حياة متكررة

Avocado_46262 🇪🇬

منذ 3 أشهر

.

شعور غاضب

ازاي ابقي كويس و ارجع لحياتي تاااااااااني حاسس ان الاكتئاب كل حياتي و مبقاش في سبيل للرجوع نفسي ارجع زي ما كنت بسبب مفيش سبيل ادامي كل يوم بصحي بقول خلاص بقي هعمل كذا كذا و خلاص هرجع و بعدين في نهايه اليوم بلاقي نفس اليوم اتكرر تاني و معملتش اي حاجه فمش عااااااارف اعمل اييييييييييييه

10

2

Mushroom_29414 🇪🇬

منذ 6 أشهر

.

شعور محبط

السلام عليكم ورحمة الله وبركاته احنا كعيلة عموماً بيتوتين شوية بمعنى أننا مش بنخرج كتير مش بنجرب كتير مش بنحاول نعمل اي حاجة جديدة حرفياً كلنا في نفس الزون والي بيحاول يطلع منها كأنه ارتكب جريمة ، كنت بستغل فترة الكلية اني أخرج من البيت وكده بس اكيد برجع يعني لنفس البيت في الاخر ، المشكلة اني خلصت

9

2

Carrot_51737 🇪🇬 لو بتحب/ي القراءة أرشحلك كتب: ١. الكلب الأسود ٢. الاكتئاب الخفي

عرض الكل 2 نصيحة

عبّر عن شعورك بشكل مجهول

السلام عليكم ورحمة الله وبركاته 
احنا كعيلة عموماً بيتوتين شوية بمعنى أننا مش بنخرج كتير مش بنجرب كتير مش بنحاول نعمل اي حاجة جديدة حرفياً كلنا في نفس الزون والي بيحاول يطلع منها كأنه ارتكب جريمة ، كنت بستغل فترة الكلية اني أخرج من البيت وكده بس اكيد برجع يعني لنفس البيت في الاخر ، المشكلة اني خلصت امتحانات وخلاص معدتش فيه سبب مقنع اني أخرج من البيت ، في تجمعاتنا العائلية الي بتحصل عن طريق الصدفة ، الحوار بينقطع بسرعة ، محدش عارف يتكلم في اي محدش عارف يقول اي ، الملل والزهق في الاخر بيمسك كل واحد فينا وفي الاخر كل واحد بيرجع للأوضة بتاعته مع تليفونه 
احنا بناخد راحتنا مع ماما شوية أكتر من بابا ، المشكلة أن ماما الفرفوشة المرحة ذات نفسها تقريباً جمالها اكتئاب وبقت بتعيط من غير سبب وتكلم مامتها ( المتوفية) فأنا حاسة بصراحة أن كل واحد فينا حاسس بالغربة في البيت ده ، كل واحد عايز يخرج منه بأي سبب ويقطع جذوره مع أي حد جواهر ، مفيش جديد حرفياً فأي يوم ، نفس النسخة بتتكرر كل يوم لحد مخلاص مبقيتش عايزة أصحى من النوم 
دائما بحمد ربنا على نعمة الستر والصحة والشبع بس بجد حاسة أن الموضوع فلت من إيدي
الحياة مكنش ليها طعم زمان بالنسبالي بس كانت بتحليها وقت الضحك الي بنضحكوه مع بعض كعيلة دلوقت اعمل اي في حياتي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mushroom_47275 🇪🇬

منذ 8 أشهر

.

شعور وحيد

أنا بقالي سنيين كتييير أوي قافل على نفسي. قافل على نفسي بطريقة وحشة ومؤذية بجد مش بتكلم مع حد مش بخرج روتين يومي بيتكرر مش مدي فرصة لناس جديده تدخل حياتي وحيد ومنطوي بطريقة بشعة فعلاً مش بحب مش معجب حتى ومش بفكر مبعملش اي نشاطات قربت اتجنن تعبت

6

6

Coffee_27700 🇪🇬 ابدأ واحدة واحدة. ابدأ كل يوم بنشاط مختلف صغير جداً مثلاً انزل ادفع فاتورة. اشتري حاجه من السوبر ماركت. انزل ارمي الزبالة. بعدها زود النشاط شوية انزل امشي ربع ساعة. بعد شهر مثلاً تروح جيم أو أي رياضه بتحبها. بعدين هواية بتحبها زي رسم أو كورة أو زيارة متاحف. وهكذا والحاجات دي هتعرفك على ناس جديدة

عرض الكل 6 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع