تنمر الاسرة

Croissant_66460 🇪🇬

منذ 4 أسابيع

شعور ضائع

Coconut_64383 🇴🇲 اهتمي ب شكلك ولبسك و بشرتك وشعرك والألوان اللي تلبسيها وحبي نفسك هيشوفوكي حلوة واحلى كمان مما انتي شايفة شكلك

عرض الكل 12 نصيحة

عبّر عن شعورك بشكل مجهول

اتكلمت قبل كده عن اني مش عارفه احب نفسي واتقبل ذاتي زي ما انا 
ميرسي جدا لكل نصايحكم ممتنه لكل حد كتبلي نصيحه 
حابة اقولكم حاجه يمكن هي سبب اني بحس اني مش بحب نفسي 
وانا صغيرة كنت دايمًا بتعرض للتنمر من اهلي اولا واقرب حد ليا المفروض انا كنت مابين اخواتي الوحيده اللي بشرتي خمرية مش شبههم هما كانوا بشرتهم بيضه وشكلهم كده يعني المهم 
ماما لما كانت تتخانق معايا تشتمني وتقولي ياعبdه والله زي مابقولكم كده مع اني مكنتش سمرا اوي يعني وانا كنت بحب شكلي والله بس انا مكنتش اللي هو عبdه يعني 😂
بس كانت دايمًا لما تخانقني تقولهالي، مع الوقت بدأ حتى اخواتي يقولوها ليا الكلمه دي لما نيجي نتخانق سوا 
بقيت بحس طب انا ليه يارب مش شبه اخواتي ليه انا مش جميله ( اه بالظبط انا دماغي سستمت الجمال على انه للبشره البيضه بس بما انهم مش بيتشتموا بشكلهم)  المهم يعني مع الوقت برضو تعرضت للتنمر في المدرسه بس مش علشان شكلي كان دايما لأني انطوائيه ومش بكلم حد (يمكن علشان كنت بحسني مش جميله؟ مش عارفه) ومكانش عندي صحاب
ما علينا 
لما كبرت بدأت بشرتي عادي تبقى طبيعيه شبه لون معظم المصريين ومع الاهتمام شكلي بقا حلو وزي اخواتي عادي مفرقتش المهم بقا انا مش حاسه اني جميله وده بتأثير من طفولتي بتأثير من لما كنت بتعرض للتنمر من اهلي 
والحمدلله اهلي بطلوا يعايروني بشكلي بس انا لسه فاكره كل كلامهم اللي اتقال ولسه محفور فدماغي مش بنساه 
انا حبيت احكيلكم بما اني معنديش فرصه اروح لثيرابيست اعذروني على الاطاله 😂♥

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chocolate_65230 🇪🇬

أحب نفسك ومتعلقش بحد، انسى اللي بيتجاهلك

صدقني مفيش احسن من انك تحب نفسك فكره انك دايما تبين احتياجك للناس ده ضعف فكره انك تقول انا بحب انسان و مقدرش اعيش من غيره ولو راح عني انا هضيع ده وهم القوه الحقيقية انك تكون قادر تعيش لوحدك متعتدمش علي حد غير نفسك متحبش غير اللي يحبك ويعاملك معامله تليق بيك وبمقامك لكن حد يتجاهلك تجاهله انته كمان واشطبه تماما من قاموس حياتك و انساه اللي يقولك بحبك و افعاله عكس كلامه محبكش اللي قادر يكون اونلاين و مبيبعتش ليك رساله مبيحبكش اللي وعدك بالحب و تحس انه مختفي عنك دايما بحجه الانشغال ده محبكش مع احترامي للانشغال مفيش انسان بيفضل مشغول اربعه وعشرين ساعة هو قادر يديك دقيقه من وقته يكلمك او يرد عليك لكن مش عايز ف متعلقش نفسك بحد ولا توهم نفسك ان الشخص ده مفيش زيه لا في زيه كتير واحسن منه لكن انته لما تحب نفسك هتجذب لنفسك الاشخاص اللي يحبوك ...عرض المزيد

2 الدعم

2 نصيحة

Blueberry_73521 🇪🇬

ليه بينسحبوا منّي لما بادي اهتمام؟

انا والله بحاول مفكرش بسلبية و عارفة ان كله نصيب وبكون في حالي و قافلة على نفسي و بييجي الناس هي اللي تتعرف عليا و تعشمني و تحاول معايا ولما ابدأ ادي اهتمام تنسحب فجأة و يسيبوني اسأل نفسي الغلط في ايه المرة دي؟ انا عملت ايه؟ اكيد انا فيا حاجة غلط.. ...عرض المزيد

1 الدعم

4 نصيحة

Blueberry_73521 🇪🇬

مش عارفة المشكلة فيا وانا مش مكتوبلي الفرح

مش عارفة اقول ايه ومش عارفة اقول الكلام ده فين بس انا حاولت في كل الاتجاهات حاولت في كل الحاجات ..كل ما اقول الدنيا هتضحكلي و يمكن يحصل خير الاقيها قفلت في وشي تاني..انا مش عارفة المشكلة فيا وانا فعلاً مش مكتوبلي الفرح.. ...عرض المزيد

2 الدعم

5 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع