جواز الطلبة

Sugar_21572 🇪🇬

منذ 3 أشهر

شعور قلق

عبّر عن شعورك بشكل مجهول

عايزه رأيكم ضروري بعد اذنكم انا طالبه ٢ علاج طبيعي فاضلي كام شهر و ادخل ٣ كليتي خمس سنين و سنه امتياز في زميل ليا اعترفلي بحبه من سنه و ساعتها روحت قولت لماما علي الموضوع ده مقالتليش لا هي قالتلي خليكم اصحاب لان لسه بدري ... و عدت الشهور و احنا عادي اصحاب زي ما احنا و بدأ يكلم اهله عني وبقوا عارفين انه عايز يخطبني من اول ما قالي انه بيحبني من تاني يوم نزل يشتغل وبقاله اهو سنه بيشتغل وبيحوش وماما عارفه كل حاجة بس اكيد مش معترفه بالكلام ده لانه مفيش حاجة رسمي بعدها بكام شهر ادركت انه علاقتنا دي غلط و انه مينفعش واتكلمت معاه وهو راجل محترم ووافق واستودعته اللّٰه وبقيت دايما بدعي انه يكون من نصيبي و هو بيشتغل بدل الشغلانه اتنين و عايز بعد كام شهر يعني تقريبا في شهر ٩ انه يجي يكلم بابا سواء بقي قرايه فاتحة او خطوبه او اللي بابا يحبه هو عنده شقه بس علي الطوب الأحمر وبيتشغل ومحوش الي الان اللي يخليه يجيب شبكة يقيمه تقريبا ٥٠ الف ( مش قليل و مش كتير عارفه) فهو قرر انه عايز يجي يفاتح والدي في الموضوع ده ويقوله انا معايا كذا كذا و عندي كذا و دي ظروفي الفكره اننا هيبقي قدامنا تقريبا ما يقارب ٣ سنين دراسه و سنه امتياز و احتمال يبقي عنده جيش بعدها بس بنسبه كبيره ممكن ياخذ إعفاء هو والده قادر يساعده عادي بس هو حابب يكون معتمد علي نفسه ويجيب كل حاجة بنفسه و من شغله وكمان بينجح بإمتياز كل ترم وشغله مش مأثر علي دراسته الحمدلله السؤال هنا هل اهلي ممكن يوافقوا علي حاجة زي دي؟ ماما دايما بتقولي مفيش خطوبه قبل سنه رابعة او خامسه هل ممكن تغير رأيها ؟ و والدي رأيه عن الجواز في العموم انه عادي من حقي اتخطب في اي وقت و اتجوز بس خايفه ميوافقش عشان انه لسه سننا صغير مع انه راجل مسئول و محترم وعلي خلق و دين هل اهلي ممكن يوافقوا عليه ولا اقوله يستني وارفض ؟ تنصحوني بإيه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Blueberry_52260 🇪🇬

تجربتي مع الحجاب: أحسن خطوة وأحلى شعور

مش عارفه دي المره الكام اللي اتكلم فيها عن الحجاب بس يلا بينا نتكلم تانى بجد ياجماعه احنا دلوقتى في زمن صعب جداً و حرفياً اللي ماشيين كويس بقوا قليلين جداً و الغلط و المعاصي و الذنوب بقت في كل حته حرفياً في كل حته و اوعى تفتكر عشان انت ماشي صح و كتير ماشي غلط انك غلط عشان احنا كلنا عارفين ايه الصح و ايه الغلط حتى لو كان قد ايه بيعمل ده او ده بجد و من غير مبالغه انا لما اتحجبت حسيت بشعور حلو اوي عمري ما حسيت بيه بجد شعور الستر و انك بتعمل حاجه ترضي ربنا حلو اوي و محتاج مجاهده نفس رهيبه حرفيا عشان كل حد فينا بيبقى عنده صحابه البنات اللي بيلبسوا و بيعملوا و مش محجبين و انتو فاهمين بقى بس بجد ده احسن خطوه ممكن اي بنوته تاخدها بجد و عمر الحجاب ما بيقلل جمالنا ولا الكلام ده و حتى لو بيقلل افتكري انك بتعملي حاجه ترضي ربنا و بس كده اعتبريهاااا اشاااره لو كنتى بتفكري في انك تاخذي الخطوه وبسسسس كده ادعولي دعوه حلوه في ظاهر الغيب ولكم بالمثل ان شاء الله ❤️ ...عرض المزيد

1 الدعم

2 نصيحة

Ice Cream_69885 🇪🇬

بدور على بديل لكليه الحاسبات ومتدمره

حد هنا يعرف جامعة برج العرب التكنولوجية أو اكاديميه الشروق بتعادل بكالوريوس ولا معهد أو حد يعرف قسم يشبه كليه الحاسبات والمعلومات انا جايلي كليه العلوم مش هعرف ادخل قسم حاسب لاني علمي علوم ومفيش فلوس ادخل كريديت اللي يعرف يفيدني بمعلومه يقول لاني متدمره ...عرض المزيد

0 الدعم

2 نصيحة

Strawberry_73915 🇪🇬

نفسيتي تعبانه بعد فسخ خطوبتي من نرجسي

نفسيتي تعبانه من بعد ما فركشت خطوبتي عشان اكتشفت انه كان نرجسي و جوايا اتنين الاول بيقولي عيشي حياتك و حبي تاني والتاني بيقول كفايا لحد كده خليني قعده في بيت اهلي و بلاش ارجع أفكر في ده مع اني كان عندي امل اتجوز السنه دي لاني محتاجه اتجوز ...عرض المزيد

1 الدعم

11 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع