راجل صادق

Marshmallow_69067 🇪🇬

منذ 3 أسابيع

شعور سعيد

موضوع:

تجربتك مع تأخر الزواج

حلمي طول عمرى انا اتجوز حد اكون مقتنعة بيه بعقلي وقلبي وكل كياني.. مهما الوقت طال او الناس قالولى انه مش موجود انا مصدقة انه موجود مش هخسر فرصتي انا اقابله بانى اتجوز اي حد وخلاص لمجرد انه مناسب اجتماعيا مش هخسر حلمى في انى اتحب بجد عشان انا انا..انه يحب روحى وشخصيتى وملامحى طريقة كلامى وضحكى حتى

Pineapple_69990 🇪🇬 ربنا يبعتلك زرق جميل زيك ويفرح قلبك يارب

عرض الكل 7 نصيحة

عبّر عن شعورك بشكل مجهول

حلمي طول عمرى انا اتجوز حد اكون مقتنعة بيه بعقلي وقلبي وكل كياني..

مهما الوقت طال او الناس قالولى انه مش موجود انا مصدقة انه موجود مش هخسر فرصتي انا اقابله بانى اتجوز اي حد وخلاص لمجرد انه مناسب اجتماعيا

مش هخسر حلمى في انى اتحب بجد عشان انا انا..انه يحب روحى وشخصيتى وملامحى طريقة كلامى وضحكى حتى زعلى حد يبقى شايفنى معجزة فرصة مستحيل يفوتها

حد يكون فخور اني في حياته وكأنى معجزة ..احس بحمايته ليا واشوف خوفه عليا في نظرة عنيه

انى اكون مع راجل بمعنى الكلمة راجل صادق بيراقب ربنا في تصرفاته.. حد اكتفي بيه عن الدنيا يكون هو السند والامان بعد الله

الانسان مش بيختار علاقات كتير في حياته علاقة الزواج يمكن تكون العلاقة الوحيدة الي بتختارها وبتختار تكون مع مين وشكل حياتك هتكون ازاي

مش هتنازل عن انى اكون مع راجل بيحب يسمعنى بيحب يراضيني 
راجل مثقف بيحب المناقشة يبقى صاحبي ونقعد نتكلم مع بعض في كل حاجة

راجل يكون مليان حب يكون الضل الي بيضلل على بيتنا من اى حاجة وحشة تكة مفتاحه في الباب تكون هى الامان

راجل بيحب يبذل عشانى بالكلام والافعال يكون شارينى بكل كيانه ومش عايز غيري في الدنيا

انا عايزة اخلف اطفال سعيدة يحسوا انهم محظوظين بابوهم وامهم وانهم لو كان في اديهم يختاروا كانوا اختارونا مش عايزة اجيب للدنيا اطفال تعيسة واعايرهم وابتزهم بفكرة انى مكملة في الجوازة دى عشانهم او ان احنا الاتنين مكملين بس عشانهم

انا عايزة اكون ام سعيدة ولادى يحسوا انهم محظوظين بيا وباباهم نديهم كل الحب نشبعهم حب لاننا شبعنابعض حب

بحلم ببيت دافى الوانه هداية مفهوش تفاصيل كتير الشمس تملاه نور ويكون في كل اركانه زرع اخضر بيت مليان ضحك ودوشة لطيفة وريحة اكل حلو وحلويات

لما العمر يعدى ونعجز انا وهو ونبص ورانا نكون ممتنين لكل لحظة عشانها سوا ومش ندمانين ابدا حتى الاخطاء الي وقعنا فيها ممتنين ليها

يكون عكازي واكون عكازة من الدنيا 
انا مستنية اختيار ربنا ليا الاختيار الى مش هندم اكون معاه في الدنيا والاخرة

Apple_72583 🇪🇬

هل ذكر السر بدون اسم الشخص يعد إفشاء؟

كان عنديا سؤال هو لو حد قلك سر وطلب منك مساعدته يعني تقوله نصيحه مثلا وانت تعرف ناس ممكن تقولها الموضوع بدون ذكر اسم الشخص وتقولك نصيحه افضل للشخص هل دا اسمه افشاء للسر؟ ولو انتوا وصحابك بتتكلموا ف موضوع وانت قولت السر دا برصو بدون ذكر اسم الشكر كمثال انت تعرفه برضه حصل شبه الموضوع اللي بتتكلموا فيه كنوع من النقاش او النصيحه او الموعظه او عايز تستفر ع حاجه مثلا فعموما عايزه اعرف هل ذكر السر بدون اسم الشخص اسمه افشاء للسر بتمني اللي يرد يكون متأكد من اجابته وشكرا مقدما ...عرض المزيد

0 الدعم

2 نصيحة

Popcorn_53178 🇪🇬

ليه صحابي بيتفقو عليا ومش بيحبوني؟

هو انا ليه حاسس ان كل اللي حوليا مش بيحبوني؟ ليه دايما بحسهم بيتفقو عليا من كلامهم سوا او ف لعبه ويلعبو سوا عليا مثلا وكذا حاجة الاقيهم مع بعض عليا لكن غير كدا بيمشو معايا وكل حاجه؟ ليه دايما بيتفقو ف الكلام عليا حتى ف الهزار بيجو عليا سوا؟ ليه علاقتي بصحابي مش بتدوم ودايما بتخانق معاهم واختار صحاب غلط بياذوني؟ ...عرض المزيد

2 الدعم

2 نصيحة

Ice Cream_74830 🇪🇬

ازاي حد بيحبني ومشى من غير كلمه؟

كنت متعشمه في انسان علقني بيه و قال انه بحبني و بيوعدني انه عمره ما حيتخلى عني و انه حتعمل خطوات على الأرض لعلاقتنا تبقى رسميه و اعقدت شهرين و نص هي عمر العلاقه مستنيه اشوفه لاني مشفتوش اصلا هو قابل بابا الاول و كان الدور انه يقابلني عشان نكمل بس كان بيكفي بالتليفون و يعتذر اويحصل ظرف وفاه عنده كل مره يجي يقابلني فيها فاخر مره بعتله فويس و قلته لما تيجي تكلمني ناني تقول انا جنب بيتك اتا عايز اقابلك غير كدا متقوليش بحبك او اي عذر ناني و لو مش عايز قولي عشان متعشمنيش و تاذي مشاعر .مردش علي خالص و هو طول الوقت بيحلف و بيقول انه بيحبني و متمسك بي و انه مش صغير و قد كلمتهو قابلت والدك و انا راجل محترم .ازاي ميردش و يمشي من غير و لا كلمه مه العلم انه مش صغير و لا انا يعني هو ٥٢ سنه انا تعلقت به جدا و مش قادره اتعايش بحاول بس حسه اني خت صدمه ...عرض المزيد

1 الدعم

5 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع