حرمان من الحرية

Chocolate_35132 🇰🇼

منذ 7 أشهر

.

شعور وحيد

أنا تعبت اوي من المكان اللي أنا عايشه فيه كل حاجه بالإجبار نوم بالإجبار في وقت معين ونقوم بالإجبار والأكل غصب والدراسه غصب وحتى لما نيجي نخرج بيخرجونا خروجات أسواق غصب ولما أعوز اخرج مع صحابي يرفضوا ويتحججوا اقل حاجه النهارده لما قلت عايزه اروح يوم ميلاد صحبتي اللي بقالي أسبوعين قايله عنه وكانوا موا

7

6

عبّر عن شعورك بشكل مجهول

أنا تعبت اوي من المكان اللي أنا عايشه فيه كل حاجه بالإجبار نوم بالإجبار في وقت معين ونقوم بالإجبار والأكل غصب والدراسه غصب وحتى لما نيجي نخرج بيخرجونا خروجات أسواق غصب ولما أعوز اخرج مع صحابي يرفضوا ويتحججوا اقل حاجه النهارده لما قلت عايزه اروح يوم ميلاد صحبتي اللي بقالي أسبوعين قايله عنه وكانوا موافقين رفضوا والحاجه ان الجو مش حلو واكيد هتمطر بعد ما جهزت وكلمتها إني هاجي رفضوا واضطريت إني اروح اعتذر لها مع ان هيا كمان اصرت عليا إني اجي وقلت لها أنا بلبس وجايه وفجأه بدون أي مقدمات رفضوا وبعد ما قلعت هدوم الخروج وقعدت واعتذرت من صحبتي وصحابي راحوا لعبوا وخلصوا كل حاجه بابا قام قالي قومي اجهزي عشان نروح !!! بعد ايه ؟ بعد مخصلوا كل حاجه ؟ بعد ما اعتذرت لهم وعيطت ؟ ولما قلتله إنهم خلصوا قالي لحقوا ؟ يعني كان متخيل أنهم هيستنوني ؟ وأنا كل شويه يقولي ارفضي ويرجع يقول وافقي ارفضي وافقي ، أنا لو مكان صحابي وحد عمل معايا كده أصلا نقطع علاقتي بيه ! وفي نفس الوقت كل يوم دراسه وإذا شافوني بلعب اتهزأ واتشمت واطلع مش محترمه ولا متربيه ، شافني بعمل سكين كير من كم يوم قوم الدنيا وقعدها ويقولي معدتيش تذاكري في الاوضه كل ما ادخل عليكي الاقيكي بتحطي كريمات امال فين الدراسه ، أنا مش بحط كريمات غير قبل ما انام عشان ما أضيعش وقت بس هو بقى بيشوف إني بحط طول اليوم وسايبه مذاكرتي ! كل يوم الصبح بيدور لي على غلطه ، والله بيدور على غلطه ! اول ما ادخل الصاله يقولي أنتي مسلمتيش ليه أنتي مكشره كده ليه هو أنتي اللي بترزقينا عشان تقلبي لينا شوك كده طول اليوم وأنا ببقى ناسيه !! ركبت السياره من كم يوم ولسه مقعدتش قام مناولني حاجه وأنا لسه ملحقتش اقعد حتى خدتها ولسه بقول في ايه قالي مسلمتيش برضوا اهو ! طب أنت اديتني فرصه طيب ؟ وقام مشاكلني وقايل عني مجادله كل ما يشوفني يشاكلني ومقدرش أتكلم لان لو اتكلمت هيبرر لنفسه وهيقول أنتي حساسه وهو احنا عاملين فيكي ايه ! أنتوا مش عاملين فيا ايه ؟ وماما متقدرش تتكلم لانوا بقى بيستلمها هيا كمان اليومين دول وكل شويه اسمع صوتهم وهما بيتشاكلوا بقيت مش بطيق القعده في البيت وإذا رميين على حد من اخواتي افضفضله اتكسف تاني ومتكلمه وهو يفضل يحكيلي عن حياته ويومه في الجامعه وايه اللي حصل وايه اللي جرا بقيت كل يوم اروح المدرسه مع أصحابي وأنا نفسيتي تعبانه لدرجة احيانا من اقل حركه هما بيعملوها غصب عني بعيط من التراكمات مش بقدر امسك دموعي ، كان نفسي إني اقدر احكي يومي لحد من اهلي عشان يفهمني بس كل ما بكلم حد يقولي بطلي رغي اسكتي ابوكي جه اسكتي بقى ! حتى هما معدتش بقدر أتكلم معاهم ولا بقول بيطيقوني ! ، بقيت اروح المدرسه وادعي إني مروحش البيت ، أنا عارفه ان كدا حرام بس بقيت ادعي على نفسي بالموت ولا إني اروح واقعد معاهم معدتش طايقاهم ولا طايقه نفسي ولا طايقه العيشه دي ربنا يسامحني بس والله بحاول وبعمل كل اللي اقدر عليه بس مش بيرضوا كلهم بيحسوني إني عاله عليهم بقيت مش بطلب أي حاجه ولا أي رفاهيه عشان ميقولوش عني مسرفه ولا مبذره أي حاجه المدرسه بتطلبها بقولها لهم باستحيا مع ان دي واجبات عليهم وإلا مكنوش خلفوني من الأصل أنا أصلا مكنتش عايزاهم ولا عايزه عيشتهم كل يومي دراسه واجيب مجموع الكل يحسدني عليه وبرضوا مش بيعجبهم كل اللي بيقولوه كنتي تقدري تشدي حيلك تكتر بس ماشي مبروك ! وإذا نقصت يعتتوا في جتتي وأنا أصلا ببقى منهاره يعني ليه يزيدوا الموضوع ؟! أنا تعبت منهم قوي وتعبت من العيشه دي قوي قوي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_13816 🇪🇬

منذ سنة واحدة

.

شعور Bad 😞

انا تعبت من العياط كل يوم عشان مش قادره انسى اي حاجة وحشة اهلي عملوها فيا انا بجد مبقيتش شايفاهم اهلي، اهلي عرفوا اني لسه مصاحبه البنت اللي هم مش بيحبوها، حبسوني في البيت كذا شهر و كانت فترة دراسة، حتى دروسي مكنتش بنزلها، كانوا قاصدين يوصلوني لمرحلة الانهيار و انهارده عدى اكتر من سنة وانا قربت ادخل

7

8

Strawberry_16440 🇪🇬 نفكر مع بعض طيب تفتكري اهلك ليه كانوا بيقولولك متمشيش معاها اكيد علشان سبب بس انتي مسمعتيش كلامهم مش بقول انك غلطانه ولا مع أنه حبسوكي بس احيانا يبقي هما عندهم نظره اكبر مننا فبجد فكري في الكلام ده و بالنزبال تالته ثانوي متخفيش هي سنه المنهج بتاعه مشابه لتالته اعدادي شويه و مش صعب و لو مش بتذاكري حاليا في أولي أو تانيه برضوا عادي هما مش مقياس ابدا لتالته فانتي قدها متخفيش

عرض الكل 8 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع