خوف من الارتباط

Biscuit_78094 🇪🇬

منذ 3 أسابيع

شعور مكسور القلب

أنا بنت فمنتصف العشرينات نفسي اكون فعلاقه آمنه مش سامة بس بخاف أوي لإني قبل كدة اتعرفت على ناس كتير ودخلت فتجارب بصراحه عددها أكتر من العادي بس مكانتش بتتخطى الشهرين تلاته يعني وبكتشف ان الاشخاص دول مش شبهي ولا مناسبين اطلاقاً واوقف تعامل معاهم ده غير اني دخلت علاقتين جديين كان الموضوع ماشي في جواز

Mango_77928 🇪🇬 مفيش حاجه اسمها ارتباط ياحبيبتي اسمها علاقه محرمة وانتي جربتي بنفسك اخرتها اين اقفلي بابك لغاية لما ابن الحلال ييجيلك وعندك فترة الخطوبة تعرفي عليه براحتك طلع مناسب اهلا و سهلا ماطلعش مناسب يبقى احنا لسه ع البر وقدام اهلي وقدام ربنا ماغلطتش

عرض الكل 11 نصيحة

Cookies_68867 🇪🇬

منذ شهرين

شعور مرتبك

سلام عليكم ... انا عندي خوف مرضي من الإرتباط و الجواز يعني العلاقات بشكل عام .. دا حصل بسبب بابا و انه عمره ما اداني اى مشاعر حنية و لا آمان ، قهر و تعب بس ف اتعودت على كدا و معنديش اى علاقات سابقة بسبب كدا و اى علاقات عموما بخاف و عقلي بيتلغي و بعمل بلوك لاى شخص بيحاول يتواصل معايا بس الموضوع دا خا

Lemon_70080 🇪🇬 وهتخلي عقلك سابق لسانك وسابق قلبك وسابق افعالك اتمني اكون قدرت ابسطلك الفرق سريعا ببن الخوف علي نفسك والخوف من نفسك والخوف من الغير والفرق بين الخوف الايجابي والسلبي

عرض الكل 10 نصيحة

Pineapple_71068 🇪🇬

منذ شهرين

شعور متعب

انا 26 سنة معندش خبرة خالص فى موضوع الارتباط والخطوبات ولا بعرف اتعرف علي بنات اصلآ خجول بخاف من الارتباط وتضيع الوقت لو رينا مارضش وسبنا بعض لاي سبب كان الموضوع يعملي ترموا واتعقد خالص ... لو حد عنده نصيحة او عنده نفس المشكلة ممكن يقولي بيتعامل مع الاشعور ده ازاى

Watermelon_72504 🇪🇬 متعلقش نفسك بحاجة أن بشخص علق نفسك بربنا بس لان الأشخاص ممكن يسيبوك او الحاجة ممكن تروح منك بس ربنا عمرو م هيسيبك طبيعي متتتوفقش في علاقات في حياتك أو متتفقش مع الشريك وده مش معناه انك وحش أو أنه وحش بس معناه أن شخصياتكوا مع عارفة تتفاهم مع بعض حاول تاخد الموضوع ابسط شويتين وان طبيعي متتتوفقش مع ناس وده مش نهاية العالم

عرض الكل 3 نصيحة

Tofu_70825 🇪🇬

منذ شهرين

شعور عاطفي

أنا بنت عندي 21 سنه عندي بوردن لاين ودا حرفيا اسوء ابتلاء حد يواجهون علطول أنا في حاله حرب علطول ما بين اني عايزه ارتبط وما بين اني خايفه اني اتساب ..واللي بيبقي موترني طول الوقت أن فيه ناس كتير حاولت تدخل حياتي بس انا حرفيا بخاف اطول في الكلام معاهم واتعلق بيهم ف بمشي ..ومعرفش دي نعمه ولا نقمه😅 مف

Cherry_72506 🇪🇬

منذ شهرين

شعور وحيد

فقدت الثقه فى كل اللى حوليا بعد تجربه زوج فترة طويله انتهت بمشاكل كتير مش قادرة أصدق حد حوليا غير أن الكدب بقى كتير اوى مكنتش بخرج كتير وقت جوزى كانت محيطى الولاد و الاهل دلوقتى عدت سنتين بس يادوب استقريت فى الشغل لكن كدب اللى حوليا خالنى افقد الثقه اكتر خايفه من اى ارتباط

Orange_72496 🇪🇬 متخفيش من حاجة الخوف دائما من الغلط أو نغضب ربنا اي حاجة حلوة ربنا بيكرمنا بيها زواج او فلوس أو اولاد فهو رزق يعني مش شطارة مننا يعني اعمل كل الكويس وادعي ربنا يعوضك بالخير وبانسان كويس ومتتعلقيش بحد انت المفروض عديتي بتجربة فكر بالراحة خذي وقتك ومستعجليش في حاجة .. اخر حاجة ثقتك في نفسك الاول اهم حاجة ومش اي حد بيقول كلمتين يبقي كويس ربنا ميز الإنسان عن سائر مخلوقات بالعقل واكيد هتعرفي من الصادق

عرض الكل 3 نصيحة

Coconut_70851 🇪🇬

منذ شهرين

شعور محبط

عبّر عن شعورك بشكل مجهول

كنت اكتر شخص بيتمنى الخير للغير لحد ما حبيت شخص من سنتين افتكر حماسي وقتها ومشاعري اللي كانت له وفرحتي اللي متتوصفش وكانت علاقتنا رتمها سريع جدا جدا لدرجة بعد ما اتعرفنا بشهر ونص اعترفلي بحبه وبعدها بإسبوعين قعد مع بابا ومش بعيد لو كانت مشيت بنفس الرتم كان هيبقى زماننا متجوزين 
كان وعدني بحاجات كتير قال هيجيب اهله قبل مايدخل الجيش بعدها فضل يأجل يأجل يأجل ومرة لما ادخل ع نص الجيش لا لما اخلص لا لما اشتغل وبعدها لما اشتغل في مجالي وفضلت مستنية بس في وسط كل ده كان فيه ضغوطات من اهلي ان هتفضلي مستنية كتير وان مقدركيش وان فيه ناس كتير تتمنالك الرضا ترصي
الفكرة في خلال الوقت ده كان كل شوية يغير حاجة فيا لحد ما بقيت معرفش نفسي هو كان متناقض جدا جدا وكان بيضغط عليا نفسيا وبيحسسني ان محدش هيحبني قده وده خلى جوايا خوف من التجربة اصلا او اني ادي اي حد فرصة او اثق في حد 
بس كل مشكلة بينا كان بيسمعني كلام سم وييجي عليا لحد ما لقيت ان خلاص سنة ونص عدت ولما اقول الموضوع طول يقولي ده فيه ناس بتستنى بالعشر سنين ف زهقت وحصل مشاكل وبعدنا ومامته كلمتني وقالتلي شهر وكل حاجة هتظبط وهو مش عايز ييجي غير وهو معتمد ع نفسه رغم ان عنده شقته وكان شغال واهلي كان مش مستنيين منه حاجة لا بيطلبو دهب بمعرفش كام ولا اي حاجة اهم حاجة يكون بيحبني ويخاف عليا ويراعي ربنا فيا وفعلا رجعت واستنيت بس احساسي من افعاله انه دايما مدخل اهله وصحابه في علاقتنا يعني بعد ما يتفق معايا ع حاجة يرجع في كلامه واصلي الراجل ف لا 
يقولي هاجي اخر الاسبوع ولما اقوله تمان هعرف اهلي يقولي لا اجليها لحد مازهقت خالص وبعدت بس المرادي وانا مش مسمحاه ع جرحه ليا ووعوده الكدابة وخذلانه ليا قدام اهلي والكل لانه اول حب حبيته واول حد وثقت فيه وحاول يرجع بس رفضت 
من وقتها او من تاني  سنة في علاقتنا وانا بدأت اضايق لما اشوف بنت بتتخطب ع حد بتحبه وجالها وقدرها علطول وحسسني احساس وحش ان بطلب حاجة وانا مبحبش اطلب حاجة حتى لو حقي 
ولحد دلوقتي جوايا الزعل ده بزعل لما يقولو واحد اتقدم لواحدة وبزعل لما بشوف حاجة رومانتيك 
وبزعل لما حد بيحاول معايا
وحتى اتعرفت ع شخص مش فاهمة مسمى لعلاقتنا بس هو اكبر منه ب ٨ سنين وناضج وطيب وحنين وبيحاول يرصيني بس مش فاهمة انا عنده ايه وزعلني من الموقف الاول بيخليني مش قادرة أسأله احنا ايه وف نفس الوقت متعلقة بيه اوڤر كأن بعوض مشاعري ومنكرش ان معاه بحس نفسي القديمة المبسوطة مبيحكمش عليا وحش ولا اي حاجة بس غصب عني بتوقع منه الأسوأ ف انا مش عارفة اعمل ايه ومضغوطة  جدا  من البيت في موضوع ارتباطي وان ضيعت كتير بقا ولازم ارتبط بس منكرش ان الشخص التاني لو قالي بحبك هنبسط وهحب اكمل حياتي معاه لانه شخص مؤهل لده بس مش فاهمة ازاي مقعش في غلطة انتظاري تاني ومفروض اصبر قد ايه اقصى حاجة عشان علاقتنا تبقى رسمي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_67994 🇪🇬

منذ 3 أشهر

شعور مرهق

بقي مراتي ماتت من ٤ سنين في حادثه كنت انا وهي وعيالنا طفلين انا اللي فوقت الاول وقعدت ادور علي العيال وطلعتها من العربيه وكانت ميته الحمد لله الاطفال كويسين وكبروا بس انا كل يوم بحلم بتفاصيل الحادثه ومش عارف اعيش روحت لدكتور تفسي وقعدت سنتين اتعالج وخدت علاج نفسي بس حاسس اتي مفيش فايده ولا عارف احب

Donut_63791 🇪🇬

منذ 3 أشهر

شعور محبط

عبّر عن شعورك بشكل مجهول

الموضوع غريب شويه بس بدون مبالغة بقيت بحس أن الأيام دي و الزمن ده مبقاش فيه رجاله يعتمد عليها و يقدروا يشيلوا المسؤلية كلهم عيال حتى لو المفروض انهم كبار و ناضجين و معديين سن المراهقه لدرجة اني بقيت متعقدة من فكرة الجواز من كتر المشاكل و التعقيدات اللي بشوفها ف العلاقات اللي حواليا بحس أن الولاد كلها بقت بتتسلى عندي خوف دايما اني ادخل اي علاقه بحس أن الرجاله كلهم كدابين و بيتغيروا بمرور الوقت ( بعيدا عن أن الارتباط بدون شئ رسمي حرام طبعا و الموضوع ده مرفوض بالنسبالي بس بتكلم أنه حتى لو الموضوع رسمي و الواحد جاي يخطبني هبقى خايفه بردو ) بحس أن الواحد حتى مع خطيبته ممكن يكون كداب أو حتى مراته يعني وصلت بيا احس أن الواحد ممكن يبقى بيتسلى حتى بعد ما يخطب أو يتجوز معرفش ازاي بس من اللي بشوفه والله يعني ايه يبقى واحد خاطب أو متجوز و يروح يكلم واحده تانيه أو يتجوز ع مراته مثلا حتى لو خطيبته أو مراته مش مقصره معاه ف حاجه يعني بيعمل كده كأنه إرضاء لغريزته مش اكتر و ملهاش مبرر غير أنه شخص مريض ، كل اللي بحس بيه ده مش من اللاشئ ده من اللي يشوفه و بيحصل قدامي مع اصحابي مثلا بعيدا عن اللي بشوفه ع السوشيال ميديا العلاقات تبقى ف الاول الكل شايفها مثالية اوي خصوصا وقت لما يكون الارتباط مش بشكل رسمي  و بمرور الوقت او بعد ما تحصل خطوبة تصرفات الراجل خصوصا بتبقى غريبة و غير مبررة ( اه احيانا ممكن التغير يبقى من البنت بردو بس انا بتكلم ع اللي بشوفه قدامي واللي وصلني ل كده ) و بعد كل ده طبعا الموضوع بينتهي بالأنفصال بجد بتصعب عليا اوي العلاقات اللي بتنتهي بالمنظر ده وأنهم ازاي هان عليهم يفرطوا ف كل ده بالسهوله دي و ايه سبب التغير الغريب ده اصلا و ازاي نبقى واخدين عنه فكره أنه راجل و ناضج و داخل جد و بالفعل يتقدم للبنت بس بعدها يتغير تغير جذري لدرجة أننا نحس ان الفكره اللي كنا واخدينها عنه ف الاول كان بيضحك علينا بيها أو عشان يقدر يقنعنا و نصدقه ف ليه بجد كل ده و ايه اللي يخلي راجل يتغير بالطريقه دي بلا مقدمات و فجأة كده ؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_63804 🇪🇬

منذ 3 أشهر

شعور عاطفي

انا يا جماعه نزلت وقلت اني داخله على 21 سنه وعمري ما ارتبطت وكده والناس افتكرت ان انا عايزه ارتبط او كده وقعدت تقول لي كده احسن وبتاع مش دي المشكله يا جماعه انا مش حاسه ان انا اعرف ارتبط ولما حد بيقرب مني بهرب حتى في الحلال حتى رسمي مش عارفه انا اه بعجب بناس بختار ان هم دايما يكونوا ناس مستحيل ان هم

Avocado_63804 🇪🇬

منذ 3 أشهر

شعور وحيد

يا جماعه هو طبيعي ان ابقى عندي 21 سنه وعمري ما ارتبطت ولا راهقت زي البنات ولا حبيت بقى وكلمت واحد ونفسي اعرف المرتبطين دول بيقولوا ايه اساسا وبتبقى العلاقه بينهم عامله ازاي. لو حسيت ان حد معجب بيا بهرب منه وانا بختار الناس اللي انا ابقى معجبه بيهم ومنبهره بيهم ان هم يبقوا ناس مستحيل ان هم يحبوني او

Almond_59534 🇪🇬

منذ 3 أشهر

شعور قلق

مش عارفه فضفضه وخلاص انا عمري ما ارتبط في حياتي كانت بتجيلي لحظات واحاول بس برجع في كلامي بعد ساعات قليله كنت بقول انا كدا بغلي نفسي و الصراحه مبسوطه بكدا بس الناس كلها بقت بترتبط ومفيش بنت مش مصاحبه بس مش مهم بس اللي انا مش عارفه اللي هيكون من نصيبي هقابله ازاي مش حابه يكون جاي معرفه من الأهل أو ح

Orange_61792 🇪🇬 كلام صح جدا و منطقي ،حافظي على قناعاتك و متغيريهاش عشان تقلدي غيرك و كلنا بنرتكب ذنوب و ربنا يعينا ع الاستغفار و التوبه و بلاش تفكير سلبي

عرض الكل 7 نصيحة

Blueberry_62598 🇪🇬

منذ 3 أشهر

شعور قلق

مكنتش اتوقع اني هيجي وقت واكتشف انها هتكون مشكلة في حياتها ، طول حياتي كنت رافضة الارتباط ومرتبطش نهائي ، بس فجأة لما كبرت وخلاص سني الوقتي ٢٢ سنه وفي ناس بيتقدمو ، لقيت نفسي رافضة فكره اني اوافق علي حد غريب اتجوزه ، مش قادره استوعب اني لما اقعد مع حد واتكلم معاه هرتاح له وخلاص هقرر اني موافقه ، رفض

Coffee_61744 🇪🇬

منذ 4 أشهر

شعور محبط

انا عندي مشكلة اني معنديش ثقة في اي بنت بشوفهم عبارة عن شياطين في صورة انسانة وبخاف أقرب منهم واتعامل معاهم حتي مش عارف ارتبط او اتجوز مع العلم انا عندي ٢٨ سنة مش صغير ومش عارف احل المشكلة دي عندي

Banana_40578 🇪🇬

منذ 4 أشهر

شعور مكتئب

عندى مشكله بتخلينى اعيط وادعى على نفسى دلوقتى بابا جايبلى عريس ومقتنع بيه جدا هو دكتور ومش عارفه اى مسالتش وعمال يقنع فيا ويقول لاخواتى يقنعونى واتكلم معايا انا رافضه حاليا مش عايزه حد فحياتى دلوقتى انا خلاص ف اخر سنه فى السن وعايزه اتخرج واشتغل حبه كده اعيش بس شويه بحريه انا عندى ٢١ سنه شايفنى كبرت

Toast_59410 🇪🇬 ممكن انك تدخلي في علاقه حديده يعافي اللي مريتي بيه لو كان دا الشخص الصح صدقيني اتعرفي عليه و شوفيه و شوفي هو دا الشخص المناسب ليكي و متفهم افكارك و حباه و اتشرطي عليه انك تشتغلي و لو رفض هيبقي عندك حجتك انك ترفضيه - حابه اقواك بردو ان ساعات الناس اللي اكبر مننا بيكونو ليهم نظره تانيه للمستقبل مختلفه عننا حاولي تشوفيها ممكن تكون هيا الصح لانهم ادري مننا و دا مش يدل علي انهم ممكن يجبرونا علي حاجه

عرض الكل 15 نصيحة

Waffle_55944 🇪🇬

منذ 4 أشهر

شعور ضائع

أنا عندي 34 سنة، أيويا انفصل عن أمي من وأنا في kg ومش بيسأل علينا غير كل فين وفين ومش بيصرف، ان أبويا عايش ومش مهتم بيا ولا بيسأل تاعبني جدا ومخليني مش حاسة بأمان لحد وللأسف ارتبطت كذا مرة وبردو أتساب، مفيش أمان، كان نفسي ألاقي حد يعوضني عن الحنان والأمان والسند اللي كنت المفروض ألاقيه من أبويا. نفس

Sugar_21815 🇪🇬

ليه الدنيا مش سهله وكلنا أحلي بشعرنا وبلبسنا؟

جماعه احنا ليه مش عادي ننزل بشعرنا و نلبس ضيق و قصير و فساتين مفتوحه و نفرد شعرنا ليه مكانتش الشهوه اللي عند الرجاله قليله عشان نقدر نعمل كدا ليه مكانتش الدنيا مفتوحه و نعجب و نحب و نكلم و نعيش قصص حب جميله و نعمل علاقات ليه الدنيا مش سهله دي حاجه انا كنت بتمناها لكن للاسف الناس اللي احنا عايشين معاهم هيعتبرونا سلعه و اداه تسليه و ترفيه و الدين محافظ علينا من كل ده بس ليه احنا كلنا احلي بشعرنا و بلبسنا ليه مينفعش ابقي معجبه بواحد نحب بعض بكل حريه حاسه اني مكتئبه ...عرض المزيد

3 الدعم

29 نصيحة

Tofu_77801 🇪🇬

مش مبسوطة مع جوزى.. هل الطلاق هو الحل؟

انا جوزى حد كويس هو بيقدرنى وبيحترمنى وانا كذالك .. احنا بقالنا اربع سنين متجوزين وفى عشرة كبيرة ما بينا ونوعا ما الدنيا بينا متستقرة ولكن المشكلة انى مش مبسوطة معاه .. ومش بحس ان فيه مشاعر ما بينا يعنى احنا بنعامل بعض كويس وخلاص.. وحياتنا روتينية قاتلة .. ومفيش اى تجديد فيها ..حاولت كتير الاقى حل .. واتكلمت معاه ولكن كل مرة بنرجع لصفر وحاسة انى مش لاقية نفسى معاه وانه غير شخصيتى للطريقة اللى تناسب حياتة ولكن دة مع الوقت بدا يتعبنى ..هل ممكن يكون الحل فى الطلاق؟ ...عرض المزيد

1 الدعم

22 نصيحة

Mushroom_83350 🇪🇬

إزاي نعيش في عالم مقزز كده؟!

كدة هنضيع يعنى الآب ده مفيش حد حقيقى اصلا كله كلام خارج و اباحى ديه عقلية الشباب ولا ايه!!! انا عمرى شفت كدة والله مقولتش بدور على دكتور نفسانى ولا شيخ أو شيخة بس المستوى هنا بشع و مفيش حوار محترم متحضر حصل بينى و بين حد حتى البنات صدموني كل تفكيرهم كدة طيب الناس الى زيى يقفلوا على نفسهم طول العمر مفيش اونلاين بسبب ناس تفكيرها كدة!! مفيش حوار و يبقى ليا دعوة بحد عالم مقزز و بشع لأبعد حد إزاى الى بيتكلموا دول هيبقوا أب أو أم أو يبقوا فى مجال عمل يعنى إزاى دول يبقوا وسط مجتمع و أطفال و صحاب و عيلة إزاى ...عرض المزيد

6 الدعم

21 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع