خسارة الأصحاب

Strawberry_65074 🇪🇬

منذ 4 أسابيع

شعور وحيد

Apple_65057 🇪🇬 كون ناس جديده او حاول ترجع و تتواصل معاهم لو بدأت و قولت أن دي خلاص انا و حيد هتتعب بعدين

عرض الكل 10 نصيحة

عبّر عن شعورك بشكل مجهول

دخلت الجيش خسرت كل اللى حواليا 
كله كان مزيف محدش همه يسأل عامل اي حاسس بإيه 
شوفت فيديو قبل م اخش الجيش كان بيحكى قد ايه فترة الجيش دى بتفلتر ناس كتير من حياتك و ناس كتير كنت فاكرها قريبه منك و بيحبوك بجد و يطلعو عكس كدا 
كنت طبعا فاكر ان دا اوڤر جدا بس اكتشفت ان كل كلمه قالها صح 
بعد اول اجازه نص صحابى معرفش عنهم حاجه ولا هما يعرفو عنى حاجه ولا حد بيكلمنى ولا انا بكلمهم ما خلاص بقا اللى عاوزنى فى حياته هيكلمنى 
تانى اجازة النص التانى راح .. ايوة والله زى مبقولكم كدا راح مع اللى راحو ... اتبقالى حرفيا واحد من صحابى بس هو دا اللى كلمنى و قابلته تانى اجازة و كنت عارف ان هو كمان مش هيكمل خلاص بقيت متوقع اى حاجه ... وفعلا رجعت الجيش و نزلت و طول الفترة اللى انا فيها هناك ولا حد كلمنى ولاسأل عليا ولما نزلت محدش برضو سأل ولا اهتم اصلا انى نزلت 
ايه دا بجد دى بقت حياتى مفيهاش حد ! 
دا انا حرفيا من كتر الزحمه اللى كانت فحياتى والاقى دا بيكلمنى عشان ننزل و دا يكلمنى عشان نخرج و دا ودا ودا 
انا مش فاهم بجد ازاى وصلت لكدا 
دا حتى اهلى بقيت حاسس انى غريب وسطهم انا بقيت بنزل اجازة من الجيش كأنى منزلتش نفس الاحساس اللى هناك هو هنا متغرب .. ايوة متغرب عن اهلى و ناسى و صحابى لواحدى هنا و لواحدى هناك . 
مش عارف انا نزلت هنا ليه و حكيت هنا ليه مستغرب دا جدا ع فكره بس اهو يمكن الاقى نصيحه من حد كان قبل و بقا كدا او حد عنده خلفيه ب اللى انا فيه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Corn_59709 🇪🇬

اكتشفت نسبة كوليسترول عالية وأنا متعبتش!

تعالوا احكيلكم موضوع مهم جدا جدا انا كا شخص بحب الاكل وبحب اكل من بره كتير فرايد شيكن وحلويات واحيانا بلبن وكيس شبسي يوميا وعمري ما فكرت ان في مشكله منا متعبتش رغم الحلويات دي كل فتره مش يوميا والببسي مثلا مره ف الاسبوع من بعد المقاطعه قبلها كنت بشرب كتير المهم جيت ف يوم قلت اطمن واحلل كوليسترول الى هو دهون الدم الى بتسبب حاجات كتير صعبه جدا زي جلطات وبلاوي لقيت النسبه عاليا جامد انا متعبتش بس عملتها كا اطمئنان يعني في مننا كتير كده وميعرفش ودي ملهاش دعوه بالتخن فا نصيحه غير من طبيعة اكلك وشربك ضروري ولو بتدخن بطلها خالص انا بطلتها ف لحظتها والله ربنا يحفظكم خدوا بالكم من صحتكم ...عرض المزيد

0 الدعم

0 نصيحة

Mango_50327 🇮🇹

مفتقدة حد أشاركه يومي ويفهمني من غير انتقادات

مفتقدة إني أشارك حد يومي زهقت من الوحدة أنا مفتقدة حاجات كتير مفتقدة حد أشاركه يومي حد يفهمني يعرف إن جوايا صوت مكتوم نفسه يطلع نفسي في حد يشوف اللي جوايا مش اللي باين من برا حد يشوف حاجة مميزة فيا أنا من كتر ما بكتب حاسة إني في صمت مفتقدة حد يسمعني ويفهمني من غير انتقادات عارفين أنا ساعات بحس إني في حلم والله ومش عارفة أصحى منه حلم طويل أوي مش راضي يخلص ومهما حصل برضو لوحدي في كل حلم إحساس إن حواليك ناس كتير لكنك لوحدك برضو ده إحساس صعب آه الدنيا بتلهي بس عارفين الإحساس لما الواحد يفضل طول اليوم مشغول وفي آخر اليوم يرجع يحكي لحد هو عمل إيه الإحساس ده هو اللي أنا مفتقداه ...عرض المزيد

0 الدعم

0 نصيحة

Nutella_68871 🇪🇬

علاقتي بربنا بقت وحشه ومش عارفه أصلحها

الاول كنت بسمع فيديو ديني او حد يقولي معلومات ف الدين احس ان قلبي بيترعش كده من الخوف من ربنا الكلام ده من سنة تقريبا كنت ملتزمه جامد جدا حتى لو كنت بعمل ذنوب خلوات الغريب ان دلوقتي مفيش ذنوب خلوات و مفيش التزام نهائي و لو صليت فرض مبصليش الفرض اللي وراه ببقى عايزه اقوم و اصلي بس مبقومش ببقى عايزه اكون قريبه بس مبقربش دلوقتي لو حد بيقولي معلومه دينيه مببقاش مهتمه اعرف مع ان دي مش طبيعتي خالص و لو عدى عليا فيديو فيه قرآن مبقلب للي وراه ع طول حتى لو اللي وراه تافه و انا عارفه و مدركه ده. انا مش عارفه ايه الحل و اعمل ايه علاقتي بربنا بقت وحشه اووي بجد و انا عايزه اصلحها بس فعلا مش عارفه اعمل ايه و كمان بقيت حاسه ان الخطوة البسيطه مبقتش بسيطة انا دايما متوضيه بس مبروحش اصلي فاهمين حاجه؟؟ ...عرض المزيد

0 الدعم

14 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع