زمايل معفنين

Biscuit_64034 🇪🇬

منذ أسبوع واحد

شعور غاضب

عبّر عن شعورك بشكل مجهول

انا بقيت بكرهههه البشر تمااااام 
ماهو مش معقول كمية الناس التوكسيك اللى شوفتهم فى حياتي دول يعني من باب اولى العلم يكتشفهم و تاخدوا منهم عينات تعملوا منها ادوية اكتر من التعا.بين بجد 😂😂
يعني فى الشغل ماشاءالله حدث ولا حرج عن نوعية البشر اللى بشوفهم 
 من مدير متحرش
 لمدير نرجسي بيرمي اخطاءه و اخطاء الناس على بعض عشان يكرههم فى بعض عشان مايحبوش بعض و يبقوا بينجحوا الشغل يا ساتر يارب 😂
لمدير هلاهوطة موصل لصاحب الشغل اني عيلة بدرس عشان يتعامل معايا براحته بقلة زوق و قلة احترام ما انا عيلة بقا و اما اروح اتكلم مع صاحب الشغل و اشتكيه يطلع يجري يدخل له معايا و يبقا قاعد زي الفار المبلول و انا بتكلم 😂

ولا المدير المحشش اللى مش عاوز يعرفني الشغل كامل عشان يعرف يسرق صاحب الشغل و انا لو عرفت تفاصيل الشغل هكشفه

و نيجي بقا للناس اللى شغالين سوا المفروض

نلاقى واحدة جايباني اشتغل معاها عشان اشقط لها عريس و اما اقول انا ماليش فى الجو ده تقلب الكل عليا اني عايزاه لنفسي و هو لا قيمة له حاجة معفنة اقسم بالله مايتبصلوش من الاساس

و اللى تعمل فيها صاحبتي و هى بتخوض في اعراض البنات و اكيد قالت عني ما لذ و طاب برضو 
 و اللى عاوزني اعلمه كل حاجة اتعلمتها فى كورسات و ياخد مني ماتريال و اما اقوله انه صعب انا اصلا حد عشوائي و مش بجمع ماتريال متنظمة ياخد منى موقف رغم اني مساعداه فى مليون حاجة تانيه بس لا ازاااااي انا كدة بقيت شخص شرير 😂 
و اللى عايشة تشيل بلاوي المدير من عك فى الشغل عشان بس يفضل مفضلها عن كل الموجودين و يسقف لها زي البطريق الاهبل 😂 بس فى الواقع هو مابيعملش ده بالعكس هو بيهينها زيادة و بيقول عليها للكل انها متخلفة و فاشلة

عبث بجد عبث و كل ما حد يشوفني يقولى سبتي الشغل ليه ده الشغل احسن ؟  منين بجد منين هما دول عالم اعرف اقعد وسطهم اصلا و انا متطمنة !!

اسيب كل ده و اقول اشتغل شغل خاص الاقى اعفن ناس 
مش عاوزين يدفعوا فلوس الحاجة اللى عاوزينها و انا شغلى اصلا هاند ميد فطبيعي يكون غالب عشان معمول مخصوص( بالوان من اختيارك بصورك او صور حد هتديهاله هدية بجمل انت مختارها .. إلخ)
فاللى هو نعم يعني الحاجة بتتعمل لجنابك مخصوص و مش عاوز تدفع و مسمي نفسك كلاينت انت كدة مش كلاينت انت كدة عيلة هلهولة 😂
يعني جت لى عيلة فى ثانوي طالبة بوكس صور للبوى فرند و تقولى هاستلم مع ماما ماتفتحيهوش قدامها و تشلني لحد ما تسلم اصلا 🌚

لحد ما قفلت الشغل و مابقتش بطيق ان حد من معارفي يطلب حاجة منه و بعملها و انا اقسم بالله نفسيتى زفت بعد ما كان شغلى ده الحاجة اللطيفة الكيوت اللى بتهون عليا 🥲🥲
مش عاوزة ادفايس انا عاوزة دعااااا او حد يعملى عمرة 😂😂
#هرتلةـفارغة

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Broccoli_73989 🇪🇬

الخوف أكتر صفة بشرية مقرفة ومكروهة

لو معندكش استعداد تواجه نفسك بصدق ،أو تفتح أي بركان مدفون جواك ، يكون أفضل ليك تتجاهل البوست ده خالص ... !! في حاجات كتير أوي بنمر بيها مبنعرفش ليها أي تفسير ولا بنلاقي ليها جواب ، وحتي أكتر الأسئلة المنتشرة والمحفوظة بالإجابة بتاعتها ، عارفين إن إجابتها غلط - لكن - لسبب غير مفهوم موافقين عالغلط !! يمكن هروب ؟؟! معرفش !! سؤال زي " ايه هي أكتر صفة بشرية مكروهة أو بتكرهها ؟ " .. سؤال دايماً بتلاقي 99% من الإجابات عليه عبارة عن كلمة واحدة هي " الكدب " - لكن - الإجابة الصح هي " الخوف " . الخوف أو الجُبن .. أكتر صفة مقززة في العالم، مقرفة، ومثيرة للشفقة. عشان الكذب هو كلام بيقوله الجبان ، عشان خايف يعبر عن رأيه، خايف من الحقيقة. التصنع هو تمثيل من الجبان اللي خايف من حقيقته وعامل نفسه واحد تاني عشان يداري جبنه وقرفه. الغضب هو تعبير عن الجُبن اللي صاحبه بيختزله في صورة تانية بمنطق "أنا روش وجامد أهو" عشان يخبي وراه عجزه عن المناقشة والتفاوض بمنطق. و الجُبن أو الخوف هو اللي بيخليك تهرب من المواجهة ، ورجلك تروح في سكة الخيانة ، تدور عن بديل تلاقي معاه نفسك بطريقة غلط لإنك خايف تواجه مشاكلك مع الطرف التاني ، لإنك عارف إنك مشترك في أسباب مشاكلك مع الطرف المستحق فعلياً لوجودك معاه !! وهو اللي بيخليك تكمل وتستحمل في شغل أو وظيفة انت مش عاوزها ولا قابلها لإنك خايف من الظروف ،خايف تجوع وتفتقر ، فتقبل بحاجات ملهاش مقابل غير دمار نفسك ! طيب سؤال تاني !! احنا ليه لما بنحب حد مينفعش يكون من حقنا أو نصيبنا... ونوصل معاه لأعلى درجات العشق بناخد طريق اسمه " هنتقم من نفسي " .. نفس الطريق برضه بناخده لو هما معانا في بيت واحد بس حاسين منهم أو معاهم بعدم تقدير !! ليه بناخد سكة انا هعمل الغلط وافتري ، هظلم ، و هكون زي الطوفان اللي بيدوس على كل حاجة ، هفتري ، هقتل مشاعري ، وبنغلف الكلام ده جوا سيلوفانة رقيقة ملونة بألوان شيك اسمها "النضج" أو نوهم نفسنا اننا خلاص " مشاعرنا ماتت " أو يمكن " مبيهمناش !! آه بنكون زي الفل ظاهرياً ، والقوة والجبروت عبارة عن حقنة دوبامين مسكنة بتدينا إحساس بالنشوة والسعادة - ولما نواجه نفسنا في المراية أو عالمخدة آخر الليل نقول هما ليه مش حاسيين بينا واحنا حسينا بغلطاتهم أو ذلاتهم من أول لحظة .. ونضحك .. نضحك ضحكة وجع ونقول أصلنا حبينا وعملنا كل حاجة وضحينا ....ومكنش في منهم أي تقدير ... !! ده زي ما قلت ظاهرياً ... لأن الحقيقة هي اننا مليانين خوف ، مليانين بأسوء صفة بشرية ، و خايفين نواجههم لسبب واحد بس بنهرب من إجابته وهو الخوف من انهم يسيبونا ويمشوا !! آه خايفين وبنوهم نفسنا بالقوة ، خايفين نقول اننا عايشين لوحدنا ، خايفين أوي من كل حاجة .. خوف وجبن سببه الوحيد لو عاوز تعرف و تكمل باقي كلامي ، هو اننا بعدنا أوي عن الصح .. أو يمكن وصلنا للجحود أو القنوط ... وصلنا لاننا بنكره أي حد يقول صلي .. اسجد .. اطلب من ربنا الهداية ... بندور بكل جبن عن حضن مزيف ، من شخص مكسور زينا وبيمثل القوة ، وانه غالب الدنيا ودايس عليها ... !! للأسف ... احنا المجرم مش المظلوم !! ومش هستغرب لو اتقال عالبوست ده بالذات انه أفشل كلام كتبته .. #معقد_جداً #مواجهة_نفس #الجبن ...عرض المزيد

0 الدعم

0 نصيحة

Potato_74203 🇪🇬

تعبت من الاحباط العاطفي ومش عارف أحب تاني

من سنتين كده محصلش نصيب مع البنت اللى حبتها عارف ان ده غلط ومش عادتنا عموما المهم تعبت جدا وحاولت اتخطى على اد ما اقدر انا جاهز للزواج ولحد دلوقتى مش قادر اقتنع بحد من اللى اعدت معاه ومن فتره قريبه لان الوحده صراحه ديقتنى جدا وتعبانى عرفت بنت اهلها وهى كويسين وحاولت على اد ما اقدر امشى الدنيا وابدأ حياه جديده المشكله بقى انى بقيت بارد فى مشاعرى ودايما مش قادر احس باى حاجه ولا حته اعجاب من ناحيه حد وبعدين الخطوبه باظت لانها قالتلى انها مش مرتاحه مع انها كانت متحمسه فى البدايه وبرضو متمسكتش بيها صراحه لانى كان الموضوع بالنسبالى ماشى عقلانى جدا دون ادنى اعجاب المهم دبقى دلوقتى انا تايه جدا وخايف ده يفضل يتكرر ومقدرش احب حد تانى وخايف اظلم حد معايا ...عرض المزيد

1 الدعم

1 نصيحة

Jackfruit_53658 🇪🇬

بحب نفسي جدا وبقدر قيمتها بعد كره لسنين

بصراحه بحب نفسي جدا و المحبه دي جات بعد كره دام لسنين و سنين و عارفه و مقدره قيمه نفسي اولا عشان مشوفتش التقدير من حد اكتفيت اني اكون الشخص الوحيد اللي يقدر نفسه و يحترمها و اكتشفت انها شخصيه طيبه و نضيفه و نقيه و مش مؤذيه و كمان بتدي كل المستطاع و قد ايه هي مرت بكتير و عانت كتير و مع ذلك قدرت تتخطى ده و مستمره في حياتها و قد ايه هي تستاهل تعيش و تشوف حياه جميله و طيبه زيها ...عرض المزيد

4 الدعم

3 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع