زواج سعيد

Marshmallow_69067 🇪🇬

منذ أسبوعين

شعور سعيد

موضوع:

تجربتك مع تأخر الزواج

حلمي طول عمرى انا اتجوز حد اكون مقتنعة بيه بعقلي وقلبي وكل كياني.. مهما الوقت طال او الناس قالولى انه مش موجود انا مصدقة انه موجود مش هخسر فرصتي انا اقابله بانى اتجوز اي حد وخلاص لمجرد انه مناسب اجتماعيا مش هخسر حلمى في انى اتحب بجد عشان انا انا..انه يحب روحى وشخصيتى وملامحى طريقة كلامى وضحكى حتى

Pineapple_69990 🇪🇬 ربنا يبعتلك زرق جميل زيك ويفرح قلبك يارب

عرض الكل 7 نصيحة

عبّر عن شعورك بشكل مجهول

حلمي طول عمرى انا اتجوز حد اكون مقتنعة بيه بعقلي وقلبي وكل كياني..

مهما الوقت طال او الناس قالولى انه مش موجود انا مصدقة انه موجود مش هخسر فرصتي انا اقابله بانى اتجوز اي حد وخلاص لمجرد انه مناسب اجتماعيا

مش هخسر حلمى في انى اتحب بجد عشان انا انا..انه يحب روحى وشخصيتى وملامحى طريقة كلامى وضحكى حتى زعلى حد يبقى شايفنى معجزة فرصة مستحيل يفوتها

حد يكون فخور اني في حياته وكأنى معجزة ..احس بحمايته ليا واشوف خوفه عليا في نظرة عنيه

انى اكون مع راجل بمعنى الكلمة راجل صادق بيراقب ربنا في تصرفاته.. حد اكتفي بيه عن الدنيا يكون هو السند والامان بعد الله

الانسان مش بيختار علاقات كتير في حياته علاقة الزواج يمكن تكون العلاقة الوحيدة الي بتختارها وبتختار تكون مع مين وشكل حياتك هتكون ازاي

مش هتنازل عن انى اكون مع راجل بيحب يسمعنى بيحب يراضيني 
راجل مثقف بيحب المناقشة يبقى صاحبي ونقعد نتكلم مع بعض في كل حاجة

راجل يكون مليان حب يكون الضل الي بيضلل على بيتنا من اى حاجة وحشة تكة مفتاحه في الباب تكون هى الامان

راجل بيحب يبذل عشانى بالكلام والافعال يكون شارينى بكل كيانه ومش عايز غيري في الدنيا

انا عايزة اخلف اطفال سعيدة يحسوا انهم محظوظين بابوهم وامهم وانهم لو كان في اديهم يختاروا كانوا اختارونا مش عايزة اجيب للدنيا اطفال تعيسة واعايرهم وابتزهم بفكرة انى مكملة في الجوازة دى عشانهم او ان احنا الاتنين مكملين بس عشانهم

انا عايزة اكون ام سعيدة ولادى يحسوا انهم محظوظين بيا وباباهم نديهم كل الحب نشبعهم حب لاننا شبعنابعض حب

بحلم ببيت دافى الوانه هداية مفهوش تفاصيل كتير الشمس تملاه نور ويكون في كل اركانه زرع اخضر بيت مليان ضحك ودوشة لطيفة وريحة اكل حلو وحلويات

لما العمر يعدى ونعجز انا وهو ونبص ورانا نكون ممتنين لكل لحظة عشانها سوا ومش ندمانين ابدا حتى الاخطاء الي وقعنا فيها ممتنين ليها

يكون عكازي واكون عكازة من الدنيا 
انا مستنية اختيار ربنا ليا الاختيار الى مش هندم اكون معاه في الدنيا والاخرة

Potato_14574 🇪🇬

منذ سنة واحدة

شعور مرهق

يارب لو جوزي المستقبلي مرتبط حالياً يارب يفركش يارب ونتقابل انا وهو واحكيله ع كل حاجه حصلت ف غيابه ويارب يطلع حنين وبيحبني وبيهتم وبيسمعني وبيلاقي حل معايا ؛ ربنا يرزقه ويكرمه بشغل كويس ويوفقه ف حياته وفي دراسته😍

Watermelon_18943 🇪🇬 امين

عرض الكل 6 نصيحة

Mango_60502 🇪🇬

نادم على اختيار الكلية ومحتار اعالج الاكتئاب

ازاي اعالج اكتئاب اختيار الكلية الخطأ اختارت كلية كنت مفكر أنها انسب كلية ليا لكن طلعت غلطان و نفسي احول بس الاوان فات خصوصا ان التخرج قرب انا متقبل المواد لكن سوق العمل مطلعش زي ما كنت متوقع طلع اسوأ بكتير ...عرض المزيد

0 الدعم

0 نصيحة

Sugar_64732 🇪🇬

اعذروني يا جماعه ما كنتش اعرف مش هعملها تاني

ده كله كنت مفكره shy يعنى ابتسم طلعت فى الاخر خجول يا جماعه اعذرونى كنت بنزل منشورات مينفعش يتحط عليها شاى بس والله ما كنت اعرف اعذرونى ادينى عرفت مش هعملها تانى بس ياريت تعملوا نفسكم مشوفتوهاش خاصه بآخر منشور ليه وجزاكم الله خير الجزاء ...عرض المزيد

0 الدعم

4 نصيحة

Sugar_64732 🇪🇬

أنا قرفان من نفسي.. ازاي أتخلص من العادة السرية؟

#العادة_السرية موضوع شائك وصادم .. بس للأسف أصبح منتشر وبكثرة .. و بقى ذنب منتشر بين الشباب بل والأكثر رعبا بين الفتيات! فيه منهم اللى أصبح ، بالنسبة ليه عادة، وفيه اللي متألم بسببه وبيجاهد يتوقف عن الذنب ده ومش عارف! ممارسة العادة السرية عادة تصل إلى الإدمان يشكو دائما من أصيب بها أنه كلما أقلع عنها عاد إليها😞 وبيسأل.. ازاي يتخلص منه و دايما بيقول ( أنا قرفان من نفسي وحاسس جدا بذل المعصية ) ودي بعض الامور اللي تتبعها عشان تتخلص وتتوقف عن الذنب ده وتتوب إلي الله توبة نصوح 👐 :- 1- لازم تبقى عارف إن ده ذنب عظيم .. متبررش لنفسك .. واجه نفسك بـده .. قال تعالى (وَالَّذِينَ هُمْ لِفُرُوجِهِمْ حَافِظُونَ إِلَّا عَلَىٰ أَزْوَاجِهِمْ أَوْ مَا مَلَكَتْ أَيْمَانُهُمْ فَإِنَّهُمْ غَيْرُ مَلُومِينَ فَمَنِ ابْتَغَىٰ وَرَاءَ ذَٰلِكَ فَأُولَٰئِكَ هُمُ الْعَادُونَ) وقال النبي صلى الله عليه وسلم:( يا معشر الشباب من استطاع منكم الباءة فليتزوج، فإنه أغض للبصر وأحصن للفرج، ومن لم يستطع فعليه بالصوم فإنه له وجاء.) 2- وادعي واسأل الله العون أن يعينك أن تقلع عن هذه العادة وهذا الذنب .. وأكثر من الدعاء والتضرع لله .. تبرأ من حولك و قوتك.. أنت ولا حاجة لولا توفيق الله و قدرته واشتكي إلى الله ( قَالَ إِنَّمَا أَشْكُو بَثِّي وَحُزْنِي إِلَى اللَّهِ ) اشتكي انك جربت وحاولت وانك عاوز تكون مطيع لله بعيد عما يغضبه. اساله سبحانه أن يزيل حب هذا الذنب من قلبك . 3- اعزم عزما اكيدا صادقا على التغيير 💪 . 3- سد جميع الأبواب .. لا تتهاون مع نفسك إطلاقا لأن الأمر يسبقه خطوات.. نظرة محرمة يتبعها تفكير لو استرسلت فيه غالبا بتقع فيها وافتكر (يَا أَيُّهَا الَّذِينَ آمَنُوا لَا تَتَّبِعُوا خُطُوَاتِ الشَّيْطَانِ ۚ وَمَن يَتَّبِعْ خُطُوَاتِ الشَّيْطَانِ فَإِنَّهُ يَأْمُرُ بِالْفَحْشَاءِ وَالْمُنكَرِ ) هي خطوة وبتجر التانية لكن لو كنت يقظ في البداية (لأول خطوة ) الأمر هيكون مختلف. 4- (مجاهدة ومجاهدة ) زي الرياضة بيكون الأمر في البداية متعب لكن مع المداومة بيزول التعب وبيصل الإنسان للي عاوزه (وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا ۚ ). عارفين لما الأم تيجي تفطم طفلها ( في البداية الأمر بيبقي صعب .. لكن يوم عن يوم بيقل .. بس أوقات الأم بتغلط غلطة .. بعد ما تفطم طفلها ويتألم هو طوال الأيام ويكون على وشك إنه يعتاد الأمر ترجع ترضعه وتصعب الأمر على نفسها وعليه .. لأن الرجوع تاني بيكون أصعب من الأول ) تأكد أنه بعد العزم والتوبة لاشك أن الشيطان هيزين لك الأمر بعد وقت .. المجاهدة أول مرة بتكون صعبة لكن لو انتصرت على الشيطان وعلى النفس بعون الله بيكون الأمر مختلف. استحضر إن ده هيكون اختبار صدق توبتك (أَحَسِبَ النَّاسُ أَن يُتْرَكُوا أَن يَقُولُوا آمَنَّا وَهُمْ لَا يُفْتَنُونَ ) 5- بعض الأمور اللي هتساعدك جدا مترجعش تاني👌 * حاول ما تقعدش لوحدك أبدا وتدخل للنوم إذا غلبك وما تدخلش من باب الجلوس فقط و لما تقوم من النوم حاول تقوم بسرعة ما تقعدش كتيير بعد استيقاظك . *قلل وقت الاستحمام . *املأ وقت فراغك بحيث ما يكونش فى وقت للتفكير أو للخواطر السيئة ..(بصلاة، حفظ قرآن، عمل، قراءة، رياضة، أعمال تطوعية خيرية،أي شئ نافع ومفيد .) 6- كل ما تحب ترجع افتكر الندم اللي بتندمه بعد ما بتعمل الذنب ده ومقدار الألم اللي بينتج بسببه وإن وقت الاستمتاع به قليل وبعدها بيكون كآبه شديدة وندم وحسرة 😥 وافتكر انك ممكن في لحظة تموت في الوقت ده تحب يتكتبلك خاتمة بالشكل ده؟ 😥 كمان لازم تعرف إن ذنوب الخلوات أصل الانتكاسات! 7- حافظ على الصدقات وزيادة النوافل وقراءة القران (وانوي فيه نية الشفاء من هذه الشهوة ) فقد قال الله تعالي (وَنُنـزلُ مِنَ الْقُرْآنِ مَا هُوَ شِفَاءٌ وَرَحْمَةٌ لِلْمُؤْمِنِينَ) وأذكار الصباح والمساء وأذكار قبل النوم . خلي يومك كله ذكر .. لا تجعل لسانك يفتر عن ذكر الله. 8- تذكر الحساب ويوم القيامة وانك هتقف وتسأل أمام الله عن عينك وعن ما أمرك الله بحفظه هلى حفظته " والذين هم لفروجهم حافظون واعلم أن الله لم يحرم عليك شئ إلا وأعطاك القدرة على البعد عنه(لا يُكَلِّفُ اللَّهُ نَفْسًا إِلَّا وُسْعَهَا) وهو الذي خلق فيك الشهوة وأعطاك من القدرة والإرادة ما يمكنك التحكم بها. يا شباب ويا بنات الامر مش سهل لكن تقدروا عليه 💪 الأمر محتاج عون من الله وصدق في التغيير ويقين وحسن ظن بالله أنه سيعينك ويثبتك هو القادر وهو أرحم بك (وَاللَّهُ يُرِيدُ أَن يَتُوبَ عَلَيْكُمْ وَيُرِيدُ الَّذِينَ يَتَّبِعُونَ الشَّهَوَاتِ أَن تَمِيلُوا مَيْلًا عَظِيمًا ) ...عرض المزيد

6 الدعم

2 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع