حب من بعيد

Chilli_61220 🇪🇬

منذ أسبوع واحد

شعور مكسور القلب

عبّر عن شعورك بشكل مجهول

لو هتقرأو  البوست اقرأ للأخر عشان تفهمو التفاصيل
انا موضوعي غريب اوي و عايز حد يفوقني بجد
انا علاقتي بالبنات مش وحشه و مش قويه اوي
الفكره اني لما وصلت ١٧ سنه و لقيت إن كل صحابي مقسومين بين  اللي بيز*ني و اللي  بيع*ط و انا عمري ما عملت حاجه من دول خدت قرار اني هفضل كده طالما انا لسه معملتش حاجه و غيري عنده ١٣ سنه مقضيها
و قلت خلاص بقى مليش دعوه بحوار البنات ده وقلت مش هفكر حتى في الارتباط لحد ما ادخل كلية مثلا و إن شاء الله ربنا يجازيني و يكرمني لما اتجوز تكون واحده حلوه و عمرها ما اتلمست و كده 
اللي حصل بقى السنه دي كنت تالته ثانوي و في مره من المرات في اول السنه و انا في السنتر في درس بنت دخلت الحصه معانا كانت بتاخد في سنتر تاني بس فوتت حصتها و جت تاخد في السنتر ده عشان تعوض ، الفكره انا مركزتش اوي ساعتها بس بعد كده و انا بقول للمستر حاجه هي اتدخلت في الكلام و كده و انا بردو مركزتش معاها اوي بس بعد كده لما خلصنا لقيت صاحبي بيقلي إن هي شكلها معجبه و الكلام ده و اني كل ما اتكلم تبصلي  
البنت بصراحه جميله جدا  و حتى بعد كده لما بدأت اراقب تصرفاتها في الحصص كانت طفله اوي و كيوت اوي و هبله اوي 😂😂
 الفكره بقى اني اتعاملت مع بنات كتير قبل كده بس دي كان فيها حاجه غريبه انا مش فاهمها، طول السنه كنت كل شويه بالصدفه او من غير لما اجي ابص عندها الاقيها بصالي و أحيانا كنت باخد بالي و اعمل نفسي مش شايف انها بصالي و كان ممكن تقعد بصالي كتير لحد ما انا ابصلها او حد يجي يكلمها و فضلت نظرات كده 
و الغريب فشخ بقى ان كل اللي عارفينها بيقولو عليها كاريزما و تقيله و صعب حد يحاول يتكلم معاها 
الفكره هنا اني متعاملتش كتير مع بنات قبل كده  فجيت مع دي و هنجت و كنت خايف فشخ اعمل اي حركه غلط تخليها تشوفني حكاك بعد كل الإعجاب و النظرات دي وكمان مكنتش عايز اعمل حركه غلط فابقى قللت من البرستيج بتاعي وكده خصوصا ان كل زمايلي بيحترموني و شايفني راجل مزبوط و بيقدروني
لحد بعد مده هي زهقت تقريبا عشان انا معملتش اي خطوه (بصراحه حقها لأن كان عدى اكتر من ٧ شهور) فلما السنه قربت تخلص قمت مره رامي كلمة و المستر بيهزر معانا فهي ضحكت و بصتلي و رجعت نظراتها تاني و كانت الحصه اللي قبل اللي قبل الاخيره بعد كده لما مكنش فاضل غير آخر حصتين قبل الامتحان 
قلت خلاص وخدت القرار اني اكلمها او اي حاجه و المفاجأه انها مجتش اخر حصتين 
انا كل اللي مجنني ليه ربنا حطها في طريقي و خلاني مش بفكر في حاجه غيرها رغم اني شفت بنات كتير احلى منها بس محدش دخل دماغي غيرها لدرجه انني ممكن اكون في درس هي مش فيه و معرفش اركز عشان بفكر فيها
المصيبه بقى بالنسبه ليا اني لحد دلوقتي لسه بفكر فيها كتير اوي يمكن اكتر من نص يومي رغم اني اخر مره شفتها كان من شهر تقريبا ولسه كل تفكيري اني هلاقيها و مش قادر اتقبل إن خلاص انا معرفش سكتها ايه ولا هي ساكنه فين و لا اعرف اي حاجه 
انا مضايق عشان ليه افضل كل ده بفكر فيها و عايش على أمل اكيد هتلاقيها و هتكون ليك 
و مش عارف لو لقيتها بعدين و بقت اتجوزت اصلا ولا اتخطبت رد فعلي هيكون ازاي 
اللي مضايقني اني مكنتش بجري ورا البنات ولا بفكر في الموضوع اصلا ولا عمري ما لعبت بمشاعر واحده عشان في الاخر تظهر واحده زي دي و احبها من بعيد و تختفي تاني 
لو حد يقدر ينصحني بأي حاجه يقول

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_57010 🇪🇬

منذ شهر واحد

شعور محبط

Guava_56922 🇪🇬 ربنا يكرمك ويرزقك الحلال الميسر السهل من حيث لا تحتسب متقلقش هتتحل من غير ما تحس

عرض الكل 4 نصيحة

عبّر عن شعورك بشكل مجهول

حتي لو بحبها طالما الحلال صعب ويكاد يكون مستحيل ف مش نخليها تعرف عني حاجه تاني زي م هيا نفسها أصلا. 
حرفيا اول واحده تحب شخصيتي وتقولي ربنا يرزقنا بحد شبهك، انسانه منقبه محترمه طيب وحنينه اوي وفعلا لقطه بس ** المسافات والله. 
انا مكنش المفروض استعبط واحاول اتعرف علي واحده ، م كنت بعيد عن سكه الجنس الآخر دي ، وفعلا طول م انت جيبك مش مليان ف الحلال مش مكتبلك انا مرعوب بس انسحب في علاقات غير شرعيه لدرجه الزنا وليعاذ بالله، الحمد لله عمر حتي م ارتبط ولا قابلت بنت في حياتي بس مرعوب والله من اشتياقي ل ان تكون فيه انثي في حياتي أقع في الحاجات دي .
يارب استر بجد ، كان نفسي والدي يكون شايف قد ايه المعاصي بتحاوطني ويحاول يدعمني بس حرفيا مش في دماغه حتي يجهز اخواتي البنات وانا الي هيقع علي عاتقي ده كمان او كان نفسي أقع في اسره تيسر الحلال وتكون عاوزه تعف بنتهم لان تعقيد الاهل بيأذي البنات كمان ولكن محدش بيفهم 😔.
لأي واحده هتشتمني وتقول شوفلك شغلانه أو نيسر اكتر من كده ايه ، او عاوز تاخدها ببلاش ف احب اقولك لا والله هديها عيني ملكيش دعوه انتي وشغال بجانب الكليه بس لسا يعني ربنا يكرم واتطور اكتر فيه.
+ انا هنا بزفت اصيح ف مش ناقص كومنتات سلبيه عشان علي أخري وممكن اغلط.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Grape_56673 🇺🇸

منذ شهر واحد

شعور لا مبالٍ

سؤال للشباب انا معجبة ب شخص بس من بعيد مفيش بينا اي تواصل خالص مجرد بنشوف بعض صدف كان ف الاول مبين جدا انه معجب بس انا العكس تماما مع اني كنت معجبه كنت بتعامل وحش مش ببصله او ببص وبدير وشي من غير اي اشارة او علامه تبين اني معجبة بيه وساعات كتير كان بيشوفني بتكلم ف الفون وبضحك وبردو مش ببصله ف بعده

Cherry_52168 🇪🇬

منذ 5 أشهر

شعور متعب

السلام عليكم انا عامله فولو لشخص علي الانستجرام و بجد انا بح.ب الشخص دا اوي هو اكيد ميعرفنيش ولا يعرف اي حاجه عني لان هو عندو فولورز كتير و هو مش في نفس المحافظه بتاعتي المهم من كتر م انا بحبو متابعه كل الفيديوهات اللي بيعملوها لاف ودا مش فراغ بس انا نفسي يكون من نصيبي و بدعي ربنا بيه كل يوم ان

Blueberry_50837 🇪🇬

منذ 6 أشهر

شعور متعب

عارفين ايه الاسوء من الحب من طرف واحد هو انك تحب حد من بعيد عشان انت عارف انك مينفعش تحبه هو شبه الحب من طرف واحد بس مش نفسه الحب من طرف واحد هو انك بتحب حد وانت مش عارفه هل اللي قدامك بيحبك بردو ولا هل هيجي يوم و يحب بس بيكون في امل شويه انه ممكن يجي يوم و يحبك اما بقى لما تحب حد من بعيد ده بقى صعب

Sugar_25567 🇪🇬 جيتي ع الجرح بجد🥲🥲💔

عرض الكل 4 نصيحة

Popcorn_27245 🇪🇬

منذ 8 أشهر

شعور مرتبك

أنا دلوقتي في أولي جامعة وفيه واحد كان معايا في المدرسة في ابتدائي وإعدادي وثانوي كل فترة والتانية بحلم بيه مع إن أنا مكنتش بكلمه خالص ولا كنت بكلم ولاد عامتا كان آخري أكراش كدا من بعيد لبعيد ف مش عارفه أنا ليه بحلم بيه دلوقتي كنت شوفت ناس قبل كدا بتقول إن لو حد بيفكر فيا كتير هحلم بيه هل الكلام دا

Blueberry_38263 🇪🇬

منذ 8 أشهر

شعور مرتبك

هاي، بصو من سنه كدا كنت بحب واحد من بعيد بس مكنش يعرف وانا مش من النوع اللي بتعرف على حد لما يعحبني او كدا دلوقتي كنت حاولت اتخطى الحوار عرفت من اسبوعين تقريبا انو بيحبني من بعيد برضو صحبتي مرتبطه بصاحبو وصاحبو قالها هو ميعرفش اني عارفه بس هو بحسو مش بيحاول وكتير كانو فاكرني مرتبطه عشان كنت بعيد وكد

Chocolate_34886 🇪🇬

منذ 8 أشهر

شعور مرتبك

Strawberry_35782 🇪🇬 مريت بفتره زي كده بس الحمد لله عدت ونسيته وكملت عادي في خطوات صغيره بتخلينا نقوى على المشاعر دي زي انك تحاولي متتجمعيش معاه في مكان واحد متدخليش اكونتات التواصل بتاعته وتبعدي عن الموضوع اللي بيتجاب فيه سيرته وخليكي متيقنه أن الحب بالمعامله مش شويه eye connect

عرض الكل 4 نصيحة

عبّر عن شعورك بشكل مجهول

انا بحب شخص من بعيد لبعيدبس انا بحبه من زمان اوي وهو مش داري آخره معايا كام eye contact وابتسامه ونخبط فبعض بس ، متكلمناش قبل كدا غير كام مره بس ، يعني حب من بعيد لبعيد ، بس انا فيوم تعبت من الحاجه الي ملهاش مسمى الي احنا فيها دي ورحت كتبت رساله طويله اعتراف ليه ، واديتهاله وقلتله يقرأها لوحده فالبيت بس هو كام معاه صحابه وحركات الشباب الي فاكرين نفسهم روشين لما بيعملوها ، اخدو منه الرساله فور ما انا مشيت وفتحوها وقرأوها وفوق كدا مرضوش يخلوه يقرأها ورموها وهو مقرأهاش وهو معرفش اني بحبه ، انا بحبه او وبحبه من زمان وحاسه انه كمان بيحبني بس مش راضي يبادر ، شاكه انه بيحبني لإنه بيقعد يبصلي كتير وكل ما اعدي من قدامه يبصلي هو مش بصباص علفكره يعني مش بيبص لبنات تانيه ، وبيقعد يبتسملي من بعيد ودايما لما بنكون فمكان واحد بيتعمد انه يكون الاقرب ليا ، وكذا مره حط ولبس حرفي ، وحصلت حاجات كتير تاني تدل انه معجب بس عمره ما اعترف ، وانا تعبت من الجو الي احنا فيه دا وان مفيش مسمى لعلاقتنا ، هو مفيش علاقه اصلا عشان نسميها ، انا بحبه بجد بس مستحيل اروح ابادر تاني واعترف ، انا حاولت انساه بس معرفش ، خايفه انساه ويطلع بيحبني وخايفه افضل احبه واتعلق بيه اكتر ويطلع مش بيحبني ، حاولت انسى عشان عارفه كله هيقولي حاولي تنسي ، حاولت انسى بس معرفتش ، لازق فدماغي وقلبي وعقلي مش بفكر إلا فيه كل مبعمل حاجه بفتكره عالق معايا بشكل غير طبيعي ، اول ما بشوف اتنين بيحبو بعض بتخيل انهم انا وهو ، حاولت اوهم نفسي اني نسيته بس اكتسفت بعدين اني منستهوش ، حاولت اقنع نفسي اني بقيت بحب حد تاني عشان انساه بس برضو لأ مفيش حاجه ظابطه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_29482 🇪🇬

منذ 8 أشهر

شعور محبط

عبّر عن شعورك بشكل مجهول

الوضوع بالنسبالي معقد ومختلف عن كل الي اتقال هنا. الموضوع مش متعلق بي اثنين صاحب قابلوا بعض بالصدف وحبوا بعض في الجامعه او غير ، ولا اي حاجه من الحاجات السهله دي، الموضوع وما فيه ان انا حتى بعد ما اموت معتقدش ان انا هبطل انسى الشخص ده او حتى بالموت يكون هو كده اتمسح من ذاكرتي، من خمس سنين فاتوا، انا شفت حد معين، وفكرة ان انا اقول مين ده صعبه، بس الشخص ده حرفيًا اجمل حاجه ممكن تتشاف، خلقا واخلاقا وحسنًا، يعني ذي متكون كده حته وقعدت من الجنه بالغلط، انا لا اراديًا مني قبل خمس سنين معى اني في المده دي كنت اصغر مما انا علية بكثير بس بدات افضل الشخص ده، يعني بدات افضل ان اليوم مايعديش من غيره، وعلى الاقل يفضل حي في يومي وموجود. رغم سني الصغير وقتها انا كنت بحبه حب هائل، حب حرفيًا انا مفيش حد اتكلمت معاه عن حبي للشخص ده إلا واستغرب وبداء يمدح فيا و قد ايه انا جميله ونقيه من جوايا، رغم سني الصغير وقتها مكنش عندي صاحب كثير ولا حد اقدر اتكلم معاه ولا افضفض له على الأقل لما وتيرة الحب دي تكبر جوايا، فبدات اجيب ورقه وقلم وواحده واحده لحد يومنا هذا انا تقريبا في عيون الناس كاتب موهوب بيعرف يتعامل كويس جدًا مع القصيده او الابيات الي هيكتبها وبتطلع احسن حاجه من ايده. مش دي المشكله، المشكله ان كل كلماتي بتكون عن الشخص ده،
انا لما بقعد مع نفسي وافكر انا واقول هو ليه؟ بس مبلقيش جواب، الشخص ده اكبر مني بفتره كويسه، بس انا مبقولش العمر علشان انا راغبه اكون معاه او اي حاجه، لا ابدًا، انا بحب الشخص زي ما هو، بحبه هو كشخص كالشيء ده مبحبش اي حاجه ثانيه، متمناش اكثر من انه يبقى مبسوط وسعيد ودايمًا موجود، واتمنى ان في المستقبل القريب اقدر اوصله وتكون ليا فرصه ببضع ثواني معاه، الحب ده بغض النظر انه جميل جدا ومحليلي حياتي إلا انه كاسرني في معظم الاحيان، لان زي ما قلت انا مليش دعوه باي حاجه شخصيه او سطحيه تخص الشخص ده، هو مشهور و حتى من بلدي ولا حتى اقدر اشوفه كل ما اعوذ، واقدر اديله مثلا باقة ورد كل لما اعوذ اشوفه ولا حتى ممكن يقراء ولو كلمه من كلماتي الي كلها تخصه ويعرف قد ايه ان في ناس بتحبه وقد ايه هو محبوب وانه شخص كويس جدًا ومنقذ قبل كونه شخص يستحق الحب، 
انا مش عايز ابطل احبه ابدا وده الي بيحصل، بس وانا بحبه بردو زعلانه، لانه احتمال كبير الحياه تفضل غضبانه عليا وعلى الورده بتاعتي وتفضل تبعد في المسافات علشان افضل احبه من بعيد.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.