درجة الحرارة

Donut_61914 🇪🇬

انا والدي متوفي و اهل والدي وحشين جدااا و افتروا علينا كتير واستعوضت ربنا و بعدت عنهم انا وامي لكن امي كل شويه تفتكر كل ما اجملها موقف ولا حاجه حتي لو علي واحده صحبتي تفتكر و تقلب في الي فات كله بصراحه بحس بخنقه و ضيقه انا اصلا كارهاهم و سائله برضه زيها بس هعمل ايه عوضي علي الله لما بتقعد تتكلم بحس أن جوايا نار و بفتكر من شويه عملت نفس الموقف بصراحه زعقت فيها و قلتلها خلاص بقي انسي خليكي ف الي انتي فيه بصراحه عارفه موقفي غبي بس تعبت و نفسيتي بتتعب كل ما تتكلم عشان بفتكر الايام الزفت دي ...عرض المزيد

0 الدعم

0 نصيحة

Pineapple_73013 🇪🇬

خايفة شريكي يسبني فجأة من غير سبب زي زمان

عندي خوف من أن الشخص يسيبني فجأة من غير ما يقول بسبب علاقة قديمة ليا كان بيسيبني اكتر من مرة و من غير ما يقول حتى انه سابني كان بيعمل بلوك و يبعد فجأة و احنا نكون لسه بنحب في بعض قبلها بساعتين مثلا! حاليا الخوف ده بيطلعلي في علاقتي الحالية هو لحد دلوقتي ك شخص كل مرة بيثبتلي أنه مختلف تماماً و ببشاركني كل حاجة و لو اتاخر عليا يقولي أنا اتأخرت عشان كذا بس الفكرة أن مواعيد شغله مش fixed ف طبعا في أيام بيتأخر فيها للساعة واحدة بليل وانا ببقى بنهار بقى من جوايا و خايفة اقعد ابعتله ف ابان زنانة و رخمة ف بكتم خوفي جوايا لحد ما يتصل بيا و بحس زي ما يكون جبل و اتشال من عل قلبي. في طريقة اعالج بيها خوفي ده ؟ و الاحسن اصارحه ؟ ولا استنى ولا مصارحهوش ؟ هو عارف اني كنت مرتبطة قبل كده و عارف تفاصيل علاقتي القديمة بس مبعرفش احساسي ايه دلوقتي، يارب يكون حد فاهمني. ...عرض المزيد

0 الدعم

0 نصيحة

Watermelon_52298 🇪🇬

اتصرف مع ابويا المقصر ازاي؟ محتاج نصايح

انا عندي ٢٠ سنة و انا صغير خالص حصلت مشاكل بين ابويا و امي ادت لطلاقهم في ٢٠٠٧ بعد الطلاق بفترة ابويا رفع قضية رؤية عشان يشوفني و كدا المهم كنت بروحله كل اسبوع مرة و كدا مع انه بخيل جدا و مكنش بيدفع نفقة تستاهل و لحد دلوقتي المهم هو كان بيعاملني بقسوة لدرجة اني لما نجحت في رابعة ابتدائي اداني جنيه واحد انت متخيل و تدور الايام لحد ٢٠٢٠ و انا داخل المدرسة الثانوية و كانو طالبين بطاقة الاب للتقديم و طبعا هو رفض كعادته فا امي رفعت قضية عشان تاخد الوصاية التعليمية بتاعتي و تقدملي هي في المدرسة المهم انا من وقت الموقف دا و انا قطعت علاقتي بيه نهائيا مبكلمهوش ولا بشوفه لحد ما انا رفعت عليه قضية نفقة و اول ما عرف بالقضية حاول يتواصل معايا عشان يحاول يتقرب مني و يخليني اتنازل و كدا المهم ان النفقة اصلا كلها ١٤٠٠ جنيه يعني مش مبلغ ولا حاجة و قعد برضو يقولي اكلم اعمامي و كدا و اللي هو ميعرفهوش اني اصلا بكلم اعمامي عادي و ولادهم و حتى اخواتي منه ( هو اتجوز واحدة تانية و خلف منها بنتين) فا انا اتصرف معاه ازاي دلوقتي اكلمه ولا لا و ياريت نصايح ليا ...عرض المزيد

0 الدعم

0 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع