حاجات بتتمسح قصص حقيقية - 2 تجارب، ونصائح، ودعم

French Fries_42234 🇪🇬

منذ 6 أشهر

شعور ضائع

اتصرف مع ابويا المقصر ازاي؟ محتاج نصايح

انا عندي ٢٠ سنة و انا صغير خالص حصلت مشاكل بين ابويا و امي ادت لطلاقهم في ٢٠٠٧ بعد الطلاق بفترة ابويا رفع قضية رؤية عشان يشوفني و كدا المهم كنت بروحله كل اسبوع مرة و كدا مع انه بخيل جدا و مكنش بيدفع نفقة تستاهل و لحد دلوقتي المهم هو كان بيعاملني بقسوة لدرجة اني لما نجحت في رابعة ابتدائي اداني جنيه واحد انت متخيل و تدور الايام لحد ٢٠٢٠ و انا داخل المدرسة الثانوية و كانو طالبين بطاقة الاب للتقديم و طبعا هو رفض كعادته فا امي رفعت قضية عشان تاخد الوصاية التعليمية بتاعتي و تقدملي هي في المدرسة المهم انا من وقت الموقف دا و انا قطعت علاقتي بيه نهائيا مبكلمهوش ولا بشوفه لحد ما انا رفعت عليه قضية نفقة و اول ما عرف بالقضية حاول يتواصل معايا عشان يحاول يتقرب مني و يخليني اتنازل و كدا المهم ان النفقة اصلا كلها ١٤٠٠ جنيه يعني مش مبلغ ولا حاجة و قعد برضو يقولي اكلم اعمامي و كدا و اللي هو ميعرفهوش اني اصلا بكلم اعمامي عادي و ولادهم و حتى اخواتي منه ( هو اتجوز واحدة تانية و خلف منها بنتين) فا انا اتصرف معاه ازاي دلوقتي اكلمه ولا لا و ياريت نصايح ليا ...عرض المزيد

0 الدعم

0 نصيحة

انفصلت بكامل ارادتي وعايزة اتعافى وابدأ من جديد

انفصلت بكامل ارادتى طلبت الطلاق بمنتهى الرقى والمعروف هوا بيحبنى ونفسه نرجع بس انا معايا اسبابى اللى للاسف خلاص مقدرتش اكمل بيها ومخانيش لاااا هوا راجل محترم وفى صفات مبقتش موجوده فرجاله دلوقتى كتير فربنا يعوض قلبه خيرا منى قافله على نفسى عشان مش عايزة جواز لمجرد اتجوز والسلام ولو كدة كان من تانى يوم العده عملتها انا عايزة اخد نفس واتعافى وابدأ من جديد وعندى استعداد لو ملقتش الراجل اللى يستاهلنى افضل كدة العمر كله المهم.. ليه واحد يطلب منى فرصه حقيقه ويحاول ويعافر ويخلينى اثق فيه ( محبتهوش ) لكن وثقت فيه فوقت انا اصلا مكنتش بثق ف حد صدقته امنتله قرب منى جدا وصارحنى بمشاعره برغم انى قولتله بلاش انا وعرفته وجعى وفجأه خذلنى ونزلت ل سابع ارض كنت بتنفس من خرم ابره وانا يعلم ربى انى مكنتش حمل دة انا لسه كنت بقف على رجلى وطلع مش كل ذكر رجل وعادى يقولو كلمه وميطلعوش قدها طب انا عمرى مهنساااه والله وربى عشان افضل احسبن عليه ربى العمر كله وبسأل نفسى كل يوم ليه ؟ ...عرض المزيد

1 الدعم

7 نصيحة

خايف اتكلم مع أبوها علشان مش جاهز ومش معايا شقة

دلوقتي انا في بنت بحبها من وانا ف الكليه 4 سنين لحد ما لسه متخرج السنادي وطبيعي عاوزاني اتقدم حقها ولاكن في كذا مشكلة الاولى انا لسه متخرج مش معايا الماديات المتاحة زي انا مش عندى شقة حاليا لسه مقدم علی اسكان اجتماعي ودى حيلك ع ما تستلمها بقي الثاني انا لسه متعين ف شغل مرتبه قليل جدا جدا جدا بس عملت كده علشان اعرف يكون عندى حاجة اتكلم بيها عندى شغل ولسة مقدم ع شقة بس النقطة ف اهلى رافضين انت معندكش شقة رسمي هتعمل اي ازاى معندكش شقة مينفعش تروح وانا لسه ورايا جيش ف شهر 4 كمان ف لا متروحش تكلم ابوها ولا تعمل حاجة ف دى مشكلة وان ابوها راجل يعني هي اول بنت ليه ف بيحبها جدا جدا جدا بيخاف عليها من الهوا اعتمدا يدلعها وحقه بس هو بردو لما عرفته كانت ساكته في منطقة متوسط الحال زي لاكن السنه اللي فات مستواهم اللهم بارك على جدا جدا ونقلو ف مكان ف کمبواند ده عملى مشكلة نفسية بس عادي ولاكن ابوها دايما بيقولهم هاتوا حد ميتعبكوش يكون جاهز والحاجات دى وان هو ممكن لما يعرف أني معنديش شقة ميقعدش معايا اصلا ولا يكلمني انا مخنوق جدا وخايف اوى اوى وهي عملت علشاني كتير اوى واستنيتنيتي تمنعت عرسان كتير وفي حد صاحب ابوها متقدملها واهلها بيحبو جدا جد جدا بيلمح كثير لابوها يتقدم وأبوها موافق عليه وحابه وعائلتها كلها حابه انا جنبه مش جاهز بای حاجه لسه هو صاحب ابوها ف الشغل وعنده شقة وعربية وكبير مش صغير 30 سنه وانا وهي 22 ف هو جاهز انا جنبه ولا ايه حاجه بس ف أقل حاجه قابل باباها اکلمو خايف من رده فعلو كلامة وخايفه اتكسر الفكره انا اهلى بيقولو انت معکش ای حاجه دلوقتي ف كلمو وروح عرفو أنك بتحبها بس مش هقدر تعمل اي خطوة رسميه دلوقتي اي خطوة هتكون بعد الجيش بس روح واتكلم معا انا مش عارف طب اروح اتكلم معا ف اي ولا اقول اي واحاول ازای اتكلم معاف حتة اني دلوقتي جايلك علشان مش عاوز اعمل حاجة غلط و الدراسه خلصت و ملیش تواصل معاها بس انا قولتلها اني بحبها وهي قالتلى تعالى كلم بابا ف عاوز اكون قد كلمتي وجيت لحضرتك انا ممكن اكون مش جاهز حالياً ولاكن فعلا بحبها وعاوزها مش عارف كلامه هيكون اي او انا اقول اي او ارد ازاى او اى حاجه او اتكلم ف اي او هو ممكن يقولى اي انا مقدر انو اب وعاوز كل حاجه لبنته واحسن حاجه بس انا خايف من حاجات ومنها وكلمهاش تاني وحاجات تانيه كتير اكيد بس انا مش عارف حتي اعمل اي واتكلم ف اي حتي وهو ممكن يقولى اي وهي تعمل اي علشان تقف معايا وتتكلم أهلها تقول اي محتاج حلول او اراء... ...عرض المزيد

0 الدعم

0 نصيحة