما اتعرف عليها تبقى حاجة جميلة جدا المشكلة مش هنا المشكلة اني بحاول افكني من الموضوع كذا مرة ممكن بالشهر مشوفهاش بس كل مرة بشوفها بيبقى في sparkle كدا مش عارف اعمل ايه في الموضوع ده وفي نفس الوقت برضو انا مش جاهز فعلا عندي شقة في بيت عيلتي ممكن اقول دي بداية بس المرتب مش هقدر اتجوز بيه ولو اتجوزت بيه مش هتبقى عيشة كريمة ومش عايز اقعد رابط قلبي و ممكن تيجي يوما ما تتجوز ومش عارف اطنش الموضوع وملاحظة هي طبعا مش عارفة اي حاجة هي مرة كدا لاحظتها بصيتلي كدا بعد كدا حاولت اعمل مطنش ومبصلهاش عشان مش هعلق بنات الناس بفراغ وده اللي شايفه صح و من الاخر مفيش احتمالية اقولها والكلام ده هي نوعية اني لو قولتلها هتف في وشي وده نوعا ما صح هي الصورة المثالية للزوجة بالنسبالي بس ايه الحل اني افكني من الموضوع مش عارف وخصوصا اني اظن اني بعيد عن الخطوبة ما يقارب سنتين تلاتة كمان ايه الحل طيب انصحوني هل ده عبط مني ولا طبيعي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Lemon_58099 🇪🇬

منذ 3 أيام

شعور وحيد

مش عارف ابدا منين عن شعور ب الفراغ .خنقة كل ما اقعد مع نفسى شويا بدون سبب الاقى نفسى مضايق قوى وان الدنيا ملهاش طعم .حاسس ان مش بعمل حاجه مع انى مضغوط ومشغول او عندى حاجات كتيره بعملها وانجازات بتتعمل . هل الشعور دا طبيعى من غير سبب ممكن افضل عل الحلله دى اسبوع ولما اطلع من المود دا شويا وارجعله تان

Lemon_56888 🇪🇬

منذ 5 أيام

شعور وحيد

ازاي اتعالج من التعلق بشخص كان ف حياتي كل حاجه و فجأه اختفي من غير اي closure او أسباب واضحه و من فتره للتانيه ساعات بيكلمني و اي سوال بسأل عليه ديما لازم يساعدني محتاجه اي حاجه يدخل يدلني عليها اتحول من شخص عارفه كل تفصيله عن يوم لحد مجرد عارفه انو لسه عايش متعلقه بيه و ديما الذكريات و المواقف بف

Strawberry_56294 🇪🇬

منذ أسبوع واحد

شعور مكسور القلب

عبّر عن شعورك بشكل مجهول

انا مخطوبه عن حب 8 سنين و كنا متفاهمين وعايشين اليوم طول الوقت مع بعض بعد ما اتخطبنا بثلاث شهور كنا كويسين في شهر واحد انا نزلت شغل كان عباره عن 12 ساعه ما كنتش مهتميه بخطيبي زي الاول بس كان غصب عني بس رغم ده كنت بطمن عليه وبشوفه كل يوم جمعه وبرن عليه في الشغل اوقات وساعات ببعت له رسائل ولما برجع من الشغل ما بكلمش حد غيره لغايه ما انام الفتره دي كان هو مسافر رغم ده كنت انا معاه وما سبتهوش وكنت بتكلمه بطمن عليه ومجرد مسافر اتغير عليا ما عادش حابب ان هو يكلمني بقى جايب اللوم عليا ان انا كنت مقصره في حقه وان انا ضمنت وجوده وان انا اهملته ورغم ان انا شرحت له ان انا ما كانش عندي رفاهيه امسك تليفوني في الشغل وان كل ده كان غصب عني وان انا نازله الشغل ده مش بمزاجي بس هو مش مستوعب حاجه زي دي وشايف ان انا بعمل كل ده بمزاجي والعيد الكبير كان منكد علي كان عايزنا نفركش ومن ساعتها وهو منكد عليا وشايف ان انا السبب في كل حاجه وان اللي بيعمله ده رد طبيعي سواء بقى من كلامي او ان انا فعلا قصرت انا ما انكرش ان انا غلطانه وحاولت اتكلم معاه واتفاهم معاه واشوف ايه اللي يريحه واعمله بس هو برده مطلعني ان انا غلطانه في كل حاجه وضمنت وجوده وبعمل كل حاجه تضايقه وبنكد عليه في اي خروجه وهو مش مبسوط معايا انا ما عدتش عارفه اتصرف ازاي ما حدش يقول لي سيبيه علشان مش هعرف انا عايزه حل

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Tofu_50969 🇪🇬

منذ أسبوع واحد

شعور ضاق ذرعًا

انا دايما بتعرض لفقد بدون سبب وان دايما اي حد يدخل حياتي بيزهق مني ويمشي ويكرفلي من اني حلوه وذكيه وبعرف اتكلم واعبر وافهم الي قدامي بس اي حد يدخل حياتي بيبقي منبهر بيا وعايز يكلمني 24 ساعه ومهتم يعرف كل تفاصيل بس بعد فتره بلاقي الناس بعدت عني مع انهم كانو بيموتو عليا وصحابي بيحبوني وبيحبو خفه دمي

Pineapple_55642 🇪🇬 فاهمك كويس جدا والحل عندك، لما حد يخش حياتك منبهر اوي بيكي حاولي تفرملي الموضوع شويه، مش عاوزين تقل لا، بس خلي الموضوع بتاع الإبهار ده يبقه بطيء شويه والوقت مع الناس اقل، بحيث يعرفوا يتعرفوا عليكي ويفهموا طباعك مع انبهارهم بكي، فيتحول الانبهار بالتدريج للتعلق والصداقة الحقيقيه

عرض الكل 21 نصيحة

Avocado_30697 🇪🇬

منذ أسبوع واحد

شعور محبط

محدش قالي كال سنه وانت طيب ولا حته خد عديل وي غير كده ثانويه عامه طول اليوم قاعد في لاوضه بذاكر ببقا عايز اعمل حجات كتير بس مش عارف وي معنديش حد اخرج معاه أو اكلمو وي طول اليوم ملل وي لقيتها عاملالي بلوك من غير سبب بجد حراممم

Apple_55379 🇪🇬

منذ أسبوع واحد

شعور ضاق ذرعًا

يعنى اى انا اكون مخطوبه ل حد ومخلصالو وشاكك فيا اووووى كدا مع انى والله بسمع كلامه وكل حاجه بس شاكك فيا لدرجه انى لو عملت ل بلوجر او حد من المشاهير بيزعل ونتخانق وبيقولى كلام اكنى بخونه معه بجد يعنى العوض الى هربت من الدنيا كلها علشان اروحله واشكيلو حالى يكون هو سبب فى اكتئابى اكتر ما انا مكتئبه بس

Strawberry_26814 🇪🇬

منذ 3 أسابيع

شعور وحيد

عبّر عن شعورك بشكل مجهول

النهارده عدي ٦ شهور كاملين علي انفصالي بالشخص اللي حبيته وسابني بدون سبب مش عارفه احساسي عامل ايه ازاي بس مابين اني اتخطيت الوجع والالم بس مبيروحش من بالي واكتر حاجة وجعاني انه ولا مره ضعف وحب يكلمني يطمن عليا انا طول الوقت بنزل صوري وانا بضحك وخروجات ومضقياها في نظره بس في الحقيقة كل كده فيك لان كل حاجة ناقصة من غيره بس في نفس الوقت عايزه ابينلوه اني انا بخير وجدا وانك انت اللي خسرت حد حبك حب مش مشروط اتحطيت اني ارد علي تليفون الشغل وهو اللي كان علي التليفون علشان شغالين مع بعض في نفس الشركة واتصل علشان عاوز شغل وبمجرد ما قولت الوو واحده وسمع صوتي وسمعت صوته رميت السماعة وخليت حد تاني يتعامل معاه حسيت ساعتها احساس غريب اني قدرت اتخطي المرحلة الصعبة وجاهزه اني اكلمه بس علي قد ماكان صوته واحشني اوي حسيت انه خساره فيه انه يسمع صوتي اصحابي قالولي ده ضعف وبينتيله انك ضعفتي لما كلمك قولتلهم لا بالعكس انا حسسته اني مش هينفع اكلمك لان مفيش كلام هيبقي بينا ولا حتي شغل بيتابع الاستوري بتاعتي بس حقيقي مش قاره اد قرار اني امسح رقمه لاني كل ما اعمل كده برجع اسجله تاني الامل في العوده مستحيل وانا كرامتي فوق كل شئ ورغم كل الظروف الالم فردي عليا تفتكروا ممكن اعمل ايه مش قادره انسي انه سابني وهو عارف اني مليش حد بعد وفاه بابا وماما يعني هوت عليه وصوت جوايا بيقولي انتي متحبتيش

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Tofu_50969 🇪🇬

منذ 3 أسابيع

شعور غير مكتمل

مش عارفه اذاكر حاجه خالص امتحاناتي يوم الخميس الجاي. خلاص ومش عارفه افتح كتاب أو احفظ حرف وقاعده بعيط بدون سبب وانا سنه مهمه يعني لازم اذاكر فوق طاقتي الاسبوع ده وانا مش طايقه اخرج من الأوضه ولا عايزه اكل ولا اشوف حد عايزه افضل اعيط لوحدي وللاسف مش عارفه السبب وكمان المستر بتاع العربي اعتذر ومش هيق

Hazelnut_52786 🇪🇬 1. خدي يوم راحة تامة بدون مذاكرة. 2. كلمي حد تثقي فيه فورًا وفضفضي. 3. ركزي في أهم دروس بس، مش كله. 4. قسّمي المذاكرة لأجزاء صغيرة (25 دقيقة تركيز + 5 راحة). 5. افتكري: إنتي مش ضعيفة، إنتي منهكة… وده هيمر. خدي نفس، وإبدأي خطوة صغيرة بس

عرض الكل 3 نصيحة

Sugar_52744 🇪🇬

منذ 3 أسابيع

شعور مرهق

عبّر عن شعورك بشكل مجهول

حصل معايا و واحده صاحبتي كنا اصحاب بقالنا سنه ممكن حوار كدا الخلاصه انها طريقتها كانت وحشه فشخ معايا بس بعد كدا ترجع تقول بتهزر، حتي في ناس اصحابنا وضحوا النقطه دي ليا، فا بعدت شويه عنها بس كنت لسه بسال و بكلمها و بتاع، لما جت سألتني انتي ليه بتتعاملي علي القد قولتلها كل الي مدايقني راحت طلعتني أنا الي غلطانه و انو مليش حق ابعد ولا حتي شويه او كتير و انو مش بمزاجي و بتاع، المهم أنا كنت مدايقه جدا الي هو أنا مش عايزه اخسرك بس في نفس الوقت انتي ليه بتعملي كدا فا اتكلمت مع ناس اصحابنا كنا في النفس الشله و بتاع و قولتلهم كل حاجه بما فيها انها كانت بتتكلم وحش عنهم و بتاع معايا عشان احنا كنا اقرب المهم بعديها ب اسبوع ولا حاجه دلوقتي بعد الامتحان بتعانا لقيت البنت دي (نسميها مي) مي دي كانت حاضره من الاول للآخر لقيتها بقولي انها هتروح تاكل مع الشله التانيه بتاعتهم صاحبتي دي كانت بتتكلم عليهم كلهم وحش و البنتين التانيين بجد شمال فا مي قالتلي هتروح تاكل معاهم عشان هتروح درس معاهم بعديها، اولا هي مقالتليش حاجه عن الدرس دا قبل كدا و تاني حاجه امبارح كانت بتقولي انها اتكلمت معاها و صفت الأمور مابينهم نوعا ما يعني بس برضو كل واحد عارف الي فيها. فا بجد ادايقت الي هو انتي كنتي شايفه كل الي حصل لو المشكله عندي ولا ايه طيب و حتي صاحبتي دي يعني سالت البنات الي هي مبحبهومش اوي و مفكرتش تيجي تقولي تعالي مع اني كذا مره احاول اسألها انتي كويسه؟ اطمن عليها يعني او اقولها عايزه حاجه في الامتحان كا اسأله عشان بتكون مش احسن حاجه في الماده

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_53471 🇪🇬

منذ 3 أسابيع

شعور مكتئب

بختصار انا اتعرفت علي ولد من الشركة اللي كنت بشتغل فيها مع اني كنت رفضه الفكرة تماما و بعد فتره من كلمنا سوي قالي انو بيحبني و انو عيزني و سبنا الشركه سوي عشان مش عيزني اشتغل تاني و هو جالو شغل احسن بعدها كان عندنا مناسبه عرفتو علي اهلي في المناسبه دي و قالي انو هيعرف اهلو انو يجو يتقدمو و اتكلمنا ب

Tofu_50969 🇪🇬

منذ 3 أسابيع

شعور لا مبالٍ

ايه الي يخلي حد مش طايقني وبيكرهني مع اني معملتش حاجه عمتا ولا قولت حاجه تضايق ولا اي تصرف وحش هو فجأة كده مش طايقني وبيتلكك عشان يكرهني اكتر واول واحد فاتح الاستريكات بتاعتي ويرد عليها باستريكات تلقيح الي هو انت مجنون انا مقصدش حاجهه ده حتي لو مصوره الكتاب مثلا وبذاكر يلقحه ويقول فاكره نفسها هتنجح

Hazelnut_52786 🇪🇬 عزيزتي نصيحتي لك باختصار اولا : ليس التلقيح ورمي الكلام من شيم وصفات الرجال وقفي الموضوع عند حدودو واجهي الموقف بحزم وتقولي أنا ماليش في الشغل دا واعملي ليه بلوك اولا واخيراً هذا ليس بصفات حميده في الإنسان الطبيعي اعملي ليه بلوكات في كل شئ ماعدا المكالمات فقط وشكرا راحه النفس اهم جدا في حياتنا ولا تشغلي نفسك وأعصابك مع أشباه الرجال اقصد أنصاف الرجال ان كان هذا برجل أصلا …

عرض الكل 2 نصيحة

Tofu_51771 🇪🇬

منذ شهر واحد

شعور مكسور القلب

ايه اللي يخلي شخص عارف اني محتجاله ف محنة بعدي بيها يبعد عني و يختفي تماما بدون أي اسباب و اعاتبه يقولي هيكلمني و يختفي و ابعتله تاني اني مستنياه ميشوفش المسدج ولا حتى يفكر يطمن عليا ؟؟ (احنا صحاب)

التجربة أفضل عبر التطبيق

حمّل تطبيق توهيل على هاتفك لتجربة أسرع