حب الصاحبة

Watermelon_59604 🇪🇬

منذ شهر واحد

شعور وحيد

عايزة أتكلم عن شعور لغاية دلوقتي مش قادرة أتخطّاه. بجد، إن صاحبة عمري تبعد عني علشان خطيبها سابها، فقررت تبعد عني... ده كان صعب جدًا. أحكي من الأول: صاحبتي اتخطبت لواحد في السعودية. المهم إنها كانت هتتخطب وهتسافر السعودية ومش هترجع تاني. مع العلم إنّي كنت مخطوبة من قبلها أصلًا. أنا كنت بحبها حب مش

عبّر عن شعورك بشكل مجهول

عايزة أتكلم عن شعور لغاية دلوقتي مش قادرة أتخطّاه. بجد، إن صاحبة عمري تبعد عني علشان خطيبها سابها، فقررت تبعد عني... ده كان صعب جدًا.

أحكي من الأول: صاحبتي اتخطبت لواحد في السعودية. المهم إنها كانت هتتخطب وهتسافر السعودية ومش هترجع تاني. مع العلم إنّي كنت مخطوبة من قبلها أصلًا.

أنا كنت بحبها حب مش عادي، كنت هموت من الزعل والعياط لما عرفت إنها هتسافر وهنبعد عن بعض. ويوم خطوبتها عيطت، ولما هي عرفت، قالت: "آه، دي صاحبتي لما عيطت كانت غيرانة ومش بتحبني، وإنها أنانية..." وحاجات كتير غلط ووحشة اتقالت عني، وأنا مكنتش أعرف إنها شايفة كده.

كانت بتخبي حاجات كتير عنهم، بس ده مش المهم دلوقتي. المهم إن بعد حوالي شهرين خطوبتها باظت، ووقتها بدأت تعاملني بطريقة وحشة جدًا. فقررت أسيبها وأبعد.

بس هي بدأت تشتكي للناس وتقول إني بعدت عنها وهي في فترة صعبة في حياتها، وإني إنسانة وحشة. وبعد فترة، أنا مقدرتش أستحمل البعد، ورجّعتها تاني، وحاولت أتصالح معاها.

وكان فرحي قرب، مكنش باقي غير شهر، والشهر ده كان صعب جدًا عليّ. مع إننا رجعنا نتكلم، بس حاجات كتير بوظت. هي جت فرحي، رقصت وتهيصت وعيطت، كأنها بتثبت للناس إنها جات وعيطت، وخلاص.

بعد الفرح، اختفت تاني، وبعدت عني، وفي الآخر عملتلي بلوك.

أنا مش متخيلة إننا كنا أصحاب بقالنا ١٠ سنين، وتعمل كده فيا... أنا كنت بحبها، ولسه بحبها.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Tofu_45139 🇪🇬

منذ 8 أشهر

شعور غبي

جماعه هوا مفروض لو أنا صاحبه لحد وصاحبه لشخص تاني والإتنين اتخانقو مفروض أخد طرف ولا لا يعني نفرض أن البيست بتكره الشخص التاني ده وعماله تشكك ف مدى حبي ليها ولو كنت بحبها لازم أشتم الشخص التاني مش عارفه فهل ده صح ولا لا

Coffee_27700 🇪🇬 متغلطيش في حد وحاولي تصالحي بينهم. ومتقطعيش علاقتك بالشخص التاني وفهميها انك مش طرف في المشكلة وان صداقتكم وحبك ليها ملهاش علاقه بالناس اللي مختلفة معاهم. هتفهمي الكلام ده مع تجارب الحياة

عرض الكل 15 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع