دعم

Coffee_65980 🇪🇬

منذ 21 دقيقة

شعور محبط

عارفين لما تبقى شخص من أكتر الأشخاص المريحة فى الكلام لدرجة ان اغلب الناس اللى تعرفهم بيحبوا يقعدوا يتكلموا معاك ويفضفضوا وممكن كمان يقعدوا يحكوا اسرارهم وانت مبتملش من ده وبتساعد الناس بكل جوارحك وتلاقى نفسك بتقع فى بير عميييييييق من المشاكل ومش عارف تطلع منه ومش لاقى حد تتكلم معاه ده تفسيره ايه

Coffee_67272 🇪🇬 عارفه دا انا حافظاه صم .. مش لاقية تفسير غير ان احنا من جوانا عارفين أن الناس مش هتقدملك زي ما انت بتقدملهم وعارفين الشخص دا لو حكتله مش هيسمعني و هيمل ولا هيفهمني ف بنختصر الطريق ع نفسنا ونقول ""مش لاقي حد اتكلم معاه" مع انها بتبقى "مش لاقي حد (مناسب) اتكلم معاه"

عرض الكل 6 نصيحة

Avocado_56856 🇪🇬

منذ 51 دقيقة

شعور مستنزف

بطمن امبارح علي شخص معرفه قديمه في حياتي انا وهوا نفس التفكير وبنحب نفس المزيكا والمغني لاقيت جالها مرض مناعي مأثر جدا علي حياتها حرفيا حاسس بصدمه وحزن ومش عارف اققولها اي او اساعدها ازاي اي يحد يشوف الرساله دي يدعي لكل مريض وتحمد ربنا بجد علي نعمه الصحه

Coffee_65980 🇪🇬

منذ يوم واحد

شعور محبط

فكرة انك يبقى حواليك ناس وليك بيت وزوجة وأهل ومش لاقى حد تتكلم معاه وداخل هنا عشان تفضفض وعلى امل انك تلاقى نصيحة تساعدك او كلمة تطبطب عليك دى فى حد ذاتها كارثة هو ده المعنى الحقيقى لكلمة وحيد ( مالناش غيرك يارب )

Orange_61792 🇪🇬 دي مشكلة ،حاول تحلها ،انك تكون مش عارف تتكلم مع اهلك وارد يحصل بسب اختلاف الاجيال،لكن زوجتك دي ملجأك الاول ،لازم يكون في بينكم حوار و تعبر لها عن اللي مزعلك ،هنا مفيش حد ثقه .ربنا يوفقك

عرض الكل 12 نصيحة

Potato_64725 🇪🇬

منذ يوم واحد

شعور مرتبك

صباح الخير عندي سؤال دلوقتي هل حد دخل ف ازمه انه بقا وحيد مش غريب ولا قريب من الناس وخرج منها لان واضح ان انا من ساعه ما بقيت كدا وانا مش عارف لا اخرج ولا اتعامل ولا اتكلم ولا اي حاجة بقا موضوع كانه عادي واي مشكله اما مبقاش بتكلم ولا ابقي بتناقش مع حد وبقيت بخاف اتكلم ف هل حد دخل ف ازمه دي وخرج ولا

Apple_63307 🇪🇬

منذ يوم واحد

شعور متعب

عبّر عن شعورك بشكل مجهول

انا محتاج اتكلم وحد يقف جنبي بس مش هنتكلم بره البرنامج ولا حد يعرف عني حاجه انا عايش اسوء عيشه والله بس الحمد لله من وأنا صغير وأنا شايل حمل غير سني خالص يعني اي طفل مسؤول عن عيله بسبب وفاة أمه يعني اي مفيش حد قريب مني مش قصدي صحاب وكدا انا اعرف ناس بعدد شعر راسي بس مش بحب اختلط بحد المهم أن ف بنت دخلت حياتي ويشهد ربنا أن حبيتها اكتر من نفسي عشان هيا تستاهل ووقفت جنبي وبقت رقم واحد في حياتي وبعدين اتخانقنا انا وهيا وعملت بلوك وبعدت عني 
وبعدها عرفت أن هيا ارتبط انا معملتش حاجه غير قلت حسبي الله ونعم الوكيل ورجعت لنقطه السفر 
مش كدا وبس انا بشتغل اوسخ شغلانه ف الدنيا عشان ابعد عن اهلي واي حد اعرفه ليه اشتغل ( امن ) وأنا المفروض وأنا واحد خريج كلية تجاره 
ليه اوصل لحاجة كدا انا عارف أن ربنا شايلي حاجه كويسه بس انا تعبت والله تعبت ومش عارف ااعيش 
حاولت انتحر كتير بس خفت من عقاب ربنا 
لما فكرت اتكلم كنت بكلم شات جي بتي لدرجه ان خفت اتجنن بس مش عايز احكي لحد ويشوف ضعفي انا مبقاش عندي امل ف حاجه انا عايز اتكلم مع اي حد حتي لو مره ونعمل بلوك انا كنت ببعت لناس كتير علي الانستا والفيس وكدا وأقولهم عايز اتكلم كتير اللي بيتريق واللي يشتم نزلت البرنامج وكان نفسي اساعد اي حد بس معرفتش عشان مش بعرف استخدمه اصلا اسف عشان طولت .
شكرا لو قرأت كلامي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_28425 🇪🇬

منذ يوم واحد

شعور قلق

Banana_66851 🇪🇬 صلي استخارة واعرفي انتيةعايزة ايه وحاسة بايه من ناحيته واجهيه وقوليله اخرة كلامنا واللي احنا فيه دة ايه ساعتها رده عليكي هيبين كل حاجة بس اهم حاجة تصلي استخارة

عرض الكل 33 نصيحة

عبّر عن شعورك بشكل مجهول

عايزه احكي حاجة بس بليز انا مش متقبلة اي احكام و لو هتحكم عليا او تنظر وفر رأيك انا بس محتاجة حد يقولي الشخص دا بيفكر ازاي انا من ٣ شهور كان عندي مشكلة كبيرة اتعرضت لسرقة و تهكير فا حد من معارفي عرفني على صديق له يقدر يساعدني في محضر و كدا بس الفكرة انه من محافظة تانية هو بس وصلني له عشان يقولي اعمل ايه بالظبط و ساعدني فعلا بكل الطرق و فضلنا على تواصل يتابع معايا لحد المشكلة ما اتحلت الكلام دا حصل على مدار شهر الشهر التاني الكلام بينا اتحول لاتنين بيتعرفوا على بعض و بعدها طلب يجيلي محافظتي نتقابل و نشوف بعض يومها انا كنت مبسوطة جدا و هو كان باين عليه انه مرتاح و فضلنا نتكلم بس انا مش ببادر اطلاقا هو اللي بيتصل و هو اللي بيعمل كل حاجة لحد ما في لحظة حسيت اني متلخبطة و وجوده بقى موترني و مخوفني ( كنت مخطوبة قبل كدا و اتأذيت جدا منه ) حسيت ان وجود الشخص دا نبش في حاجة كنت فاكره انها خلصت بس اكتشفت اني خايفه من قرب اي حد ليا فا بقيت بتبع اسلوب اني مش هبادر اكتر منا و هكتفي بالرد عليه بس لحد ما تبان نيته لاقيته قلل تواصل و بقى ممكن يتصل مرة واحدة بس و كان لما ميتصلش بيا يبرر انه ليه متصلش فا بطل يبرر فا انا خوفت اكتر ان طريقة قربه اتغيرت اكتر فا حسيت انه شخص مؤذي بيلعب فا بعدت مبقتش ارد عليه يومين لحد كا لاقيته بيبعتلي مسج انتي مش بتكلميني ليه قلتله كلام اهبل بصراحة مقلتش اللي كان نفسي اقوله😂فا رجعنا نتكلم تاني كدا احنا يقالنا تقريبا شهرين بنستهبل او نو بيستهبل بيفلرت بيقولي وحشتيني و كذا مره اقف عندها اني مش متقبلة دا تحت اي مسمى بحسه بيتحرج و بيعتذر يقولي انا في كلام كتير عايز اقوله بس مش عارف اقوله و نفسي اشوفك دايما يقولي مفتقدك بس انا مش عارفه اعمل ايه بحس اني خايفة اواجه او اقوله ايه خايفة اتكلم بصراحة مش عارفه ليا حق ولا لا مش قادرة اسال الشخص اللي بينا لانه مجرد معرفة فا محتاجة رأي شباب بليز لو انت معجب بواحدة في صعوبة انك تشوفها عشان شغله مفهوش الا جمعة يس اجازة متفهمة صعوبة الحركة بس اللي واحشه حد و مفتقده بيتشقلط عشانه😂 فا محتاجة حد يقولي انا بعد شهرين من حقي اسال و لا هو هيجي يتكلم و لا اعمل ايه انا بسمع منه طول الوقت وحشتيني يعتذر بعد ما بقولها بس يقولها تاني بطريقة مختلفة يقولي مفتقدك خصوصا لو مثلا متكلمناش يوم او يومين حد يقولي اتصرف ازاي انا نوبة القلق مش سيباني في حالي انا اصلا محتاجة اتعالج مش نقصاه😂

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_63907 🇪🇬

منذ يوم واحد

شعور وحيد

مُشكلتي إني دارس علم نفس، وكل ما حد يفتح موضوع أو يبين عليه التعب، دماغي بتشتغل تلقائي… بفكر أزاي أساعده، أزاي أفهمه، أزاي أخفف عنه ولو بكلمة. حتى لو الموضوع هاياخد من طاقتي، حتى لو أنا مش في أحسن حالاتي… عندي هوس بفكرة "مساعدة الناس" وخصوصًا في وجعهم اللي مش باين. غريبة؟ يمكن. بس دي طريقتي في الحيا

Strawberry_66803 🇪🇬 انا زيك وللاسف بعرف القط اللي قدامي بيعاني ازاي وببقي عاوزه اساعده جدا وللاسف انا عارفه اسبابي اي

عرض الكل 13 نصيحة

Ice Cream_66949 🇪🇬

منذ يوم واحد

شعور شاعر بالملل

موضوع:

اهلك عملوا معاك ايه مش هتعمله مع عيالك؟

عبّر عن شعورك بشكل مجهول

حلو السؤال دا جداً ودا ال دايما بكلم نفسي فيه اني بإذن الله لو ربنا أراد وارتبطت وتزوجت اول حاجة هشوف هما عايزين يبقوا ايه اي مهاره عندهم هساعدهم ينموها وتكون مهاره ذات فائدة عليهم معنوياً ومادياً بعني مثلاً انا هويت إقتناء العمله القديمة زي اهلي ولكن مش بحب ابيع واشتري فيها بحسها حرام عشان مفيهاش تعب ولا إرهاق ولا مجهود مفيش حاجه إسمها محاسبكش ولا اسئلك وديت فلوسك فين لازم اتابع لو من بعيد وانصحهم يعملوا بيها إيه معلمش فرق بيني وبينهم زي مثلاً كنت اجي اعمل اي مصلحة بجانب شغل والدي ف مكانه يقولي لاء لما يبقى ملكك ومن فلوسك اعمل ال انت عايزه لو لقتهم عايزين ينفصلوا عني ف كيان لوحدهم اشجعهم واخد بايديهم مش افرض لهم عوائق وحواجز تعجزهم التعليم انا عكس اخواتي كلهم تعليم عالي إلا انا رغم اني كنت اشطرهم لكني دمجت بيني شغلي وبين تعليمي وكفه التجاره ال كسبت عشان كنت بحبها جداً الكلام بالتفاهم مش بالغصب ولا الامر الا في حالات معينة لو خارج نطاق المألوف والمعتاد اسمعهم جداً مديش لحد الافضلية عليهم طالما مدخلوش دائره الغلط اسمعهم اسمعهم اسمعهم اسمعهم اسبهم يجربوا لو جربوا وفشلوا مقولش شفت وقلت لك بدون نقاش واني افهمهم مش أقطمهم واحسسهم اني دي نهاية الدنيا وإن خلاص جربت فشلت يبقى خلاص مكبرش فيهم إحساس الذنب عشان دا هيخليهم يحسوا بالذنب تجاه اتفه الامور ودا غلط جداً يعود عليهم بالضرر ف حياتهم عموماً ودي ملهاش علاقة بالثقه بالنفس لكن الإنسان الحساس زيادة بيتعب ويجي ع نفسه كتير ف كل حاجة