رفض الزواج

Chocolate_75111 🇪🇬

منذ أسبوع واحد

شعور متعب

"أرغب في استشارة: هناك شخص يريد الارتباط بي والزواج مني، لكنني لا أريده. لقد تحدثت معه كثيرًا في هذا الموضوع لكنه لا يقتنع، وكلما حظرته من رقم يعود للاتصال بي برقم آخر. إضافة إلى ذلك، هو ليس شخصًا مسؤولًا لأرتبط به. كيف يمكنني التعامل مع هذا الموقف وأجعله يبتعد عني دون مشاكل؟

Pistachio_51129 🇪🇬 قولى لباباكى او حد كبير عندك اكيد لان الارتباط مش بالعافية

عرض الكل 2 نصيحة

Tofu_19483 🇪🇬

منذ أسبوعين

شعور محبط

عبّر عن شعورك بشكل مجهول

لا أخفيكم سرًا إخوتي في الله،أنا مبقيتش عايزه أتجوز خالص وبقيت رافضه الفكره رفض قاطع بسبب اللي بيحصل واللي بشوفه،الذكوريين بقوا منتشرين بشكل مقرف وكل شويه واحد قتل مراته والمشكله الأكبر ف تعليقات الشباب بيقولوا أحسن وشوفوا عملت ايه ويتهموها ف شرفها كل ما واحده تتقتل يتهموها ف شرفها مع إن قذف المحصنات حرام وأنت متعرفش حاجه لأنك مشوفتش حاجه وإن حتى لو واحده عملت فاحشه ف القرآن حدد ليها عقاب للزاني والزانيه ألا وهو الجلد،ف مش من حقه يقتلها،ده غير إن القتل بيبقى لأتفه الأسباب أصلا ده لو واحده اتنفست ف بيت زوجها بتتقتل أنا بقى عندي رعب أتجوز واحد ألاقي نفسي مقتوله،ده غير الفكر السام اللي منتشر بين الشباب على إن الزوجه عبده عنده ده غير إنهم مش عايزين يطبقوا شرع ربنا ويعاملونا بما يرضي الله ده غير إن دلوقتي الشباب بيقولوا لازم الست تصرف على البيت وفاهمين معنى القوامه على مزاجهم فاهمينه إن الست تطيعه لكن عند المصاريف لا تصرف،ده غير فاهمين آية واضربوهن على مزاجهم برده وفاهمين الطاعه على إن المرأه تكون بتعبد الرجل وتطيعه طاعه عمياء مع إن مفهوم الطاعه مش كده،الطاعه بالمعروف ولا ضرر ولا ضرار،سؤالي هنا ليه البنات والشباب ميعملوش بشرع ربنا من غير تحريف فيه أو فهمه على مزاجهم،مش بقول إن فيه ذكوريين بس لا كمان فيه نسويات وأنا ضد الاتنين والفئتين دول دمروا المجتمع نسب الطلاق زادت ونسب القتل زادت والعنف ضد المرأه زاد ونشوز النساء زاد
ليه منعملش بشرع ربنا كما قال الله مش نفهم الدين على مزاجنا؟
ليه منشوفش ربنا والرسول أمرونا ب ايه ونعمله؟
ليه منكونش بيت وأسره هاديه حنينه بيت قايم ع الموده و الرحمه والحب بيت سوي نفسيًا ونربي جيل سوي نفسيًا بدل ما طالعلنا جيل مليان بالسفاحين،ليه معظم الشباب عايزين يهينوا المرأه مع إن الدين والإسلام كرمنا والله العظيم كرمنا بس همه عايزين يقللوا منا مع إن الدين مقللش منه بل رفعنا وأكرمنا يكفي إن فيه سورة في القرآن بإسمنا سورة النساء يكفي إن معظم الآيات بتنهى عن حزن المرأه،ف ليه ؟
ليه بجد كل ما أدخل على ثريدز أو فيس ألاقي شباب بيحللوا الضرب المرأه،شباب بيقولوا أنت واخدها خدامه ولو ساعدت زوجتك متبقاش راجل،شباب بيقولوا الست تصرف على البيت 
بنات بيحرضوا البنات على إنهم يبقوا نواشز
ليه؟..ما كل واحد وواحده يلتزم بشرع ربنا من غير تألي على الله،ربنا أكرمنا ليه بسبب التعليقات المريضه غير المسلمين خدوا فكره عن إن المرأه في الإسلام مهانه وبيستشهدوا بكلام الناس المريضه،ليه الشباب ميتفقهوش في الدين ويفهموه صح بدل ما بيفسروا على مزاجهم
وليه البنات ميشوفوش ربنا أمرهم ب ايه ويطبقوه 
احنا مش طالبين غير إن شرع ربنا يتنفذ نعمل بأوامره ونواهيه 
نعمل بشرع ربنا كما أنزل مش زي ما احنا عاوزين نفسره على مزاجنا
نشوف كلام علماء الدين في الفقه الإسلامي ونتفقه في دينا وكل طرف يعرف اللي ليه واللي عليه 
أنا بقيت خايفه من فكرة الزواج مع إني كل اللي كنت نفسي فيه إني أعمل أسره هاديه لطيفه ودافيه كل واحد يعامل فيها التاني بشرع ربنا وبس لا زياده ولا أقل هو شرع ربنا علشان ربنا مظلمش حد فينا 
ليه الرجاله معظمهم دلوقتي ببحسسونا إننا عبيد أو إننا على الهامش مينفعش نحس مينفعش نتنفس ومينفعش نعترض على إهانه أو ضرب
وليه البنات معظمهم دلوقتي بيسهلوا فكرة النشوز وإن المرأه تعمل ما بدى لها حتى لو حرام 
ليه الطرفين مش ملزمين بتطبيق شرع ربنا في المعامله مع بعض !
ليه وصلنا لكل ده نفسيتي تعبت م اللي بشوفه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Carrot_74050 🇪🇬

منذ أسبوعين

شعور Bad 😞

عبّر عن شعورك بشكل مجهول

صتي طويله شويه.. هو انسان مغامر وانا تقليديه جداً..
انا عرفته من ١٤ سنه ، من اديان مختلفه..كنا في بدايه مشوارنا المهني..اول ما شوفته اتخطفت وهو كذلك..ابوه كان متوفي من وهو صغير ومامته كانت مريضه.. مره ف مره حبينا بعض واتعلقت بيه جداً.. كان اول مره احب ف حياتي.. هو كان طبعاً غيري.. بيصاحب من ابتدائي تقريباً وانا شخصيه مجربتش اي حاجه ف حياتي خارجه عن المألوف،كنت منبهره بيه وبشخصيته ومغامراته، وهو كان منبهر بالبراءه والتخلف اللي عندي.كان بيمر بظروف انسانيه و ماليه كتير زي ان  كان عليه ديون ومصاريف البيت وهكذا،قررت اقف جنبه واساعده معنوياً و مادياً.. وقالي بحبك. قضيت معاه احلي سنتين..بس كنا عارفين ان انا مش لبعض ..وكان طبعاً بيعرف بنات عليا عادي ويسيبني ويرجع عادي..فضلنا كده فتره كبيره يسيب ويرجع يلاقيني زي ما انا منبهره، كل مره كنت بنهار واكتئب،قعدنا مع بعض قالي لازم حل.. خوفت وقتها امشي واسيب اهلي قلتله شوف حياتك.. لحد ما استقر ف وظيفه كويسه راح خطب وقالي بس ٦ شهور وفسخ الخطوبه وساب شغله قعد ف البيت فتره وانا اللي شايله وبعدين راح شغل تاني استقر فيه الي حداً ما.. كنا بنتكلم عادي يعني كل فتره كأصحاب. قالي انه هيخطب مره تانيه.. قعد سنه ونص معاها  و قالي افضل بلاش نتكلم بطلب منه بس المشكله ان اهلها رفضوه لما اتقدملها، وبعدها فضل مكمل مع البنت بدون علم ابوها . بس للأسف عمل حاجه غلط واترفد.. ومن هنا ابتدي يضيع ويدخل ف ازمات وخطيبته سابته وسافرت ورجع يكلمني وانا اللي جيت ادعم واسند..تقريباً من ٢٠١٧ العلاقه اخدت منحني مختلف خالص، مكانش حد معاه غيري.. ولا حتي اخته ولا اصحابه مفييش.. ابتدينا نقرب جداً من بعض بعدها جت كورونا وهو اتعدي وانا كنت برعاه..وانا اتعديت كان هيتجنن. ٧ سنين تقريباً كنا اقرب اتنين لبعض، حبيبي وصديقي.. كنت مبخليهوش عايز حاجه.. بهتم بيه جداً و اشيله ف عنيا..يحب يعمل مشاريع اساهم فيها.. يحب يسافر اساعد باللي اقدر عليه.. قالي كتير انا مش ممكن هسيبك واحنا مع بعض.. طلب مني  اسيب اهلي هنا ف مصر بس كان صعب عليا اعمل كده وانا هنا و عشان كمان وضعنا المادي، كذا مره محاولاته في الشغل تفشل .. طبعاً كان فيه خناقات كتير ف الاخر لاني ابتديت انضغط من الوضع ككل (معنوياً ومادياً) وكتير نتخانق ونسيب ونرجع.. خصوصاً اخر سنتين…وهو كان عصبي وبيغلط.. لما يغير عليا يغلط فيا وابتدي حتي ميحبش يخرج وممكن يقعد شهرين منشوفش بعض..لحد من فتره بسيطه جداً سافر بره بس حسيته انه اتغير هناك..كلامه ابتدي  يقل شويه بشويه .. ابتدي يبقي بعيد…اتخانقنا كالعاده.. قالي عايز اركز واعمل مستقبل.. ولما اكون جاهز للجواز هكلمك.. بس انا مقدرتش استني خوفت ينساني فرفضت…وطبعاً ف الوقت ده اخته كانت ابتدت تظهر، قالي يبقي لازم اهلك يعرفوا عشان مينفعش اخدك منهم ولو حصل حاجه بينا هوديكي فين؟! لازم يوافقوا…ولازم يشوفوني راجل…اتفقنا انه يكلمهم وبالفعل حصل بعد مكالمه مدتها ٣٠ ثانيه بس، طبعاً اترفض بس يعني بأدب من غير اي تجريح منهم..بعدها قالي انا شايف ان كده كفايه ولازم نمشي كل واحد من سكه..فضلنا نتكلم بعدها كام يوم بس كنت حاسه انه مش مرتاح او بيتكلم غصب وكل شويه يقولي زهقت من الوضع ده وهو "حقه يعني مأنكرتش" انا يعني معرفتش اعمل ايه وقتها..قولتله خلاص امشي وركز علي حياتك ومستقبلك بس كان نفسي يحاول شويه عشاني يعني مش مجرد مكالمه تليفون.. حتي لما سبنا بعض كان علي الشات. بعدها بيومين بس وبعد ما  الدنيا عندي هديت لان اهلي كانوا متدايقين مني جداً مع ذلك قالولي اعملي اللي انتي عايزاه بس موافقتنا مش هتاخديها.  بعتله كتير  وحاولت ارجعه واقوله اني هسيب اهلي هنا واروحله ونتجوز مدني، مرضيش قالي مينفعش دي مسئوليه انا مش قدها… انا مش عايز التضحيات دي.. قولتله انا كبيره وهتحمل تبعات قراري قالي لا انا عايز واحده طبيعيه معندهاش كل المشاكل والتعقيدات دي.. قالي انه خايف عليا يجراله حاجه واني ابقي لوحدي خالص..مع ان انا كده كده بسافر وبروح واجي واشتغل وبعتمد علي نفسي حقيقي كنت هلاقي سكه لو حصل حاجه يعني..قالي عايز عياله يبقوا ليهم اهل ويتربوا علي الصلاه رغم ان انا اللي كنت بتخانق معاه لما يفطر ف رمضان او يفوّت فرض. قال ان هو مكانش عايز يكمل بقاله ٣ سنين.. بس كان خايف علي زعلي وقتها..،وان هو ما صدق يحكم عقله..طبعاً طريقه كلامه معايا مكانش احسن حاجه ولا كانت طيبه زي ما متعوده منه..اكيد هو كمان كان مكسور زيي بظبط وانا مقدره، بس انا يعني معرفتش غيره عمري كله و محبتش غيره.. وحاسه اني ملامحي كبرت من بعده وكل حاجه بقيت حزينه..محدش مقدر ولا عارف ازاي انا مكسوره.. روحت لدكتور من كتر الزعل قالي لازم تنسيه وانا مش عارفه.. حقيقي الموضوع صعب..وانا متلخبطه يعني مش عارفه هو ليه موافقش هل هو فعلاً خايف من المسئوليه ولا هو مش جاهز يتجوز ولا هو مش عايزني انا؟!!. مجرد التفكير ف الموضوع مهلك وبينا زكريااااات كتير صعب تتنسي وف نفس الوقت انا مش صغيره والتوقيت مش افضل حاجه،،وحاسه اني هعيش كده خلاص. بقالنا سنه سايبين بعض لكن بيطمن عليا كل فتره.
الفكره دلوقتي صاحبه راحله زياره ( ابن خاله خطيبته التانيه اللي سافرت وسابته) رجع يعرفني انه خلاص هيتجوزها وانا مش قادره استوعب الصدمه.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cherry_59421 🇪🇬

منذ شهر واحد

شعور مهتم

هو فعلا ممكن لما اتجوز اتطلق او جوزي يكرهني بسبب لون الأماكن الغامق؟ لاني سمعت وقريت قصص كتير عن كدا وخايفة اوي ومع اني فعلا بهتم كويس جدا بنضافتي الشخصية بس حاسة اني مستحقش اتحب بسبب الموضوع دا حرفيا وعشان كدا رافضة الجواز

Carrot_67634 🇪🇬 مفيش الكلام دا، القصص دي قصص ناس مش ناضجة هو متجوز عشان اسف في الكلمة الحنs بس؟ أكيد لأ. والاماكن دي الطبيعي بتكون أغمق من البشرة بدرجة أو 2 وليها كريمات تفتيح عادي بس بتفتح للون الطبيعي مش بتخليها بتلمع يعني بتفتح لو حصل غمقان بسبب احتكاك اللبس أو ليزر أو أي حاجة لما تختاري زوج ليكي شوفي اللي عنده أخلاق ودين و بيصلي وبيبر بأهله ... مش أي حد وخلاص ولو عايزة اقولك

عرض الكل 15 نصيحة

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

عبّر عن شعورك بشكل مجهول

عندي ٣ مشاكل للاسف شبه مدمرين حياتي ...

🚫كنت منزلها واتمسحت معرفش ليه.. حبيت اقول علشان القراء ورد ميتعبش نفسه ويقرا تاني ...!!🚫

اول مشكله..!!
انا مدخن VAPE  بس الاول كنت بشرب سجاير او شيشه (معسل)  بالنسبه للسجاير علبه ف يوم واحد واحيانا مكانتش بتكمل اليوم
بالنسبه للشيشه(معسل) كنت بشرب مش اقل من ٤ ل ٨ حجره في اليوم 
بطلت كل ده وبقيت بشرب vape وبس وبعدت عن كل ده .. طب نوع اللكويد ايه بريميوم سولت نيكوتين50%..

طب هل بعاني من مشاكل صحيه بسبب التدخين ؟! الحمد لله لا 
طب اي مشكلتي ؟! مشكلتي اني حاليا بدور علي عروسه والاغلب بتبقي عايزه غير مدخن 
طب انا مدخن بقالي قد اي؟! تقريبا فوق ال ١٠ سنين

تاني مشكله..!!
ادمان العادة السريه 
مدمن للعاده السريه من وانا عندي ١٣ سنه للاسف ... كنت بعملها تقريبا ١٠ مرات ف اليوم وحاليا انا ٣٠ سنه (اعزب) وبعملها مرتين او ٣ مرات بالكتير  والسبب مش بس الفراغ لان حتي لو مشغول ومروح مقتول من الشغل وطالبه معايا اعملها بدخل اعملها واخد دش واطلع انام.. تعبت منها وزهقت غير كده حياتي مش احسن حاجه وانا عارف ان للاسف ممكن تكون لاسباب كتير بس السبب الرئيسي هو الذنب ده (ذنوب الخلوات) بحاول اقرب من ربنا مع العلم انا لغاية ما دخلت اولي ثانوي كنت بصلي الفرض بفرضه في الجامع وفي الصف الاول وكنت بأذن وسعات بصلي بالناس .. بس للاسف والدي افتكر اني هبقي من المتشددين ودعي وقالي انا دعيت ان ربنا يبعدك عن الطريق ده لان كنت بحرم الحرام ومفيش اغاني ولا مسلسلات وعري والكلام ده

ثالث مشكله..!! 
ربنا ابتلاني بظروف خاصه (تشوه خارجي في الوجه) 
الحمد لله مش معترض علي ده ولا كاره ده وعايش حياتي بشكل طبيعي ومش محتاج لاي حد ف اي حاجه ، طب فين المشكله؟!

هحكيلكم المشكله..!!وهيكون معاها حل لموضوع العادة السرية لاني جربته..!!
المشكله ان معنديش اصحاب لا اولاد ولا بنات ..!! 
مش عارف اشتغل شغل كويس في مكان كويس ..!! 
ديما بحس ان الناس بتتعاطف معايا ودي اكتر حاجه بكرها..!!

للاسف كل ما اكلم بنت وتشوف صورتي تعمل بلوك وتقول انت مشوه وانت معاق الا من رحم ربي نسبتهم قليله بس ف الاخر بيمشوا مفيش وحده استمرت والله اعلم اي السبب لان انا نفسي معرفش ..!!

للاسف برضوا كل ما اجي اصاحب حد (ولد) احس ان علشان مصلحه او في استفاده مني او علشان يعرف دخلياتي وخصوصياتي وانا مش بقول لحد حاجه عن حياتي وخصوصياتي انما حد يعرفني ويكون صاحبي للاسف ملقتش الشخص ده لحد دلوقتي..

للاسف برضوا حاليا انا بدور علي عروسه عن طريق خاطبه وجروبات علي النت وبرامج تواصل .. وكل ما حد يشوف صورتي الاقي كميه تعاطف رهيبه وكلام صعبانيات بشكل فظيع ورغم كل ده برضوا مفيش وحده قالت لي في عروسه ولو قالت بتبعت لها صوري وبتقولي رفضت .. !!

طب معلش هو الزيي يعمل اي يموت نفسه ولا يعمل اي ( لا شغل ولا جواز ولا اصحاب ) طب اي انا عايش ليه ...!! نيجي بقي للكارثه الاكبر .. كل الحواليا من قرايب ومعارف عن طريق الاهل فاكرين اني الشخص المفيش منه اتنين فلوس وعز والدنيا والعه معايا والكلام البيتقال ف ضهري وفي وشي قسما بالله يحرق الدم لان مش موجود اصلا .. اه وضعي المادي كويس والحمد لله علي ده بس البيتكلموا دول وضعهم المادي ضعف وضعي يمكن ١٠٠ مره شارين شقق في اماكن جديده ومحلات غير فيلا في الساحل ايجارها بس بمبلغ وقدره غير احدث عربيات واحدث موبايلات ف ايدهم .. بس هو الكحكه ف ايد اليتيم عجبه زي ما بيقولو

واخيرا الحمد لله علي كل الانا فيه انا متاكد ان في ناس اسواء مني بكتير ومتاكد وعارف ان ربنا لا يكلف نفسا الا وسعها بس انا تعبت من الحياه والناس والبيحصل ووضعي في وسط الناس دي

طيب نيجي مثلا لموضوع زي العادة السرية وعلاقتي بربنا ...
لاحظت كتير لما بيبقي في بنت ف حياتي وحاكي لها عن حجات كتير وعارفه وضعي اني بقلل او شبه مبعملش العادة السريه.. طيب وعلاقتي بربنا بتكون احسن بصلي مش بتكاسل وهي بتتابع معايا موضوع علاقتي بربنا ...

هتكلم عن حاجه اخيره وهي موضوع الجواز .. للاسف والدتي كلمت خاطبه عليا وشافت صورتي ولما شافتها قالت لها الاحسن تشوفي له وحده عندها اعاقة علشان يبقو هم الاثنين متساوين ومتجيش تعايره بعد كده وللاسف كمان والدتي مقتنعه بالكلام وجايه تقولهولي .. طبعا انا اتخانقت معاها وحصلت مشكله وصوتنا بقي عالي علي بعض وكان ردي عليها دي وحده معاقه وتفكيرها معاق انتي ازاي جايه تقوليلي كلام اهبل زي ده ومقتنعه بيه ومصدقاه انا مش هتجوز وحده عندها اعاقه لا ظاهره ولا حتي مش ظاهره مش معني كده اني رافض المشكله العندي او معترض علي خلقة ربنا لا بالعكس بدليل انها قبل كده جابت لي عروسه وعندها اعاقه مركبه عين زجاج وانا وافقت بس لما يبقي الكلام بالتجريح ده طبيعي ارفض المبداء من الاساس ووالدتي قالت لي مفيش وحده هتقبل بيك الا قلبل جدا ودور بقي انت وهات وحده ..

وللأسف انا لا في شغلي في بنات ولا بقابل او بحتك ببنات باي شكل من الاشكال ونفسي فعلا الاقي بنت ترضي بظروفي واقولهم اهي موافقه يلا نروح لأهلها..   كل المواضيع دي تعبتني جدا واذتني نفسيا وللاسف هم مش حاسين او شايفين انه عادي

واسف جدا طولت بس حبيت افضفض

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Banana_40578 🇪🇬

منذ شهر واحد

شعور محبط

عندى٢١ سنه لسه متخرجه من شهر تقريبا او اقل بترعب من فكره الزواج مش عايزه حد يدخل فحياتى معنديش بجد ثقه ف اى واحد ولا بصدق حد خالص غصب عنى بس المووضوع بقا جوايا ابويا ضاغط عليا جدا جدا عمال يجبلى عرسان ويضايق لما برفض ويفضل يكرهنى فشكلى ويخوفنى من مستقبلى محدش هيجيلك محدش هيبصلك هتكبرى وانا والله شكل

Strawberry_29889 🇪🇬 انا زيك بالظبط بجد ومش لاقيه حل مهما اسمع ف الموضوع مش لاقيه حل وعارفه انا كارهه الموضوع ليه بسبب كذا حاجه حصلتلي بجد أنا مش لاقيه حل لدا ومفيش حد بيصدقني ربنا يعينا بجد ويبعد عني وعنك كل شر ويختار ليكي كل الخير يارب ويراضيكي ويصلح حالك وحالي 💔

عرض الكل 5 نصيحة

Potato_63938 🇪🇬

منذ شهر واحد

شعور محبط

انا اتقدمت لأكتر من واحده ودايما الموضوع بيتقابل بالرفض معرفش ليه انا الحمدلله ملتزم وبصلي الوقت بوقته وشغال في وظيفة كويسة وعندي دخل ثابت وتعليمي كويس بس اتقدمت لتلاتة والموضوع بيتقابل بالرفض بقيت حاسس بقلة ثقة في النفس رهيبة مع ان شكلي كويس الحمدلله بس مش عارف المشكلة فين

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Banana_49850 🇪🇬

منذ شهرين

شعور متعب

عبّر عن شعورك بشكل مجهول

انا حبيت قريبتي من واحنا اطفال واحنا بنحب بعض لما كبيرنا هيا راحت في طريق وانا في طريق بس كنت لسه بحبها وهيا عارفه وكنت دايما اخرج معاها لو مخنوقه اجعلها اي حاجه تطلبها اروح اجيبها من الدروس ايام الدروس بتاعت الثانوي وهيا ال كانت بتطلب كل دا كنت فاكر بتطلب مني دا كلو عشان بتحبني في جيت اتقدمتلها رفضتني وقالت لا احنا اخوات الكلام دا من سنه طبعا انا زعلت وعاتبتها طب لي كنا بنخرج لي بنتكلم بالساعات لي في اي مشوار بتخديني انا والمهم الموضوع خلص وعملنا بلوكات لبعض وبعدنا وبعد فتره اتكلمنا واتعبنا والموضوع خلص جيت من اسبوع جالها عريس هيا في تانيه كليه هو لسه مخلص كليه ومعندوش شقه مش شغال لسه هيدخل الجيش ف انا لقيت انو ميستهلهاش وانا احسن منو في حاجات كتير كليه اعلي وشقتي خلصانه وشغال ومرتبي الحمدلله حلو جدا ف روحت لخالتي وتبقا خالتها واتكلمت معاها في الموضوع تاني وقالتلي انها قالتلها نفس الكلام وهيا اقتنعت وموافقه عليا والدنيا تمام جيت تاني يوم لقيتها بعتالي بتقولي احنا اخوات واقفل علي الموضوع دا بصراحه زعلت جدا وكلمت خالتي افهم ف اي قالتلي بصراحه هيا كانت خايفه من أسلوب ابوك عشان ابويا من الناس القديمه ال بتزعل دايما واخويا الكبير طالعلو ودايما بيشد مع مراتو في الكلام وبيزعقو بس يوم ما البنت وفقت عليا اخويا مسك مراتو ضاربها في هيا خافت ان يجي عليا يوم ابقا زيو مع انها عارفه ومتاكده قد اي انا بكره ان واحد يضرب مراتو واني بحبها وعمري ما اعمل حاجه زي دي بس هيا اتقفلت وبصراحه حقها مقدرش ألومها بس انا بردو قلبي وجعني اوي علشان خسرتها وخدتني بذنب ابويا واخويا حاجه انا مفروض عليها ومش هعرف اغيرهم لو عيب فيا كنت غيرتو وبصراحه انا عندي اخ بردو كل مابيتقدم لواحده بيرفضوه بسبب اخويا وابويا بس دي بتبقا ناس غريبه وحقهم لكن دي عارفاني وحفظااني لي تعمل كدا وتكسر قلبي انا بصراحه مستحملتش زعقت ابويا واخويا وحسيت ان هما السبب في ال بيحصلي وقررت اقعد في شقه لوحدي وعملت كدا فعلا وغيرت ارقامي وقفلت كل حاجه سوشيال ميديا وقبل ما اقفل بعتلها عاتبتها انها رفضتني علي سبب انا مليش ذنب فيه وقفلت كل حاجه هل انا صح ولا غلط واعمل اي عشان اعرف ااقرب منها ولا ابعد احسن مبقتش عارف حاجه ودماغي فيها ألف حاجه ياريت تنصحوني فعلا لاني محتاج النصيحه اوي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Tofu_57324 🇪🇬

منذ شهرين

شعور مكسور القلب

Corn_60822 🇪🇬 💔 أولاً: اللي بيحصل ده اسمه زواج بالإكراه وده شيء لا إنساني ولا ديني، ولا حتى فيه أي رحمة. الشرع نفسه بيقول: "لا يُنكح البكر حتى تُستأذن" وسيدنا النبي ﷺ قال إن الست اللي اتجوزت غصب عن إرادتها من غير رضاها، له حقها إنها ترفض وتتطلق.

عرض الكل 7 نصيحة

عبّر عن شعورك بشكل مجهول

احنا 7بنات وولدين، عندي 21 سنة، عايشين في أرياف، لكن مش مولودة ومتربية فيه إحنا نزلنا مصر بقالنا تقريبا 5 سنين، والدي ووالدتي بيجوزوني واحد غصب عني، أنا م متقبلاه شكلا ولا شخصية ولا حتى ف التفكير، وهو حالته المادية مش كويسة، يعني هما مش شايفين انه عريس ميترفضش، بالعكس لما بيقعدو ويتكلمو من ورايا بيقولو انه شخص مش مناسب لكن هما عايزين يجوزوني عشان أنا كبرت واتخرجت من الكلية ومتجوزتش لحد دلوقتي، ولما جات لحظة الاتفاق قالوله إحنا مش عايزين حاجة ولو عايز تجيب دبلة ومحبس ماشي ولو مش عايز تمام، وهو جه مرتين وكل مرة كان يجي ويمشي ووالدي يبعتله الموافقة وهو يتأخر في الرد علينا اسبوع أو اسبوع وشوية، وكانت اخته قعدت مع واحدة صاحبة اختي، فصاحبة اختي بتقول لاخته انتو رايحين تتقدمو لدي ازاي دا متعلمة وحلوة هترفضكو، ف اخته ردت عليها قالتلها يحبيبتي دا اخويا راحلها عشان ابويا ضغط عليه دا خالتها هي الي جتلنا وقعدت تتحايل علينا وتقول والنبي تعالو لبنت اختي عشان محدش بيجيلها وابوها راجل تعبان ومش قادر يربيهم وامهم زي ما انتو شايفين، والمفروض ان هو جاي بكرا، أنا اتكلمت كتير واتخانقت كتير ومحدش بيسمعلي، أنا حاسة ان أنا رخيصة أوي وم عارفة أعمل إيه عشان أنا مش عيزاه والله

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_58142 🇺🇸

منذ شهرين

شعور ضائع

عبّر عن شعورك بشكل مجهول

احيانا بقول يابخت الناس البسيطه فى الجواز.. بمعنى مش بتفكر كتير.. شخص مناسب مديا واجتماعيا وشكليا اه او لا مش هتفرق المهم يعرف يفتح بيت ومش مهم احبه ولا لا المهم مش بكرهه والدنيا بتمشى ويتجوزوا.. لكن انا حرفيا بجلد نفسى مش عايزه مواصفات مستحمله مثلا ولا حد من غير عيوب زى ما الناس بتفترض لما مش برضى اوضح سبب رفضى او مش برضى اقول مواصفات.. لان ببساطه الموضوع مش مواصفات  ومش هيفهموا لو اتكلمت الموضوع انى شخص عقلانى وواقعى جدااا عارف الجواز مسؤوليه عامله ازاى وان الحياه مش سهله وبردو شخص حساس وميكس الواقعيه والحساسيه متعب بجد. انا عايزه حد احس انه هيخلينى استحمل قرف الحياه والمسؤوليه حد اختارنى انا وهو أصلا مكنش ف دماغه الجواز وخلاص مش حد عايز اى عروسه لأى غرض بقه عيال ولا تخدمه ولا حتى يعف نفسه ولااستقرار. لان الجواز اصلا مش استقرار انت كل يوم مفاجأه جديده هوب شخص غريب معاك عقبال ماتتأقلم هوب عيال لسه هتفوق هب مدارس وهب هب كتير بقه لحد مانموت.. فلازم حد يخليك قادر تستحمل كل ده مش يبقى هو كمان ضغط عليك. الموضوع يخنق لانها مش مواصفات اقدر اقللها ولا اتنازل عنها انا مش عارفه هتيجى ازاى واحساس الوحده مقرف من غير حاجه مع ضغط الناس المحيطه بقه مخلينى بتمنى الموت كل دقيقه عشان انا مش ناقصه حد يضغطنى زياده أنا اصلا مضغوطه نفسيا وعاطفيا وعقليا وكله من نفسى..ورغم انى مفهمه الكل انى مش عايزه اتجوز اصلا عشان محدش يجتهد ويجيب عرسان لان زى ما قولت عايزه حد شافنى اختارنى ومع ذلك مش راحمين نفسهم بس ع الاقل مش بسمح بنظرة شفقه انى بكبر ولسه .بالعكس انا اللى ببصلهم باحتقار وقد ايه هم حشريين وانا مش عايزه وهم اغبيه. انا طولت انا عارفه بس انا بفضفض عشان مش بعرف اتكلم مع حد ف الموضوع ده فلو حد كمل لهنا اسفه موضوع مش مهم انا عارفه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_59100 🇪🇬

منذ شهرين

شعور مكسور القلب

انا عندي مشكله منغصة عليا حياتي اهلي خطبوني لشخص غصب عني وانا مش متقبلاه وعايزين يحوزوني ويتمو الخطوبة غصب عني حاولت بكل الطرق الممكنة معاهم وناس كلمتهم واني اصد الشخص نفسه واقوله ومفيش اي جدوي اهلي بيتحكمو في كل حاجه تخصني مع اني دكتورة وهما تعليم عالي برضو اهلي متحكمين حتي أخلف أمتي. او أغمل تأجيل

Cookies_58332 🇪🇬

منذ شهرين

شعور مرتبك

موضوع:

ايه السر اللي عمرك ما طلعته لحد؟!

أني مش عايزه اتجوز ابدا وعايزه اعيش برا البيت لوحدي و يعني هشتغل واخد شقه ايجار مش مهم أهلي و المجتمع هيتقبلو دا ولا لا وكمان انا مش بهتم بالناس ابدا بجد عمري محسيت بالزعل مثلا لما اشوف حد بيتألم ومكسور او حتى بتأثر اصلا ودا مدايقني يعني صحابي كلهم يكونو بيعيطو وانا بقعد اتريق عليهم كنت فاكره ان دا

Apple_58658 🇪🇬 افتكر ال انتي فيه عادي اتربيتي ف بيئه محدش بيعبر عن مشاعرو فيها بشكل صح ف طلعتي مش عارفه توريهم حبك ليهم بشكل ال هما عايزينه بس ايه علاقه ده ب انك تقعدي لوحدك أو الجواز حتى

عرض الكل 22 نصيحة

Cookies_58401 🇪🇬

منذ شهرين

شعور متوتر

Pistachio_56152 🇪🇬 بصي كل حاجه وليها حكمه ... اكيد هتعرفي حكمه ربنا من الي حصل في يوم من الايام

عرض الكل 4 نصيحة

عبّر عن شعورك بشكل مجهول

انا بتمنا لو حد يرد م عارف المفروض يتقلي اي بس اي نصيحه متخلنيش افكر ف كل ده طول الوقت 
انا عندي 22 سنه المفروض دفعتي بتتخرج اسنادي بس انا متاخره سنتين سنه بسبب ان ولدتي تعبت و ممتحنتش و سنه بسبب اهملي او يمكن ان مبقاش فيا طافه لان مليش صحاب ف الجامعه و ف حالي خالص حتا صحابي من الطفوله اتفرقنا و مليش حد خالص و الموضوع تعبني نفسيا و انا زي زي اي بنت حلمي اكون حياتي و عيله و ابعد عن اهلي و عن كم الازه الي عايشه انا كل ميجي حد كنت برفض دلوقتي اهلي الي بيرفضو معا انهم هما الي بيتخانقو معايا ان الي ف سني اتجوزو و خلفو انا فعلا لما بشوف صحابي متجوزين و شيلين عيالهم بفرح اووي و بتمنا من ربنا الزريا الصلحه نفسي ابقا زي اي بنت اتجوز و يبقالي عيله بس كل ميجي حد اعلي يرفضو من غير ما ياخدو راي زي مكون دي حياتهم هما الموضوع تعبني و اصلا اخر فتره من كتر ما بيرفضو وصلي كلام من برا ان لما حد بيسال الجيران بيقلولو اهلها م هيفقو ابعد من دلوقتي و كلام كتير و م لقيه مبررر ل كدا و مسكين ف حتت لما تخلص دراسه و اصلا انا مبقاش فيا شغف اكمل تعليم عايزه اقعد تعبت لان لوحدي ف كل حاجه و طول الوقت لوحدي و شغاله اه شغلي من البيت بس انا شغاله و انا الي بطبخ و بكنس و بمسح و بعمل كل حاجه لوحدي كانو بيتي لاني بنت واحيده وولدتي تعبانه و معنديش مشكله بس المسؤليات زادتت عليا و خلاص تعبت مبقتش مستحمله بجد

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_53810 🇪🇬

منذ 3 أشهر

شعور محبط

اعمل فى فكرة انى مش عايزة اتجوز و اهلى بيضغطو عليا اقابل عرسان و انا مبقتش قادرة اشوف حد و بقيت رافضة فكرة الجواز دى خالص

Avocado_51186 🇧🇭 طيب اقعدي مع اهلك وحاولي توضحي سبب رفضك لفكرة الجواز ايه.. هل مثلا سنك صغير ومش مؤهلة للجواز حاليا او بتدرسي مثلا ومحتاجه وقت لحد ماتخلصي او اياً كان السبب لازم يفهموا سبب رفضك لان اكيد الرفض من غير سبب مش صح .. وربنا يصلحك الحال ويوفقك يارب

عرض الكل 3 نصيحة

Blueberry_69403 🇪🇬

بدور على ناس مثقفة تفيكري أتكلم معاها

زهقانه عادي مفيش حاليا في حياتي اي احدث الحمدلله بس انا حاليا بميل جداااا للناس المثقفه وخصوصاً البنات المثقفين اللي المتحدثين معتش بطيق اتفرج ع اي فيد ل اي رجل بجد حتي معتش موجود اوبشن اني اديهم فرصه واسمعهم بقلب ع طول المهم اني بجد محتاجه ناس في حياتي من اللي بتحب تتفرج ع أفلام وثائقية وافلم فيه أفكار وكدا و تنتقدو وتتناقش فيه و دا لي عامل كدا ودا لي عامل كدا أو نبعت لبعض فيد لشخصيه ما بتتكلم بكلام حلو او تنتاقش قد اي الحاجه دي بتأثر ع اللاوعي وبجد أنا بقيت فيمنست مؤخرا وبجد مفتخره جدااا اني بقيت كدا والله لان أنا من فتره كنت بقول أنا مش فيمنست وبتع وازعق جامد كأنها شتمه بس لا الست ل الست بجد و بحب اي حاجه قديمه بموت في أي حاجه قديمه بجدددد بحس اني بحب العجويز جداا وبحب صمتهم وأنهم عاشوا كتير وان هما خلاص عملوا كل حاجه بجد بروح اتلزق فيهم اين كان عوزه حد شبه تفيكري اتكلم معه شويه ...عرض المزيد

1 الدعم

17 نصيحة

Avocado_63863 🇪🇬

ازاي أبدأ صفحة جديدة مع نفسي وأطور من ذاتي؟

ازاي إبداء من الاول وجديد وابداء صفحه جديده مع نفسي طيب ازاي أطور من نفسي في كل حاجه في عقلي في نفسي في اني ابقا محاسبه قانونيه لنفسي انسانه هتبداء من اول وجديد ومش هتشوف غير نفسها قبل اي حاجه ...عرض المزيد

2 الدعم

16 نصيحة

Nutella_67912 🇪🇬

عندي maladaptive daydreaming ودماغي مش بتيجي

عندي حاجه اسمها maladaptive daydreaming أن انا طول الوقت فيه سيناريوهات و حاجات خياليه انا بفكر فيها يعني مثلا انا في روايه و انا البطله و انا في مسلسل و ليا دور كدا يعني و بقالي ٥ سنين على نفس الحاله دماغي مش بتفضى انا ممكن اقعد بال٨ أو ٩ ساعات بفكر بس في السيناريوهات و انا بعمل حاجاتي يعني مثلا حد اداني مياه أتخيل أن حد تاني بيدهالي و انا بشرب مشروب تاني و الموضوع بيزيد لما بسمع أو اتفرج على فيلم او اسمع اغنيه انا بحبها و الموضوع وصل لمامتي و قالت هوديكي ثيرابيست في نص السنه و انا مش عايزه الموضوع يوصل لثيرابيست ( لما ابطل تفكير في السيناريوهات بحس مخنقه و ستريس رهيب ) ...عرض المزيد

4 الدعم

12 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع