جديده

Grape_73396 🇪🇬

منذ يوم واحد

شعور ضائع

ايه سبب انى معنديش صحاب ؟ لما بعمل صحاب بيبقى فى زى شويه تراكمات على فتره كبيره وسواء حاولت اتكلم مع الشخص او لا مفيش نتيجه بتحصل وبلاقى نفسى جبت اخرى ومره واحده بقطع مع الشخص ده واحده واحده بلاقى نفسى لوحدى بعدها ممكن اتعرف على ناس جديده وتحصل نفس المشكله حد يعرف حل للمشكله او اتعامل معاها ازا

Sugar_69803 🇪🇬

منذ 4 أيام

شعور مرتبك

انا عمري ما ارتبطتش ولا مره دايم بيكون فيه حدود بيني وبين اي ولد اللي هو انا مش هديك حمجال الا لو انا بجد بحبك لما حبيت بجد حاسه انا مش عارفه اتعامل اللي هو معرفش ايه ممكن يكون عادي اقوله وايه لا مش عارفه بجد اتصرف ازاي

Mango_66883 🇪🇬

منذ 6 أيام

شعور مرتبك

المره دي بكتب حاجه بدأت أفكر فيها انهارده وانا متعود اخش هنا بطلع كل اللي جوايا واعرف نصائحكم ورأيكم وده اصلا ف انعزالي التام سواء سوشيال ميديا أو ايا كان الفتره الاخيره انا بدأت أفكر انهارده اني ادور واتجوز اجنبيه اولا كده مش ف دماغي سفر وكده خالص لا عادي تعيش في مصر ومع بعض ثانيا انا ليا أسبابي ل

Donut_57438 🇪🇬 مش عارفه ليه حياها مجازفه اكتر من انك تتجوز مصريه بس اهم حاجه ركز و انت بتختار و الانسان بيبان من الأول والله ربنا معاك و يكتبلك كل الخير يارب

عرض الكل 17 نصيحة

Orange_64460 🇪🇬

منذ أسبوعين

شعور مكسور القلب

موضوع:

إزاي العلاقات السامة بتسرق منك نفسك؟

انها بتحسسك انك مش طبيعي وهم التريند حرفيا فتحس أن الغلط فيك مش فيهم يعني مثلا تنضم لنشاط طلابي أو عموما جماعه جديد تشوف النفاق عيني عينك والتكسكه وبيضحكوا فوشك وكل ده فا بتحس انك فيك حاجه غلط وهم بقوا العادي

Blueberry_67691 🇪🇬 الكلام معبر جدًا وناس كثير بتعيشه فعلاً… تحس إنك مش طبيعي وسط ناس بتتصنع، وتفضل تحس إن فيك غلط مع إنك أصلاً أصدق وأوضح منهم! الأجمل إن مشكلتك دي دليل على وعيك ونقاء قلبك، افتكر دايمًا إن الشعور بالغربة وسط المزيفين مش ضعف، بالعكس ده دليل قوة وصفاء.

عرض الكل 1 نصيحة

Potato_67436 🇪🇬

منذ 3 أسابيع

شعور ممتن

موضوع:

الانعزال وصلك ل اي؟

انا كنت الاول بستغرب الناس اللي بتسافر لوحدها واقول هما ازاي مبسوطين.. لحد ما في يوم كده فضلت قاعد فيه مع نفسي و كاني عملت ريسيت..بقيت بستمتع لوحدي اه مش هكدب عليك بس حاسس اني مش هزود حد عن الكام واحد القريبين اللي عندي .. مش عايز اعرف ناس تانيه ... معنديش طاقه اتكعبل في ولاد احابي تاني !

Strawberry_68567 🇪🇬

منذ 3 أسابيع

شعور متعب

وكل صحابي سابوني لوحدي ومابقاش فيه بني ادم بيكلمني حتي الدعم مبقتش الاقيه لا من ماما ماما تقولي كلمه وتسكت و حتي بقيت اخواتي مبيحسوش بيا عندي ٣ وانا حاسه اني لوحدي محدش بيكلمني كله بيصحي يقعد علي تليفونه والي وراها شغل و الي مستنيه نونو و انا لوحدي محدش معايا انا فعلاً لوحدي اقسم بالله لما اقعدت اخب

Popcorn_68444 🇪🇬 اشغلي وقتك و تفكيرك و اتعودي تعيشي حياتك لوحدك و تعتمدي على نفسك..و الصحاب هتعملي غيرهم كتير..و بالنسبة للبيت فا ليهم عندك المعاملة بالحسنى...غير كده متستنيش منهم حاجة...طبعا هي حاجة صعبة جدا و ربنا معاكي بس حاولي على اد متقدري تتأقلمي و تطلعي قدام و تنجحي و تخلي كل الناس اللي سابوكي يشاوروا عليكي و يقولوا كانت صاحبتنا أو قريبتنا أو حتى كنا نعرفها

عرض الكل 18 نصيحة

Cherry_68183 🇪🇬

منذ 3 أسابيع

شعور متعب

انا وصلت ل٣٣سنه ولسه متجوزتش واتقدملي عرسان كتير اوي بس والله مش تناكه كلهم فعلا فعلا مش مناسبين مش عارفه اعمل ايه وكنت بحب شخص سبني وراح خطب ولسه متعلقه بيه مش عارفه ابدا منين ولا اعمل ايه حاسه بتوهان

Cherry_31028 🇪🇬 حضرتك استخيري وبجد خليكي على يقين ان ربنا هيجيب الخير وابدًا مترضيش بحد أنتِ مش مرتاحه ليه عشان موضوع ألسن ضغوطات المجتمع لان دي كلها حاجات لا أساس لها من الصحة وادعي ربنا ان ربنا يبعد عنك اي حاجه شر ليكِ ويقرب منك كل الخير عليكِ بقيام الليل

عرض الكل 11 نصيحة

Banana_68165 🇪🇬

منذ 3 أسابيع

شعور مرهق

انا لسه ناقله ل محافظه جديده من سنه بس مش عارفه اتأقلم بيتنمروا عليا شكلي طريقه كلامي مش لاقيه اللي يفهمني و هم بجد فاكرين اني نقلت محافظتهم بارادتي بس الموضوع مش بإرادتي نهائي دي ظروف خلتني انقل لهم بس بجد مش عارفه اتأقلم وسطهم + عندي رهاب اجتماعي ف بخاف من البشر ف بجد يعني بتعب من تنمرهم ده اوي

Popcorn_68444 🇪🇬 رضا الناس غاية لا تدرك..اشتغلي و اجتهدي و متشغليش بالك بحد..و كل واحد فيه عيوب بس محدش بيبص على عيوبه و دوري عالناس اللي شبهك..دوري على ناس نضيفة مش ناقصة و متسمعيش لحد كل همه إنه يقلل من الشخص اللي قدامه عشان يداوي نقصه

عرض الكل 23 نصيحة

Banana_67141 🇪🇬

منذ 3 أسابيع

شعور متعب

انا تعبت وحاسس اني عجزت بالرغم اني 42 سنه انفصلت عن زوجتي وحاسس ان الحياه انتهت ومابقلهاش طعم اكني في نص البحر لا عارف ارجع للشط ولا قادر اكمل يمكن علشان انا لسه جديد في الانفصال ولا اللي انا فيه دا طبيعي وشفت كذا عروسه بنت لاكن رفضت حاسس اني قاعد مع عيله ودماغ تاااااافهه مع ان عمرهم مكنش اقل من 3

Avocado_67094 🇪🇬 ااه التفككير بيختلف انالسه برضه جديدة في النفصال و نفسيتي وحشة جدا

عرض الكل 19 نصيحة

Croissant_65335 🇪🇬

منذ 4 أسابيع

شعور مرتبك

هي مش مشكله بس عايز اقتراحات انا هخلص جيش كمان ٢٥ يوم بإذن الله بعد الجيش علطول هرجع لمدعكة الشغل في المستشفى والطوارئ كنت عايز اخد نفسي في فتره ١٠ ايام بعد الجيش وقبل ما ارجع لتكليفي من تاني عايز اخرج ف اماكن جديده حلوه نضيفه في اي مكان في مصر مش شرط نطاق القاهره بس اي مكان اياً كان فين انا هروح

French Fries_64977 🇪🇬

منذ شهر واحد

شعور لا مبالٍ

مكونتش متخيل اني هكتب بس لقيت كلو بيقول اللي جوا حبيت انا كمان اقول اللي جوايا انا قرفان من نفسي بطريقه غبيه مقضيها بقالي 6 سنين من سنه ونص الدنيا باظت خالص وقعد 9 شهور في البيت مبنزلش غير عشان اجيب حشيش وسجاير وكروت قضيتها كدا لحد ما بدات انزل شركه وقعد 6 شهور فيها والمرتب ضايع ابويا تعب ونزلت الم

Kiwi_42504 🇪🇬 الهدايه هتبدا من صلاتك ان الصلاة تمنع الفحشاء والمنكر و انت ممكن تكون بتصلى ومفكر انها صلاة صحيحه وبتجرى فيها كده مش صحيحه لزما يبقى فى خشوع وتدبر ربنا يهديك

عرض الكل 8 نصيحة

Strawberry_63646 🇪🇬

منذ شهر واحد

شعور عاطفي

الواحد مبسوط أن داخل دنيا جديده وحياه جديده في الجامعه وان هيقابل ويتعرف علي ناس جديده ولكن خايفه من الاختلاط وان هناك الدنيا سيبا وخيفه اتعرف علي بنات مش كويسه أو حتي بنات كل اهتمامها الارطباط وان يكلموا شباب خيفه ابقه ذيهم انا عمري مكنت كده عمري اصلا مطلعت من البيت ورحت مشوار بعيد لوحدي ديما معايه

Chilli_60185 🇪🇬

منذ شهر واحد

شعور مكسور القلب

عبّر عن شعورك بشكل مجهول

انا عندي مشكله خنقاني  انا شخص خد صدمات كتيره قوي في طفولتو وفي شبابو من كل حد اصحابي اهلي كلو لاكن اهلي بقو كويسين وأت حياه جديده فا المهم خلاص كده اشتركت معاه كوتش اونلاين محترف وخدت بطولات ومطلع ناس بطولات وروحت بقا جيم عشان اتمرن علي خطه الكوتش الاونلاين بتاعي كان في كوتش هناك فا انا اول مره اخش الجيم ومش عارف مكان الاجهزه فا المهم انا من الي حصل في حياتو فا عندي نوبه توتر كده فا بالغلط قلتلو اني معايا كوتش اونلاين وفين وفين بقا عقبال ما يفهم اني مش بقل منو واني مش عشان مفيش كوتش حلو في محافظتي خلصت وروحت اتمرن فا وانا باخد الوزن من المكان الي بيحطو في وقع راح شال معايا وقلي باين انك بتعرف تلعب وتلقيح بقا رغم اني موقعتش الوزن من الجهاز  روحت براحه كده كلمتو وقلتلو انت اخويا الكبير ولو في حاجه زعلتك متزعلش مني  قالي لا ومش لا وخايف تتصاب وكده  و لقح مره مرتين بس بيقول لحد بيمرنو ايه مثلا حسك زعلان مني ولا حاجه علي اساس اني روح كلكتو يعني وقلتلو انت اخويا الكبير  ولو في حاجه زعلتك مني متزعلش كنت عايز اكسبو بالحب والاحترام يعني ودي بدايه حياتي الجديده بدايتها زفت 😂 الي انا اعرفو أن الناس في الجيم رجاله كويسه كده ورياضيه مش عشان انا معا كوتش غيرو يقوم متضايق ودي حاجه ضايقتني اوي  وانا اصلا طالع من مدعك وكان معمولي سحر وليله ما يعلم بيها الي ربنا ونفسيتي صفر  وبقيت حساس ودي حاجه خنقاني

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Blueberry_52260 🇪🇬

منذ شهر واحد

شعور قلق

عبّر عن شعورك بشكل مجهول

السلام عليكم 
يارب تكونوا بخير و بصحه واحسن حال
عارف انكوا بعد امتحان الفيزيا مخنوقين وحاسين ان تعبكوا بتاع السنه كلها ضاع بس والله يا حبايبي ربنا كريم اوي الاهم من انك تكون مذاكر كويس هو انك يكون عندك يقين ياااماااا فيديوهات تتكلم عن ازاي تلم المش عارفه ايه و ايه تلم كذا في ساعتين و ازاي و ازاي بس محدش اتكلم قبل كده عن انك المفروض يكون عندك يقين بربنا انك لو تعبت جامد يومين ربنا هيديك على تعبك ده ربنا مقالش ان اللي هيسعى الاول هو اللي هيديه لا ربنا قال( وان ليس للإنسان الا ما سعى و ان سعيه سوف يرى ) هو مش ممكن يرى لا ده سوف يرى و زي ما قولتلك يلا هنعمل نفس اللي عمالنا في العربي بدراعنا و هنطوح الكُتب بتاعه الفيزيا و والله يا جماعه ربنا هيكرمك في النتيجه انت ممكن تكون حسبت الاسأله اللي غلطت فيها بس محسبتش الاسأله اللي هتحلها و هيوزعوا درجاتها عشان الكل حاللها غلط و محسبتش الاسأله اللي فيها كذا اجابه تنفع و محسبتش الاسأله اللي حليتها بالحب و طلعت صح و محسبتش الاسأله اللي المدرسين هيختلفوا عليها و محسبتش كرم و توفيق ربنا و الله احنا مش عارفين اي حاجه بتحصل و ربنا بيحب عبده المسلم يكون مسلم امره إليه اللي هو يارب انا تعبت و عملت اللي عليا بس الامتحان خذلنى بس انا عارفه انك عمرك ما هتخذلنى وانك معايا دايماً جمااااعه ربنا مسبب الاسباب كلها محتااااج ايه تاااني بجد 
تفائلوا تفائلوا تفائلوا 
و اطمنوا طول ما احنا معانا ربنا منخااافش من حاجه هااا
و يلا انسوا اللي فات و ابدأوا تانى انهارده صفحه جديده و شدوا حيلكوا و جيبوا اخركوا عشان الندم عمره ما بيكون على النتيجه بل بيكون على عدم السعى 
بالتوفيق يا حبايبي❤️

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_59845 🇪🇬

منذ شهر واحد

شعور مستنزف

شعور الوحده بقا محاوطني علي الرغم اني ٢٢ سنه بس معنديش صحاب واما بيبقا عندي بكون جدعنه ورجوله معاهم ولقيهم بعد فتره مش مهتمين وبقوا صحاب نص كم وانا مش عايز كدا فببعد انا حرفيا حاسس اني عايش علي الكوكب لوحدي حد يقولي ازاي اتعرف علي صحاب جديده وكدا

Apple_60523 🇪🇬 صديقي رضا الناس غاية لا تُدرك .. بل .. ليس غاية أصلا . إسقاط الناس من حياتك واللجوء إلي الله في المقام الأول .. سيجعل ما تفعله من خير وجدعنة ورجولة هو إبتغاءً لمرضات الله تعالي وهذا هو المراد في الدنيا .. أي كسب رضا الخالق لا المخلوق وعند تخطي هذه المرحلة إذا صدر ممن أدّيت لهم معروف ولم يحفظوه لك .. فـ لن يؤثر عليك سلبًا لأنك تعلم أن هذا المعروف محفوظ عند خالق السماوات والأرض وهو المُطلع علي قلبك.

عرض الكل 8 نصيحة

Sugar_64732 🇪🇬

اعذروني يا جماعه ما كنتش اعرف مش هعملها تاني

ده كله كنت مفكره shy يعنى ابتسم طلعت فى الاخر خجول يا جماعه اعذرونى كنت بنزل منشورات مينفعش يتحط عليها شاى بس والله ما كنت اعرف اعذرونى ادينى عرفت مش هعملها تانى بس ياريت تعملوا نفسكم مشوفتوهاش خاصه بآخر منشور ليه وجزاكم الله خير الجزاء ...عرض المزيد

0 الدعم

4 نصيحة

Sugar_64732 🇪🇬

أنا قرفان من نفسي.. ازاي أتخلص من العادة السرية؟

#العادة_السرية موضوع شائك وصادم .. بس للأسف أصبح منتشر وبكثرة .. و بقى ذنب منتشر بين الشباب بل والأكثر رعبا بين الفتيات! فيه منهم اللى أصبح ، بالنسبة ليه عادة، وفيه اللي متألم بسببه وبيجاهد يتوقف عن الذنب ده ومش عارف! ممارسة العادة السرية عادة تصل إلى الإدمان يشكو دائما من أصيب بها أنه كلما أقلع عنها عاد إليها😞 وبيسأل.. ازاي يتخلص منه و دايما بيقول ( أنا قرفان من نفسي وحاسس جدا بذل المعصية ) ودي بعض الامور اللي تتبعها عشان تتخلص وتتوقف عن الذنب ده وتتوب إلي الله توبة نصوح 👐 :- 1- لازم تبقى عارف إن ده ذنب عظيم .. متبررش لنفسك .. واجه نفسك بـده .. قال تعالى (وَالَّذِينَ هُمْ لِفُرُوجِهِمْ حَافِظُونَ إِلَّا عَلَىٰ أَزْوَاجِهِمْ أَوْ مَا مَلَكَتْ أَيْمَانُهُمْ فَإِنَّهُمْ غَيْرُ مَلُومِينَ فَمَنِ ابْتَغَىٰ وَرَاءَ ذَٰلِكَ فَأُولَٰئِكَ هُمُ الْعَادُونَ) وقال النبي صلى الله عليه وسلم:( يا معشر الشباب من استطاع منكم الباءة فليتزوج، فإنه أغض للبصر وأحصن للفرج، ومن لم يستطع فعليه بالصوم فإنه له وجاء.) 2- وادعي واسأل الله العون أن يعينك أن تقلع عن هذه العادة وهذا الذنب .. وأكثر من الدعاء والتضرع لله .. تبرأ من حولك و قوتك.. أنت ولا حاجة لولا توفيق الله و قدرته واشتكي إلى الله ( قَالَ إِنَّمَا أَشْكُو بَثِّي وَحُزْنِي إِلَى اللَّهِ ) اشتكي انك جربت وحاولت وانك عاوز تكون مطيع لله بعيد عما يغضبه. اساله سبحانه أن يزيل حب هذا الذنب من قلبك . 3- اعزم عزما اكيدا صادقا على التغيير 💪 . 3- سد جميع الأبواب .. لا تتهاون مع نفسك إطلاقا لأن الأمر يسبقه خطوات.. نظرة محرمة يتبعها تفكير لو استرسلت فيه غالبا بتقع فيها وافتكر (يَا أَيُّهَا الَّذِينَ آمَنُوا لَا تَتَّبِعُوا خُطُوَاتِ الشَّيْطَانِ ۚ وَمَن يَتَّبِعْ خُطُوَاتِ الشَّيْطَانِ فَإِنَّهُ يَأْمُرُ بِالْفَحْشَاءِ وَالْمُنكَرِ ) هي خطوة وبتجر التانية لكن لو كنت يقظ في البداية (لأول خطوة ) الأمر هيكون مختلف. 4- (مجاهدة ومجاهدة ) زي الرياضة بيكون الأمر في البداية متعب لكن مع المداومة بيزول التعب وبيصل الإنسان للي عاوزه (وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا ۚ ). عارفين لما الأم تيجي تفطم طفلها ( في البداية الأمر بيبقي صعب .. لكن يوم عن يوم بيقل .. بس أوقات الأم بتغلط غلطة .. بعد ما تفطم طفلها ويتألم هو طوال الأيام ويكون على وشك إنه يعتاد الأمر ترجع ترضعه وتصعب الأمر على نفسها وعليه .. لأن الرجوع تاني بيكون أصعب من الأول ) تأكد أنه بعد العزم والتوبة لاشك أن الشيطان هيزين لك الأمر بعد وقت .. المجاهدة أول مرة بتكون صعبة لكن لو انتصرت على الشيطان وعلى النفس بعون الله بيكون الأمر مختلف. استحضر إن ده هيكون اختبار صدق توبتك (أَحَسِبَ النَّاسُ أَن يُتْرَكُوا أَن يَقُولُوا آمَنَّا وَهُمْ لَا يُفْتَنُونَ ) 5- بعض الأمور اللي هتساعدك جدا مترجعش تاني👌 * حاول ما تقعدش لوحدك أبدا وتدخل للنوم إذا غلبك وما تدخلش من باب الجلوس فقط و لما تقوم من النوم حاول تقوم بسرعة ما تقعدش كتيير بعد استيقاظك . *قلل وقت الاستحمام . *املأ وقت فراغك بحيث ما يكونش فى وقت للتفكير أو للخواطر السيئة ..(بصلاة، حفظ قرآن، عمل، قراءة، رياضة، أعمال تطوعية خيرية،أي شئ نافع ومفيد .) 6- كل ما تحب ترجع افتكر الندم اللي بتندمه بعد ما بتعمل الذنب ده ومقدار الألم اللي بينتج بسببه وإن وقت الاستمتاع به قليل وبعدها بيكون كآبه شديدة وندم وحسرة 😥 وافتكر انك ممكن في لحظة تموت في الوقت ده تحب يتكتبلك خاتمة بالشكل ده؟ 😥 كمان لازم تعرف إن ذنوب الخلوات أصل الانتكاسات! 7- حافظ على الصدقات وزيادة النوافل وقراءة القران (وانوي فيه نية الشفاء من هذه الشهوة ) فقد قال الله تعالي (وَنُنـزلُ مِنَ الْقُرْآنِ مَا هُوَ شِفَاءٌ وَرَحْمَةٌ لِلْمُؤْمِنِينَ) وأذكار الصباح والمساء وأذكار قبل النوم . خلي يومك كله ذكر .. لا تجعل لسانك يفتر عن ذكر الله. 8- تذكر الحساب ويوم القيامة وانك هتقف وتسأل أمام الله عن عينك وعن ما أمرك الله بحفظه هلى حفظته " والذين هم لفروجهم حافظون واعلم أن الله لم يحرم عليك شئ إلا وأعطاك القدرة على البعد عنه(لا يُكَلِّفُ اللَّهُ نَفْسًا إِلَّا وُسْعَهَا) وهو الذي خلق فيك الشهوة وأعطاك من القدرة والإرادة ما يمكنك التحكم بها. يا شباب ويا بنات الامر مش سهل لكن تقدروا عليه 💪 الأمر محتاج عون من الله وصدق في التغيير ويقين وحسن ظن بالله أنه سيعينك ويثبتك هو القادر وهو أرحم بك (وَاللَّهُ يُرِيدُ أَن يَتُوبَ عَلَيْكُمْ وَيُرِيدُ الَّذِينَ يَتَّبِعُونَ الشَّهَوَاتِ أَن تَمِيلُوا مَيْلًا عَظِيمًا ) ...عرض المزيد

6 الدعم

1 نصيحة

Potato_64725 🇪🇬

عاوز حل علشان بنات تتعامل معايا زيها

دلوقت انا كنت مرتبط ببنت کانت شخصيتها قويه وكانت تتحكم فيا طول الوقت وبتتحكم فيا ف كل حاجه من بعد ما سابتني وانا بقیت اي بنت بتعرف علیها ببقي عاوزها تتعامل معایا زیها طبعا دي حاجه غلط واي بنت هترفض دا عاوز حل لان روحت للدكتورة استغلت دا هي کمان وبقت تعمل زیها ولا احاول الاقي بنت کدا وخلاص؟!! ...عرض المزيد

0 الدعم

5 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع