حياة

Coffee_78345 🇪🇬

منذ 14 ساعة

شعور ضائع

عندي مشكله بتواجهني حتى وانا بختار شريكه لحياتي ولحد الان انا مش عارف اي السبب هل ده نقص ولا شعور برغبه مع العلم اني شخصيتي مش ضعيفه نهائي وبتعامل مع رجاله شنباتهم تتهز قدامي المشكله الي عندي اني بحب الانثي الي تكون في حياتي انثي submissive واي انثي تاني مش بحس بانجذاب ليها خالص

Mango_76647 🇪🇬

منذ 23 ساعة

شعور قلق

البعد النفسي اهم من البعد الجسدي ساعات بتبقي مجبر انك تتعامل مع أشخاص بتستانفزك نفسيا و جسديا و في نفس الوقت مجبر عليهم فبتبقي معاهم جسد من غير روح الأشخاص دي بتبقي مؤذيه اكتر من المرض لأنها عامله زي السرطان بتاكل نفسيتك و طاقتك بالبطئ و علاج السرطان اننا نستئصلة لزم نشيل الناس دي من حياتنا عشان نقد

Ice Cream_61082 🇪🇬

منذ يوم واحد

شعور مرهق

هو طبيعي الواحد يبقي خافي كل حاجة عن السوشيال ولا استوري ولا بوست ولا اى حاجة انا مخدتش بالى غير لما واحد صاحبي رن عليا النهاردة بيقولى محدش شايفك ولا بتنزل حاجة ولا بتاع طبعا اتهربت من الموضوع ب اى حاجة معلومة دة عكس طبيعتى بس شايف أن مافيش حاجة تساهل اني اعرفها للناس انا ممكن اروح القهوة ٣ مرات ف

Chilli_53615 🇪🇬

منذ يومين

شعور ضائع

أنا شاب بدرس حالياً في ٣ كليه و بشتغل في مجال العقارات بشكل عام و بحاول حالياً افتح مشروع حياتي مستقره لحد كبير ك شاب لسه بيدرس او بل نسبه ل شاب بيدرس حياتي مستقره بس أنا مش بحب احس ان حياتي مستقره او ماشيه في أطار كده أنا عارف اخره ايه ديماً بحس اني عاوز افتح مشروع و فعلاً بفتح و ممكن افتحه و اكسب

Banana_77958 🇪🇬

منذ 4 أيام

شعور منزعج

انا عشت فترة لوحدي وبعدا عن الناس المشكلة بقي نمط حياتي لا بقعد مع ناس ولا ناس بتقعد معايا من البيت للشغل ويوم الإجازة بنزل لوحدي للاسف الوحدة أثرت عليا وخليتي شخص منطوي وعندي رهاب اجتماعي

Watermelon_64667 🇪🇬 مكانك فين يا صاحبي

عرض الكل 5 نصيحة

Sugar_77769 🇪🇬

منذ 5 أيام

شعور وحيد

انا شاب 27 سنه متجوز وربنا رزقني ببنوته الحمد لله بشتغل فوظيفه الحمد لله كويسه وربنا مدينى نعم كتيره الحمد لله بس مش مبسوط من اى حاجه فحياتى حتى مع مراتى وفبيتى على طول قاعد لوحدى حياتى بقت روتنيه جدا ومريض بالتفكير الزائد فكر حاجه على طول قلبى مقبوض ومش مرتاح بقيت بكسل عن كل حاجه مبعملش حاجه فحيا

Pistachio_64861 🇪🇬 ياعم انت محسود فشخ شغل قرآن و طلع صدقة لحسن ده شيطان اكيد

عرض الكل 26 نصيحة

Chocolate_52580 🇨🇦

منذ أسبوع واحد

شعور غاضب

كتت عايش عادي لوحدي لا لازم قرف يجي من اي حته و خلاص مكنش في حد بيكلمني ولا يعبرني سبحان الله كلهم دلوقتي افتكروني كرهت حياتي على ام الاقرف الفيها على ام دي سنه و حاجه قرف بجد كدا كدا محدش هيفهمني بس أنا بكره البشر و الناس بكره قرفهم و مجاملتهم بكره مصر و ام المجتمع بتاعنا بكره الأديان بكره

Chocolate_52580 🇨🇦

منذ أسبوع واحد

شعور غاضب

يلا ما هو دا الناقص و اية كمان قاعد في امان الله يجي ناس مبيطيقهومش البيت دخلت الاوضه و قفلت على نفسي أنا حاليا في الاوضه و كدا كدا محدش يعرف يخش ضيوف بقا طز اهل طز اي قرف طز مش فارق معايا شكلي ولا اي قرف من دا مش فاهم ليه مبينعش حياه بسيطه حياه مفيهاش تطفل ولا قرف من دا بكره ام الاهتمام يكره

Coffee_77321 🇸🇦

منذ أسبوع واحد

شعور مرتبك

عاوز أعرف اذا حد هنا جرب يعيش باقي حياته بدون جواز انا شاب في التلاتينات و كنت متجوز قبل كده لفترة صغيرة ومحصلش نصيب وانفصلنا هل حد جرب او يعرف حد كمل باقي حياته من غير جواز؟ هل الدنيا هتمشي بسهولة في المستقبل ولا هتكون صعبة ولازم جواز

Olive_77439 🇪🇬

منذ أسبوع واحد

شعور مرتبك

لو حد جرب قبل كدة يستغنى عن الفون او يمنعه خالص ممكن يفيدني.. المشكلة في الموضوع ان شغلي كله مربوط بيه ولو قفلته او بعدت عنه ممكن يحصل مشاكل كتير وده مخليني ماسكه طول الوقت سواء فيه شغل او لا... الموضوع اتحول لإدمان

Croissant_71322 🇪🇬

منذ أسبوع واحد

شعور قلق

وانا صغيره كنت بقول ازاى ربنا بيغفر ل اي حد بيعمل زنب و يتوب يعني هو يتبسط و بعد كده ياخد حسنات كانو معملش حاجه كبرت و عرفت انو البيتوب ده بيكون عمل مجهود و تعب آكتر من المعملش زنب عشان بس يبطل يعملو لأنو بيكون غرق في المعاصي و قلبو قسي و بقا حياتو كلها غلط و الحواليه غلط عشان كده بيبقا صعب يبطل الح

Coffee_73142 🇪🇬 تفكيرك جميل اوي ربنا ينور بصيرتك

عرض الكل 2 نصيحة

Mango_77536 🇪🇬

منذ أسبوع واحد

شعور وحيد

عبّر عن شعورك بشكل مجهول

انا عندى 23 سنة أنا طول حياتى عمرى ما كان عندى صحاب بنات ولا أعرف بنات مفيش غير واحدة حبيتها و مرتبطناش خالص و قعدت سنتين أحاول معاها و كان حب من طرف واحد و هى محبتنيش بس كانت حابة فكرة ان حد بيديها أهتمام مش أكتر فا بعدت عنها و عملتلها بلوك من كل حاجة و الكلام ده من 6 سنين و لغاية دلوقتى عمر ما كان ليا صحاب بنات ولا فى المدرسة ولا الجامعة،  بس مليش الصراحة فى شغل أرتبط بدى شوية و نسيب بعض بعديها ارتبط بحد تانى انا معنديش الكلام ده انا بالنسبالى لو هرتبط بواحدة يبقى اتقدملها رسمى و من غير حاجة من ورا أهلها أو حاجة مش رسمية و التعارف يبقى فى الخطوبة و لو أنا عملت غير كده هبقى قليل فى نظر نفسى أوى أنا عارف أن اللى حبيتها فى الأول دى عكس الكلام اللى انا بقوله و الحاجات حاططها لنفسى بس ده كان أول واحدة أحبها و كنت صغير لسه و حاولت اشيلها من دماغى معرفتش فا عشان كده رحت اتعرفت و قربت منها و اتعلمت، بس حاليا من اللى بشوفه أن كل البنات لازم أرتباط و ينزلو ديت و الكلام اللى مش عاداتنا ولا ديننا بيقولو عليه(مع انى مش اللى هو شيخ و كده انا واحد عادى) بقيت خايف أقضى طول عمرى لوحدى و ملاقيش واحدة كويسة، ده انا حتى فى بوستات من بنات على الفيس بيتريقو على اللى بيتقدم رسمى و يضحكو عليهم اللى هو انا لما بشوف الحاجات دى انتو فين أهاليكو ولا ايه تربيتكو دى، و ازاى اصلا ارتبط بحد و اسيبه و ابقى عادى كده ولا كأنه فارقلى و اشوف حد غيره بالنسبالى الأفكار دى كلها مش مقبولة خالص، حالياً بقالى فترة كبيرة يمكن سنين عندى أكتئاب و أحساس بالوحدة رهيب شايف كل اللى حواليا و صحابى و قرايبى اللى بيخطب و اللى مرتبط حرفيا 99 فى المية منهم ماعدا أنا خايف أفضل طول عمرى لوحدى و ملاقيش حد بسبب أنى كده و عكس الناس كلها دلوقتى، ده حتى صحابى و أهلى بيفضلو يقولولى انت هتتجوز ازاى ولا هترتبط ازاى انت متعرفش ولا واحدة الكلام ده بيبقى تقيل عليا أوى، و اللى بيوجع أكتر بقى أنو بيجى من أهلى، و اللى بيزود الوحدة و الأكتئاب انى عمرى ما حسيت أن فى بنت معجبة بيا أو بصتلى حتى مع انى على كلام اللى يشوفنى و اللى يعرفنى شكلا كويس جدا و كذا حد من اللى بيشوفنى أول مرة بلاحظ انهم بيركزو فى وشى و يفضلو باصين شوية، و اجتماعى و الحمدلله بس المشكلة دى مخليانى خايف أقضى عمرى لوحدى و افضل علطول وحيد و مكتئب. انا عارف انى طولت و بعتذر بس بطلع اللى جوايا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Kiwi_47592 🇪🇬

منذ أسبوع واحد

شعور عاطفي

French Fries_65744 🇪🇬

منذ أسبوع واحد

شعور مستنزف

عبّر عن شعورك بشكل مجهول

شوية فضفضة مش اكتر يمكن الوضع خرج عن نطاق النصيحة خلاص او يمكن كل النصايح اللي جاتلي يا اما انا مش قادر اعملها او مش حابب او مكسل 
وصلت ٢٩ سنه و داخل فال٣٠ خلاص مش خاطب ولا متجوز ولا مرتبط 
كنت خاطب قبل كدة و فسخت و ملقتش حد مناسب من وقتها لدرجة اني اتقفلت 
كنت بدور على حد يكون مناسب و اكبر سبب هو الوحدة لاني بقيت عايش لوحدي بعد وفاة والدتي .. و كدة كدة والدي اتوفى وانا اصغر من كدة من ٢٠١٣ يعني بقاله ١٢ سنه .. بعمل ايه ف يومي بروح الشغل و ارجع البيت ممكن افتح الكمبيوتر شوية شوية جيمز على خفيف و خلاص ممكن اقضي بقيت اليوم استريمات مجرد صوت فالخلفية يعمل دوشة بدل الصمت الغريب اللي فالبيت .. مبعرفش اطبخ و مبحبش اطبخ اصلا معتمد فالاكل ساعات من برا و ساعات اكل متجهز واقف على التسخين .. الحمد لله الواحد بيعرف يغسل هودمه وينشر و يكوي 😅
لما برجع من الشغل طبعا بما انه بدري يعني ٥ او ٦ بقول خلاص هنزل اتمشى شوية عالبحر او الف بالاسكوتر شوية بس بحس اني مجرد ما بوصل واقعد فالبيت اللي هو لا عايز اعمل حاجة ولا عايز اكلم حد ولا عايز انزل .. الفترة اللي فاتت خلتني مفتقد امي اكتر من اي وقت .. مفتقد ان حد يهتم بيا و يتطمن عليا .. اكلت .. شربت .. صحتك كويسة .. هدومك مغسولة و مكوية .. اكله حلوة معمولة بحب مخصوص عشانك ترجع تلاقيها دافيه .. ترجع البيت تلاقي حد بيرحب بيك و بيتطمن عليك .. دفا غريب مش مفهوم .. كون اني راجع و عارف انها مستنياني دي حاجة تانيه ... المكالمه اللي هي هترجع امته عشان نتغدى سوا .. كل ده فجأة اختفى و المفروض اني اتأقلم و اتعايش عادي .. الموضوع مؤلم بس الواحد بيتألم ف صمت .. مش هقدر اروح لحد او اتكلم مع حد و اقوله .. طول عمري مصدر وش اني جامد و مفيش حاجة بتهزني بس انا اتهزيت و اتهزيت جامد اوي .. جربت امشي ف حوار الجواز لحد ما اتقفلت منه.. ياما شخص مش مناسب يا اما طلبات اهل مبالغ فيها مش فاهم ليه مع ان الحمد لله وضعي المادي احسن من شباب تاتيه ف سني كتير و مش هشكر ف نفسي و اقول اخلاقي و بتاع بس انا طالع من بيت فيه اصول وانا مش بلف و ادور دانا بدخل البيت من بابه .. و فنفس الوقت اللي مش هرضاه على اختي مش هرضاه علر بنات الناس بس الناس و الدنيا بقت غريبة و الناس طلباتهم اغرب ... ارجع و اقول ل نفسي يا تسعيناتي يا بائس يا منتهي الصلاحية 😂

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Pineapple_60236 🇪🇬

منذ أسبوع واحد

شعور غاضب جدًا

أجمل ما في الحياة أنها تنتهي.. تجاوزت الخوف الفطري من الموت عندما رأيته يحدث في كل شيء، في البداية كنت أفهم أنه المصير الحتمي، وأن من يعبرون تلك البوابة يقفون بين يدي الرحمن فيحاسبهم على كل كبيرة وصغيرة ويكون مصيرهم إلى الجنة أو النار، وكأن الرحمن يقف ممسكا بعصا هي مصدر سلطته الوحيد.. تعلمت المشي

عبّر عن شعورك بشكل مجهول

أجمل ما في الحياة أنها تنتهي..

تجاوزت الخوف الفطري من الموت عندما رأيته يحدث في كل شيء،

في البداية كنت أفهم أنه المصير الحتمي، وأن من يعبرون تلك البوابة يقفون بين يدي الرحمن فيحاسبهم على كل كبيرة وصغيرة ويكون مصيرهم إلى الجنة أو النار، وكأن الرحمن يقف ممسكا بعصا هي مصدر سلطته الوحيد..

تعلمت المشي داخل الحائط خوفا من أن يزعج ظلي أحدًا..
وعرفت التمرد حتى كسرت كل الأفكار، وكلاعبي الشطرنج، وضعت لنفسي النهاية بعد أن غلبت الجميع..
فتمردت على التمرد ذاته..

لا أدرى ما الذي يجعل الموت يتأخر هكذا وما الذي يجعل الحياة تطول!

اللحظات تموت بولادة أختها، الأيام تموت بدخول الليالي، والليالي كذلك تموت..

فلتكن المواجهة إذن..

ما يجعل الحياة تعيسة هو انتهاء الفرح، وما يجعلها سعيدة هو انتهاء التعاسة.

أذكر جيدا هذا الحوار بيننا عندما تسائلت متعجبًا ما الجدوى من الحياة!

فقال لي لا شيء قم وانتحر الآن..

شعرت وللمرة الأولى في حياتي بدهشة واستغراب قبل الخوف..
-ولكني أحب نفسي.
= فلتكن هي جدوى حياتك إذن.

لم أستطع أن أصرخ في وجهه، أن أقول بكل طاقتي أنا أكرهك، أعرف أن الدواء مر، وأن الطبيب يجرح رحمة لا تعذيبا..
ولكن ألا يمكن أن تكون الحقيقة مغلفة؟

الآن أعرف كل شيء عن شيء، وشيئا عن كل شيء، ماذا بعد؟
هل يجرؤ أحد على الإجابة، أم أنه كان تحديا غير متكافئ الطرفين..

أتعبني غيابك كما أتعبك..
الوقت وحده من يعرف كيف يمر بي، وكيف تمتد الثانية لتصبح شهورا، كأنها تأبى أن تمر..

كان صوتك ولم أعرف ماذا علي أن أفعل، كان قلبك ولم يكن قط يتوقع القسوة..
كنت أنت،،
 والآن
أبحث عني

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mushroom_77767 🇪🇬

الوحدة بشعة ومش عارفة أعدي الأيام

الجو حلو اوي و كنت نفسي الاقي حد يخرج معايا نتمشى شوية و نتكلم ف اي حاجة ملهاش لازمةو ناكل سوشي بس مفيش احساس الوحدة بشع بشع يعني ومش عارفة اعدي ايامي ازاي الواحد حاسس الدنيا بتضيق عليه اوي .. مش عارفة اعمل اصحاب ولا علاقات عدلة ...عرض المزيد

1 الدعم

27 نصيحة

Waffle_57478 🇪🇬

مش كويسه وحاسه بخنقه ومش عارفه الحل

انا عندي 25 سنة انا مش عارفه احكي مالي بس بجد حاسه اني مش كويسه ومش عارفه فين المشكله ومش عارفه ايه الحل حاسه بخنقه رهيبه ومش بعرف احكي مع حد بخاف اتكلم مع صحابي يزهقو مني ومش بحكي مع اهلي لأن امي بتزود عليا الضغط اكتر وأسلوبها مش بيعجبني ومن وقت كبير وانا مقررة جوايا مش هحكيلها حاجه لأنها مش بتحافظ علي السر وكدا وومكن تذكرة وقت الخناق أن وبقيت اسرتي مش بفهم ني ومش عارفين بدوني الحلول الصح او مش فاهمني مش عارفه انا من كتر ما بتضيق بيا بحس اني هنط من الشباك فعلا بس بخاف اني ممكن اتشل ومموتش وتبقي الحياة اصعب انا بشغل نفسي وبحاول أسعدها بالعافيه ومش عارفه بحس بلحظات سعاده خفيفه احيانا اه بس جوايا فراغ كدا صعب اوي حد قبل كدا سألني اي اللي لو حقدصل هتبقي فرحانه اوي بجد معرفتش ارد عليه لاني مش فاهمه نفسي ولا عارفه هي عايزة ايه او ايه اللي بجد يسعدني اوقات من كتير الخنقه بحس بشعور غثيان مش عارفه ليه حاسه اني كتمت جوايا كتير لحد ما بقي جوايا جبل .. اهلي رافضين اروح لدكتور نفسي عالشان مينفعش اقعد مع راجل لوحدي بس انا بجد مش كويسه ومعرفش دكاترة نفسيين ستات كويسين انا مش عارفه حاسه تشتت وتايه جدا .... ...عرض المزيد

3 الدعم

25 نصيحة

Pineapple_73178 🇪🇬

حاسس بحاجة مش طبيعية.. أروح ولا مروحش؟

في حاجة كدا عايز اسمع رأيكم فيها من يومين كنت بمتحن في حاجة معينة وبعدين قعدت جنبي واحدة ساعدتني هي ست متجوزة والتعامل كله ذوق وإحترام وانا بعد الامتحان مخلص ساعدتها وشكرتها وكنوع من الذوق الزيادة جبتلها عصير شكرتني والموقف انتهي بعد الامتحان بيومين تلاتة لقيتها بتكلمني بتقولي جوزي كان عايز يشكرك وهو كمان شغال في نفس مجال شغلك فعلا كلمني شكرني وقعدنا ندردش عن الشغل شوية وعزمني علي الغدا في مكان هو بيخرج فيه وهيبقي معاه زوجته وأولاده ..حاسس بحاجة مش طبيعية ترتيب الأحداث مش منطقي اروح ولا مروحش واعتذر منه ...عرض المزيد

1 الدعم

19 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع