حاجة للأمان

Potato_28393 🇪🇬

منذ 9 أشهر

شعور مستنزف

Avocado_27310 🇪🇬 انا دمعت ربنا ينتقم منه

عرض الكل 18 نصيحة

عبّر عن شعورك بشكل مجهول

مشكلتي كبيره وملهاش حل بس انا حابه افضفض حتا لو محدش هيسمعني 
انا بنت 22 سنه عندي اب فااشل انا بكرره اللي عمله فياا انا لوحدي بس مش قليل ..هو طول عمره كان بيزلنا حتا علي الاكل وفاضحنا ف كل مكان بس الفتره الاخير دي بقا كلمه فضيحه دي قليله المهم السنه اللي فاتت شهر 10 عمل حادثه واتكسر والمفروض انه يكون شاف الموت بعنيه وربنا اداله فرصه عشان يبقا انساان كويس ع الاقل لعياله بس لا دا ذاد فيها  المهم لما خرج من المستشفى مش المفروض اللي تعبان تعافا ف بيته ف شقته مراته اللي تخدمه هو اختار يعد عند اخته تحت ف شقتها تحت وعايز امي تفضل طالعه نازله تخدمه من وهو تحت ماشي احنا مكنش عندنا مشكله بالعكس امي طيبه وبنت حلال المهم الموضوع وصل انه هان امي اكتر من مره قدام اخواته الصبيان والبنات وشتمها وانكر فضلها وقال انها موقفتش جنبه ف حاجه خالص مع ان اصلا اخواته دول مزارهوش ف المستشفي ولا مره ما علينا امي معدتش قادره تستحمل اهانته ليها ف سابت البيت وراحت بيت اهلها وسابتني عشان كان عندي وقتها امتحانات ف الكليه فضلت شهر مع ابويا حرفيا وعهدالله مكان بيجيبلي طمطمايه وكنت انزل اقوله محتاجه اكل يقولي مش صارف عليكي روحي ل امك تصرف عليكي فضل يضغط عليا من نحيه الاكل ع اساس اسيب البيت بس انا مسبتوش لحد ما فيوم اشتكيته ل اخواته وطلعتهم ووريتهم التلاجه قولتلهم مفيش اكل ومش بيصرف عليا انا صعبت علي عمي جابلي اكل من بيته 
وطول الشهر اللي قعدته دا حرفيا زل غلي كل حاجه لدرجه مكنش بيرضا يخليني اروح ل امي اشوفها بيعاقبني وبيعاقبها 
المهم لحد ما فيوم كنت خارجه وراحه ل امي وحشتني من غير ما اقوله ف شافني ونا خارجه ف كان مصمم ياخد مني مفتاح الشقه قولتله لا انا راجعه تاني مش هبات وبتاع المهم لقيته بعتلي رساله بقولي المكان اللي انتي فيه خليكي فيه عملت الرساله دي اسكرين وبعتها لحد من عيلتنا قالي هكلمه وبتاع ولقيته رن عليا بيقولي انا اسف ابوكي بيقولك مترجعيش ف انا اصلا كنت ف المواصلات مروحه لقيت عمي شافني ونا طالعه الشقه. ف راح قاله ابويا طلعلي وخبط عليا بشكل انا خفت منه قالي هاتي المفتاح واطلعي برا وعهدالله دا حصل صووت ع اساس حد ينجدني محدش جالي بالعكس اخواته قووه عليا وكان مصمم امشي لوحدي باليل الساعه 10 جتا من غير ما حد بيوصلني 
فين وفين الناس قالوله خلاص ياعم مجدي هي هتمشي بكرا الصبح عشان الدنيا ضلمه وهي بنت وبتاع سكت وقال ماشي 
المهم عشان عند ستي 7 شهور لو قعدت احلفلكوو اني ال 7 شهور دول اسعد فتره مرت عليا ف حياتي كلها واني كنت بنام علي مخده ونا مطمنه كدا وبعيط كل يوم ان ربنا ميحرمنيش من النومه دي

خالي لقالي شغل ف مكان كويس اشتغل فيه وكانت اسعد اياام حياتي غصب عني من كتر منا كنت مفتقده الحنان والحب واحساس الامان حبيت الدكتور اللي كنت بشتغل عنده وهو حبني وهو كان متجوز حصلت مشاكل بينه وبين مراته المهم وصلت اني سبت الشغل 
وامي اصلا كانت اتطرت انها ترجع تاني ل ابوياا بسبب الفضايح اللي عملها وانه فضح عيله امي وقال كلام محصلش والمشكله حتا انه مجاش يطيب خاطرها بالعكس هي رجعت مع ناس وخلاص حتا هو كان رافض انها ترجع. معرفش اي الكره دا كله غير بقا رسايل التهديد اللي كان بيبعتها طول محنا عند تيته
المهم امي رجعت لواحدها من غيري عشان انا كنت رافضه اني ارجعله مهما حصل بعد ما طردني بس بعد ما سبت الشغل رجعت البيت ونا مكسووره لا حتا راجعه ب كرامه وانه حاول عشااني وراجعه عشان نفسيتي ادمرت بسبب اني خسرت حاجات كتير اولها احسااس الامان واول حب ف حياتي 
دلوقتي الشخص اللي كنت بحبه دا طالبني للجواز وبيقولي ان مراته موافقه ومستعده تكلم امي عشان جوازنا وانه مستعد يعمل اي حاجه عشااني وانا اصلا امي مش هتوافق عشاان بتقولي انا مش هخلصك من ابوكي عشاان ارميكي لواحد متجوز

دلوقتي اقسم بالله ابويا دا ما بيدفع حاجه ف البيت نهائي بينزل ياكل تحت عند اخته واحنا رامينا من غير اكل وحالف بالله ما جايبلنا حاجه وبقاله شهر الوقتي مجبش حاجه البيت وحنا بنقضيها كدا وخلاص 
من بجاحته بيقول ل ماما امبارح بتاع الكهربا جه قالتله قالها كام قالتله كذا قالها ونتو مش هدفعو ف الكهربا دي ولا اي يعني من بجاحته عايزنا ندفع كل حاجه

دلوقتي انا والله نفسيتي متدمره انا خسرت كل حاجه ونفسي اتعلق ب اي قشايه عشاان اخلص منه حتا لو كان متجوز انا مش عارفه اعمل اي 
انا تعبانه وربنا يعلم اني بكتب الكلام دا ونا بعيط ومش لاقيه حل ومش لاقيه سبب اعيش عشاانه وبدعي كل يوم انه يموت واخلص منه 
ارجوكو متجرحونيش محدش عاش اللي عشته 
اسفه اني طولت عليكو بس انا كنت محتاجه افضفض حتا لو محدش هيقرا حاجه المهم اكون طلعت لو شويه من اللي جوايا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_74774 🇪🇬

خايف من الفقد وبتعزل نفسك؟ ايه الحل

حد مر بحاجه اسمها الخوف من الفقد بس دا مش خوف طبيعى دا خوف بيدمر حياتك بيوصلك لمرحلة تجبرك تبعد عن اي حاجه واي شخص بتحبه لمجرد خايف من الفقد بعدين وبتلاقي نفسك ف دوامة مش عارف تطلع منها، اي الحل ...عرض المزيد

0 الدعم

0 نصيحة

Apple_69590 🇪🇬

عاوز بنت كبيره تفهمني أمور الجواز وهل دا غلط؟

جماعه عاوز بنت تكون كبيره ف سن وعقله تفهمني أمور جواز دي وهل لازم افهمها ولا لا ولازم اتعلم قبل جواز ولا لا وهل دا غلط لو عرفت دلوقتي عاوز بنت تفيدني مش عاوز اروح ابحث ف حته ف اخش سكه غلط بس وهل بنت لازم يكون راجل فاهم كل حاجه عشانها اتمني بنت كبيره ب احترام تخش تفهمني ...عرض المزيد

0 الدعم

1 نصيحة

Nutella_67863 🇪🇬

مش عارفة ليه بحب المشاكل والبلبة!

مش عارفه ليه بحب المشاكل ! يعني لو خناقه في الشارع بتمني تكون خناقه فعلا وناس تتخانق وتولع .. بحب المصايب يعني لو في خلاف بين حد من قريبنا من جوايا يارب يكبر ويطلقوا يعني امورنا تمام وف سلام اقول لو تحصل حريقه واستنجد بالناس بتمني ده يحصل بحب اعيش الدور ده نفسي تحصل مصيبة واجري بحد فيهم علي المستشفي واعيش احساس الفقد وحاجات كده انا مش مبسوطه بحاجة زي دي بس دي بلاحظها فيا ومش لاقيالها علاج حد عنده حل الحكاية دي ؟ حد فاهم حاجة ...عرض المزيد

0 الدعم

7 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع