حكايات مصرية

Lemon_50969 🇪🇬

منذ شهرين

شعور لا مبالٍ

Toast_57636 🇪🇬 انا فاهم كل الكلام بس مش فاهم حاجه انت عملتى كل دا ازاى واقتنعتى بكلامهم ازاى

عرض الكل 11 نصيحة

عبّر عن شعورك بشكل مجهول

من وانا صغيره وانا كنت بعمل حاجه غريبه وانا صغيره مكنش عندي اصحاب فكنت عيله عندي 4 سنين كده السبب اني مش عندي اصحاب هو أن مدرستي بره البلد الي انا قاعده فيها أو المدينه بشكل اصح فصحابي كانو فالمدرسة بعيد المهم بقي الحاجه الي كنت بعملها اني صنعت أصحاب حرفيا جبت ورقه ورسمت شخصيات واديت لكل شخصيه اسم ولبس ومميزات وعيوب وصوت حتي ومش بس كده انا حطيت عليهم لعنه سندريلا😂 وخليتهم حقيقيين وبقيت بتعامل معاهم انهم أشخاص حقيقيه واقفه قدامي كنت بستني اهلي ينامو بليل واقف ف البلكونه استني اصحابي وكنت انزل افتحلهم الباب واطلعهم واعملهم عصير وشاي حرفيا ونفضل نتكلم وننضف الشقه كل ده انا لوحدي بس انا معتقده أن في ناس معايا واوقات شغل بابا بيكون بالنهار ويجي الساعه 12 بليل ف مكنتش بعرف اجيب اصحابي البيت فكنت بحاول ااخر بابا وافضل ارن عليه من فون ماما ومره اقوله هاتلي سي فود دلوقتى ومره اقوله عايزه بيتزا عشان يتأخر واقعد مع صحابي ومره بقي قولتله هاتلي شيبسي وعصير وقولتله محل معين فالبلد يجيب منه معرفش ابويا كان مستحملني ازاي فلما قولتله كده صحبتي الكوافيره قالتلي انتي لازم تقصي شعرك ومش اي قص انتي تعمل قصه من قدام شبه بتاعت دورا الي فالكرتون فأنا عجبتني الفكره بصراحة فمسكت شعري من النص ورحت قصيته وشعري كيرلي وانا كنت شداه فلما سيبته بقيت قرعه من نص دماغي فعشان اداري الجريمه قبل ما بابا ييجي رميت الشعر الي قصيته فالشارع ولبست طرحه علي شعري فبابا عارف اني مهبوله مهتمش الطرحه وكلت ونمت عادي جداً صحيت علي قلم علي وشي من امي لانها نزلت الصبح لقيت شعري الي مرمي فالشارع ده وطلعت لقت واحده قرعه نايمه ففضلت تزعقلي وحتي الان شعري مطولش اوي هو مجرد القرعه راحت بس ومره بقي صحبتي التانيه قالتلي تعالي نجرب الحاجات الي بتيجي علي ام بي سي3 فالحماس خدني وجبت طرحه ماما الي كنت بغطي بيها القرعه كانت لسا موجوده برضو ولفيتها علي رقبتي وشديتها بكل قوتي عشان اعملها شال وكنت بتخنق ف بنادي صحبتي الفاسده لقيتها نطت من البلكونه ف سرعه البديهه عند طفله عندها 4 سنين رحت جبت المقص وقولت افكر قليلا من الوقت قبل ما اقصها ولقيت نفسي بشد طرف الطرحه وفكيتها فقولت لنفسي شكرا ورديت قولت عفواً عشان مؤدبه وكده ومره ليله الوقفه كنت عايزه اعمل سلسله جبت كل السلاسل واي عقد عندنا ف البيت وقطعتهم كلهم عشان اجمعهم واعملهم سلسله المهم طلعت شكلها معفن وطلعت اطول مني وماما صحيت لقتني فالصالون والنور مطفي هي شايفه دبانه قاعده فالارض بس ففتحت النور لقتني طبعا كان عيد اسود عليا وتقريبا جلدتني 250 جلده كل ده بسبب اصحابي الخايليين حسبي الله ونعم الوكيل عليهم ربنا ينتقم منهم المهم زعلت منهم وقطعت الورقه الي كنت رسماهم فيها وعملت شخصيات جديده بس دول موصلوش غير لما بقيت 12 سنه تقريباً كانو ف كندا ولا حاجه المهم بقا كانو بيخلوني اجيب البلونات وهي فيها زي استك صغير مكان ما بتتربط كانت صحبتي بتقولي اجيب بالونات وأخد الاساتك دي والبسها ف ايدي كانو حوالي 30 استك فلبستهم لقيت ايدي بقت زرقه واتجمدت فحاولت اتذكر لو خدت حاجه بالمنهج شبه كده بس ملقتش فقولت اكيد هموت ونمت وطفيت النور وبعدين لقيت صحبتي الصالحه بتقولي قومي بسرعه فقومت قطعت الاساتك بالمقص ونجوت من صحبتي المعفنه تاني يوم كنت واقفه جمب اللبن عشان امي متجلدنيش ف لما اتغلي شيلته وسبت النار وكنت سرحانه معرفش ف ايه عيله قرعه عندها 12 سنه المهم جبت ورقه وحطيتها علي النار واكتشفت حاجه حلوه  ياريت محدش يجربها وأنها بعد ما الورقه اتحرقت لما جربت احرق الورق المحروق لقيته بينور نور ابيض كده عجبتني موتت وفضلت اجيب ورق واعمل كده وناديت اخويا يعمل زيي اخويا كان اكبر مني بسنه بس بدماغ كلب جاب الورقه وبيقولي بصي دي لقيت دي الي بيورهالي ماسكه فبنطلوني وانا بقا من الصدمه ببصله وابص للبنطلون ومستنيه النار تقف لوحدها واخويا أدرك المصيبه ف طفي النار وغرقني مايه وانا بقا من الصدمه طلعت اعيط علي سطح بيتنا المخيف وماما كانت برا البيت وانا مقتنعه أنها لو جت وشافتني هتجلد 350 جلده فطلعت اعمل طقوس غريبه علي السطح واني قعدت فنص السطح وبقول امي هتموتني يالهوي وكل شويه اعلي صوتي ف امي جت وانا نزلتلها وانا بعيط عشان اصعب عليها وكده بس لطشتني كفين بال350 جلده دول المهم بقي نتيجه افعالي واصحابي المريبه دول جايه عليا دلوقتي ولقيت صحابي كلهم الي قطعتهم والي نسيتهم عاملين حمله لم شمل وجايين يرخمو عليا يقفلولي النور يرزعولي فالابواب ينزلو يغنو ويرقصو فالشارع وعيال مزعجه يعني بييحو بليل عشان ببقي فبيت تيتا بليل وتيتا نايمه ف عارفين اني لوحدي بييجو يقضو معايا الاجازه ويمشو وبصراحه مزعجين انا كنت طفله بعقليه حمار وانا صغيره دلوقتي بعقليه كلب اه بس انا نسيتهم( اتمني متتنمروش علي قرعتي)

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_74227 🇪🇬

جوزي شاف في شنطة أمي وهي نايمة...مصدومة ومش عارفة أكمل

انا وزوجي اتجوزنا عن حب وسافرت معاه بعيد عن اهلي هو طيب وبيحبني بس بيقصر في حقي كتير جدا وكنت بعذره لاني عارفه ظروفه وساعات بيبقي غصب عنه وأهلي بيساعدونا ماديا كتير جدا هما السبب بعد ربنا ف اننا نقدر نعيش في الوضع الصعب دا امي جت عندي زياره وللأسف لقيت جوزي بيفتش في الشنطه بتاعتهاوهي نايمه ومش عارفه اخد منها فلوس ولا لا هو لحد الان ميعرفش اني شوفته بس انا مش قادره ابقي طبيعيه معاه مصدومه ومش عارفه اعمل اي ولا اقوله اي ولا عارفه اتعامل معاه طبيعي حاسه حياتي وقفت وهو حاسس اني متغيره ورغم كدا مش بيسأل اي السبب مش عارفه اعمل اي حاسه اني مش قادره اكمل معاه بعد اللي شوفته ...عرض المزيد

0 الدعم

0 نصيحة

Banana_71635 🇪🇬

العصبية في العلاقات.. سبب لإنهاء الارتباط؟

العصبيه 🤔محتاجين ارائكم الشخص العصبى ده ايه رايكم فيه وبالنسبه للزوجين لحد فين بتكون العصبيه مقبوله من كل طرف ؟ وهل ده سبب لانهاء علاقه زى خطوبه او جواز او حتى حب ؟ طب ايه الحلول اللى ممكن الانسان العصبى يعملها عشان يقلل من العصبيه ؟ وهل لو واحده او واحد عصبى ده سبب لتجنب الارتباط او انهم يشيلو فكرته من دماغهم ؟ ...عرض المزيد

2 الدعم

4 نصيحة

Lemon_73956 🇪🇬

لا تيأس.. الفشل درس يزيدك خبرة ويقربك من نفسك الأفضل

🌱 الأمل هو أن تؤمن أن التغيير ممكن مهما تعثّرت. جرّب مرة، ومرتين، وألف مرة… لا تعتبر الفشل نهاية، بل درسًا يزيدك خبرة. فكل محاولة تقرّبك خطوة من نفسك الأفضل. لا تيأس، فالله مع الساعين بصدق، وما ضاع جهد عنده أبدًا. 💫 ...عرض المزيد

5 الدعم

1 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع