خصوصية

Cherry_63864 🇪🇬

منذ 13 ساعة

شعور ضائع

بصوا ي شباب انا ٢٦ لسه اعزب المهم يعني انا دلوقتي خريج تربيه لغه عربيه وحاليا مجليش لسه تعين في مدرسه شغال في الدروس وكده يعني فكل سنه مثلا اخلص الدروس واروح اشتغل في مكان في الاجازة بدل الفراغ بتاع نص اخر السنه فروحت شرم اشتغلت في فندق امن اخترت امن ؤاحه وكده وقولت هقضي الشهرين في راحه وكده واديني

Potato_67700 🇪🇬 بص يابرنس اولا اي شغل رزق من ربنا ثانيا سيبك من اللي مستقبله وزفت اشتغل اللي بتحبه بحيث انك تبدع فيه ولو ابدعت فيه واتقيت ربنا هتلاقيها فرجت من واسعه وخد بالك ان الفنادق فيها شبهه جامده عشان اللي بيقدم خمور واللي بيسهل من دعاره ومساج الخ الخ

عرض الكل 4 نصيحة

Apple_65355 🇪🇬

منذ 5 أيام

شعور مكتئب

Durian_65308 🇪🇬 انا شايف انك لازم تصلح نفسك الاول وتصلح معتقدتك اول حاجه البنات هي اللي بتحتاح حنيه وحضن واهتمام في دي اول حاجه انت محتاج تستغني عنها وتفهم أن راجل اللي بيقدمها مش بياخدها واي حد من اخوتك لو جه عيد ملاده وجبتله حاجه حلوه او قلتله كلمه حلوه هتحطهم في جيبك حرفيا كل فين وفين اتصل علي اي بنت من اخواتك قلها بطمن عليكي وكلمها دقتتين بس صدقني هيحبوك ولدتك لمه اقلك قافل لي علي نفسك قلها بقيت راجل

عرض الكل 10 نصيحة

عبّر عن شعورك بشكل مجهول

عندي مشكله في البيت للاسف 
انا اخ واحد علي ٣ بنات وانا اكبر واحد ... وعندي ٣٠ سنه ومش مرتبط لسه ولا متجوز 
المشكله اولا مع اخواتي البنات .. علاقتي بيهم مش زي ما بشوف مثلا ناس حقيقيه اعرفهم فرحانين باخوهم بيحبوه شايفين انه سند وظهر وامان لهم وبيعملو له كل حاجه وبيفرحوه وهو بالنسبه لهم كل حاجه .. للاسف العلاقه عاديه جدا واقل من عاديه بيني وبينهم مش عارف الغلط والتقصير مني ولا منهم ...يعني هم مع بعض بيقعدو يتكلمو ويضحكو ويهزروا معايا انا لا .. بيشترو حجات تسالي وبيجيبو لي .. انا قليل لما بجيب وده مش كره بس لان مش بقدر اجيب ديما لان مصروفي اعلي من مصروفهم .. فبصرف من فلوس شغلي ومش بحب اني اضغط نفسي او اجي مثلا ف يوم فلوسي تخلص واقول عايز فلوس من ابويا مع ان لو طلبت هيديني مش هيتاخر بس انا مش بحب كده ... كلامي معاهم قليل جدا وحتي رغم ان هو قليل يوم ما بنتكلم ف موضوع يخصني كلامهم بعترض عليه وبقول وجهة نظري ومش بيعجبهم وبيقلب بخناق او بسيب البيت وانزل والموضوع ده تعبني .. المفروض اختي لما اكون مخنوق تسمعني تاخدني ف حضنها تريحني .. انا مش لاقي ده ومش بحب اطلب ده من اي حد  خالص لان انا شايف ان دي حجات بتتحس مش بتنطلب واذا القدامك مش حاسسها ومش هيعملها من تلقاء نفسه يبقي ملهاش لزمه ولا لها معني ...
اتكلم عن علاقتي بوالدتي ووالدي ...
علاقتي بوالدي تكاد تكون معدومه اصلا مش بنتكلم الا لو هو عايز حاجه مني او انا عايز حاجه منه وبس وبرضوا ممكن يحصل خناق ومشاكل ...
علاقتي بوالدتي كانت كويسه لحد ما دخلت اولي ثانوي كانت عارفه كل حاجه عني مفيش حاجه متعرفهاش ... دلوقتي للاسف لا انا بعدت وبعدت لاتي شايف نفسي كبرت مش كبرت عليها لا بس مينفعش ابقي قاعد مثلا ف الشغل واحكي تفاصيل صغيره زي مثلا هزار وضحك بين شباب بالفاظ ملهاش لزمه او اي موقف محرج او خارج مينفعش ولدتي انها تعرفه اكيد انتو فاهمين قصدي خصوصا الشباب بحكي عن البيحصل ف الشغل ف المجمل بدون تفاصيل ومش بيعجبها برضوا بتبقي عايزه تعرف تفاصيل اكتر .. برضوا والدتي زعلانه ان موبايلي او حاجتي الشخصيه  مش متاح ان حد يمسكها ويستخدمها لاي سبب من الاسباب وهي عندها عادي تمسك تليفوني وتفتش فيه صور رسايل اي ابلكيشن تسأل اي ده وليه ولازم ارد .. طبعا الكلام ده كان بيحصل لغاية اولي ثانوي ومن بعدها وانا قفلت الموضوع ده وهي زعلانه لان اي بنت من البنات لو طلبت موبايلها بتاخده وبراحتها بيمشو ويسيبوه مش بيقفو فوق راسها ... عمتي عندها اولاد ومش بتعمل مع اولادها كده وبتحترم خصوصيتهم ووالدتي شايفه اني بطبق ده وعايز يبقي ليا خصوصيتي وهي شايفه ان مفيش خصوصيه بين ام وابنها  ... اوضتي مثلا ممنوع ابقي قاعد وموارب الباب او قافل علي نفسي بمفتاح او حتي من غير مفتاح .. انت بتعمل اي وقافل علي نفسك ليه .. !! .. بقعد لوحدي كتير وببقي حابب ابقي منعزل هو طبعي كده يمكن معاهم بس ويمكن ده بسبب مواقف كتير ومعامله وردود وكلام كتير حصل خلاني اتجنب التعامل .. هم برضوا مضايقين من ده خصوصا والدتي ...
والدتي بتقف ف صفي ف حجات كتير وبتدافع عني ف حجات كتير سواء بيني وبين اخواتي او بيني وبين والدي .. جات عليا فتره كنت مسافر بره مصر كانو اخواتي قليل اوي لما يكلموني كنت بكلم والدتي كل يوم واحكيلها اه بنتخانق ونزعق وممكن يوم يومين منتكلمش بس كنا بنتكلم لكن اخواتي لا ولما اعاتبهم يقولو ما احنا بنعرف اخبارك من ماما .. علما بان اخواتي الاتنين شغالين مش قاعدين ف البيت والثالثه قاعده لانها في كليه مش شغاله .. وانا بالنسبه ليا لما ببقي شغال بحس نفسي احسن نفسيا وجسديا غير لما ابقي قاعد من غير شغل بتخنق ونفسيتي بتبقي مش احسن حاجه لان بشوف البنات نازلين شغلهم وال نازله كليتها وانا الراجل والكبير قاعد في البيت فبهرب من كل ده بالنوم يا بالنزول كل يوم عل قهوه واروح وهكذا .. ولما بتكلم معاهم بنشد من اقل حاجه وانا نفسي بحس نفسي عصبي اوي مع العلم لو نفس الموقف ده حصل مع حد غريب ممكن ميبقاش نفس رد الفعل ده بحس اني مش طايقهم او مش حاببهم كلهم في البيت .. حاجه مهمه اوي لازم اوضحها .. انا اتولدت عندي مشكله معينه في شكلي ( انا بحس انهم مش متقبلينها مش انهم بيتعاطفوا معايا لا مش متقبلينها اصلا وعلشان كده بيتجنبوني ) مش عارف اعمل اي وعايز ابقي كويس معاهم لاني كويس مع الغريب بس مش قادر ووالدتي بتقولي طول ما انت كده مش هقدر اجوزك واخليك تاخد بنت ناس لان زي ما انت كده معانا انت هتكون كده معاها واسواء بس انا شايف انو لا لان انا هبقي حاببها هكلمها ف عيوبها مثلا براحه وبهداوه ومش هرتبط بوحده انا مش قابل عيوبها اصلا .. (طب انتو اهلي انا لا اقدر اغيركم ولا اقدر اواجهكم بالمش عاجبني لان مش هتفهم صح انا متاكد ) ... تعبت ومش عارف اعمل اي ولا اتصرف معاهم ازاي واقصي حاجه بعملها هي اني اقعد لوحدي بعيد عنهم تجنبا لكل القصه دي .. لدرجة اني حاسس لو جرا لي حاجه هيقولو احسن ارتاح وريحنا (اخواتي) مش امي وابويا ... امي وابويا هيزعلوا وهيتقهروا انا عارف ده ..

حد حيقولي اخصائي نفسي يدمل بينكم ويحاول يحل للاسف ده حصل وحصل تغير بس مش تغير دايم ولا التغير الهو انا عايزه ووالدتي كانت بتعترض انا بدفع لك كل شهر ٨٠٠ جنيه جلسات ومش شايفه اي استفاده منها فبطلته علما باني قعدت من ٨ شهور معاه ووقفته بعد الكلام ده

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_64142 🇪🇬

منذ أسبوع واحد

شعور متوتر

احساس الوحدة حاجه صعبة بجد بس مش عارف مبحبش اتكلم عنه ممكن الابليكيشن دا ينفعني اني اعبر بس بخاف ادخل حد جديد حياتي حتي لو معرفه جربت اتكلم مع ناس هنا بس اصلا معرفش هل الابليكيشن دا في برايفت شات ولا لا عشان الصراحه اكيد مش عايز حد يكلمني ويكون عارف الشخصية الحقيقية بتاعتي حاسس ان كل الجدران اللي بن

Carrot_64604 🇸🇦

منذ أسبوع واحد

شعور سعيد

موضوع:

إيه أحلامك اللي متحققتش؟

حققت اول واحد وهو اني رايح رابعه طب دلوقتي الحمد لله ومش مصدق اني حققته 🥹💙 التاني اني ادي دروس خصوصيه وكده وبالفعل اهو الحمد لله شغال في الحلم دا 🥹💙 الثالث نفسي احقق بقى مصدر دخل متزايد ويارب اقدر في المشوار اللي داخل عليه ويارب اقدر عليه 💙 نفسي اقول بجد انا اهو واعتمدت على نفسي كليا من غير أي

Pineapple_64792 🇪🇬

منذ أسبوع واحد

شعور سعيد

موضوع:

اهلك عملوا معاك ايه مش هتعمله مع عيالك؟

هسيبلهم مساحتهم الشخصيه ويكون ليهم خصوصيه ورأي في حياتهم عالاقل زي الدراسه والشغل هيكون في حريه اكتر من غير تحكم مش هحسسهم دايما انهم وحشين او قليلين بالعكس هسمعهم دايما وهحبهم قد بعض من غير م افرق بينهم مفيش فرق بين ولد وبنت كل واحد مسؤول عن نفسه

Grape_57212 🇪🇬

منذ 3 أسابيع

شعور غاضب

انا واحده مبحبش الاسرار وبخاف منها وبقوله حرفيا كل حاجه ومش بخبي عليه حاجه هو دلوقتي قالي انه قافل مسنجر بس فاتح فيسه "الاكونت الاصلي بتاعه" عادي ولما سالته السبب قالي عندي اكونتين ومسجلتش علي المسنجر من الاكونت بتاعي "اللي هو الاصلي يعني". لما سالته الاكونت التاني دا لي قعد يقولي خصوصيات وملكيش دعو

Potato_62519 🇪🇬 موضوع مش مريح خالص لو كان فعلاً بيقول كده مكنش خبا عليكي في حاجه غلط في الحوار ده

عرض الكل 8 نصيحة

عبّر عن شعورك بشكل مجهول

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Almond_56393 🇪🇬

منذ 3 أسابيع

شعور ضائع

الثيرابست عوزاني احكي كل حاجة وأنا شايف ان اسراري دي تخصني انا ، حياتي انا ، مينفعش أقولها للي رايح واللي جاي ، مينفعش اكشف كل حاجة قدام اي حد ، حتى لو كان الثيرابست.. بس برضو في نفس الوقت ممكن تقولي طب انت جاي ليه طالما مش هتتكلم؟؟ انا عاوز اتعالج من غير ما اتكلم.. حد فاهم حاجة ؟

Banana_62014 🇪🇬

منذ 4 أسابيع

شعور متوتر

عبّر عن شعورك بشكل مجهول

انا بنت وحيدة بابا وماما عندي ٢١ سنه طول حياتي عايشة ف حاضر ونعم ومش بتمرد حتى لو ع حاجة تافهة بسيطة زي اكل ايه او البس ايه او حتى امشي اني امشي من طريق معين حتى لو قولتلهم لا ع حاجة دماغي بتقعد تفكر وارجع اعمل الحاجة الي قالولي عليها
ماما عندها تحكم جامد فيا لدرجة انها لازم تعرف انا باكل ايه فالوقت الحالي ولو الاكل معجبهاش تقولي لا كلي كذا وكذا لو حبيت اكل توفي لازم تكون عارفة لو جبت حاجة من برا وكلتها برا لازم تكون عارفة 
الموضوع بدا يخنقني حدا بصراحة وتعبت نفسيا حاسه ان مفيش حاجة فحياتي واخداها بقراري انا وحاسة اني لو بعدت عنهم مش هقدر اعيش ولا اخد قرار
حاولت لما اجيب حاجة مش لازم اقولها او اوريها جبت ايه بحكم انها حاجة عادية مش هتأثر بس لقيت رد فعلها مبالغ فيه لدرجة انها قالتلي انتي مريضة نفسيا "انا بقيت مريضة نفسيا عشان مورتهاش انا جبت ايه" هو فعلا انا بقيت مريضة نفسيا بسبب الي هي بتعمله دا  
ساعات بقول انه المفروض تعرف انا جبت ايه لان فالاخر انا مش بشتغل وعالة عليهم فا لازم يعرفو فلوسهم الي بيصرفوها راحة فين 
بس فنفس الوقت بابا ف حاجات كتير اوي اوي ميعرفش اني جبتها وبيبقا عادي مع الموضوع مش فاهمة ليه ماما متحكمه فيا اوي كدا 
وحاجة تانية برضو بتضايقني منها اني لما بجيب حاجة واخليها لبليل وقت سهرتي وماما تعرف بتضايق جدا وبتقعد فترة تلمح بالكلام اني باكل ومش بسأل فيها رغم انها بتبقا حاجة تافهة والله زي شبسي او كراتية وكمان بتبقا هي نايمة وانا لما بسهر بجوع فا طبيعي اكلها بالليل
حاولت مرة اقول لبابا انهم متحكمين فيا وفاختياراتي بابا زعل جدا واتضايق و مفيش اي حاجة اتغيرت وكل الي قاله اتمردي "انا مش فاهمة يعني ايه اتمرد ولا اتمرد ازاي وهم كل حاجة بعملها بيزعلو ورد فعلهم بيبقا مبالغ فيه" 
بابا متحكم معايا مش زي ماما بس لازم لما يقول الحاجة تتنفذ ومش مهم خالص اني اعرف ليه *اعتقد معظم الآباء كدا*
حاسه اني بتعامل عواني عيلة صغيره لسه سنتين مش مدييني اي راحة ولا خصوصية حتى اوضتي مش عارفة اقفل الباب عليا لانه ممنعوع "لسبب انا معرفهوش"
انا معرفش الاهل بيتصرفو ازاي مع عيالهم وهل دا طبيعي ولا لا لاني معنديش حد قريب مني وبتحرج اتكلم فالموضوع دا مع حد لان مرة فثانوي كنت بتكلم ف حاجة حصلت وع رد فعل اهلي لقيت زمايلي بيقولو انهم متحكمين جدا 
اسفة لو طولت بس الموضوع مأثر عليا جامد ومش عارفة اعمل ايه يمكن فضفضتي تفك عني الضيقة شوية

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Croissant_61867 🇩🇿

منذ 4 أسابيع

شعور ضائع

Ice Cream_61738 🇪🇬 تجاهليها تماما طنشي وعيش لحظتك الحلوه انا مقدرش اقول انها بتعمل كده متعمده ممكن يكون كل ده تلقائي وده طبعها قدري برضه ان ده اخوها وهي واخده راحتها معاه حاولي تغيري طريقه تعاملك بحيث مترهقيش نفسك اتعاملي بطريقتك الحلوه وباسلوبك الحلو ومتخليش حد يجبرك تتعاملي بنفس اسلوبه الوحش عادي جت قعدت ع السفره ب اللاب ولا تضايقي نفسك عيشي لحظك الحلوه مع جوزك واستمتعي بالفطار وتجاهليها تماما عيشي بسلام وطنشيها

عرض الكل 6 نصيحة

عبّر عن شعورك بشكل مجهول

حة أنا حاسة إني تايهة ومش عارفة أعمل إيه. والله بعمل اللي عليا وزيادة، بس حاسة إني مُستنزفة. أنا عايشة مع  أخت جوزي وهي مختلفة عني خالص عشان إحنا مش من نفس الجنسية واتربينا بطريقة مختلفة، وده طبيعي. أنا بحاول أتقبل وأتأقلم حتى لو مش عاجبني اللي بيحصل، وبعمل كده عشان جوزي، عشان هو قاللي “ثقي فيا”، وأنا واثقة فيه فعلاً. بس هو مش حاسس قد إيه الموضوع ده مُتعب بالنسبالي وقد إيه المجهود ده المفروض يبقى لحياتنا إحنا مش لحاجات تانية.

غير كده مفيش خصوصية خالص بيني وبينه. بقول عادي فترة وهتعدي، بس المشكلة إنها مش بس كده. لازم كمان أتعايش مع مزاجها وتعقيدها الغريب، هي مش طبيعية بصراحة. يعني مثلاً النهارده كان الويك إند، وأنا بحب أعمل فطار حلو وأقعد أتونس بيه. جهزت السفرة واتفاجئت إنها قاعدة بتشتغل على ترابيزة الفطار! ده استفزني جدًا، يعني فين الاحترام؟! لما تعزم حد على الفطار وتقوله تعالى ‏كلي معانا من قلبك ‏ونستمتع ‏بعدين اشتغلي، المفروض يحترمك. أنا حتى كنت بحاول أدلعها وأفرحها، بس هي قفلت في وشي وعملت فيها إن هي زعلانة أو متضايقة ومش فاهمة ليه أصلاً.

كمان أنا دايمًا اللي ببدأ بالكلام معاها وأقولها صباح الخير بطريقة حلوة عشان اليوم يبقى لطيف. حتى لو مش عايزة تفطر معانا، طيب خديلك اللابتوب وروحي مكان تاني! إحنا كزوجين عايزين نستمتع بالويك إند شوية لوحدنا. المشكلة إن جوزي شايف إن اللي بيحصل ده عادي جدًا ولازم أتقبله! وأنا بصراحة مش شايفة إن ده طبيعي ولا حياة. كده الواحد بيستنزف طاقته على الفاضي. أنا فاهمة إن إحنا مختلفين، بس بجد أعمل إيه؟
‏أنتم مصريين تدعم وا إزاي في المواقف دي عشان جوزي  بيفهمني انه ما يصح وما ينفعش وأنه أنا لازم دائما أروح طبطب و انه هي ضيفه و هي بقنا مع بعض 7شهور عيشه معانا يعني أنا لو اختي كنت وقفتها عن حدودها لو حصل موقف قفش تخبط رسها في حيط مش عشان احنا وحشين لا عشان كل واحد يعرف حدوده رغم أننا اخوات بس محدش فينا بيجي على تاني و نتخانق عادي و ندي بعض سبيس و نقفش و نكبر دماغنا احينانا و نتريق و حياة ماشيه 
لو كلمت جوزي مش هيرضى يفتح موضوعها، ولو كلمتها هي هتزعل ومش هتفهم قصدي. أنا بدور على حل يخليني عايشة في سلام معاها وأعيش حياتي أنا كمان في هدوء. لو حد عنده نصيحة بالله عليكم يقولهالي. 🙏💔

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

French Fries_52243 🇪🇬

منذ 4 أسابيع

شعور مكتئب

زمان كان الواحد لما يخرج من بيته، يختفي عن العيون لحد ما يرجع، محدش عارف هو فين ولا بيعمل إيه. دلوقتي؟ كل حاجة متوثقة: ستوري، لايف، لوكيشن شغّال، والناس متعودة تعرف تفاصيل بعضها لحظة بلحظة. فهل إحنا اخترنا نعرض حياتنا بالكامل، ولا التكنولوجيا فرضت علينا ده؟ هل لو حد قالك إنه مش بيحب يشارك صور أو

Orange_61792 🇪🇬 لا ده اختيارنا احنا طبعا ،الناس اللي عاوزة كده محدش قال ناخد سيلفي ف كل خروجة،ولا نعمل شير لوكيشن للماكن اللي احنا فيه احنا اللي بقى عندنا احتياج شديد لجذب الانتباه حتى لو في مرض او مصيبة احنا اللي محتاجين نتعالج

عرض الكل 3 نصيحة

Sugar_21572 🇪🇬

منذ شهر واحد

شعور مرتبك

عبّر عن شعورك بشكل مجهول

محتاجة نصيحة عشان دماغي مش عارفه تبطل تفكير أنا بحب واحد بقالي سنه و ٤ شهور وهو بإذن اللّٰه هيتقدملي الشهر اللي جاي هو قدي في الدراسه واحنا الاتنين في علاج طبيعي لسه قدامنا ٣ سنين علي التخرج
هو بيشتغل ومعتمد علي نفسه و كفايه انه نزل يشتغل عشان يحوش عشان يجي يخطبني لانه مش عايز يعتمد علي حد من اهله عايز يعمل كل حاجة بنفسه أنا بحترم انه مسئول وانه قد اي كلمه بيقولها وقد وعوده راجل بمعني الكلمه وحنين جدا وبيحبني بشكل أنا اوقات بقول يا بختي انه بيحبني الحب ده ومتأكده انه عمره ما يأذيني المشكله في الشقة هو اهله عايشين في فيلا دورين وشقته الدور اللي فوقيه و الشقه اللي فوقها شقة اخوه ( اخوه لسه صغير في ٦ ابتدائي يعني) المهم الشقه كمساحة هي كبيره ٣ اوض وحمامين ومطبخ و الصالة واسعة هي تقريبا ١٨٠ متر و الشقه ليها سلم خارجي من بره حسب ما هو وصفلي أنا اكيد مروحتش شوفت فالمهم أنا خايفه من فكره بيت العيله وخايفه من مشاكلها وخايفه كمان اهلي يرفضوا لان اهلي عندهم خلفيه انه بيت عيلة معناها مشاكل ولوده السبب الوحيد اللي لما يتقدم ممكن يترفض عشانه أنا مش هعرف أدافع او اقول حاجة لأنهم عندهم خبره عندي و اخاف اراهن ويطلعوا صح في الاخر عنده اخت اصغر نتي بأربع سنين هي بتعاملني كويس بس ده اكيد عشان لسه مبقتش مرات اخوها مثلا اتكلمت معاه بكل صراحة في ده قالي انه مش هيقدر يجيب شقه تاني بره لانه وجود الشقة موفر عليه كتير مع انها لسه علي الطوب الأحمر فهتاخذ منه برضو نشطيب وفرش كتير و قالي مش حابب بعد الجواز يجيب شقه بره غير لما يشتري ارض ويبني عليها زي والده وانه ان شاء اللّٰه هنسعي اننا نسافر بعد التخرج و كل ده
وقالي خصوصيتك هحافظ عليها ومحدش هيطلب منك اي حاجة حتي قولتله المفاتيح قالي انها هتبقي معايا ومعاه بس و محدش هيدخل البيت غير و أنا موجوده فيه او هو موجود فيه هو بيطمني بكلامه و انه مش هيحكي لحد حاجة عننا وكل ده حتي قالي انه كلم ماماته في الموضوع ده وهي أصلا شايفه انه ده العادي والطبيعي و انه عنده حق بس أنا خايفه برضو وبيقعد يقول اهله طيبين ما طبيعي اي حد يقول علي اهله كده فالمهم اني خايفه جدا من الموضوع ده وبرضو مهو بيعمل اللي عليه و طالع عينه في الشغل بس خايفه بعد الجواز كله ده يبقي سبب مشاكل أنا لسه برضو معرفش اهله وخايفه كمان اهلي يرفضوا و ساعتها أنا مش هعرف بجد اتكلم واقنعهم حتي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Banana_60781 🇪🇬

منذ شهر واحد

شعور غير مكتمل

موضوع:

اي سبب دخولك للبرنامج

علشان أتكلم براحتي واكون علي حريتي اكتر والاقي ناس شبهي كتير واقول اللي نفسي فيه من غير ما حد يعرفني وأقدر أساعد أي حد من غير ما اعرفه ولا يعرفني ويحس انه مش لوحده وفي شبهه كتير ويبقي في ارتياح اكتر

Apple_60808 🇪🇬 احسن حاجه انك تكلم مع حد مش هيعرف يحكم عليك ولا يشوفك ولا يعرفك انا جديده هنا لسه اول دقيقه

عرض الكل 2 نصيحة

Olive_59219 🇪🇬

منذ شهر واحد

شعور منزعج

طيب سؤال بقي بما اني جديد هنا كنت بكلم حد في موضوع كبير برايفيت ومسحت المسجات ومش عارف ارجع له تاني و كمان البوست بتاعه مش مسموح ادخل عليه تاني طيب ارجع اكمل الحوار ازاي او اوصله تاني منين مساعدة بقي للناس القديمة الخبرة هنا تقولنا الحلول ايه 😀😀😀 وبعدين هو ليه لازم البوست يبقي طويل علشان ينزل هن

Coffee_56037 🇪🇬

منذ شهر واحد

شعور محبط

الفترة دي بيحصل حاجة غريبة وهي ان كل اللي حوليا ملهمش نفس يتكلموا ولا حد في المود ... بس لما بكون انا في المرحلة دي بيتزعل مني وكأن مش من حقي انا كمان اعمل كدا واكون مش قادر اتكلم او محتاج اكون ساكت ومع نفسي شوية

Coffee_56972 🇪🇬

منذ شهر واحد

شعور ضائع

جماعة أنا دلوقتي المفروض اني في كلية اداب عربي وفي ناس صحابي بسم الله ما شاء الله بدأوا يدرسوا واحنا لسة متخرجناش وأنا صراحة محرج أسألهم فازاي ممكن ألاقي طلاب ياخدوا معايا دروس؟ مع العلم مفيش اي حد من قرايبي ممكن أديله درس لأنهم كلهم كبار ويعتبر أنا أصغر حد في قرايبي

Banana_57280 🇪🇬 اعملي حصص مجانية سواء كحصص مراجعة نهائية او حصص تأسيس في المادة. ادخلي على جروبات اولياء الامور وجروبات تقييم المدرسين وشوفي بيعملوا ايه واعملي زيهم. والاهم انك تخلصي نيتك لله ويبقى همك فعلا انك تعلميهم بجد

عرض الكل 7 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع