خيانة مشاعر

Strawberry_77936 🇪🇬

منذ 4 أسابيع

شعور غير مكتمل

سابني من غير ماعملت اي حاجه انا اديته حب ومشاعر ماحد خدهم قبله ولا بعده كنت بتمناله الرضا كان ابني قبل مايكون حبيبي كنت بجيبله شوكليت وهدايا عشان بس يبقي مبسوط وعمره ماقالي شكرا.. بس عمرى ماشكيت لحظة انه بيضحك عليا. كان بيعيط قدامي زي الاطفال وامسح دموعه.. كلامه كله كنت بحسه من القلب.. قالي انه رايح

Mango_22117 🇪🇬

منذ شهرين

شعور مستنزف

مش متخيله اني حبيت حد لدرجه ان قعدت شهور بعيط من البعد و القلق و التفكير فتفاصيل كتير تخصه فالمقابل الحد دا اصلا محبنيش هو بس كان لازم يحسسني بكدا و يقولي كلام كتير مشاعر علشان يملي فراغ الجواه انا اه تعافيت منه بنسبه كبيره بس مش عارفه اسامحه و مش عارفه اعالج الاثر نفسي السبته فيا 💔

Strawberry_74387 🇪🇬

منذ شهرين

شعور مكسور القلب

حابه احكيلكم عن حاجه مديقاني بحب شخص وقعدنا فترة كبيره مع بعض ٦ سنين بسوي اخر فتره يعني يعتبر من سنه بدأ يتغير وبدأ يتجاهلني ويومه يعدي من غير اي اهتمام بيا ولا سؤال حتى عاتبته اكتر من مرة وكنا بنبعد وانا برجع لان بحبه بس اخر مرة حسيت ان كل مرة اعاتب وم لاقيه ردة فعل فا بعدت حاليا حاسه ان تايهه ومخ

Carrot_74050 🇪🇬

منذ شهرين

شعور Bad 😞

عبّر عن شعورك بشكل مجهول

صتي طويله شويه.. هو انسان مغامر وانا تقليديه جداً..
انا عرفته من ١٤ سنه ، من اديان مختلفه..كنا في بدايه مشوارنا المهني..اول ما شوفته اتخطفت وهو كذلك..ابوه كان متوفي من وهو صغير ومامته كانت مريضه.. مره ف مره حبينا بعض واتعلقت بيه جداً.. كان اول مره احب ف حياتي.. هو كان طبعاً غيري.. بيصاحب من ابتدائي تقريباً وانا شخصيه مجربتش اي حاجه ف حياتي خارجه عن المألوف،كنت منبهره بيه وبشخصيته ومغامراته، وهو كان منبهر بالبراءه والتخلف اللي عندي.كان بيمر بظروف انسانيه و ماليه كتير زي ان  كان عليه ديون ومصاريف البيت وهكذا،قررت اقف جنبه واساعده معنوياً و مادياً.. وقالي بحبك. قضيت معاه احلي سنتين..بس كنا عارفين ان انا مش لبعض ..وكان طبعاً بيعرف بنات عليا عادي ويسيبني ويرجع عادي..فضلنا كده فتره كبيره يسيب ويرجع يلاقيني زي ما انا منبهره، كل مره كنت بنهار واكتئب،قعدنا مع بعض قالي لازم حل.. خوفت وقتها امشي واسيب اهلي قلتله شوف حياتك.. لحد ما استقر ف وظيفه كويسه راح خطب وقالي بس ٦ شهور وفسخ الخطوبه وساب شغله قعد ف البيت فتره وانا اللي شايله وبعدين راح شغل تاني استقر فيه الي حداً ما.. كنا بنتكلم عادي يعني كل فتره كأصحاب. قالي انه هيخطب مره تانيه.. قعد سنه ونص معاها  و قالي افضل بلاش نتكلم بطلب منه بس المشكله ان اهلها رفضوه لما اتقدملها، وبعدها فضل مكمل مع البنت بدون علم ابوها . بس للأسف عمل حاجه غلط واترفد.. ومن هنا ابتدي يضيع ويدخل ف ازمات وخطيبته سابته وسافرت ورجع يكلمني وانا اللي جيت ادعم واسند..تقريباً من ٢٠١٧ العلاقه اخدت منحني مختلف خالص، مكانش حد معاه غيري.. ولا حتي اخته ولا اصحابه مفييش.. ابتدينا نقرب جداً من بعض بعدها جت كورونا وهو اتعدي وانا كنت برعاه..وانا اتعديت كان هيتجنن. ٧ سنين تقريباً كنا اقرب اتنين لبعض، حبيبي وصديقي.. كنت مبخليهوش عايز حاجه.. بهتم بيه جداً و اشيله ف عنيا..يحب يعمل مشاريع اساهم فيها.. يحب يسافر اساعد باللي اقدر عليه.. قالي كتير انا مش ممكن هسيبك واحنا مع بعض.. طلب مني  اسيب اهلي هنا ف مصر بس كان صعب عليا اعمل كده وانا هنا و عشان كمان وضعنا المادي، كذا مره محاولاته في الشغل تفشل .. طبعاً كان فيه خناقات كتير ف الاخر لاني ابتديت انضغط من الوضع ككل (معنوياً ومادياً) وكتير نتخانق ونسيب ونرجع.. خصوصاً اخر سنتين…وهو كان عصبي وبيغلط.. لما يغير عليا يغلط فيا وابتدي حتي ميحبش يخرج وممكن يقعد شهرين منشوفش بعض..لحد من فتره بسيطه جداً سافر بره بس حسيته انه اتغير هناك..كلامه ابتدي  يقل شويه بشويه .. ابتدي يبقي بعيد…اتخانقنا كالعاده.. قالي عايز اركز واعمل مستقبل.. ولما اكون جاهز للجواز هكلمك.. بس انا مقدرتش استني خوفت ينساني فرفضت…وطبعاً ف الوقت ده اخته كانت ابتدت تظهر، قالي يبقي لازم اهلك يعرفوا عشان مينفعش اخدك منهم ولو حصل حاجه بينا هوديكي فين؟! لازم يوافقوا…ولازم يشوفوني راجل…اتفقنا انه يكلمهم وبالفعل حصل بعد مكالمه مدتها ٣٠ ثانيه بس، طبعاً اترفض بس يعني بأدب من غير اي تجريح منهم..بعدها قالي انا شايف ان كده كفايه ولازم نمشي كل واحد من سكه..فضلنا نتكلم بعدها كام يوم بس كنت حاسه انه مش مرتاح او بيتكلم غصب وكل شويه يقولي زهقت من الوضع ده وهو "حقه يعني مأنكرتش" انا يعني معرفتش اعمل ايه وقتها..قولتله خلاص امشي وركز علي حياتك ومستقبلك بس كان نفسي يحاول شويه عشاني يعني مش مجرد مكالمه تليفون.. حتي لما سبنا بعض كان علي الشات. بعدها بيومين بس وبعد ما  الدنيا عندي هديت لان اهلي كانوا متدايقين مني جداً مع ذلك قالولي اعملي اللي انتي عايزاه بس موافقتنا مش هتاخديها.  بعتله كتير  وحاولت ارجعه واقوله اني هسيب اهلي هنا واروحله ونتجوز مدني، مرضيش قالي مينفعش دي مسئوليه انا مش قدها… انا مش عايز التضحيات دي.. قولتله انا كبيره وهتحمل تبعات قراري قالي لا انا عايز واحده طبيعيه معندهاش كل المشاكل والتعقيدات دي.. قالي انه خايف عليا يجراله حاجه واني ابقي لوحدي خالص..مع ان انا كده كده بسافر وبروح واجي واشتغل وبعتمد علي نفسي حقيقي كنت هلاقي سكه لو حصل حاجه يعني..قالي عايز عياله يبقوا ليهم اهل ويتربوا علي الصلاه رغم ان انا اللي كنت بتخانق معاه لما يفطر ف رمضان او يفوّت فرض. قال ان هو مكانش عايز يكمل بقاله ٣ سنين.. بس كان خايف علي زعلي وقتها..،وان هو ما صدق يحكم عقله..طبعاً طريقه كلامه معايا مكانش احسن حاجه ولا كانت طيبه زي ما متعوده منه..اكيد هو كمان كان مكسور زيي بظبط وانا مقدره، بس انا يعني معرفتش غيره عمري كله و محبتش غيره.. وحاسه اني ملامحي كبرت من بعده وكل حاجه بقيت حزينه..محدش مقدر ولا عارف ازاي انا مكسوره.. روحت لدكتور من كتر الزعل قالي لازم تنسيه وانا مش عارفه.. حقيقي الموضوع صعب..وانا متلخبطه يعني مش عارفه هو ليه موافقش هل هو فعلاً خايف من المسئوليه ولا هو مش جاهز يتجوز ولا هو مش عايزني انا؟!!. مجرد التفكير ف الموضوع مهلك وبينا زكريااااات كتير صعب تتنسي وف نفس الوقت انا مش صغيره والتوقيت مش افضل حاجه،،وحاسه اني هعيش كده خلاص. بقالنا سنه سايبين بعض لكن بيطمن عليا كل فتره.
الفكره دلوقتي صاحبه راحله زياره ( ابن خاله خطيبته التانيه اللي سافرت وسابته) رجع يعرفني انه خلاص هيتجوزها وانا مش قادره استوعب الصدمه.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_72866 🇪🇬

منذ شهرين

شعور مكسور القلب

انا اتعرفت على بنت من فتره هي من المنوفيه وانا من اسكندريه ولما قربنا من بعض اعترفت انها بتحبني وانا مكنتش بحبها لحد لما حصل موقف خلاها تقولي عن السبب الي خلاها تنزل تعيش في اسكندريه اتعطفت معاها وحبتها بجد وكانت الدنيا كويسة مع بعض لحد قالت انها عايزة تتجوزني من غير ما اهلها يعرفه وانا قولت لا لازم

Kiwi_72555 🇪🇬

منذ شهرين

شعور ضائع

ازاي اتخطي احساس اني كنت استاهل أنه يحاول عشاني ويحتارني وهو اختار يبقي جبان ومش مسؤل ويقولي في وشي اني قد اي ست كويسه وقد اي wife material هايلة وقد اي بحبك بس اسفه مش هقدر اتجوز حقيقي قلبي مكنش يستاهل ده

Apple_69994 🇪🇬 وتفتكري كنتي هتحبي يكون في حياتك شخص زي دا ؟

عرض الكل 6 نصيحة

Avocado_72459 🇪🇬

منذ شهرين

شعور متوتر

بحب شخص بقالي سنين بس الشخص دا تعرض لتجربة صعبة جدا كنت معاه وبشهادة الدنيا كلها كنت ضهر وسند طول الوقت شاكك في كل تصرف بعملو وانا عمري معملت حاجه غلط وكل حركة هو عارفها متخانقين عشان سبب تافهه تافهه اوي حتي معاتبش متكلمش بقالنا اسبوعين ساكتين انا بس في وقت وحش ومحتجاه جمبي هو حتي مكدبني

Apple_70725 🇪🇬

منذ شهرين

شعور محبط

نا كنت رافضه فكره الارتباط بس كان في واحد بكلمه لحد ما قررنا نرتبط بس بجدد ماطولناش وعلاقتنا ماكنتش علاقه بيرفكت بالمره يمكن لانه اول واحد ف حياتي اكلمه ويمكن علشان انا كنت مصدقاه وكنت شايفه منه ف وقتها انه متمسك بيا وبيحبني دا اللي كان بيبان من كلامه بس بعدها كل دا اتغير رغم اني كنت واقفه جنبه ف اك

Orange_54834 🇪🇬

منذ شهرين

شعور مكسور القلب

عبّر عن شعورك بشكل مجهول

شعور صعب اوي لما تحس ان البني ادم الي انت بتحبه هو يبقى أقسى حد عليك وهو ماشي أنا حبيت واحده بقالي سنه كانت بتعملني حلو وانا بالمثل في اول علاقتنا كان عندي مشكله مع شكلها بس قولت كل حاجه مش بالشكل وتقبلت الموقف سابتني اول مره لانها كانت عايزه تبعد عني تاني مره بردوا لنفس السبب وكانت على اول شهر 2 الي فات سألتني مرتين ورا بعض ورجعتها وكأني بعامل عيله صغيره وبعدين سألتني خامس مره  ولما رجعتها تاني بعديها بأسبوع كان المفروض نخرج ولما خرجنا مكنتش حاسس اني طايقها ولما حست اني خلاص ممكن أسيبها فضلت تعيط فلما عطيت صعبت عليا العشره الي بينا وفعلا أنا من نفسي قومت من نفسي تاني وكأني كنت بعمل مجهود لوحده متستاهلش سابتني من حوالي أسبوعين وحاولت أرجعها ورجعت بس بالعافيه آخر مره بقى ودي جابت النهايه كانت اول امبارح كانت يوم الجمعه كان قبليها علطول يوم الخميس كانت خرجه معايا وكانت مبسوطه أكلنا وشربنا وكانت مبسوطه جدا وانا كنت مبسوط لانبساطها وخرجت مع صحباتها بعد خروجاتنا وكانت متضايقه اوي من الخروج مع صحباتها تاني يوم بعد صلاة الجمعه رنت عليا وكانت الشبكه وحشه وبتقول انها متاضيقه فحاولت اني اكلمها بس كنت فاكرها عماله تهزر في الكلام تضحك لان زي ما بقولكوا الشبكه وحشه بتقولي انت بتهزر قامت قفله السكه في وشي المهم كنت فاكر انها اتضايقت عشان أنا بهزر وانا عامل حسابي انها بتهزر أصلا أنا معرفش والله انها مش بتهزر وفي الاخر قالت لاخويا انها هتسبني وتمشي فلما رجعت من صلاة الجمعه لقيتها عملتلي بلوك من كل حته ده حتى من LinkedIn يا راجل 😂 حاولت طبعا كالعاده أرجعها بس هي المرادي بتقولي أنا انطفيت منك وانطفيت من تصرفاتك وقعدت افهمها اني والله ما سمعت كويس وهي مش عايزه تسمعني ولا تسمع أنا بقول اي أنا اتعلقت بوجودها بس أنا كمان متدمر بس مستحيل تاني احاول هي مش عايزه ترجع وعماله تحلف وتقول والله ما هرجع والله أنا لو فضلت طول عمري لوحدي مش هرجعلك واني كنت كويسه معاك طيب أنا اعمل اي حاسس بشعور خنقه بيجيلي كل ما بصحى من النوم مش بلاقيها شعور صعب اوي 
بس أنا عندي كذا سؤال هل هي هترجع تاني ؟ 
هل أنا أتعايش ازاي مع الموضوع لان في خنقه رهيبه كانت فكره نفسها بتمن عليا بحنينها يعني اي حاجه أنا بعملها كانت بالنسبلها حقها لاكن هي لما بتعمل حاجه وحده ولو يبقى هي كده عملت الي عليها وزياده وقولوي يا حماعه أنا بجد متدمر مش زعلان بس

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_70561 🇪🇬

منذ شهرين

شعور متوتر

مش قادره استحمل أننا بقالنا اسبوع متكلمناش وأنه مش بيرد عليا قلبي كل يوم بيوجعني وافكر هل في واحده في حياته طيب ولا خلاص بطل يحبني هل انا كفايه ولا مقدرش يستحملل حزني علي غلط بسيط عملته مقدرش يواجهني ويكلمني اتصرف ازاي عشان حاسه اني ما بين نارين

Waffle_69526 🇪🇬 اولا اوعي تقللي من نفسك وانك مش كفايه وطالما انتي عملتي اللي عليكي وحاولتي تراضيه ع غلطك ومتجاوبش معاكي ولا حتي عاتبك ف حاجه سبيه براحته خالص واكرفيله وهيرجع تاني وحاولي تشغلي نفسك ب اي حاجه عنه انا عارفه الموضوع صعب ف الاول وبلاش استوريهات كاتينج ناو والغدر والحزن والجو ده خليكي طبيعيه خالص

عرض الكل 7 نصيحة

Grape_22054 🇪🇬

منذ 3 أشهر

شعور مكسور القلب

ليه لما بنهتم بحد ونحبه بجد من قلبنا ونديله كميه حب تعوضه عن اي علاقه فاشله زمان تعوضه عن اي دقيقه عيط فيها اي ثانيه نزلت دمعته فيها ليه ليه بعد كل ده بنهون عليه عادي اول ما يعوز يمشي ليه بجد 💔 ويفضل ام السؤال الي خانقني ليه !! هل انا استاهل منك كل ده هل عشان حبيتك حب عمرك ما هتتحبيه تاني استاهل و

Orange_61792 🇪🇬 في نقطتين غلط الاولى بتكون عند الشخص اللي فشل ف العلاقة انه بيكون عاوز بديل يوفر له نفس الاحساس النقطة التانيه ، الشخص الجديد بيحاول (يعوض) اللي فشل عن اللي حصله و ده مش صح هي لما تختارك تكون مختارة لشخصك غير متأثرة بأثر التجربة او عاوزة تجيب بديل او بتغيظ الللي قبلك و انت مش مطلوب منك تعوض حد ولا تتفوق على حد و لا تثبت انك افضل و احسن من حد و عشان تعمل كل ده بتدي اكتر من الطبيعي لأنك (بتعوض)

عرض الكل 11 نصيحة

Lemon_66019 🇪🇬

منذ 3 أشهر

شعور محبط

Strawberry_64554 🇪🇬 كل الحكايه انك حبيتها و جدا كمان لاكن هي اتعودت علي وجودك و ضمنته و مع مشاعر و كلامك و اعترافك ليها بحبك هي بادرت بنفس الكلام لان اللي بيحب حد بيكون شايفه احسن حد فالدنيا و عينه مش بتشوف غيره و هي دلوقتي بتقارن بينك و بين راجل تاني جرب تحسسها انك بتضيع من ايديها هتلاقيها طريقتها اتعدلت

عرض الكل 11 نصيحة

عبّر عن شعورك بشكل مجهول

بإختصار 
أنا رجل من برج الحوت وهي أنثى من برج الحمل 
كنا أصدقاء لمده 4 سنوات كانت علاقه صداقتنا ممتازه تخللها القليل من الدروبات مرات كنت انا السبب ومرات كانت هي السبب بسبب تسرعها ولكن في النهايه كنا بنعتذر لبعض ونتاسف ونكمل . 
هي تعرف كل حاجه عني وانا كمان اعرف كل حاجه عنها بحكم فتره سنين  المعرفه بيننا 
انا كنت بحبها لكن معترفتش بحبي خوفا من الرفض واني اخسرها كصديقه لكن مؤخرا لاحظت كمان انها بتحبني وبتغير عليا (بتعمل مشاكل لو عرفت ان في بنت بتقرب مني) فبصراحه وقتها حبيت ابادر واعترفلها بحبي وهي اتكسفت وقالتلي كمان بتحبني ودخلنا في إرتباط وانا نويت فعلا اخطبها واتزوجها واسرع الموضوع محبتش فعلا فتره ارتباطنا تطول وعشان اثبتلها جديتي عرفتها كمان على اهلي ولكن فتره ارتباطنا استمرت شهر كان احلى شهر كله تفاهم وحب وموده وتخطيط للمستقبل كانت بتحكيلي عن طرف تالت هي رافضاه وبيطاردها وانا قولتلها اعمليله بلوك وعرفيه انه في حياتك حد واقفلي الموضوع . من اسبوع لورا وبصوره مفاجئه حصل سوء فهم بسيط وهي تسرعت وقالت كلام زعلني فعاتبتها عتاب خفيف ونمت .صحيت لقيت بلوك ! 
حاولت اوصلها عشان افهم في اي او ايه حصل !
قالتلي انا قررت الغي موضوع ارتباطنا ده وكل واحد يروح لحاله ! فانا قولتلها طيب مقولتيش ليه كده مثلا ليه تبلكي وتمشي بدون سبب فكانت بترد ردود مستفزه جدا وصل بيها الامر انها بتقارني بالطرف التالت الي هي كانت ارفانه منه ورافضاه على حد قولها  
انا اتعصبت من طريقه الكلام ومن تغير الوضع وطحت فيها وده خطأ أنا معترف بيه لكن هي الي وصلتني للمرحله دي مرحله الإنفجار ..

المهم اتصدمت وسكتت وكانت بتبكي فانا طيبت خاطرها واعتذرتلها واتأسفتلها وقلتلها انا بحبك والانفجار الي وصلتله ده بسبب غيرتي وغضبي وحبي ليكي كنتي بتضيعي من ايدي . 
المهم قعدت كام يوم مفيش اي رد فعل وبنتكلم وانا بطيب خاطرها بعدها ولمده اسبوع ولحد الان شغاله بتردد نفس الكلام تاني الي انا قولته في لحظه غضبي وبتقارن كمان بيني وبين الطرف التالت وبتقول هو معملش نص الي انت عملته انا طبعا ليا اسبوع بحاول اصلح الامور ومش بشد معاها لكن هي كل ردودها بارده ومستفزه ويكانها عاوزه تعصبني تاني عشان اغلط تاني . بمعنى ادق انا تعبت وحاسس اني بنفخ في قربه مخرومه . 
بسال نفسي مليون سؤال ياترى هي بتحبني فعلا زي ماكانت بتقول ؟ طب لو بتحبني فعلا ليه قلبها اسود ومش عاوزه تكمل وتقبل محاولاتي ليه ديما بتستفزني عشان تقلب عليا التربيزه

انا بصراحه حاسس بخذلان وبقرف ومشعارف المفروض اي يتم في العلاقه دي . انا معترف اني غلطت واتاسفت على غلطي وبحاول اصلح عشان منخسرش بعض لكن هي مصره تديني كلام مقرف عشان انا الي ابعد

ايه نصايحكم يا محترمين

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Blueberry_64555 🇪🇬

منذ 3 أشهر

شعور مكسور القلب

موضوع:

عرفت ازاي انو الشخص مش مناسب ليك ؟

لما لقيت اني بعاني عشان اخلي الشخص اللي بحبه يهتم لزعلي و يصالحني و ميسيبنيش لدماغي و اننا مش بنوصل لنقطة تفاهم ابدا في الخلافات و اني بلاقي نفسي لوحدي تماما وقت ما بحتاجه ، و اخرهم انه بيلطف مع كل البنات و بيطلب منهم انهم ينزلوا معاه ، يلعبوا معاه ، يعاكسهم بالكلام .. حاجة تقهر ف عز ما كنت ببقى بحا

Sugar_64559 🇪🇬 كويس انك سبتيه

عرض الكل 5 نصيحة

Popcorn_60565 🇪🇬

منذ 3 أشهر

شعور مكسور القلب

لو انت قعد حد يحبك و انت تحبه تلت سنين بعدين فجأه بعد ولا كأنه يعرفك و لما يشوفك تقعدوا تبصوا لبعض بصات غريبا و تحاولوا تبعدوا عن المكان بسرعه بس المشكله انك مش عارف تقوله حاجه لأنك عرفت انوا مصاحب واحد تاني مكنش صحبك ساعتها بس انت صحبته بالصدفه قبل متعرف تن هو اللي صاحب اللي سابك بدون سبب فمتقدرش ت

Avocado_62954 🇪🇬

منذ 3 أشهر

شعور ضائع

Peanut_56462 🇪🇬 بص دا تقلب هرمونات عند البنات ساعه عوزاك وبحبك وساعة مش عوزاك وانسانى ولكن انت لو عاوز اللى يريحك لو انت عاوزها اتقدم وغير كده كل حاجه هتكون غير كامله

عرض الكل 20 نصيحة

عبّر عن شعورك بشكل مجهول

مساء الخير عليكم اتا مشكلتي بختصار اني عملت مع واخده معرفهاش موقف جدع  جداا وانا مكنش نيتي غير اني اساعد وبس وامشي لانه صدفه واي حد هيعمل كده لو شاف اخته ف موقف زاي ده عدت شهور ولقيت حد جاب الاكونت بتاعي وبيفكرني بالموقف ف استغربت ان ممكن يحصل كده وعلشان انا فاكر موقف ف تكلمت معاها وهي من جدعنتي معاها واني وقفت معاها حبتني  وحشتني اكتر لما تكلمنا  وكنا زاي مبيقوله عصافير حرفيا مافيش غلطه الا طلبه موجود سواء لبس او احترام او حب خلتني احبها وحبتها وتعلقت بيها جداا وبعد فتره بذات ف فتره العيد كانت بتختفي بدون علمي ف لما سألت قالتلي اثلا مشغوله ف ترويق البيت وهكذا وعيد وتنظيف وكده ف انا كان موضوع بنسبالي جديد اصل كل يوم بنتكلم كل لحظه حرفيا ومره واحده مافيش قين وفين تكلمني اخى يوم خالص مثلا كلمه يعني وتقفل ف قولتلها هتسحملك الاسبوع ده وفعلا حصل مني مره واحده مسحت رقمي واتساب وبلوك من كل حته مهم جنيت حسيت ف شي عملته غلط خلاها تعمل كده ف لما وصلت ليها بتقولي اصلا انت كل شويه بتسألني انتي فين وانا مش بفتح ومش ببقا فاضيه قولتها يعني ده مبرر بتاعك قالتي ايون تغير مش طبيعي تغير فظيع انا عد شهر كل يوم اسأل نفسي كل ده علشان حبتها وله عشان اي اخى مره بسالها بتحبني لسه قالتي معرفش دي كسرتني بمعني الكلمة وبعدين بتقولي لو عايزيني انا موافقه تعالي واتقدم الا هوا زاي يعني انتي من اي اتجاه مش عارفه وعملتي فيا كده وعيزاني أتقدم ده تخلف وله اي ياجدعان بقالي شهر مش عارف احكي ومش مبسوط وتعبان 🙏🙏

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Sugar_21815 🇪🇬

ليه الدنيا مش سهله وكلنا أحلي بشعرنا وبلبسنا؟

جماعه احنا ليه مش عادي ننزل بشعرنا و نلبس ضيق و قصير و فساتين مفتوحه و نفرد شعرنا ليه مكانتش الشهوه اللي عند الرجاله قليله عشان نقدر نعمل كدا ليه مكانتش الدنيا مفتوحه و نعجب و نحب و نكلم و نعيش قصص حب جميله و نعمل علاقات ليه الدنيا مش سهله دي حاجه انا كنت بتمناها لكن للاسف الناس اللي احنا عايشين معاهم هيعتبرونا سلعه و اداه تسليه و ترفيه و الدين محافظ علينا من كل ده بس ليه احنا كلنا احلي بشعرنا و بلبسنا ليه مينفعش ابقي معجبه بواحد نحب بعض بكل حريه حاسه اني مكتئبه ...عرض المزيد

3 الدعم

29 نصيحة

Tofu_77801 🇪🇬

مش مبسوطة مع جوزى.. هل الطلاق هو الحل؟

انا جوزى حد كويس هو بيقدرنى وبيحترمنى وانا كذالك .. احنا بقالنا اربع سنين متجوزين وفى عشرة كبيرة ما بينا ونوعا ما الدنيا بينا متستقرة ولكن المشكلة انى مش مبسوطة معاه .. ومش بحس ان فيه مشاعر ما بينا يعنى احنا بنعامل بعض كويس وخلاص.. وحياتنا روتينية قاتلة .. ومفيش اى تجديد فيها ..حاولت كتير الاقى حل .. واتكلمت معاه ولكن كل مرة بنرجع لصفر وحاسة انى مش لاقية نفسى معاه وانه غير شخصيتى للطريقة اللى تناسب حياتة ولكن دة مع الوقت بدا يتعبنى ..هل ممكن يكون الحل فى الطلاق؟ ...عرض المزيد

1 الدعم

22 نصيحة

Mushroom_83350 🇪🇬

إزاي نعيش في عالم مقزز كده؟!

كدة هنضيع يعنى الآب ده مفيش حد حقيقى اصلا كله كلام خارج و اباحى ديه عقلية الشباب ولا ايه!!! انا عمرى شفت كدة والله مقولتش بدور على دكتور نفسانى ولا شيخ أو شيخة بس المستوى هنا بشع و مفيش حوار محترم متحضر حصل بينى و بين حد حتى البنات صدموني كل تفكيرهم كدة طيب الناس الى زيى يقفلوا على نفسهم طول العمر مفيش اونلاين بسبب ناس تفكيرها كدة!! مفيش حوار و يبقى ليا دعوة بحد عالم مقزز و بشع لأبعد حد إزاى الى بيتكلموا دول هيبقوا أب أو أم أو يبقوا فى مجال عمل يعنى إزاى دول يبقوا وسط مجتمع و أطفال و صحاب و عيلة إزاى ...عرض المزيد

6 الدعم

21 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع