حجات غريبه

Chilli_60185 🇪🇬

منذ 3 أسابيع

شعور متعب

عبّر عن شعورك بشكل مجهول

انا في حاجه حصلت لي الايام دي غريبه ومش فاهم انا امي عندها التهاب اعصاب بسبب انها بتاكل سكر كتير والسكر عندها عالي بس الحمد لله معندهاش سكر كانت هتقع في بس لحقنا كشفنا قبل ما يحصل حاجه المهم راحت عند دكتور عظام هي واختي الدكتور شاطر جدا ومربي دقنو وراجل كبير المهم امي اديتلو ورق الاشاعات والكشف الي عند الدكتور قبل كده بص وشاف وبص لامي وقلها انتي فيكي حاجه واديها رقيه شرعيه تقرأها قدامو عينيها دمعت وجسمها وجعها قلها انتي في سحر وفي حد عندكو حد  مسحور برضو وكشف عليها واديها العلاج واضايق انها بتاكل سكر كتير وكلامها انها تبطلو وتعمل نظام غذائي المهم مش هنا المهم أن فعلا وانا صغير إتقال اني اتعمل لامي وانا سحر وكان فعلا بيحصل حجات غريبه بس مكنتش بصدق رغم أن ممكن احس بحجات كده وأشوف خيالات بس برضو كنت بقول بيتهئيلي  طب الدكتور ده عرف ازاي وعرف منين أن في حد عندها كده برضو هو دكتور شاطر وكل حاجه ومربي دقنو وشكلو محترم بس انا استغربت والمفروض أن السحر راح من واحنا صغيرين وقرئنا قرأن ورقيه شرعيه وقربنا من ربنا زمان واحنا صغيرين طب ايه الي رجع السحر وازاي هو عرف اني كان في سحر وبيقول أن دلوقتي اصلا في سحر انا مش فاهم حاجه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_69067 🇪🇬

خايفة أفشل وأكمل لوحدى وعمري 30 سنة

انا خايفة.. انا بخاف ديما حتى وانا بحاول احسس نفسي ان دا مش خوف بس النهاردة اول مرة احس بالخوف من اى حاجة جديدة .. خايفة افشل خايفة ازهق خايفة ميكونش طريق صح.. ببدأ حاجات كتير في حياتى ومش بكمل .. كل حاجة خوفت منها قبل م تحصل حصلت!! كل شئ خوفت منه ربنا اختبرني بيه.. انا حتى لما حد بينزل بوست في اى مكان واقرر اعنل كومنت اقول رأى بخاف لو حد رد عليا بطريقة مش لطيفة او تريقة مش لانى مش عارفة ارد لكن مبحبش اوصل الامور للغلط لانى مبحبهوش بحس بضغط وبمسح الكومنت وبقول مش هعمل في نفسي كدا تاني حاليا خوفي الجديد اني بكبر ٣٠ سنه وماشية في ٣١ وانا معملتش حاجة بدأت في حاجات كتير ومكملتش ..خوفي انا أكمل لوحدى في الحياة ودا مش بسبب ان مفيش ناس لا بيكون فيه لكن مش برتاح معاهم.. مؤخرا قررت اشتغل ع نفسي اسافر محافظة جديدة احسن الانجلش اتعلم جرافيك .. مكان الكورس الى مليت الفورم بتاعهم كلموني وكنت متحمسة بس ماما قعدت تقولى اسألى صحابك فمن كتر الاراء خوفت ماما عايزاني اتعلم انجلش وجرافيك وكل حاجة بس هي بتحب تخليني اتأكد وانا كتر الاراء بتشتتنى او حد يقولى اماكن تانية فبلاقي جوايا بيهرب من التفكير بانه لا خلينا كدا وخلاص بحس انى خايفة اجرب حاجة جديدة جوايا حاجة زي الباب بتمنعنى وبشيل الهم.. انا عايزة اعمل حاجة مش عايزة اعيش حياة روتينية لكن مش عارفة بسمع نصايح كتير بس الى مانعني من جوايا الى مانعني خوفي ...عرض المزيد

1 الدعم

4 نصيحة

Watermelon_72134 🇪🇬

ليه النصيب مااتكتبش؟ وانا لسه بحنين لها

بسم الله الرحمن الرحيم من زمان وانا كنت بحب بنا وربنا كتبلى نصيب فيها وكان اول كلامى معها هو يوم الخطوبه وطول الخطوبه كانت ونعم الصحب والرفيق بعد تسع شهور مرت بسلام محصلش نصيب وكل وحد راح فى طريق الحمد لله برغم الوجع لانى حتى مش عرف سبب البعد الكلام دا كان فى ال2016 النصيب كتب انى مش اتجوز ولا هيا كمان هيا 30سنه متدينه وقمت الادب والاحترام وانا 37 بصلى الحمد لله وماشى جنب الحيط صحيح هيا اللى كانت سبتنى وانا طول السنين داى عندى حنين ليهعوز ارجع ووثق انى لو طلبت كده هكون ببيع كرامتى ملحوظه مش شيف فى حياتى غيرها ...عرض المزيد

0 الدعم

6 نصيحة

Cookies_73529 🇪🇬

مش عارفة أنا عايزة ايه وبتخاف من العلاقات

بحس اني مش عارفة انا عايزة ايه بالظبط ومترددة دايما وهل اي حاجة بختارها انا فعلا عايزاها ولالا حتى الاشخاص والعلاقات فاشلة كلها يعني قطعت مع كل الناس وبحس لما بشوف ناس جديدة او اجرب اتعامل بحس ان ملوش لازمة اصلا لان كدة كدة هنقطع وانا خوافة جدا في حد بحبه قالي انه عايز ينزل معايا انا اعرفه يعني بس من كتر الخوف انا رفضت مع اني بحبه وطبعا هو مبقاش يهتم بسبب طريقتي مش عارفة اعمل ايه ومش عايزة اكون شايفة كل حاجة بنظرة سلبية كدة وكل ما احاول اغير من تفكيري اكون ايجابية اه لمدة قصيرة وارجع تاني للانعزال وانا مش بحب اخرج كتير حتى لو بحبهم بحس اني مملة وهيكرهوني فبتجنب اي تعاملات انا بزهق من نفسي ومش عارفة ليه شخصيتي كدة بصراحة ومش عارفة اغيرها ومش عارفة اتعامل مع حد وانا اكوورد جدا لما بكون نازلة مع شخص واحد بس ومش ببقى كومفورتبل مش عارفة اعمل ايه btw im 20 ...عرض المزيد

0 الدعم

8 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع