حجاب

Sugar_74060 🇪🇬

منذ 4 أيام

شعور متعب

لابسة خمار و مفاجأة لما زعلي زاد بقيت مش طايقاه و انا عارفة ان دي وسوسة و المدخل ان شكلي وحش و لبسي مش شيك اوي رغم ان مكنتش دي نظرتي له و لا تعليق الناس عليه و بنسق اللبس حلو و الاهل مبيشجعووووش خالص ي ده بالعكس بيس وا نفسي يوميا و انا بلبسه لابساه بقالي سنة و مش عايزة أضعف و اقلعه ده كان حلمي ٤

Croissant_73102 🇪🇬

منذ 5 أيام

شعور غاضب

أنا تعبانة اوي إني كل شوية الاقي صور مش كويسة في كل الابلكيشات مش عارفة اتخلص من الموضوع دا وبفضل افكر ليه بيعملوا كدا، الست بتتعرى جسمها بتستفاد إيه غير ذنوب أنا منتقبة ومقتنعة إن البنت أغلى من إن ضفر منها يشوفه راجل غريب، من كرهي للي بيحصل من نشر صور بلبس مش كويس ل اللبس اللي بيلبسوه البنات في ال

Blueberry_69403 🇪🇬

منذ أسبوع واحد

شعور متعب

عبّر عن شعورك بشكل مجهول

هاي دي مش مشكله عمتا فضفضه عادي 
أنا مش زي اي بنت بحلم بفستان الفرح ولا الجو دا وحقيقي بزعل لم احس ان يوم ممكن اللبس فستان فرح أنا مش بحب الالوان الفاتحة وخصوصا الابيض اصلاا و نفسي استقل لوحدي مش عوزه يوم مستقل ابقي مسؤوله عن رجل وبيت وشربت و نفسي اسفار كتير و اعيش تجارب كتير اوي في بلاد واقبل ناس مختلفه لان الحياه مره واحده ومش مقتنعه بأن الحجاب فرض وأمر من ربنا ومحدش يجدلني لان انا بحثت ولسه ببحث كتير في النقطه دي وكل مدي بتأكد انوا فرض فقهي بس بس لحد الان لبسه عشان اهلي والمجتمع وخصوصا اني بنت شيخ ومن صغيري والناس مفكرني لم اكبر هختمار أو اتنقب اصلا وفي نفس الوقت أنا شايفه أن أخويا البي بيقولي ان جوا دماغي شياطين متحكمين فيا مش هيوفق اني استقل ولا أسافر ولا اعيش حياتي ولا كل دا رغم انوا بيعمل كدا بس مينفعش أنا بنت لازم محرم وبصراحه شايفه أن لا هروب الا بالجواز بس ف نفس الوقت الجواز حاليا و من اي حد من محيطي دي كارثه اكبر لان كلهم عقليت متخلفه حتي الصايعين منهم اللي خربنها شايفين أن الحريم متخرجش من البيت و رسمين استايل معين لحيتهم ومعندهمش اي طموح وغير أن الشباب في سني خصوصاً ديما عوزين يتحكموا ويقرفوا في الانسان اللي في حياتهم لان هما وسخين اصلا وبيتفرجوا ع حاجات زباله وخال تفيكرهم زباله ف بقي تحكم وقرف تحت مسمي أنا رجل وعارف الرجاله بتفكر ازي أو اني غلط في غيرتي وان يخاف يتقل عليه قرني أو خروف ف الموضوع حقيقي مقرفففففففف هو أنا معقده

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Olive_60546 🇪🇬

منذ أسبوع واحد

شعور ضائع

طيب يجماعة بما إن فيه حاجات استحالة نعرف نسألها لحد وفر نفس الوقت بتخطر على بالنا .. السؤال للشباب. هل انتو بتكونو عارفين فعلاً ان الحجاب او الخمار او كدا بيقللو الجمال ولا بتاخدوا بالظاهر قدامكو.. يعنى مجرد مثال بالارقام للتوضيح لو فيه بنوتين واحدة جمالها90% والتانية 70% .. اللى جمالها 70 دى محجبه

Blueberry_46540 🇪🇬 جماعة كده كده الحجاب بيخفي زينة المرأة و ده المطلوب اساسا

عرض الكل 25 نصيحة

Avocado_68584 🇸🇦

منذ أسبوعين

شعور متعب

بنت قلعت الحجاب بسببي لأني كنت مش عايزها محجبة ودلوقتي سبنا بعض ولسة مش محجبة الموضوع مضايقني يمكن اه جبتلها فساتين وكنا بنخرج كتير وكنا شيك جدا وعلاقتنا سوية بس ما حصلش نصيب للأسف والفكرة ان دماغي وحياتي بقت كدا انا مش بكره الحجاب وبحبه بس بحب حياتي تكون عادية حد زيي ؟

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Marshmallow_69067 🇪🇬

منذ 3 أسابيع

شعور عاطفي

عبّر عن شعورك بشكل مجهول

أعزائي المشاهدين أعزائي المستمعين مع قصة جديدة من قصص حياتى الفلكلورية البائسة😂😂
بعنوان "كل دا كان ليه؟"🙂🙂
من كام شهر كدا كنت برا البيت ورجعت لقيت ماما بتتكلم مع حد وبتتفق معاه على معاد وانا مش فاهمه في ايه المهم طلعت مامت عريس🙂🙂 وامى اتفقت معاها من غير ما تسألنى طب اشوف صورته يا حجة طيب اتفقتى كدا من برا برا المهم كنت مضايقة جدا بس واضح ان ماما حبت طنط مامت العريس وحبت الحالة كلها..
المهم ان تانى يوم طنط بعتت لماما ان ابنها الباااااشموووهندززز طالبينه في الشغل عشان هو بيشتغل برا مصر ولازم يسافر فمش هيعرفوا يجوا قولت خير ربنا خلصها من برا برا..
يومين ولقينا طنط مامت العريس بتبعت ع الواتس وبتتصل بماما وقالتلها ممكن اتكلم معاكى وقعدت تبرر لماما الى حصل واد ايه هى حبتنا ونفسها تناسبنا وان ابنها فضل يكلمهم في الشغل طول اليوم عشان يقنعهم يمد الاجازة ١٠ ايام هى طنط كانت لطيفة بجد وماما اقتنعت فانا عشان ارد كرامتى قولتلها اشوف صورتة الاول😂😂 فطنط بعتت الصورة وشكله عجبنى وانا اول مره اتحط في قصة عجيبة كدا بس انا كنت بدعى كتير اوى اوى بمواصفات معينة مش في الشكل في حاجات تانية وحسيت ان دعواتى بتستجاب..
المهم العريس وممته جم وانا لما بيكون في عريس يابااااى بلبس وش استغفر الله العظيم بس هو تفهم الامر 😂 طنط كانت جميلة اوي وحضنتني جامد وقعدت تمدح فيا وهو المااااشموهندززز العريس كان بيتكلم معايا بصيغة ضمنية انه بيظهر القبول في كلامه واننا هنعمل وهنسافر وهناخد طنط الى هى مامتي معانا لان بابا ميت وانا من ضمن دعواتي ان يجي حد يحب ماما اكتر منى  فكنت حاسه انى طايرة في اللحظة دي كل كلامه وكل تفصيلة كان بيقولها كنت بحلم وبدعي بيها ربنا  حسيت لأول مرة انى بتكلم من غير تصنع او خوف كان متقبل كلامى وموافق ع كل حاجة بقولها لاول مرة ارتاح لعريس فنقعد نهزر ونتكلم كأننا نعرف بعض من زمان فحسيت انه خلاص جه وقت الاستجابة من ربنا ..المهم فضل قاعد ٤ ساعات بنتكلم ومش عايز يمشي وطنط ممته تبص لماما وتقولها شوفي لايقين ع بعض ازاي والله طنط كانت جميلة جدا بجد انا حبيتها اوي🩷🩷 
وهما ماشيين طنط قالت لماما انها هتتصل بيها يتفقوا ع تاني زيارة فكدا خلاص فهمنا ان فيه قبول وانا كمان بصراحة كان فيه قبول..
طنط كلمت ماما تاني يوم وقالت لماما ان ابنها قالها انى خطفت قلبه او ما دخلت وانه لقي كل حاجة بيتمناها فيا وحددوا وقت تاني للزيارة لان هو كان وقته ضيف وهيسافر وماما قفلت الموبايل وقعدت تعيط وتقلى مبروك وحاجة اخر نكد 😂😂..
المهم جم تاني مرة وكنا مبسوطين كلنا وبنهزر وبنضحك قالي احنا هنعمل قراية فاتحة دلوقتي ولما ارجع ع العيد الكبير هنعمل الخطوبة قولت مفيش مشكلة بعدها الكلام اخد منحنى غريب قالي احنا طبيعة علاقتنا هتكون ازاي قولتلوا هنتكلم زي ما بنتكلم دلوقتي قالي طب ومشاعري قولتلوا انت جى وعارف اننا بيت ملتزم وعنظنا ظوابط للخطوبة قالي بس انا راجل داخل نيتي جواز مش بلعب قولتلوا هو كان فيه اوبشن تاني غير ان نيتك تكون جواز وانى مش هعبر عن مشاعري الا لزوجي فقالي طبعا حقك .. اتكلم في موضوع اننا نخرج بعد الخطوبة قولتلوا ماما هتبقى معانا قالى ربنا يديها الصحة بس افرضي تعبت قولتلو يبقي مش هينفع خروج احنا بابا الله يرحمه لما كان يقعد مع عريس ويطلب منه نخرج بعد الخطوبة بابا كان بيقوله انا عندي مجوزش بناتى بس ادخل بيهم الجنة فانا بتصرف كأن بابا عايش .. وبابا كان عنده وجهة نظر انه اكتب الكتاب واخرجوا براحتكوا فقالى ايه رأيك طيب في موضوع كتب الكتاب قولتلوا معرفش اسأل ماما انا عارفة ان ماما بترفض فكرة كتب الكتاب .. بعد كدا قالى انه عايزنا نتكلم فيديو لما يسافر .. انا لابسة نوع من انواع الحجاب الشرعي الى ميخلنيش ينفع اتكلم فيديو غير انه ليه عدد مرات معين يشوف وشي فيهم انا هنا مش بناقش لبسي انا بتكلم في فكرة انه جي وعارف طبيعة البيت ولبسي فانا قولتلوا شوف نفسك لانى مش هغضب ربنا عشان اتخطب اولويتي لله ..فاااا غير الكلام وقعد يكلمنى اننا هنسافر وهنروح كذا بلد وانى وفرت عليه حاجات كتير وانى عارفة يعني ايه راجل ويعني ايه ست وان البنات الايام دى مبقتش كدا فكان كلام لطيف بس حسيت برضو ان فيه حاجة غلط قالي فجاة بصي بصراحة اصل انا مصلتش صلاة استخارة😂😂😂😂😂 قولتلوا اومال انت جي بناءا على ايه قولتلوا لازم تصليها طبعا ربنا الى بيختار لينا .. فاااا هما كانوا سايبنا لوحدنا وبعدين جم يقعدوا معانا وقال لماما على موضوع قراية الفاتحة وكدا وطنط كانت عايزة تحدد معاد واحنا قاعدين 
بس قولنا نسيبه ياخد راحته ويحدد هو حسب وقته .. حاجة كمان هو في تاني قاعدة اظهرلى انه خايف من فكرة اننا مش هنعرف نشوف بعض بشكل كافي بسبب سفرة وانه هيجي كل يوم لحد ما يسافر قولتلو مفيش مشكلة واصلا مين المفروض يخاف !! انت الي المفروض تطمنى وبعدين قالى بعد الخطوبة الجواز هيكون خلال ٦او٧ شهور قولتلوا خلينا نطولها شوية قعد يحكيلي اد ايه الحياة في السفر صعبة وانه عايز يستقر وقالي وبعد دا كله تقوليلي نأجل الجواز فحسيت انه شاريني رغم موضوع انه معملش صلاة استخارة الموضزع كان عاجبني ومكنتش عايزة ابوظه وبس بعدها مشوا ع اساس طنط هتكلم ماما يحددوا معاد..
 انا قلبي بيحس للأسف قولت لماما ليلتها انا بخاف افرح حتى خوفت اقول لحد قبل م نتفق المهم نمت بس نومة مقلقة كنت حاسة ان هيحصل حاجة ..صحينا الصبح لقيت طنط باعته فويس لماما ٤ دقايق فطلع هو الى باعت الفويس من موبايل ممته الساعه ٤ الفجر😂😂 
اول الفويس فضل يشكر فينا وبيقول انه لا غبار عليا وكدا بس بيقول لماما انتوا قولتوا انكم مش متشددين ويعني ايه اخطب واحدة معرفش اعبرلها عن مشاعري وانا راجل مسافر وكلام فيما معناة اني محبكاها وبيتكلم بزعيق مش داابدا الى كنت قاعدة معاة في البيت عندنا ..وطنط بعتت لماما انها بتعتذر وانها اتفاجئت برد فعلة وانه بيقول انه اتقفل منى عشان بقول نتعامل بحدود وبحجابي الشرعي الى هو جي وعارف انى لبساه وانه يعني ايه منخرجش وميعرفش يعبر عن مشاعرة ونهوا الموضوع .....

انا مش زعلانة انا مبعرفش ازعل انا بدخل  في حالة صدمة كل حاجة بتقف وعقلي بيفصل ببقى حاسه بوجع بس مبلمه ..
انا اتربيت على ان الراجل راجل والست ست والبنت لازم تحافظ على نفسها ومتديش مشاعرها لأى حد وان الراجل الحقيقي بيدور على حد كدا وبعيدا عن الزواج احنا بنمشي بقوانين ربنا مش بنرضي البشر على حساب اوامره .. انا مش فارق معايا هو انا بس مش فاهمة يعنى ايه راجل تعجبه بنت ويلاقي كل الى بيتمناه فيها زي ما بيقول وفجأة يبوظ كل حاجة كانه بيهرب ودا بسبب انى بحافظ ع نفسي وبحاول بحاول اتقي الله وانى بنت واكيد عندي مشاعر لكن مش عايزة اعبر عنها غير في حدود الى ربنا سامح بيه ..
 هو مش زمان كان الراجل بيدور ع بنت تحافظ على بيته بعد طبعا ما يحصل قبول ..
 يعنى ايه اتقفل منى عشان انا عملت ايه انا عارفة انه اكيد مش خير ليا بس كل حاجة كانت لطيفة في الموضوع ازاى حد ممكن مشاعرة تتغير في لحظة دا حتى متناقش معانا مثلا وحاول يوصل لحل وصت كأنه كان بيهرب ..

انا مش زعلانه بالعكس ممتنة لله على اللحظات الي حسيت فيهم انى مبسوطة في الموضوع دا وممتنة انه نجاني من مجهول انا مش عارفاة حتى لو كانت كل حاجة في الاول تبان حلوة ..
بصراحة كمان انا كنت بدعى اوي وقتها بصفات كتير وحاجات بتمناها ولقيتها في الشخص دا بس اكيد هو مش خير ليا وانا مش خير ليه انا عايزة حد هو حاببني كدا وفخور بيا وبتفكيري الى انا بجتهد يكون فيما يرضي الله ..

انا افتكرت كل دا ليه ؟! عشان امبارح حلمت حلم انه جه هو وممته وقعد يبررلى كل حاجة حصلت ويتحايل عليا اننا نرجع ممكن يكون عقلي الباطن وكمان هو ساكن قريب مننا لما بكون معدية مش الشارع بخاف يكون في اجازة واشوفه انا مش زعلانه عليه والله وعارفة انى صح 
وربنا يرزقني الصدق والثبات

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Blueberry_41056 🇫🇷

منذ 3 أسابيع

شعور محبط

احتاج نصيحة ضروري أنا بنت عمري ١٩ سنة و بعيش ببلد اجنبي، عندي اكتئاب من سنتين لهيك عندي صعوبات اهتم بنفسي، أنا متحجبة من لما كان عمري ١٤ سنة بس بالمدرسة ممنوع ف كان يعتبر نص حجاب، تحجبت عن قرار شخصي. بس لما كنت اصغر كنت ما احب الحجاب و اعتبرو موضوع مخجل احكي فيه و ما بعرف شو السبب. لكن هلق مع الاكتئ

Marshmallow_69067 🇪🇬

منذ 3 أسابيع

شعور وحيد

انا بنت .. عندي مشكلة في تكوين الصداقات من زمان لاني مش بلاقي صحاب شبهي وميولهم زي ميولي كنت بكاول اتعايش مع الي موجود واندمج معاهم بس الصداقة بالنسبالهم هو اننا نخرج سوا ونقعد نتكلم في الفون بالساعات في اي كلام مش مفيد فبعدت حتى الكلية مطلعتش منه بأصحاب .. بشوف بنات ماشاء الله بيكونوا داعمين لبعض و

Coffee_70079 🇪🇬

منذ 3 أسابيع

شعور آسف

من فتره ديني كان ضعيف وكنت ليز وساعتها صحبتي¹ دخلنا ريليشن انا وهي وبعدها بفتره رجعنا صحاب وهي تابت وانا كنت لا وساعتها حبيت بنت وسبتها لما عرفت ان حرام وبعدها لقيت صحبتي¹ بتبعد عني وخلت واحدة صحبتها تبعتلي اني ابعد عنها وصحبتنا³ عرفت كل حاجه وقولتلهم اني تبت وفعلا تبت واتغيرت كتير وكنت لبست الخمار

Jackfruit_65540 🇪🇬 ابعدي عن اي حد كان بيفكرك للمواقف دي و ابعدي عن اي مكان كنتوا بتمروا فيها والحمدلله الحمدلله إنك توبتي توبة نصوحه وإن شاءالله ربنا يثبتك ويثبتنا ع طاعته ولو مصدقوكيش خلاص اهم حاجه انك فوضتي امرك وصادقه قدام الله عز وجل ف غيري كل البيئه دي و اتصاحبي بقا ع ناس قريبه وتساعدك ف التقرب أكثر لله وربنا ييسر لك الحال

عرض الكل 7 نصيحة

Jackfruit_64058 🇪🇬

منذ 3 أسابيع

شعور مرتبك

انا كنت شغال فى الممنتج على النت جات بنت كلمتنى انى اعلمها علمتها. جات بعد فتره بتتكلم عادى بقت عاديه يوما اعترفت بحبها و انا الصراحه حبتها. و قاعدنا سنتين على وضع ده مكلمات و سهر و رسائل. جيت بعد كده قلت لها عايز اكلمك لقيتها بتقولى لحظه انا عند اهلى هروح الاوضه. حسيت بتانيب ضمير. وحسيت انى حرامى.

Avocado_68588 🇪🇬

منذ 3 أسابيع

شعور فخور

موضوع:

درس علمته لك الحياه

أن ناس كتير هتنتقد شكلك و شخصيتك و حياتك و محدش يتمنى يشوفك ناجح بجد حتى اقرب حد ليك بس فى الحقيقه هما مش قادرين يكونو زيك كان ديما عندي كذا مشكله كنت تعبانه جدا فتره معينه تعب فى المعده و حسيت كتير جدا كان ناس كتير اوي تتنمر عليا ف انا اخدت قرار اغير دا و نزلت جيم بعد لما اتعالجت الحمدلله و وزني

Watermelon_68051 🇪🇬

منذ 4 أسابيع

شعور متوتر

السلام عليكم ورحمة الله وبركاته انا بنت صغيره ازهريه ومختمره الحمد لله انا عايزه البس النقاب مشكلتي مع بابا بابا اهم حاجه اهله اهله ممكن يترضوني من بيتهم ويقولولي كلام يوجع بس انا مش فارق معايه عشان عارفه اني بعمل كده لربنا اتكلمت مع بابا كتيييييير جدا وبرضو مش موافق وماما مش هتعرف تدخل عشان مابينه

Banana_68562 🇪🇬 ادعي كتير اوي اوي اوي أن لو فيه خير ليكي ربنا ييسرها و صدقيني لما ربنا يأذن هتلاقي نفسك في يوم و ليلة لبستيه

عرض الكل 8 نصيحة

Avocado_57183 🇪🇬

منذ شهر واحد

شعور مرتبك

Chilli_29092 🇪🇬 حافظي ع نفسك القابض على دينه كالقابض على جمره من نار وكثره الخبيث لا تجعله طيب ،والله والله معظم الرجاله بقو بيدرو علي البنات اللي شبهك في زمن كثرة فيه الفتن وكلامي ع الرجاله

عرض الكل 13 نصيحة

عبّر عن شعورك بشكل مجهول

السلام عليكم دلوقتي انا الحمد لله واحده ملتزمه في صلاتي ولبسي الحمد لله واسع ومابلبسش بناطيل وواخده بالي من حجابي كويس والحمد لله يعني ملتزمه بس بيجي عليا اوقات احس ان انا زهقت عاوزه اجرب زي ما الناس بتعمل زي ما بشوف البنات في الشارع دي لابسه تربونه لابسه طرحه مبينه رقبتها مبينه شعرها ولما باجي اجرب ده ما بكونش مستريحه ابدا وابقى الصراحه عايزه احط ميك اب زي دي وزي دي 
وليه انا مقفله على نفسي ومحبطه وبسمع كلام من ده طبعا كتير وبيهز في نفسي وبرجع اقول هم معاهم حق فعلا انا لازم اتغير وابقى شبه البنات اللي بتعمل كذا وكذا وكذا بس لما باجي اراجعها في دماغي بعرف كده ان انا بعصي ربنا وكده  همشي في طريق غلط 
المشكله ان انا عارفه ان كل ده غلط وحرام وكده وكل مره اقول لا طبعا انا عمري ما هعمل كده مش هتخلى عن حجابي اللي هو اللي انا بلفه شبه الخمار ومرات اقول طب ليه مافكش عن نفسي واجرب اخرج ما بين رقبتي مثلا شعري احط مكياج زي ما باقي البنات بيعملوا ولو بالفعل عملت كده بفضل اعيط ونهار بس في نفس الوقت انا ما بين الفكرتين ان انا عايزه اكون شبه البنات اللي انا بشوفها وان انا عايزه افضل محافظه على نفسي والبس واسع عشان ارضي ربنا بس برده كلام الناس ما بتسيبنيش في حالي بيفضل يقول انت كتمت نفسك من وانت صغيره لان انا اصلا 16 سنه بس ما كنتش حابه ان انا ابقى زي البنات اللي انا بشوفها انا حابه ان انا استر نفسي وابقى ملتزمه بديني وصلاتي ولبس الواسع بس كلامهم بيخلي فيا اثر نفسي اللي هو عايزين ابقى متبرجه زي البنات اللي بشوفها وكلام سلبي كتير زي انت لسه صغيره يا بنتي عيشي سنك فكي عن نفسك وكلام من ده كتير طبعا واصلا كان في دماغي فكره النقاب من سنه ولسه لحد دلوقتي انا عايزاها بس فكره ان انا عايزه ابقى زي البنات اللي انا بشوفها وبتراجع عنها مخلياني ما اخدش اي خطوه للنقاب بسبب تفكير ده وبرده بسبب كلام الناس واهمهم كلام اهلي برده مع انهم ملتزمين بس مش حابين ده عليا عشان برده نفس الكلام اللي بسمعه من برا  بسمعه جوا 
بس بجد انا تايهه ومش لاقي حل وعارفه مليون في الميه انا صح في طريق مع ربنا بس الفكره ان انا عايزه ابقى زي البنات اللي انا بشوفها وفي نفس الوقت عاوزه اكون انا وما بين الفكرتين وبقيت في حيره جامده والفكره ما بتروحش عن بالي خالص ده غير طبعا ان اصحابي مش شبهي كلهم بناطيل طبعا حجابهم يعتبر مش حجاب فبحس ان انا فعلا كاتماها على نفسي و ان دي فكره ما بتتشلش من دماغي مش بتروح خالص

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cherry_17015 🇪🇬

منذ شهر واحد

شعور مرتبك

جماعه انا بكلم شخص من اربع شهور هوا احنا بنحب بعض وانا حاسه جدا انو شخص محترم وكويس المهم من يومين بنهزر في سيرة شعري ولونو وكده وقالي عايز يشوفو وانا محجبه فرفضت بانو مينفعش عشان اما يحصل في الحلال مترحش اللهفة المهم جه انهارده قالي انو مدايق واني مش واثقه فيه وانا قلت ان ممكن يحصل ويعايرني بعد ال

Grape_59465 🇪🇬 هو بستخدم الثقه كرت عشان يضغط عليكي ومش هيعيرك بعد الجواز لأن لما باخد إلى عايز منك مش هيتجوزك اصلا

عرض الكل 12 نصيحة

Watermelon_72972 🇪🇬

صباح الخير، حد موجود يتكلم في الصحة والرياضة؟

صباح الخير لو فيه حد موجود حابب يتكلم في الفقرة الصباحية دي عن الصحة والرياضة او علم النفس او اي حاجة نفسه فيها اريتيمثةسكصعيايميجيكميريتينبنبنبمبكبكبميرثتصجصكصةصَزغزعزثةشجهذع ...عرض المزيد

2 الدعم

0 نصيحة

Coconut_20625 🇲🇦

تايقة في ربنا ومؤمنة إنها هتحصل ان شاء الله

في حاجة نوعا ما كل الاسباب مستحيلة انها تحصل بس انا تايقة في ربنا انه مش هيخيبني و مادام حط فيا كل الحب للحاجة دي و خلاني اعمل كل ده عشان تحصل ف ان شاء الله هتحصل ادعولي بجد انها تحصل ان شاء الله 🥹🫶🏻🤲🏻 ...عرض المزيد

0 الدعم

5 نصيحة

Banana_74835 🇪🇬

اتعرفتوا على شريك حياتكم ازاي؟ | تجربتي الشخصية

اتعرفتوا علي شريك حياتكم ازاي ؟؟ idie euid eusks is a good choice for the job but the way he is handling the situation is not the same for me personally and the way I handle him personally I think he’s a great person but I also think he’s a nice guy so I don’t think 🤔 I don’t think he is a great person and I hope he is a nice person 🧍 ...عرض المزيد

0 الدعم

3 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع