ثانوية

Croissant_59473 🇪🇬

منذ 5 ساعات

شعور Bad 😞

بصراحه انا عندي مشاكل كتير اوي من بعد ثانوية عامة دفعه ٢٠٠٤ و بعد كده بقيت بحس اني كتله ذنوب و خطايا ماشيه ع الأرض بدون اي ذرة شغف لاي حاجه كويسه تتعمل لا كليه نافعه و لا أهل نافعين و لا حتا الهوايه اللي بحبها نافعه مش عارف اتصرف ازاي كل خطوة إيجابية بحاول اخدها برجع ميت ميل ورا لحد نقطة الصفر يمكن

Chocolate_56066 🇪🇬 ممكن البيئه المحيطه بيك هي البتشدك لورا ابعد عن صحاب السوء وابعد عن اي حد يخليك او بيساعدك عالغلط او حتى مش بينصحك للطريق الصح وحاول تقرب من صحبه صالحه اكتر وصلي كل الصلوات في المسجد وهناك هتقدر تتعرف على ناس بؤرتهم كويسه ان شاء الله او حتى بيحاولوا يصلحو من نفسهم بس انت دايما لازم تبدأ ب نفسك (لن يغير الله قوم حتى يغيرو ما بأنفسهم ) ف انت أسعى وجاهز الإنسان طبيعته خطاء ويغلط بس المهم انك تتوب

عرض الكل 1 نصيحة

Apple_59145 🇪🇬

منذ يوم واحد

شعور وحيد

عبّر عن شعورك بشكل مجهول

حبيت واحده في الثانوية العامه و كنت شايفها كل حاجه مع كل وقت كان بيعدي بنا كنت بتعلق بيها اكتر و هي قالتلي انها كانت مرتبطه بشخص قبلي و انها مكنتش بتحبه و هو اللي كان ديما بيحاول يكلمها و انا قولتلها امي كنت مرتبط قبل كده بردوا عشان مكنتش عايز ابينلها اني معنديش تجارب و هي كانت عندها و كملنا و كانت بتبدلني كل حاجه في الاول و مع الوقت بيقت احس أن طريقتها اتغيرت و حبها قل و انا كان حبي و شغفي كان بيزيدوا كنت مستعد اعمل المستحيل عشان بس تبقا ليا كنت راجل و ناوي بجد اعمل اي حاجه عشان مبقاش بكلمها من ورا اهلها أو كده و اكمل معاها طول حياتي و رتبت الدنيا عليها بس كل مره اكلم معاها احس أن حبها عمال يقل و جيت في مره قولتلها اني ليه بقيتي كده و زعقت معاها و قفلت في وشها السكه وقتها قولت انا ايه إللي انا عملته ده و تعلقي بيها مقدرتش و اتصلت بيها في وقتها و زعقتلي و قالتلي ممكن تسبني شويه و انا أعدت اقولها انا اسف و بعد كده اتفقنا نتكلم بعد الثانوية العامه عشان انا كان مستويات عمال ينزل جماد و معنتيش شايف حاجه غيرها بس مقدرتيش و دخلت كلمتها معرفتش ابعد عنها و كلمتها و أعدت اعيط زي العيل الصغير اللي عايز أمه و أقولها مش تبعدي عني راحت زعقتلي و قالتلي انا قرفت مع العلم انها كانت في اول علاقتنا كانت بتفضل تتصل بيا و تعد تعيطي و انا كنت اعد اطمن فيها و أقولها انا معاكي و والله مشوفتش مني حاجه وحشه كنا ايام الدروس اخد فلوس اللي انا محوشها و اروح اجبلها حاجات و احنا ماشين بعد الدروس و كنت نفسي اجبلها اي حاجه هي تتضمها كنت هخسر صاحب عمري عشانها بعد م قولنا نبعد و انا مقدرتيش رجعنا يومين و بقولها انا مش هقدر ابعد عنك قالتلي حاول و كانت دي اكتر حاجه وجعتني و اعد يحصل بنا مشاكل كانت بتحاول تعمل اي مشاكل و تستني اي غلطه و انا اعد أقولها متبعديش عني و  في مره امها عرفت و قالتلي ابعدوا يا ابني انتوا ليه صغيرتين و بعدت فعلاً زي م قالتلي و في أيام المراجعات رجعت كلمتني تاني و قالتلي عامل ايه و كده و قولتلها تعالي ترجع و رجعنا بس طريقتها كانت برده معايا اوي و يعتبر كانت بترد عليا بس و بعد يومين بقولها انتي ليه بتعنليىكده قالتلي هو احنا رجعنا قولتلها انتي قولتي ماشي تعال نرجع قالتلي انا مقولتش كده و حالتي النفسية تضمر يوم بعد يوم و اتعب و اعلق محليل و اخد ادويه و مذاكره صفر بعد م كنت بقفل كل الامتحانات الامتحانات دخلت و انا لسه مش عارف الم حاجه بعدنا و انا نفسي اضمرت و في امتحانات و حاولت اعمل اللي عليا و الحمد الله عديت و جبت مجموع حلو بستر ربنا بس لسه جوايا وجع ووكل شويه اسمع و اعرف حاجه كان الحب عميني عنها عرفت انها كانت بتكلم ولاد كتير قبلي و انها مكنتش كويسه و حالتي لسه بعد كل ده بتضمر و رغم كل ده بس انا شايف أن دي مش الانسانه اللي حبتها و كل اللي كنت عايزه الاسنانه اللي عرفتها في الاول اللي كانت بتحبني و انا بحبها رجعت احاول اكلمها بس كل اللي كنت عايزه اكلم الانسانه اللي عرفتها في الاول رجعت اكلمها و قالتلي لازم نبعد قولتلها بس انا بحبك و قولتلها طب استنيني و هي قالتلي بإذن الله و قالتلي انا والله مبفكرش في الارتباط و الحب ده تاني و عايزه اهتم بدراستي سعتها كان وقت اختيار الكليات و انا و هي كنا جايبين نفس المجموع و بالصدفة حالي نفس كليتها و كنت ناوي ادخل معاها و بعدنا زي م هي قالت و هي قالتي انا مش هرتبط دلوقتي ولا اي حاجه و بعد مرور شهر بعد م بعدنا حد بعتلي صورتها هي و خطيبها و هي مبسوطه اوي في الصوره فاكر اليوم ده كان بليل أعدت اعيط طول الليل لغاية أصبح و نفسي مش اضمرت دي ماتت حرفياً و بعدت خالص و حاولت انسي و هي كانت عملالي بلوكات و دخلت كليه تانيه غير كليتها عشان انسي و بعد شهر عرفت انها انفصلت و فكت البلوكات اللي كانت عملهالي بس المرادي مدخلتيش و مش هنكر اني تخطيت بس انا لسه جوايا كسر كبير اوي رغم أن الموضوع داخل عليه سنه بس لسه في حاجه غلط أكن في جرح في قلبي عميق اوي بعيط بس من غير دموع لسه يراقبها من بعيد لبعيد مش عارف انسي ولا عايز ارجع دخلت ناس حياتي بعدها بس معرفتش احب بعدها و ظلمت واحده معايا بس انا والله م بأيدي انا حاسس اني في طريقه مقفول محبوس في النص مستني اي إنجاز في حياتي يجي عشان هي تعرف افضل أرقب فيها طول الوقت لو ماشي في الطريق ممشيش من الطريق السهل و امشي من الشارع بتاعها و أكن حياتي وقفت عليها و الفكره اني مش عارف انسي ولا عايز ارجع كل ذكره لسه في بالي سواء حلوه او وحشه لسه انا بحاول احسن من نفسي عشان اليوم اللي تشوفني فيه محبوس في سجن

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Biscuit_59032 🇪🇬

منذ يوم واحد

شعور خجول

ثانويه عامه وكلها شهر واخلص منها وانهارده قررت اقعد مع نفسى وأشوف انا عايزه ايه او بكره نفسى يكون ماشى ازاى وكتبت كل اللى نفسى فيه وبتمناه من قلبى مش عارفه ممكن احققه ولا لا ف ظل أن كل واحد من عيلتى بيتريق عليا ومحدش مشجعنى بس الحاجه الى انا متاكده منها انى عنيده شويتين ثلاثه ف متأكده أن بربنا وب اص

Chocolate_57541 🇪🇬 ربنا معاكى نصيحتى متتمسكيش بكليه معينه ولا لازم دى ومتسمعيش من حد دورى بنفسك على الكليه المناسبه وعيشى ايامك بجد اخرجى واعملى صداقات بس ابعدى عن الحب والارتباط هيبوظوا حياتك حتى بعد ما تخلصى وتتجوزى وتخلفى اللى عايزك يجيلك بيتك متخليش حد يدخل من الشباك ومتخليش كلام اهلك يبنى حياتك بس لا عقلك ميزانك ونفسك مهمه جدا

عرض الكل 7 نصيحة

Grape_52726 🇪🇬

منذ يوم واحد

شعور متعب

السلام عليكم من فضلكم انا كنت جايب مجموع كويس في ثانوية عامة يدخلني جميع الكليات منهم طب بيطري بس ميدخلنيش كليات القمة ومنها حاسبات فواحد صاحبي الله يسامحه قالي ادخل معهد عالي علوم حاسب لاني كنت حابب المجال فانا لما دخلت المعهد حالتي النفسية كانت اسوأ حاجة ومكنتش حابب الوضع ولا عرفت اتاقلم معاه لا

Cherry_56436 🇪🇬 لو مسئول عن نفسك ومصاريفك وعندك جيش عرفهم انك أجلت مواد عشان متدخلش لو مش عندك جيش عرفهم الحقيقه وحاول تتكلف بمصاريف جامعتك

عرض الكل 6 نصيحة

Ice Cream_57232 🇪🇬

منذ يوم واحد

شعور محبط

هاي أنا في أولى ثانوي جايب مجموع مش حلو ومش سئ في نفس الوقت أنا مش زعلان عشان أنا مجتهدش في الترم الثاني خاااالص ولما الدرجات بانت ابويا عمال يضربني وامي مانعه عني الخروج واني اروح الكافيه أو الملعب أو الجيم أنا كنت في الترم الاول من الاوائل بس كبرت دماغي الترم الثاني وكله عمال يقارني ببنت خالي لأنه

Strawberry_58478 🇪🇬 همابيعملو كل ده علشان مصلحتك ومش هاتفهم ده غير لما تكبر مرحله الثانوى دى أخطر مرحله بكون داخل شاطر فيه إلى بيكمل على كدا وفيه إلى بيتسحب لحوار الفيب دى بدايه مش كويسه ليك قبل اهلك لان محدش هاينفعك بعد كدا غير نفسك تخيل تبقى اوائل ترم اول وتانى درجات مش اوى طبيعى يزعلو عليك ومش حوار مقارنه بس كل اب وام بيكونو عوزين عيالهم احسن حد

عرض الكل 11 نصيحة

Pistachio_29992 🇪🇬

منذ يومين

شعور محبط

موضوع:

ايه اكتر حاجه وجعتك ؟

موت بابا و للاسف أتجهت للسجاير و الدخان مع صغر سني و أني ثانوية عامة وحشني جدا جدا جدا جدا جدا و لو كان موجود كنت افكر مليون مرة قبل ما أشرب اي حاجة و نفسي أجيب اي مجموع أنبسط بيه أدعولي ربنا يهديني و أجيب المجموع اللي نفسي فيه

Chilli_57982 🇪🇬

منذ يومين

شعور خجول

موضوع:

ثانوية عامة غيرت فيك ايه؟

انا ثانوية عامة 2025 السنة دي يعني و امتحاناتي كمان يومين حرفيا بس ال مش مضافة اتمنى تدعولي يجماعه الخير و 40 غريب وير ار يو انا محتاجتلكم ادعولي تجربتي مع ثانوي متبقاش وحشة و ربنا يجبر بخاطري و يديني المجموع ال ف بالي و الكلية ال نفسيي فيها و ان شاء الله دعيلي له بالمثل في جبر و طيب الخاطر❤️❤️

Chilli_58547 🇪🇬 ان شاء الله ربنا هيجبر بخاطرنا كلنا وهندخل الكليه ال نفسنا فيها

عرض الكل 4 نصيحة

Chilli_57982 🇪🇬

منذ يومين

شعور متعب

انا في ثانوية عامة و السنة كلها مكنتش بذاكر ة في أول فترة المراجعات النهائية انا تعبت بس بعدين رجعه و قدرت ألم شرح المهج و من اول السنة انا مكنتش ميح خالص يعني لا كنت بروح دروس و كنت بفهم و بذاكر من وقت ل تاني و كدا بس دلوقتي انا بقيت خايفة و مبقتش عارفة احل و بقيت بنسى و اني اجيب مجموع كويس دا بقا

Sugar_58083 🇪🇬

منذ 3 أيام

شعور ممتن

موضوع:

ثانوية عامة غيرت فيك ايه؟

عبّر عن شعورك بشكل مجهول

اخيرا هقدر اتكلم في الموضوع دا 😭💔
ما علينا المهم، من وانا صغيره وانا معتمده علي نفسي، انا الكبيره ف اخواتي ف كان كل الاهتمام بيروح للي بعدي لدرجة اني حسيت ان الموضوع عادي ومش لازم يهتمو بيا (ملحوظه عندي فاينال كمان كام ساعه وقاعده بحكي في احزاني😭وربي معرف كلمه ف الماده ) نرجع تاني، معرفتش قيمة الاهتمام غير ف ٣ث او من قبلها بشوية كانو صحباتي دايما يحكولي ماما بتعمل معايا كذا وبابا بيعاملني كذا ف طبيعي ابدا ابص لحياتي والتعامل فيها بيكون ازاي، دا بعيدا عن اللي مريت بيه في حياتي عامة، نيجي بقي لموضوع ٣ ، صراحة كنت بادئة صح دروس بحضرها مزاكره بزاكرها ، مفيش مواد متراكمه مش بسيب فرض، علاقتي بربنا كويسه، مفيش علاقات محرمه و و و و.... الخ بقي. 
طبعا كنت متوقعه معامله تانيه من اهلي، ويكون في اهتمام بقي، لكن لا مفيش اي دعم معنوي نهائي ارجع من الدروس تعبانه وهلكانه مفيش عملتي اي حصل حاجه انهارده، في حاجه مضيقاكي، دا لدرجة ان ساعات كنت برجع هموت من الجوع وملاقيش ماما عملالي اكل، وفي نفس الوقت اخويا اللي بعدي ييجي من برا تكون مجهزاله الاكل والشاي وكل حاجه، كل تصرف نتج منهم كان بيأثر فيا جامد وكان بيشكل حاجه جديده في نفسيتي، لدرجة اني بدات ادور علي الاهتمام من مدرسيني، الحمد لله كنت متميزه دايما ومتفوقه، ومدرسيني كلهم عارفيني ودي كانت اكتر حاجه مشجعاني او بتخلي عندي ثقه بنفسي، ف وصلت لمرحلة اني بزاكر علشان المستر يقول عليا كذا لا ويشكر فيا ويتباها بيا قدام السنتر كله، ولو دا محصلش او اتباها او شكر ف حد تاني كنت بزعل جدا ونفسيتي بتتأثر اوي (السبب اللي ضيعني ف ثانويه اخيرا اعترفت بيه) جيت لحد نص السنه كدا قبل نهاية الترم الاول كنت ضايعه فيزيا حرفيا ضايعه واكتر ماده كنت بهتم بيها وازاكرها احياء في الوقت دا كنت انا وكذا حد من صحباتي المهم بدانا نغير السنتر والمستر اللي كنا بنحضر عندهم البيست فريند راحت عند اتنين مختلفين واتنين تانيين من صحباتي راحو عند مدرس تاني والكل اتفرق عند مدرس شكل وانا اختارت اني اخد اونلاين، الحمد لله الموضوع كان ماشي معايا فل وقدرت الم جزء كبير من اللي كان ضايع مني لدرجة كان المستر في الفصل الرابع وانا كنت لميت الاول والتاني ونص التالت وكمان يومين ولا حاجه هكون وصلت للرابع حرفيا مكونتش بنام، بس جينا بعدها اتجمعنا في سنتر تاني البيست سالتني عامله اي ف الفيزيا قولتلها كل اللي حصل بقي قالتلي بقي انا باخد درسين ومش عارفه المها وانتي بتاخدي اونلاين ولمتيها والحمد لله من بعدها وعينك متشوف الا النور فضلت اسبوع مفتحش فيزيا والمستر كان وصل للسادس وانا خلاص حرفيا ضعت حتي اللي لميته اتنسي اختارت اني انزل سنتر تاني بقي ونزلت وفضل الحال كما هو عليه ودخلت امتحان فيزيا ثانويه عامه بفصل اول وتاني وجزء بسيط من الحديثه 😂 تخيلو فيزيا ثانوية عامة انا قادره بالله بس الحمد لله عديت فيها وكنت خايفه لاشيلها بصراحه بس الحمد لله. 
هحكيلكم موقف تاني برضو عن اللي كانت البيست دي، كان علينا ف يوم شامل احياء المهم كان في باب الهرمونات مش مظبوط معايا اوي وفي الامتحان في سؤالين وقفو معايا من الباب دا ف راجعتهم معاها طلع واحد صح والتاني عدلته منها وقت النتيجه بقي انا جبت اعلي منها قالتلي بنفس النص كدا -يعني انا اغششك وتجيبي اعلي مني؟- اليوم دا كان الفيصل بيني وبينها وقررت اني اقطع معاها مع ان كان في مواقف زباله كتير قبلها بس كنت بعدي علشان بجد كنت بحبها اكتر من نفسي وبعتبرها زي اختي بالظبط، بس في المقابل عي كانت معتبراني عادي اه قريبه بس مش اللي هو انتي ، كدا يعني . 
ندخل بقي للترم التاني بدات اراكم كتير ومبقتش اروح سنتر الانجلش والدنيا كلها باظت معايا حتي الاحياء اللي كنت محافظه عليها من اول السنه جيت عند ال DNA, RNA وراكمت والدنيا باظت علي الاخر  ، جيت بقي علي اخر ٣ شهور قعدت من معظم الدروس او كلها وتابعت اونلاين، العربي كان ضايع من اول السنه الحمد لله لميته كويس اوي ف ال ٣ شهور دول وجبت فيه ٧٢ من ٨٠ والكيميا نفس النظام بالله كنت بقول هشيل كيميا طول السنه بس اخر ٣ شهور لميتها و جبت فيها ٥١ ازاي انا مش عارفه بس كرم  ربنا والله ، والمواد الباقيه بقيت بمشي الدنيا كدا والموضوع عدي بكل اللي مريت بيه في السنه دي واللي محدش يعرفه او حس بيه غيري واللي ربنا شاهد عليه واني جيت علي اخر شهر قولت مش عاوزه اجيب حاجه بس اخلص منها بالله نفس اللفظ كدا، نيجي بقي ليوم النتيجه بالله يوم يضحك 😂 كان يوم فرح بنت عمو كنا ف القاعه وانا عامة قاعده قلقانه عارفه ان النتيجه هتظهر ومكانش معايا داتا والله 😂 بفتح الداتا بالصدفه لقيت في نت والاقي واحده من صحباتي بعتتلي النتيجه والحمد لله مكانتش حلوه بس حمدت ربنا طبعا ورضيت، بابا لما عرف قال يلا نروح وكانو زي اللي ميتلهم ميت، هقول دلوقت اكتر حاجه جرحاني في حياتي ومش ممكن اتخطاها ابدا، لما روحنا احنا طلعنا وبابا كان بيركن العربيه كنت قعدت وهديت وبدات اشوف الدنيا طلع مسالنيش عن نتيجتي لا سالني عن نتيجة واحدة صحبتي (صحبتي دي كانت البيست بتاعتي في اعدادي و١,٢ كنت برتب اعلي منها جت هي ف ٣ طلعت الاولي ع المدرسه وانا مرتبتش،ف من يومها وبابا مش شايف غيرها) المهم كان مجموعي اعلي منها ف متكلمش وقال يلا نامي، حكمة ربنا لو بجد كانت جابت هي اعلي مني كانت هتبقي حياتي جحيم اكتر ما هي اصلا، معاملتهم ليا بقت وحشه اوي بقيت بحسهم بيكرهوني،ماما طول السنه كانت بتفضل تقولي لو مجيبتيش مجموع هعمل واخلي واسوي فيكي،حتي وقت الدراسه كانت ساعات بتخليني اساعدها كانت رافضه بتاتا اني معملش حاجه واجي مثلا اخد بريك او افصل وامسم الفون تزعقلي وتقولي بدل ما بتلعبي قومي ساعديني،وبابا يقولها هي اصلا مكانتش بتزاكر (اللي هو يجماعه انتو متعرفوش حاجه عني غير اني بنتكم،المواد بتاعتي مكانوش يعرفوها السناتر المدرسين مواعيد دروسي كل دا بالله مكامو يعرفو حاجه عنه،حتي الدعم مفيش غير الدعم المادي ) اهلي قصرو؟! اه قصرو من وجهة نظرهم هم صح ومقصروش في حاجه بس هم ميعرفوش غير الجانب المادي،انا حاليا كارهه حياتي بسببهم وبسبب تفكيرهم وعاداتهم وتقاليدهم (مش عاوزه ادخل في الجانب دا دلوقت خلينا نرجع للي حصل بعد النتيجه)مش هنكر اني كنت زعلانه بس حق ربنا منزلتش دمعه واحده لاني نفسيا كنت زعلانه لكن عقلي كان رافض يصدق دا وكان دايما بيبينلي اني تمام، لغاية ما النفسيه بينت الحقيقه وشي باظ وشعري باظ وجسمي باظ كل حاجه اتدهورت ، جه معاد الرغبات، انا الحمد لله طموحي مكانش طب بس كنت عاوزه علشان بابا واهلي وكدا، كنت حابة ادارة الاعمال من زمان اوي ودايما كان نفسي اني اكون بيزنيس وومان وكل اللي يعرفوني عارفين كدا الا اهلي سبحان الله،حتي لما جيت علشان اختار الكليه ماما قالتلي انسي الخاص مع ان نقدر عليه عادي، حرفيا اصحابي كلهم دخلو طب خاص اللي دخل صيدله واللي دخل اسنان واالي دخل بشري واللي دخل علوم صحيه و و و،بس باين كدا اني ف نظرهم مستحقش بس الحمد لله دخلت تجاره ولقيت قسم جديد فيها متخصص محاسبه وادارة اعمال بس ف دخلته مع انه مكانش في خطتي بس طبعا ترتيب ربنا (هبقي اتكلم عن الكليه بعدين ) 
الخلاصه اللي عاوزه اقولها، ان ثانويه عامة بالنسبالي كانت مدرسة الحياه عرفت نفسي كويس اوي وبنيت شخصيه كويسه اوي ومبقيتش اشوف غير نفسي اتأذيت اه اتأذيت بس نتيجة الأذي حاجه حلوه ف في النهاية حابه اقول الحمد لله ❤

French Fries_58081 🇪🇬

منذ 3 أيام

شعور وحيد

عبّر عن شعورك بشكل مجهول

بعد خذلاني الجسيم في شهادة الإعدادية، وخضوعي المهين للانخراط في الجحيم المسمّى بالثانوية العامة، قدّمت أوراقي إلى المدرسة الثانوية القريبة من منزلي في منتصف عام 2019 تقريبًا. وحينها كاد عقلي أن يتيه، إذ لم أكن مصدّقًا حتى آخر لحظة أنني سألتحق بها.
ما زلت أذكر أول يوم دخلت فيه المدرسة أثناء فترة التقديم؛ أول ما فعلته هو أن بصقت على أرضها. وهذا تمامًا ما فعلته في آخر يوم لي فيها. بدأت الدروس المقيتة، وبدأ معها العام الدراسي الكئيب، ودخلت حينها عالَم الثقافة. نعم، لم أعر الدروس أي اهتمام يُذكر طوال المرحلة الثانوية، إلا بالقدر الذي يكفيني للنجاح فقط، وذلك كان بإرادتي، إذ كنت منشغلًا بما هو أهم: التعلّم الذاتي. فلم أترك محاضرة قيّمة بالعربية أو مترجمة إلا شاهدتها، ولا كتابًا أو رواية مرّت بي دون أن أقرأها. بدأت بالنبش في التاريخ والفيزياء – إذ كنت مغرمًا بهما – ثم عرّجت على الأدب والشعر والفنون، وتوغلت في أمهات الكتب، أتأمل كيف كان يفكّر الأقدمون.
منذ بداية الثانوية، انقطعت عن مشاهدة التلفاز، باستثناء برنامج "العباقرة" الذي أحببته كثيرًا، لكنني لم أرغب يومًا في المشاركة فيه – وكان ذلك من الغرور – فقد كنت أرى أن مستواي أرقى من أن أُجالس أيًّا من المشاركين أصلًا.
أذكر أنني قرأت ما يزيد عن خمسمائة كتاب، واطلعت على أكثر من ألف، وكان يوتيوب يستهلك حزمة الإنترنت الشهرية كاملة.
لا أذكر أنني كنت أتابع حينها شيئًا تافهًا أو هزليًا بكثرة. ومن نتائج تشغيل ذهني المتواصل، أن قلمي بدأ يتحرّك، فكتبت خلال تلك السنوات ما يزيد عن ألفي صفحة خارج نطاق الدراسة – إذ لم أكن أكتب كثيرًا في المدرسة، ولم أكن أحفظ أيضًا، رغم أنني كنت في الشعبة الأدبية!
اكتشفت حينها أمورًا في تاريخ الأمم والحضارات، وبعد تحليلها مستعينًا بالعلوم الحديثة، غيّرت كثيرًا مما كنت أعتقده مسلّمًا.
انجذب قلبي إلى التصوف الإسلامي الفلسفي، نتيجة تأثير بعض كتابات الدكتور يوسف زيدان، وتوغّلي بلا حذر في كتب الصوفية الكبرى، حتى اقتربت من مذهب وحدة الوجود.
في تموز 2021، كتبت أول مقال طويل في حياتي، عن إحدى الشخصيات المبكرة في الفلسفة الإسلامية. وما زلت أذكر قطرات العرق على جبيني بعد ثلاث ساعات قضيتها في كتابته، جالسًا في مطبخ بيتنا المتواضع. وفي العام ذاته، هدأ ضجيج عقلي قليلًا، فتواضع لساني، وبدأ قلمي يجف، بعدما تعمّقت في شبكة الإنترنت، وتعرفت على كثير من التطبيقات، علمًا بأنني في أول عامين لم أكن أستخدم سوى جوجل ويوتيوب فقط!
بعد أن كنت أعيش في برج المثالية العاجي، سقطت بقوة على صخرة الواقع المادي، وبدأت أؤمن تمامًا بالعلم، ولم تَبقَ داخلي مساحة تُذكر للمطلقات.
حدث ذلك بعد رحلة بحث طويلة، واطلاعي النهم على آلاف المقاطع والمحاضرات والندوات بمختلف التوجّهات.
لن أذكر أسماءهم، لكنني لن أنساهم ما حييت، فبعدهم أدركت كم كان فكر مصطفى محمود – الذي كان أول من قرأت له – سطحيًّا وبسيطًا بالمقارنة مع العمالقة الذين وقفت على أكتافهم. وقبيل امتحانات الثانوية العامة، كان لا بد من الاستعداد الجاد، فشرعت في المذاكرة رغم ثقل الأيام وطولها، لكنني لم أكن مكترثًا كثيرًا، فقد كانت راحة بالي أهم، كنت أستمع إلى الأغاني الأجنبية الهادئة قبل الامتحانات، وأحاول أن أبتسم وسط نوبات الصراخ والانهيار.
يوم ظهور النتيجة، كنت أستمع إلى المهرجانات بسماعات الأذن، بينما كانت أمي تبحث عنها برقم الجلوس، وكنت أنظر إليها وأضحك بسخرية... لماذا كل هذا؟ 66٪
لم تكن النتيجة مرضية لها، لكنها كانت مُرضية لي. فقد عقدت العزم على الالتحاق بكلية الآداب، مثل العظماء، لأدرس الفلسفة... كي أتحرر. وقد كان، ولكن بعد معاناة بيروقراطية لا داعي لذكرها.
كانت توقعاتي عالية حين دخلت الجامعة، ولم يتحقق منها شيء تقريبًا، سوى أنني غادرت المدرسة اللعينة، وتحللت من قيد النظام التعليمي الفاشل. حينها، لم أعد أصف نفسي بالباحث أو المثقف أو العبقري، بل فقط: إنسان، قارئ، مُحب للمعرفة، عاشق للفلسفة.

والآن، بعد مرور ثلاثة أعوام أخرى، للأسف لم أُنمِّ عقلي كما كنت أفعل سابقًا، لكنني اكتسبت معارف حياتية أخرى: عرفت طعم اللذات الجسدية، وتعرفت على كثير من الأوباش، وتهشّم قلبي عدة مرّات. اكتئبت. وتخطيت سنّ الواحدة والعشرين... ذلك السنّ اللعين الذي كنت أظن أنني لن أبلغه يومًا.
ماذا فعلت في حياتي؟ لا شيء.
لقد قضيت سنوات مراهقتي في كل هذا، يا عزيزي. والآن بدأ عمر الشباب... لكن بلا مال، ولا واسطة، ولا أمل.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Donut_57918 🇪🇬

منذ 3 أيام

شعور محبط

موضوع:

ثانوية عامة غيرت فيك ايه؟

Nutella_57127 🇪🇬 ده قدر ربنا و متقدريش تغيري الماضي اجتهدي في دراستك دلوقتي و أرفعي رأس أهلك بيكي ،، هم زعلانين لانه ده مش ادائك مش لأنهم بيكرهوكي لو بيكرهوكي و مش واثقين مكنوش دخلوكي طب خاص

عرض الكل 13 نصيحة

عبّر عن شعورك بشكل مجهول

ثانوية عامة كانت السنة اللي فاتت، للأسف كنت ممتازة وشاطرة موت لكن أهملت جداً في السنة دي ومذاكرتش، كنت ضامنة إني هعرف ألم زي كل مرة وأنها هيعدي، كان عندي ثقة زيادة وعايشة في الوهم، أهلي مقصروش معايا أبداً، ماما مكانتش بتخليني أرفع ورقة حتى من على الأرض، كل حاجة كانت متوفرالي كل حاجة حرفياً بس أنا ضيعت نفسي
أهلي، المدرسين، أي حد يعرفني حرفياً كان واثق إني هبقى من أوائل الجمهورية لأني فعلاً ذكية وشاطرة
ولكن بغبائي مذاكرتش وخيبت ظن كل الناس فيا وجبت مجموع زفت
أهلي مكانوش مصدقين، رد فعلهم كان عنيف جداً جداً وحقهم والله، أنا بموت كل يوم من الندم ومش عارفة أتخطى، حاسة الحياة وقفت يوم النتيجة والله
المدرسين بتوعي كمان مكانوش مصدقين إني جبت كده، كل الناس اللي يعرفوني، أي حد يعرفني حرفياً مكانش مصدق، ازاي أنا أجيب المجموع ده؟؟
أهلي دخلوني طب خاص، بس أنا نفسيتي زفت زفت ومنهارة بجد وحياتي حرفياً واقفة، مش ناقمة للنعمة والله الحمدلله ألف مرة بجد على اللي أنا فيه ، بس أنا تعبانة خالص والله ومش عارفة أتخطى وشايفة نفسي شخص فاشل ومهمل وأوحش حد في الدنيا والله، حتى أهلي معاملتهم ليا بقت وحشة بعد النتيجة، والله مش قادرة فعلاً استحمل كل ده ومفيش حد أتكلم معاه وكل ذكريات ثانوية عامة بتطاردني والله ونظرتي لنفسي القليلة دي مدمراني وحتى مش بعرف اقعد مع نفسي عشان دماغي مش بتبطل تفكير أبداً لدرجة والله بفضل أخبطها في الحيطة عشان ابطل تفكير
أولى جامعة خلاص بخلصها ولسه عند نفس النقطة، معرفش هفضل كده لغاية امتى بجد

Mango_57850 🇪🇬

منذ 3 أيام

شعور مكسور القلب

Lemon_57806 🇪🇬 نصيحتي ليك بغض النظر على اللي انت عملته ده حرام انت اكيد عارف كده كويس بس اهم حاجه في الفتره دي التركيز على مذاكرتك لان هي دي الاهم دلوقتي ثاني حاجه احب اقولها ان ما فيش بنت بتحب ان هي تاخد شاب مش مجتهد او مش عامل اي حاجه في حياته او مش معاه حاجه معنى صح فحاول تعمل حاجه ليك والمستقبلك لان هو ده الاهم دلوقتي سيبك بقى من الحب والكلام اللي زي كده لان كل حاجه بتيجي في وقتها وحاول تعمل اللي تقدر عليه

عرض الكل 4 نصيحة

عبّر عن شعورك بشكل مجهول

و انا في أولي ثانوي جات بنت خالي البلد عندنا عشان تدرس و هيا اصغر مني بسنه يعني تالته اعدادي و ابتدينا نتكلم و كنت بتكلم معها في وجود واحد كان ساعتها صحبي و لما حس أن انا ابتديت احبها و اتعلق بوجودها قالي أنها مستحيل تحبك ف زعلت شويه بس كان في تواصل برضو و كان صحبي دا تليفوني هو تليفونه و العكس و كان عامل بصمه و انا كنت اعرف انه عاملها اتاريه حب بنت خالي دي و كان عاوز يبعدها عندي و انا ابعد عنها ف فضل يشككني فيها و الكلام دا و قالي تعالي نشوف هل هيا بتكلم ولاد و لا لا فعشان انا مكنش معايا رقم تاني ف خاد الرقم عشان نبقي نشوف و لو بتقولي انت ازاي تعمل كده هقولك هو كان ماسح مخي بجد ف خاد الرقم و دخل يكلمها و فضل فتره لحد ما اكتشفت الموضوع و عائلتي اكتشفته و ساعتها ضحك عليا برضو و حسسني أن هو مظلوم فسامحته و مسامحتش بنت خالي و عارف أن انت هتقول أن انا اهبل و عبيط و انا بعترف أن انا كنت كده فعلا و معنتش بكلم بنت خالي لحد ما اتصالحنا بعدها بسنه و 5 شهور علي حد ما هي بتقول و صحبي دا فضل يضحك عليا و يحسسني أنه غلبان و كنت بديله فلوس و كمان مكفهوش الي عمله دا نصب عليا في فلوس كمان و الصراحه انا دلوقتي بكره الشخص دا و نرجع لبنت خالي طول السنه و 5 شهور دول كنت بحاول اقرب تاني بس ساعتها هي الي كانت رافضه عشان كانت مدايقه أن انا مسمعتهاش خالص بس و لما لقيتها رافضه سبتها لراحتها و جه يوم عيد ميلادي و كنت منزل استوري لقيتها دخلت و باركتلي لعيد ميلادي بس المشكله مش هنا المشكله ان انا حبي الي أدفن ساعتها رجع تاني بس بقوه اكتر و رجعنا نتكلم تاني و اكتر من الاول كمان و أنا يكلمها بحس في أوقات أنها تبادلني نفس الشعور و شويه تانيه لا يعني باجي اقولها أن احنا لما نكبر معناش هنشوف بعض و لا هنتكلم فترد عليا و تقولي صدقني هنشوف بعض كتير اوي و مش هنسيب بعض ف دا مش هيحصل غير لما نتجوز و هكذا و جيت في يوم اعترفتلها بحبي بس بطريقه اعرف اخرج منها و اخليها أن هيا الي فهمت الموضوع غلط بس قالتلي أن احنا اخوات بس الموضوع دا قبل الكلام بتاع احنا مش هنسيب بعض و كمان هي كانت مش حابه لما كلمت بنت قريبتي و هزرت معاها و كانت بتسال علي يوم ما بنتخانق من حد يعرفني و قريب مني ف هل هيا بجد بتحبني و لا لا هل اعترفلها و خلاص بس انا مش عاوز اعترفلها عشان منسبش بعض و انا بدعي ربنا أنه يجعلها من نصيبي و نصيحه و الموضوع دا شاغل دماغي و انا شخص في تالته ثانوي و امتحاناتي قربت فنصيحه حلوه كده

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

French Fries_57474 🇪🇬

منذ 3 أيام

شعور ممتن

موضوع:

هل الدعاء غير قدرك

مره زمان من كم سنه في ايام ليله القدر كنت لسي في 3 اعدادي و كنت خايف و فضلت ادعي قبل الامتحانات فاكر اني كنت بدعي بدرجه معينا و قلت او علي الاقل 185 تقريبا كدا مش فاكر كويس و مش عارف ليه قلت الدرجه دي تحديدا و الغريب انو حرفيا بعد الامتحانات جبت نفس الدرجه بضبط مش زايد ولا ناقص هي بضبط بصراحه مع انه

Pistachio_56798 🇪🇬 اتعود متدعيش بحاجة بعينها و سيب ربنا يفاجئك بكرمه انا دعيت اجيب 99٪ على اساس يخرجني برا التنسيق و ادخل طب القاهرة و الحمدلله جبت 99.8 ٪ لأني لو كنت جبت الرقم اللي دعيت بي مكنتش هبقى من الاوائل ولا كنت هخرج برا التنسيق من وقتها انا مبدعيش ب حاجة ب عينها و واثف ف كرم ربنا

عرض الكل 1 نصيحة