خلافات مع الأهل

Coffee_57414 🇪🇬

منذ 19 ساعة

شعور متوتر

عبّر عن شعورك بشكل مجهول

موضوع طويل شويه انا متزوج من ١٠ سنوات وحياتي الزوجيه مش احسن حاجه دايما حاسس اني عايش حياه موقته مش مستقره مفيش اطفال والمشكله بسيطه ومن عندي وحلها بسيط بس الموضوع محتاج شوية علاج والاهم عدم التوتر ومحتاج اكون نفسيتي حلوة وانا اصلا عندي اكتئاب مزمن وده كلام الدكتور الذكوره وكلام الدكتور النفسي لان الموضوع ليه علاقة بالحركه مش الاعداد المهم  من اول الجواز ومن قبله وامها مريضه المهم مفيش غيرها هيا واخوها وابوها المهم هيا اللي كانت مهتمه بامها من علاج لدكتور لكل حاجه ابوها واخوها كانو معتمدين عليها واحنا سكنين في القاهره وهما في القليوبيه يعني سفر بردو كانت بتروح تقعد معاهم سبت و احد واتنين وباقي الاسبوع عندي وانا مستحمل وبقول عادي امها مش عيشلها طول العمرالمهم جت في مره واحنا سهرنين ابوها اتصل قلها تعالي اخوكي توفاه الله موته طبيعيه كان مبيت عندهم هو ومراته وبنته ونام مصحيشعدي سنتين ونص علي وفاته والموضوع ابتدي يزيد سوق المهم الموضوع بقي يتطور لدرجة ان انا بقيت عايش عند اهلي وهيا عند اهلها وبشوفها خميس وجمعه بس وباقي الاسبوع عند اهلها وابتديت احس ان ابوها معتمد عليها اعتماد كلي وجيت في مره اتكلمت مع ابوها وخالها وقولتله انا كده عايش حياه صاعبه يا تجيب الست امها تعيش معانا يا تتصرف انا بشوف مراتي يومين في الاسبوع وحتي العلاقة الزوجيه مبقتش بتحصل حتي زي مالدكتور قال. المهم اتخانق معايا وقالي عيب تتكلم في الحجات دي والموضوع كبر وكان عاوزني اطلقها قولت في عقلي عيب وكبرت دماغي ومشيت وهما مش شايفين غير مصلحتهم المهم الفراغ خلاني ادور علي علاقاتي القديمه وافتكرت بنت كنا بحب بعض زمان ودخلت كلمتها بالصدفه اكتشفت ان هيا  انفصلت وجوزها طلقها بيني وبينكم ابتديت اتعلق لان لقيت منها اهتمام وانا اصلا علاقتي باهلي مش قد كده انا اصلا اتجوزت علشان اخلع من مشاكل اهلي المهم مراتي كانت عندي في مره وانا مبحبش احور او اكذب قولتلها بصراحه كده انا هتجوز وحكيتلها بصراحه قلبت واتخنقت واكني انا السبب في اللي وصلنا ليه ده المهم قولتلها خلاص انا هسيبك تريحي اعصابك وتفكري في الموضوع يا تلمي البيت وتهتمي بيا زي ما بتهتمي باهلك يا هتجوز المهم راحت عند اهلها مفيش كام يوم لقيت محضر جايلي وراحت رفعت عليا قضية خلع وتبديد قايمه هيا وابوها واخر قلت ادب من ابوها واكنه ما صدق علشان يخرب البيت وكل اللي عليه انا هحبسك وهاخد عفش بنتي والموخر وابتديت احس بلغة غريبه اوي اكنه كل اللي فارق معاه العفش والفلوس ومش فارق معاه ان اصلا ان بيت بنته هيتخرب بسببهم ومش فارق معاه ان جوز بنته مظلوم وهما مخليين بنتهم مقصره في حق جوزها المشكله فضلت اكثر من ٧ شهور وانا احاول الم الدنيا وهو رافض زي ما تقولو هو ما صدق ان مراتي هتطلق وهيمسك فلوس من طلقها وبالمره هيقعدها تخدم امها طول العمر ويريح دماغه من الست لان الست كانت حالتها صعبه وبعد موضوع ابنها كمان نظرها راح وبقت حركتها صاعبه وفي نفس الوقت مراتي صعبانه عليا وانا صعبان عليا نفسي ان مهدور حقي المهم اتكلمت مع مراتي واتفقت معاها ان احنا نلم الموضوع وشرطت عليا ان اروح اكلم ابوها علشان متصغرش ابوها وكمان اخد ليها شقه جمبهم وانقل حاجتنا فيها بصراحه وافقت بالرغم ان انا مش بحب البلد بتعتهم ديعلشان مليش فيها حد  ولا بحب اهله مراتي بصراحه لان من زمان وهما ميعرفوش الاصول حتي لما كانو قبل المشكله مرعوش ربنا معايا ولما كانو بيتصلو ولا في كلمة ازيك ولا عامل ايه اللي هوا الوووو ادينا فلانه لو انا اللي رديت عليهم يعني  ده بجد والله العظيم ما بقول كلمه كذب المهم يعلم ربنا ويشهد عليا المهم بعد ما وافقت واخدتلها شقه ونقلنا جمبهم حما اخوها قالها خلاص طلما بنتكم نقلت جمبكم انا بنتي ملهاش قعاد معاكم معلش اصل نسيت اقولكم ان مرات ابنهم الله يرحمه كانت عايشه معاهم هيا وبنتها المهم بعد ما نقلت مراتي جابت بنت اخوها تعيش معانا انا قولت اهي حاجه تونسنا وبت صغيره وياتيمه كان سعتها عندها ٣ سنين ونص المهم الموضوع بردو طول النهار بقت عند اهلها وتيجي علي النوم وكمان اسلوبها اتغير واخر طولت لسان وقلة ادب وبقيت لما اجي اكلمها بقي في لغة تهديد ان انا عندهم في منطقتهم وفي وسط عيلتها وكده المهم فضلت تقريبا مبدخلش عند اهلها وانا مش طايقهم جت في يوم قالتلي دي امها تعبانه اوي وگانت بتسئل عليا المهم روحت للست وبصيت عليها لقيتها فعلا شكلها بتودع المهم قعدت معاها فضلت اهزر وهيا تدعيلي وخلاص بعديها بيومين ابوها اتصل الفجر قالها امك بتصوت وتعبانهقالتله خلاص الصبح لما اصحى  هاجلها وانا صحيت علي التليفون بصراحه كنت حاسس ان الست هتموت قومت زعقتلها وقولتلها قومي البسي وروحي لامك دلوقتي الفرق بينا وبينهم شارع قامت نزلت وراحتلهم مفيش ساعتين كلمتني وقالتلي امي ماتت الله يرحمها بردو عدي علي وافتها اكثر من سنتين وبردو اخلاقها معايا زي الزفت وكل ما اطلب منها ان احنا ننقل ونرجع في المنطقة اللي كنا فيها علشان اهلي وشغلي لان بردو الحياه الوظيفيه انا مش عارف اشتغل زي زمان علشان الدنيا بالنسبالي صاعبه في المحافظه دي بردو اسلوبها وطريقتها زفت عاوز تمشي امشي انت انا قاعده هنا ببنت اخويا وجمب ابويا وشقتي وعفشي جمبي هما اللي فضلنلي دايما انا اخر حاجه بتفكر فيها ودايما مش مدياني فرصه مثلا اتكلم مع البنت الصغيره رغم ان والله العظيم بعملها زي بنتي ودايما مشاكلي مع البنت علشان تاكل كويس. لان البت عندها انيميا ودايما ماسكه التليفون وفين وفين لما بتذاكر واكلمها علي الصلاه لان بيت اهل مراتي محدش فيهم بيصلي والله العظيم مش بكدب انا لما اتجوزت مراتي مكنتش عارفه التشهد وكانت بتصلي العصر والمغرب لما اقولها ثلاث ركعات في اول الجواز المهم دلوقتي بقي في مشاكل جديده كمان بسبب البنت الصغيره وامها واهل ام البنت كمان رمينها مش بيسئلو عليها والبنت كمان بقت ترد عليا بطريقة وحشه قدام عمتها واخر مره تقولي احنا ممكن نطردك بره اصلا البيت ده بيتي انا وعمتي وهخلي جدو يجي يضربك المهم البت بقت تقول كلام عمتها وبصراحه انا مبقتش مستحمل ومبقتش عاوز البنت معانا ومش طايق المنطقه اللي عايش فيها غصب عني دي وهيا كل اللي عليها تقولي طلقني انا كده كده عفشي وحاجتي بقم في حضني مش كفايا ضيعت من عمري عشر سنين من غير خلفة وانا مبقتش مستحمل وحقيقي انا فعلا اللي حياتي ضاعت منها عشر سنين في حياه موقته مش مستقره ودفعت شقي عمري واقسم بالله العظيم انا لسه عليا فلوس من تجهيز جوزتي وحرفيا مش عارف اعمل ايه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Tomato_46393 🇪🇬

منذ 7 أشهر

شعور لا مبالٍ

عبّر عن شعورك بشكل مجهول

حصل خلافات فتره بيني وبين اهلي ومازالت مستمره' وحصلت ظروف لما كنت في السعوديه مع والدي' دي من اكتر الحاجات الي اثرت فيا' ومع الوقت واستمرار الألم والمشاكل والتوتر" بقيت شخص معندوش لمشاعر ولا تعاطف لحد ولا بحب حد خصوصاً اهلي مبحبش غير نفسي' وبقيت شخص اسود من جوه وتفكيرهُ شيطاني' ومستعد اعمل اي حاجه حتي لو هقتل لمجرد شخص تعدي حدوده معايا' و دا حصل كنت بضرب شخص وكان هيموت بس الناس لاحقتو بس م علينا" تفتكرو انا بقول الكلام دا ليه' مستني حد يتعاطف معايا ولا كلمتين يفوقوني" لا انا بقول الكلام دا عشان في حاجه لسه كويسه جوايا ويمكن دي اخر حاجه' حب الطفوله" علاقتنا استمرت بشكل رسمي 4 سنين' وانفصلنا في 2023' الحاجه الوحيده الي بتأثر فيا وبتحرك مشاعري وبحس اني عايز اعيط' هي' ليها مكان جوايا ومستعد اعمل اي حاجه عشانها' لأني بحبها' كل يوم بيعدي عليا ب ادراك قد ايه انها فعلاً ليها مكان جوايا" كل يوم بحلم بيها والموضوع ذات عن حدهُ لدرجه اني عايز اعمل اي حاجه عشان نرجع' اتقدملها مثلاً اي حاجه تغفرلي" بس انا مش قادر اعمل دا' انا حزين  كان ممكن كل دا ميحصلش كان ممكن اعيش في امان' عمتاً يعني انا قريب اوي مسافر السعوديه' ومن شدتي حبي ليها بفكر لما انزل اتقدملها' بس بقعد افكر بيني وبين نفسي هل هي هتوافق بيا بعد م انفصلنا' رغم اني مش وحش بالعكس انا ليا علاقات كتير جداً مع بنات وكلمت من بعدها بس تقدرو تقولو' قلبي ماختارش غيرها' ومحبش غيرها' انا حقيقي مفتقدها وحقيقي وبقولها من قلبي' انا حزين علي فراقنا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

التجربة أفضل عبر التطبيق

حمّل تطبيق توهيل على هاتفك لتجربة أسرع