خيانة الصداقة

Apple_61624 🇪🇬

منذ 4 أسابيع

شعور مكسور القلب

((قبل اي شئ انا معترف اني غلطان واني مينفعش اني أعمل ده وندمان وبحاول اغير من نفسي)) انا حرفيا ضغطي في السما وحاسس ان هيجرالي حاجة لاني مش عارف أتكلم مع حد من حوالي سنة اتخرجت وكان معايا اتنين صحابي طلعت بيهم من الكلية وفي آخر سنة كانوا متخانقين وانا صالحتهم ع بعض بعد التخرج دخلت في اكــ **ــتـــ

Watermelon_59125 🇪🇬 م دا عيل زباله ومهزأ ومش صاحب اصلا وانت غلطت واعتذرت ودا يكفي فكك منهم الاتنين لايقين علي بعض احسن حاجه انك طلعت من وسطهم اصلا واللي ميستحملكش وانت تعبان او حتي ميفهمكش يغور في ستين داهيه لا ترجعه

عرض الكل 4 نصيحة

عبّر عن شعورك بشكل مجهول

((قبل اي شئ انا معترف اني غلطان واني مينفعش اني أعمل ده  وندمان وبحاول اغير من نفسي))

انا حرفيا ضغطي في السما وحاسس ان هيجرالي حاجة لاني مش عارف أتكلم مع حد

من حوالي سنة اتخرجت وكان معايا اتنين صحابي طلعت بيهم من الكلية وفي آخر سنة كانوا متخانقين وانا صالحتهم ع بعض بعد التخرج دخلت في اكــ **ــتـــئاب لاني مكنتش لاقي شغل وعندنا ديون والظروف كانت صعبة وكان في مش**اكل صحية وحاجات تانية مش هقدر أقول عليها وحالة ما يعلم بيها الا ربنا

لقيت صحابي جايبين شغل قلت أدوس في أي حاجة بس لقيت في شرط اني امضي على نفسي شيكات بحوالي 800000 الف او اكتر رفضت الشغلانة
بعد كام يوم لقيت واحد من صحابي  دول (ج) بعتلي شات بيقولي انت هتفضل فاشل وعايش في وهم إنك تهاجر ومش هتعمل حاجة
(قد دي تكون نصايح الشباب واسلوبهم بس مش في وقت صعب زي اللي انا فيه + هو عارف اني مش بحب الاسلوب)

الكلام جــ ـر****حني فقررت اني ابعد عنهم شويه عشان اهدأ عشان مقولش كلام يجرح حد.

(وهو عمل كده قبل كده معايا وتقبلت الموضوع قفل معايا بعد ظروف صعبة مر بيها وانا مرضيتش اعاتبه لما رجع فهمت إن دي طبيعته)

(ملحوظة صاحبنا م قبل كده كلمه بنفس الاسلوب ده قبل كده في حوار بنات او حاجة كده وهو نفسه زعل من الاسلوب ده وقاطعه)

وفي خلال شهر كانت الاوضاع بتو***حش اكتر لحد ما في يوم بفتح لقيت صاحبي اللي قاللي انت فاشل ده عملي انفريند
ودي كانت صدمة بعد الفترة الصعبة اللي مريت بيها
( هو شايف انه كده بيديني وقت اني اهدا🙂)
حرفيا هو كان غالي جدا

وقتها الغليان وصل عندي لمرحلة عالية فقررت اني اكتب بوست مش احسن حاجة بس الفكرة ان بروفايلي lock يعني مش هيشوفه انا كتبت ده لاني مكنتش عارف أكلم حد 
بعدها لقيت صاحبي التاني (م) اللي انا صالحتهم على بعض

( نبذه عنه مش بيحب ياخد اي حاجة بجدية ودايما بياخد كل حاجة بهزار)
لقيته داخل بيقولي ( ايه ده ياض 😂😂) بعد حرفيا خمس ثواني لقيت تريقة منهم الاتنين على جروب الشلة
يعني صاحبي خد سكرين شوت ووراها للتاني وطبعا التاني قال كلمتين ملهمش لازمة
هنا كان الضغط وصل لاعلى مراحله وبعت ريكورد لصاحبي الاولاني
وانا بش/تمهم هما الاتنين
 ( عارف ان ده غلط وبعترف بغلطي تاني ومش ببرر بس انا فضلت ماسك نفسي حرفيا شهر ونص)

بعد سنة الوضع متحسنش بس حصل شويه حاجات خلتني عايز أحسن من نفسي عشان كده قررت اعتذرلهم عن الغلط

وفعلا كلمت (م) اللي كان بياخد كل حاجة بهزار ده لانه اكتر بياخد المواضيع بهزار وفعلا صالحنا على بعض ومرضيتش اعتب على انه بعتله الاسكرينة

بعد ما اتصالحنا كنت بتصل ب (ج) مكانش بيرد عليا لحد مت كلمته مرة من رقم تاني رد وتعامل معايا  عادي وسألته انت لسة زعلان قال لا والله ونبقى نخرج لحد ما اخلص شويه حاجات وكده كلمته تاني مش بيرد كلمت صاحبنا (م) قال انه مش بيرد برضو عرفت انه عنده مشكلة سيبته فترة ودخلت (م) تاني قاللي هكلمه وهبلغك لقيته كلمني فعلا وكان معاه لما رد عليا
.
قاللي اني غلطت جامد ومينفعش نرجع زي الأول بس كفاية اننا اتصالحنا وكده

فقولتله انا مغلطش قاللي لا..
 ((م) سمعني الريكوردات وانت بتشتم جامد)

حرفيا انا هنا كنت في واحد من أسوأ المواقف في حياتي

المهم اعتذرتله لاني غلطت في والدته يومها وخلاص وقفلنا

انا مش فارق معايا صداقته انا كل اللي يهمني اني كنت اهدي الوضع لاني حسيت ان في حاجة متعلقة وإن في حد ظلمته او غلطت فيه
واصلا انا مش شخص بتاع صداقة قوي وخروج وسهر وكده وهما ده أسلوبهم فالحمد لله على اللي حصل

وبقول كويس ان الصداقة انتهت بالشكل ده افضل من اللي قبلها

بس اللي تاعبني لو إنت كشخص بتقرا البوست وفي اتنين مـــ*تخا*نقين وقالوا ع بعض كلام مش كويس عشان تصلح بينهم هتنقل اللي اتقال ؟؟

ده اللي مخليني عايز أكلمه واتخـ**انق معاه بس المشكلة لا صحتي سامحة بكده.
ولا اسلوبه المستفز هيخليني أوصل لمعلومة مفيدة وفي رغبة إني أروح اكلمه
ايه اللي اعمله واتصرف ازاي اواجهه ولا لا

وانا معترف اني غلطت اعتقد لو كانت الريكوردات اتمسحت ومتنقلتش مكنش كل ده حصل
حاليا وبعد حوالي 6 شهور من الموقف ده انا حاسس اني متدمر من جوايا حاسس ان في جزء مني اتدمر مش عارف انا كمت غلط اني اعتذرت ولا كنت صح ولو غلطت بعد كده المفروض معتذرش

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_40044 🇪🇬

منذ 4 أسابيع

شعور وحيد

هو انا كنت زميلتي في الكلية كنا أصحاب بس خدعتني في الاخر لما اعطتلها اهتمام كبير وكنت بكلمها دايما وهي كانت بتقولي عمري ما احرمك من حب وحنان الصداقة وهعوضك عنهم كلهم ولما جيت أسأل عليها رنيت تسع مرات مردتش عليا وهي اون لاين هي خدعتني من شهر 10 السنة اللي فاتت وانا لحد الآن ممستحش رقمها من عندي لكن ه

Strawberry_61403 🇪🇬 بصي ياحبيبتي، حوار الصداقة دا في زمنا دا تقلقي منه اصلا فكك منها كوني صداقات جديده كوني صداقات مؤقته، لأن كدا كدا مرحلة الجامعة هتنتهي وهترجعي لواحدك المهم اهتمي بنفسك صاحبي نفسك خرجي نفسك فسحي نفسك وكدا، انا كان عندي صحاب كتير ولما دخلنا الجامعه كل واحده بقت ليها صاحبه تانية ف انا عوضت نفسي وماحسستش نفسي قليله بالعكس حسيت إني ملة ومش أي حد يقدر يتكلم معايا أو يوصلني 🫶❤️ لو حابه نبقى صحاب عادي❤️😘

عرض الكل 2 نصيحة

Orange_40211 🇲🇦

منذ شهر واحد

شعور عاطفي

انا حصلي موقف..كانت عندي صحبة كنا اصحاب جداا وكنا نشارك اي شيء مع بعض منذ الإعدادي ..شاركنا حتى الأحلام وكنا دائما مع بعض وساعدتني وفرحتني وانا مكان كنت بساعدها رغم اننا كنا مختلفين بس انا كنت أحاول افهمها..كانت علاقتنا حلوة جدا في شهر 2 تعرفت صديقتي على بنت جديدة وبدأو يخرجو معا ويجلسون معا..لدرجة

Mushroom_21238 🇺🇸

منذ شهر واحد

شعور ضائع

معايا واحد صحبي معجب بي بنت من الترم الاول ف الجامعه لحد دلواقت و بيقعد يتكلم قد اي هيا شدته و كده و المشكله ان البنت دي كان فيه نظرات بيني و بينا ف كنت بسال ع حاجه ع جروب الدفعه دخلت جاوبتني و عرفتها من صورتها انها هيا و بظات تفتح معايا كلام بس انا قفلت معاها كلام خالص يعني حرفيا كلمتها بطريقه بارد

Grape_57212 🇪🇬

منذ شهر واحد

شعور مكسور القلب

صحبه عمري كانت دايمًا تقول إن أنا و"س" أكتر اتنين بتحبهم، وإننا البيست بتوعها، وكل حاجة حلوة. بعدين هي و"س" اتخانقوا وبعدوا، وساعتها أنا وهي قربنا جدًا من بعض، كنا بنتكلم كل يوم وكل دقيقة، بنخرج كتير، وفعلاً اتبسطنا أوي سوا، وحسيت إننا بقينا قريبين بجد. بس لما رجعت علاقتها بـ"س"، كل حاجة اتغيرت. كل

Chilli_48447 🇪🇬 نصيحه منى إلى عايزك ويقدر وجودك حطيه على راسك من فوق غير كده متعمليش حساب لحد ولا تعبرى حد وبعد كده كل واحد كان معاكى هيعرف قيمتك ايه 👌

عرض الكل 8 نصيحة

عبّر عن شعورك بشكل مجهول

بس لما رجعت علاقتها بـ"س"، كل حاجة اتغيرت. كلامنا بقى قليل، مبقتش بتكلمني زي الأول، حتى وأنا بشوفها ف الشغل كانت بتتجاهلني ومكناش بنتكلم اد كدا

بعد كده بقينا بنخرج إحنا التلاتة، بس حقيقي كنت الطرف التالت دايمًا… هما يمشوا سوا وأنا وراهم، هما يتكلموا وأنا أتفرج، وكنت بتضايق جدًا ومش قادرة أقول.

في يوم قولتلها بصراحة إني حاسة إنها مبقتش بتحبني، وإنها مهمشاني، ردت وقالتلي إنها بتحبني وإننا صحاب، بس مفيش أي حاجة اتغيرت، نفس المعاملة الباردة

ف وقفة العيد الصغير؟ كلمتها عشان تنزل معايا لأني معنديش حد اخرج معاه، مردتش… وبعدها عرفت إنها كانت خارجة مع "س" وقضت اليوم كله معاها، ولما واجهتها قالتلي "انتي عارفة إني بقضي الوقفة في بيت س"، رغم إنهم خرجوا الأول وبعدها راحوا بيتها. وقالتلي "هنعوضها في العيد"، خرجنا فعلاً بس كنت حاسة إني تقيلة، ولما قولتلها نقعد في مكان قالتلي مفيش فلوس، أصل صرفتها كلها مع "س" عشان كنت مسافره معاها اسكندريه امبارح"

ف وقفة العيد الكبير، كنت مستنيا منها تسألني أو تفكر تنزل معايا، بس برضو راحت مع "س"، ومكلمتنيش حرفيًا طول أسبوع العيد، وأنا اللي كلمتها بعد العيد عشان كان عندها امتحانو أطمن عليها، وقالتلي "هخلص امتحان واجيلك"، ومجتش وقالتلي ننزل يوم الأربعاء… النهارده الصبح فتحت إنستا لقيتها في اسكندرية مع "س".

حسيت إني كنت في حياتها مؤقت، ولما رجعت علاقتها بـ"س"، كأني اتمسحت، او بقيت عادي بحاول معتبهاش عشان ميبانش اني بغير من "س" وخايفه تتفهم نقص انا مش عايزه غير صحبتي ترجع تتكلم معايا وتحبني بجد

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Nutella_40137 🇪🇬

منذ 8 أشهر

شعور مكتئب

Orange_43723 🇪🇬 الدنيا مش هتوقف علي حد عادي دي سابتك وانتي مش غلطانه ف داهيه لكن سابتك وانتي غلطانه صلحي الغلط وشوفيها تقبلت دا تمام متقبلتش ف داهيه بردو ودوري علي غيرها🙂

عرض الكل 2 نصيحة

عبّر عن شعورك بشكل مجهول

انننا كان عندي بيست كنت بحبها اويييي بجد صحبتي دي كانت قاليلي سر كده بس يعني حصل حاجه خلتها تقول انا قولت السر دا لي الناس وانا مش قولت انا و قعد احلفلها انا مش عملت كده بس هي كانت مصدقه انا عملت كده وانا فعلا قعد بحفلها انا مش عملت كظه دا حته انا عيط علشان كنت مصدومه فيها بجد و فعد تقولي كلام يعني زي انا كنت فكركي غيرهم و كده يعني و علشان هي قالت كلام كده وحش يعني قولت ليها خلاص انتي شايفني كده و شايفه انا وحشه لي احنا بيستات ف سكت كده وقالت تمام بس احنا لسه صحاب بس مش بيستات و عرفت هي هتبقي بيست لي حد كده وهي قالتلي برضو طبعا كنت حاسه انا مش كويسه خالص بس في الاخر يعني مش بقي بيستات وانا برضو واحده صحبتي كانت عايزه نبقي بيستات طبعا افتكرت الموضوع بيستي دا بصراحه قولتلها لا خلينا صحاب احسن يعني بس قولت خليني اقول لي صحبتي دي هي كانت بيستي و صدمت هي قالتلي دا حاجه جامده و كانت فرحانه وكده يعني ف قولتلي انتي ازاي كده ازاي بتقوليلي كده واحنا كونا بيستات بس قالتلي كلام دا انا مش قادره انساه بجد قالت (لاكن انتي نهتيها علي الاخر يا....  مبقاش في حاجه اصلحها انتي كسرتيها كلها) وانا اصلا كنت رد فعل مش اكتر انا مش غلطانه 🙂💔

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Sugar_31740 🇪🇬

منذ 8 أشهر

شعور محبط

بصو انا عندي واحده صحبتي هي زي اختي بظبط وهي اكبر مني بسنتين واهلي واهله كويسين جداً مع بعض هي صحبتي من عشر سنين وهي بتكلم ولاد كتير وانا كذا مره اقولهااا بلاش وهي مش بتسمع منيي حاجه وبتكمل ف ال هي في ف ابطل انصحه واسبهاا في ال هي في ولا اكمل وافضل اقولهاا بلاش دا حته من كتر م انا بقولهاا بلاش بطلت

Watermelon_27618 🇹🇳

منذ 8 أشهر

شعور لا مبالٍ

Carrot_27663 🇪🇬 لا انتي مش غلطانه خليكي مع صحبتك الجديده لانها بتحبك بس بردو ممكن كل فتره تسألي عليها وعلي احوالها بحكم العشره الطويله الي بينكو وخليكي انتي الافضل ان لما حد يحتاجك يلاقيكي

عرض الكل 3 نصيحة

عبّر عن شعورك بشكل مجهول

انا لدي صديقة   منذ 10 سنوات عدينا مع بعض كل ايام الدراسة كانت وقفة معي في كل لحظات حياتي حتى في حزني اجدها دائما نتبادل الهموم و لكن فقط في ايام الدراسة في العطل و الاجازة الصيفية قليل وين نلتقي انها مابتحب تخرج و دائما خروجاتها مع عائلتها 
لكن انا دائما اقول انها صديقة ممتازة و وفية و لكن اول عام كلية تفرقنا فلم نعد نلتقي ابدا الا قليلا نتحدث على الفايسبوك عشان معملتش اصحاب في الجامعة و بتعدي وقتها معي و في الصيف بعدت خالص لا رسالة ولا مكالمة و لا نتقابل الا اذ سالت عنها انا فقررت انني بش نتخلى عنها و كل شخص يذهب في طريق 
لكن فوجئت بموت امها فرجعتلها وفضلت معاها و قعدت اطمن عليها دائما بالفايسبوك و امشي لمنزلها 
و لكن في وسط السنة ثانية كلية عملت صحاب و نساتني تمام اصبحت تخرج معهم و تمشي لعديد الاماكن الي انا قبل ترفض تمشي معي لكن لم ارد ان اتخلى عنها بحكم امها متوفية حزينة من اجلها و بعد مدة خرجنا نتفسح فوجدتها تجاوزت موت امها و اصبحت شخص اخر و تعرفت على شاب رغم ان طول حياتنا مصحبناش لان حرام فغضبت و قلتلها تراجع نفسها و من تلك الخروجة مرة 9 اشهر تقريبا مخرجناش و منحكيش فايسبوك الا قليل و انا الي بسال عنا و الان عندي  3 اشهر مسالتش عنها و هي مبعتتليش ولا ميساج لانها دائما تقول انها مهما بعدت لما ترجع تلاقيني دائما موجودة و انا الحقيقة اتخنقت من هيك صحبة لان الان بتخرج و تتفسح مع اصدقائها الجدد و انامش معبراني 
رغم الحمدالله عندي صحبة صالحة اتعرفت عليها في الجامعة بتحبني افضل منها ب١٠٠٠ مرة و لكن انا أرى بالعشرة 
ممكن ابعد عنها نهائيا ؟ هل انا الغلطانة ؟؟
آسفة على اللهجة لاني انا تونسية واغلب الي هنا مصريين لذلك تحدثت مصري و عربية

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

التجربة أفضل عبر التطبيق

حمّل تطبيق توهيل على هاتفك لتجربة أسرع