حب ثانوي

Watermelon_36181 🇪🇬

منذ 5 أشهر

.

شعور مرتبك

يا ريت تقرو للاخر بجد محتاجة نصيحة 🥹 عندي واحده صاحبتي حياتها صعبه قوي من مشاكل عائليه وحوارات بتحصل عليها مع العلم انها ساكنه في قريه ففكره القريه دي في حد ذاتها مشكله اصلا هي في اولى ثانوي المهم حصل لها حوارات كثير يعني ابسط حاجه انتشر في وقت من الاوقات ان في ولد معين بيحبها وكانت ليها واحده صاحب

6

3

عبّر عن شعورك بشكل مجهول

يا ريت تقرو للاخر بجد محتاجة نصيحة 🥹
عندي واحده صاحبتي حياتها صعبه قوي من مشاكل عائليه وحوارات بتحصل عليها مع العلم انها ساكنه في قريه ففكره القريه دي في حد ذاتها مشكله اصلا هي في اولى ثانوي المهم حصل لها حوارات كثير يعني ابسط حاجه انتشر في وقت من الاوقات ان في ولد معين بيحبها وكانت ليها واحده صاحبتها يعني بتكرش على الولد ده فصاحبتها قطعتها بسبب ان الولد ده بيحبها وبجد حرفيا دمرتها نفسيا وكل حاجه بالرغم منها كانت اقرب واحده ليها صاحبتي دي  هزقتها وفضلت بقى تقول لها انت ازاي تعملي فيا كده مش عارف ايه على اساس ان هي اللي غلطانه طب معلش ايه الغلط في كده هو يعني بيحبها ايه بقى بلس حب الثانوي اصلا مش مش مش مش بيكمل فالمهم يعني الكلام ده من اربع سنين وهي لسه فاكره ولسه في الدوامه بتاعه انا حصل لي كذا ومش قادره اتخطى ومش عارف ايه فانا مش عارفه اقول لها ايه خلاص انا ما حضرتش اي حاجه من اللي هي قالتها يعني لسه عارفاها السنه دي وهي حكت لي بقى مشكلتها عندها اخ كبير بس اخوها لو عرف حاجه هيعرف باباها وباباها شديد جدا ولو فعلا عرفت حاجه ممكن الحوارات كلها سببها الدروس فهو باباها ممكن يقعدها حرفيا من الدروس وعارفين هيدمر مستقبلها يعني في ولد احد الحاجات الثانيه يعني بيطاردها حرفيا عارف مواعيد دروسها عرفت دروسها فين وكل حاجه حرفيا  بيمشي وراها على طول لدرجه انها بقت تمشي من طريق هو ما يعرفوش يعني طريق جانبي او حاجه بحيث ما يقدرش يلاقيها او كده طبعا هي في الوقت ده اضطر التعرف باباها باباها في الحاله دي راح لابو الولد وقال له كده بس الولد ما بطلش وفضل برده يطاردها وطبعا هي مش هتقول لبابوها تاني وعندها كمان مشكله ان مامتها مش قريبة منها ولو عرفت اي حاجه هتعرف باباها وباباها شديد جدا ده احد ابسط الحاجات اللي حصلت لها حرفيا يعني في حاجه كمان حصلت ولد اتصل عليها من كام رقم وفضلت تبلكه وكده ومامتها عرفت وزعقت معاها بلس بقى حاجه جديده حصلت مؤخرا يعني ان البنت صاحبتها اللي اتخنقت معاها في الاول بسبب الولد رجعت تاني معاهم في الدروس وكده بسببها كل الذكريات القديمه الوحشه اللي حصلت زمان هي البنت يا عيني افتكرتها وبجد مش قادره تتخطى يعني لان اللي حصل لها بجد ما كانش شويه ويعني انا من وجهه نظري شايفه انها تقدر تتخطى عادي والدنيا يعني مشيت والحمد لله بقيت كويسه فعادي بس هي مش قادره تتغطى بتصعب عليها نفسها وانا مش قادره انصحها بحاجه ومهما نصحتها ما بتفرقش بتقول لي لا مش هقدر او كده انا بقى منتظره اي حد يقول لي انا اي نصيحه اقدر انصح بيها بحيث تقدر تتخطب بحيث تقدر تعيش لانها حرفيا داخله على اكتئاب بجد وانا خايفه عليهم مش في اي حاجه اعملها فلو اي حد عنده اي فكره او اي طريقه اقدر اخرجها بيها من الموضوع ده يا ريت يقول لي بلس يعني في حاجه كمان يا ريت تدعوا لها ان الولد اللي بيحبها ده يتجوزها بجد لان انا من وجهه نظري شايفه انه تقريبا ده هيكون الوسيله الوحيده اللي هي تقدر تعيش بيها حياه كويسه يعني هو اللي هيقدر يعوضها عن كل اللي فات هو اللي عايش معاها كل اللي فات فهو اللي هيقدر يعوضها فيعني يا ريت تدعوا لها بجد يجعله من نصيبها ان شاء الله وفي الحلال لانهم هي بجد انسانه محترمه وهو انسان محترم فاتمنى حد حد يفيدني بجد يعني وشكرا جدا لاي حد كمل كلامي للاخر 🎀

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_36259 🇪🇬

منذ 8 أشهر

.

شعور وحيد

يا جماعة انا في بنت كلمتها وانا في ٣ث كلمتها ع انستقرام وسألتها عن لو في مشاعر عنها ليا وطلع عندها وخلص الموضوع واتفقنا مش نتكلم غير بعد الثانوي خلص الثانوي وانا دخلت طب بشري اهلية فرقت ع نص درجه والله وهي دخلت علاج طبيعي برضو اهليه المهم انا ليا ٣ اخوات والموضوع ع ابويا كبير طبعا عارفين أن الطب

8

11

French Fries_35347 🇪🇬 صارحها انك مش هينفع تتجوزها غير بعد ٧ سنين و الخطوبة ممكن مثلا و انا في خامسة عجبها الكلام خير و بركة معجبهاش يبقي مش من نصيبك و عادي يعني لسة العمر فيه بقيا دي غير ان الافضل تقطع علاقتك بيها من الاول عشان حرام

عرض الكل 11 نصيحة

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

التجربة أفضل عبر التطبيق

حمّل تطبيق توهيل على هاتفك لتجربة أسرع