توتر من الصوت العالي

Carrot_86430 🇪🇬

منذ يومين

شعور متوتر

Orange_85755 🇪🇬 مفيش مشكلة تروح لثيرابيست حتي يفهمك ايه الدنيا

عرض الكل 5 نصيحة

عبّر عن شعورك بشكل مجهول

مساء الخير
الحقيقة مش عارف ابدا مشكلتي منين ولكني شخص بتوتر جدا خصوصا من الناس وان اي حد يعلي صوته عليا او حتي يكلمني بلهجة صوت عاديه ولكن ميكونش عندي رد
انا ٢٥ سنه وابتديت شغلي في كول سنتر وكنت بتوتر جدا اول ما العميل يرد علي المكالمة وصوتي يبدا يتهز وافكاري تتشتت ، كان جمبي شخص بيساعد الناس الجديدة في المكلمات وانا كنت من الناس الجديدة ولما عميل سالني علي حاجة مكنتش اعرف اجابتها كنت بحطه علي الانتظار عشان اسال الشخص الي جمبي ، سالت الشخص الي جمبي وقالي اقول ايه بظبط ولكن لسبب ما الي قالهولي مقولتهوش للعميل بشكل صح والشخص الي بيساعدني ده علي صوته في المكان كله واتنرفز وانا كنت في قمة الاحراج وكانت دموعي علي خدي مسكتها بالعافية ، ليه اسمح لشخص مهما كان انه يعلي صوته عليا حتي لو كان مين .
بعدها اشتغلت في مجال البنوك وكنت في الفروع ولكن برده كان عندي موضوع التوتر شديد اما حد يسالني علي حاجة برد بسرعه وبرد بحاجات ممكن متكونش ليها علاقه بالسؤال ولو شخص او عميل زعق وعلي صوته ممكن اتوتر وصوتي يبان انه متوتر
سبت مجال البنوك وحاليا شغال مع اخويا في بيزنس خاص بينا وهو فاهم اكتر مني بكتير وانا لسه بتعلم ولما اجي اسال علي حاجة يحصل نفس الكلام يعلي صوته وده بيخليني مش عارف اوصل لنقطه تفاهم ومبقتش طايق اني اشتغل معاه وهو بيكون في معظم الحالات كلامه صح ولكن بيوصل كلامه عن طريق الزعيق والصوت العالي
انا حاسس ان عندي رهاب اجتماعي ولكن مش عارف الحل اني اروح لثيرابيست ولا ايه ؟ 
اسف علي الاطاله واتمني لو حد عنده حلول

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Popcorn_68662 🇪🇬

فوق ال٣٠ و بحب الجنان وبكبر دماغي

هو عيب اني اكون فوق ال ٣٠ و أبقي راجل ناضج بس في نفس الوقت بحب الجنان و ممكن ابقي بنزل بسني وعقلي للجيل اللي اصغر مني يعني عندي ولاد اخواتي في أول العشرينات اني اكون معاهم معظم الوقت و بتعامل اني صاحبهم مش خالو الصغير . بس في نفس الوقت أنا الحمد لله ناضج و عقلي كبير و كمان عشان يعتبر أنا عايش لوحدي من سنين و مريت بحاجات كتير وبقيت بحاول اكبر دماغي من الحوارات و المشاكل و بكبر دماغي طالما الحوار ميخصنش ولا تعب حد يخصني ده مش معني اني عيل صغير ولا اني عديت ،٣٠ يعني انا خلاص بقيت عجوز و كبرت . اي مشكله أبقي فوق ال ٣٠ و احب السفر و التنطيط و أبقي بحاول اتخطي حورات وناس كنت عايش فيها بقالي ٧ سنين ...عرض المزيد

5 الدعم

18 نصيحة

Strawberry_11964 🇪🇬

صباحي مع العيلة وخطة السفر لمصر

عايزه أصحى من النوم ألاقيني مجوزه عيالي وبصحى أعمل ٣ مكالمات واحده للعيال أتطمن عليهم وعلى أحفادي والتانيه بعمل مكالمة شغل عشان أتابع البيزنس بتاعي والتالته لماما واخواتي، وبعد كده أقعد أنا وجوزي نشرب كوباية الشاي في البلكونه بعد الفطار وإحنا بنتناقش هننزل مصر السنه دي ولا نستنى وننزل على فرح حفيدي الكبير إن شاء الله عُقبال عيالكوا وبس علي كدا 🤩🦆 ...عرض المزيد

4 الدعم

17 نصيحة

Coffee_85432 🇪🇬

بابا زعلان مني عشان روحت مقابلة شغل

انا سبق وقلت اتي خريجة تربية بيولوجي وبعمل دراسات عليا ودي حاجة انا حباها بس برضو عايزة اشتغل جمب الدراسة ورحت انهارده مقابلة لشغل مساعدة لطبيب أسنان في عيادة كويسة اهو شغلانة كويسة لحد ملاقي مكان في مدرسة انا بحب اخرج واشتغل واتحرك واروح واجي واتعامل بعد المقابلة عرفت اهلي اتي رحت بابا زعل مني جدا وقالي انه غضبان عليا ليوم الدين وحلف عليا اني مروحش وطول اليوم زعلان وقافل على نفسه الاوضة بيقول عايزني اركز في الماجستير طب منا نفسي اشتغل جمب عادي يقولي لا انتي عند محاضرات كل يوم والحضور مهم اعمل اي😔😔😔 ...عرض المزيد

0 الدعم

17 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع