تنازل

French Fries_26228 🇪🇬

منذ شهر واحد

شعور خجول

مفيش علاقة بتعيش على مبدأ "انا كده" ولا قانون "يتغير هو مش انا" العلاقات اللي بتكمل هي اللي فيها ناس بتكسر كبريائها شوية علشان تعرف تكمل المشوار،اللي بيحب وشاري بجد بيعرف يتنازل من غير ما يحس انه خسر،وبيعمل حلول وسط ،مش لانه ضعيف لكن لأنه فاهم ان محدش بيكسب لو العلاقة نفسها خسرت الحب مش صراع مين يغل

Strawberry_53517 🇪🇬

منذ شهر واحد

شعور مرهق

موضوع:

امتي حسيتي انك مظلومه في الدنيا و في المجتمع لمجرد انك بنت؟!

عبّر عن شعورك بشكل مجهول

انا طول عمري شايفة ان البنت تقدر تحقق اللي الولد يحققه وتسعي وتوصل وتبقي حاجه وعمري م آمنت ب الاختلاف بين الرجل والمرأه وشغل الست آخرها المطبخ والعبط دا
بدليل ان الست الناجحه موجوده فكل مجال دكتوره مهندسه مبرمجه مصممه مش بس مطبخ، لدرجة اني بتعصب جدا لما حد بيقول الكلمه دي حتي لو هزار، لما يجي حد فاشل غير نافع ويقول كلمه زي دي وانا اصلا مش شايفه فاد نفسه ولا مجتمعه بحاجه ولا حتي غيره .
حسيت اني مظلومة لما شفت خطيبي عنده نفس الأفكار مترسخه ف عقله ان البنت ملهاش اي لازمه واخرها المطبخ 
برغم اني عندي عقلية مبدعة و بحب افكر ف امور وجوديه وبدخل ف اي نقاش لان عندي ثقافه والناس بتنبهر لما بتلاقيني فاهمه حاجات كتير ناس ف سني لا تفقه عنها شيء، وانا مش بمشي ورا القطيع احب اتأكد من كل حاجه مبخدش العلم انه امور مسلمه ، عندي عقليه مجادله ومشككه ف كل حاجه لحد م اقدر اتوصل لصحتها، بؤمن بنفسي وبثق ف نفسي ان دي نعمة من ربنا 
بس ملقتش الانسان اللي يشجعني ويدعمني ويشوفني سعيده بنجاحي او بشغلي لانه رافض فكرة الشغل للبنت، من بعد م خلصت جامعه وانا قاعده مشتغلتش عشان دايما كنت بتنازل عن حاجات كتير عشان علاقتنا تمشي حتي لو كانت أحلامي، مع العلم شغفي للشغل من من باب احتياجي للمال ، بالعكس حبه اني اشفني مشؤوله واقدر احقق ذاتي واشفني شخص يقدر يعتمد عليه واشيل نفسي بنفسي، هو شايف ان مينفعش البنت تتعرض للشارع ولا تتعامل مع الناس وهتشوف اشكال مينفعش تشوفها ودا خوف، بس انا عارفه كويس انه محرد تحكم ورفض للفكره من غير م يفكر فيها، زي امور كتيره بيرفضها من غير م يفكر .
هنا حسيت اني ظلمت نفسي باختياري واني لسه مكمله، وخصوصا الاول كان عندي امل انه يتغير عشان علاقتنا تكمل بس مع مرور الوقت بتأكد انه مش فارق معاه يتغير ولا عشان اي حاجه حتي واكتشفت ان محاولاتي لوحدي عبث واستنزفت طاقاتي ع الأرض

Apple_52997 🇪🇬

منذ شهر واحد

شعور وحيد

موضوع:

عمرك حسيت ان مشاعرك خلصت؟

اه حسيت اخر مرة وللاسف ندمت ان مشاعري خلصت متاخر كنت اتمني تخلص من اول سنة لان العلاقه استنزفتني جداا علي مدار ٥ سنين والخمس سنين دول خدو مني كمية هلك مش طبيعية اتنزلت عن حاجات كتيرة اوووي كانت حقي عيشت ايام سودة وبقيت دايما اراضي واطبط واتحمل وعمري ما اترضيت ولو مرة وحدة غير بقي كمية الاهانات في ال

Biscuit_17258 🇺🇸

منذ 5 أشهر

شعور ضائع

قاعده بفكر كده مع نفسي لقيت ان تقريبا معظم الأذي الي اتعرضتله في حياتي كان من ناس صعبت عليا كان من ناس خفت عليهم من الإحساس بالألم او الفقد بسببي فسامحتهم علي حاجات محدش يتسامح عليها او وثقت فيهم بعد خيانه او حتي اديتهم حاجات مش من حقهم او نزلت من قدري وكنت جنب ناس حياتهم أصلا ماشيه غلط او عندهم مشا

Biscuit_38885 🇪🇬

منذ 7 أشهر

شعور ضائع

عبّر عن شعورك بشكل مجهول

مش عارفه ارتب كلامي أو أبدأه ازاي لأني في حاله نفسيه سيئه جدا  بس بالله عليكم اقرو مشكلتي وحد يقولي حل لو مر بنفس التجربه
انا كنت منفصله ومعايا طفلين وحياتي الحمد لله كانت مستقره بعد الانفصال لأن أبو ولادي راجل محترم لكن وصلنا للطلاق عشان منعيش ولادنا في خلافات مبقاش ليها حل ولما انفصلنا ساب لينا الشقه وكان بيدفع ايجارها ومكنتش شايله هم حاجه غير اني بشتغل بس عشان اصرف علي نفسي وأرفه عن ولادي .. 
بعد ما عدي سنين علي الانفصال بقيت حاسه بصعوبه الدنيا والمسؤوليات والوحده واني مليش حد وطول الوقت بحافظ علي نفسي لله ولولادي من أي حاجه وحشه ممكن تتعرض عليا وسط مجتمع صعب زي اللي عايشين فيه وده الحمد لله لإني أزهريه وحافظه كتاب الله وطول عمري بفضل ربنا ورحمته معملتش حاجه غلط 
اتقدملي ناس كتير كنت برفض عشان ولادي مأثرش عليهم نفسيا لكن كل حاجه حواليا كانت بتزيد صعوبه خصوصا اني معنديش حاجه اتسند عليها 
لحد وقت  بمحض الصدفه عملت حادث ولقيت شخص بيحاول يساعدني ومن هنا بدأت معرفتنا ببعض
اتقابلنا مرات قليله عرفني فيها انه معجب بشخصيتي اللي كان بيدور عليها من زمان وشرحلي ظروف حياته  وانه متزوج لكن حياته صعبه جدا معاها  وانه عنده مشكله معاه انها دايما بتطعن في رجولته وبتهينه ومبتحترموش عشان كده عايز يعمل لنفسه حياه يلاقي فيها الود والرحمه والحب اللي مش عايشهم عشان ميلجأش للغلط ومش عارف يطلقها عشان ولاده صعبين ومحدش هيستحملهم 
في الوقت ده انا تعرضت لكذا ازمه في حياتي هو الشخص الوحيد اللي وقف جمبي فيهم وعرض عليا الزواج ..استخرت ربنا وقولت يمكن يكون ده عوض ربنا ليا وفي نفس الوقت نمط حياتنا هيكون مناسب لولادي عشان مش طول الوقت هيكون موجود .. ومع ان ده كان ضد مبدأي اني اكون زوجه تانيه خصوصا ان سني ٣٠ سنه وهو ٤٢ سنه والحمد لله يقال اني علي قدر من الجمال الظاهري والداخلي .. لكن كل أفعاله كانت بتقول ان محتاجه السند ده والحنان ده عشان كده وافقت بعد ما معارضه اهلي ان استاهل وضع احسن من كده لكن انا كنت عايزه الوضع الأنسب ليا ولولادي وفي نفس الوقت اعصم نفسي من الفتن 
اتجوزته ومقصرتش معاه في شئ وشاف علي ايدي السعاده اللي عمره ما شافها وانا كمان حبيته ومقصرش معايا للأمانه وأخيرا حسيت بالاستقرار ومن حبي فيه كنت بحافظ علي حياته اكتر منه
كان دايما بيحكيلي عن الأولي ومدي اجرامها وكره اللي حواليها ليها وكنت دايما اهديه من ناحيتها وافتكره بيبالغ عشان يبرر لنفسه الجواز الثاني 
لحد ما عدي وقت والاولي عرفت وحصلي اللي مكنش يخطر علي بال وللأسف في توقيت هو مسافر فيه شغله بره مصر 
جاتلي البيت هي وبنته الكبيره وكتفوني وتعرضت لكل انواع التعذيب اللي تؤدي للقتل لمده ساعات طويله من ضرب علي الرأس بحاجات حاده وتقطيع شعري وطلوعه بالدم من فروه رأسي وتخليع ضوافري كلها وتكسير الشقه عليا عشان اموت وطبعا اول حاجه عملوها كسرو تليفوني علي راسي لحد ما فقدت الوعي عشان مقدرش استغيث بحد 
وبعد ساعات من التعذيب واحساسي ان روحي هتطلع ربنا بعتلي اختي اللي قلقت من قفل تليفوني وده مش معتاد فجت وجابت والدتي يطمنو عليا واول ما وصلو الدور سمعو اصوات الضرب والصريخ قعدو يستنجدو بالناس لحد ما الناس اتلمت وحاولو يفتحو الباب لكنه كان مصفح الناس كانت بتترجاها تفتح وهي قالتهم مش هتطلع حيه طبعا الضرب زاد والناس اتفقت ان الباب مهما خد وقت لازم يتكسر لإنقاذي من الموت 
بلغو النجده وبدأو يكسرو الباب لحد ما دخلو لقوني متكتفه مفيش فيا حته سليمه لدرجه ان الناس انهارو من شكلي وكانو مسجلين ومصورين كل حاجه عشان لما النجده تيجي ميكنش في مجال وأنهم لازم يتحاسبو وطبعا تمادت وطعنت في رجولته بشكل صعب زي ما كان بيوصفلي حتي قدام الناس 
جت النجده ورحنا كلنا علي القسم وزوجي بعت اهله علي القسم وكانت حالتي صعبه ولا يمكن وصفها 
اتفاجأت انه بيطلب مني ومن اخويا التنازل عشان بنته مش عشانها عشان دي قضيه كبيره طبعا اهلي رفضو اني اتنازل لأنهم مكنوش مستوعبين اللي شايفينه فيا 
قعدت يكلمني فيديو علي تليفون والدتي وانا مكنتش قادره اتكلم ويترجاني ان اتنازل واعمله خاطر عشان بنته واخواته الكبار كمان قعدو يترجوني اتنازل قصاد وعده ووعودهم ليا ولاهلي انه هيرجع يطلقها ويجبلي حقي 
دخلت للظابط اللي حاول ياخد مني اي أقوال لكن كنت في حاله سيئه فكتب تحويل لإجراء تقرير طبي وحصر الاصابات اللي فيا عشان الموضوع يتحول للنيابة وطبعا كده كانت هي وبنته هيتحبسو لان الاصابات كتير وفي فيديو وشهود والموضوع كبير
عملتله خاطر لأنه كان يستاهل ده وكنت بحبه وبحترم كلمته وحسيت ان قلبه هيتوجع علي بنته وبرغم اللي فيا كبرتله هو وأهله وقولت للظابط هتنازل والظابط مكنش مصدق وقالي ازاي انتي كنتي هتموتي ده شروع في قتل! قولتله راجلي هيجي وهيجبلي حقي ...
قعدت ايام كتير مبنمش الا بمسكنات شديده ممنوعه من شده الآلام اللي فيا لكن كنت بهون علي نفسي انه يستاهل استحمل عشانه وان الشخصيه اللي شفتها فعلا مجرمه ومكروهه من الناس وانه مكنش بيبالغ في ده 
وقررت اتحمل عشانه لأنه يستاهل التضحيه لحد ما رجع وفعلا كان جمبي ومتخلاش عني واجرلي شقه وفرشها من تاني 
لكن لقيته خايف علي ولاده منها لو طلقها وفي نفس الوقت شايل هم وعده ليا قصاد تنازلي 
طمنته وقولتله انا مش هتخلي عنك متجهدش نفسك في التفكير وتشيل عن وعدك خلي وضعك زي ما انت اكراما ليك ولادك يكرمو عشان خاطرك 
بقو اهله يكلموني ويشكروني ويوصفولي قد ايه حياته معاه صعبه وأنهم بيخافو عليه منها وان أبوه مات وهو شايل همه خوفا منها عليه ومش شايل هم اخواته البنات
عدي ٤ شهور بعد الواقعه دي وحياتنا زي الفل وباجي علي نفسي لأقصى درجه عشانه وعشان ولاده لدرجه انها في فتره رمت عيالها ومشيت انا اللي خدتهم وشيلتهم وقولته اهتم بشغلك وحياتك ومتشلش هم وكنت بعرفه انها كده كده هترجع لأنها طول الوقت بتتعامل معاه كأنه بنك وفعلا رجعت عشان الفلوس 
لكن حصل اللي مكنتش حطاله حساب لقيته بدأ ينسحب من حياتي ويقلل وجوده وكلامه لحد ما بأسلوبي اللين معاه قعدت وقولته طب لو عايز تطلقني قولي  المهم تكون سعيد قالي مقدرش استغني عنك انا ما صدقت ارتحت معاكي ولاقيت حد يقدرني ويحترمني بس خايف منها 
قالي انا بفكر افهمهم اننا انفصلنا ونكتب عرفي لكن حياتنا قدام اهلك والناس زي ما احنا 
قولتله لا انا مش هقلل من نفسي انا شفت الموت وجيت ع نفسي واهلي وولادي واتنازلت عشان خاطرك لكن بعد اللي حصلي عايز تروح تقولها انك رمتني عشان خايف منها؟؟
قالي خلاص ودي هواجس في دماغي وبفكر معاكي بصوت عالي لكن حسيت بضعفه وقتها 
للأسف البعد بدأ يزيد وبقي سايبني بتحرق نفسيا ومبقتش بنام الا 
بمنومات وللأسف تعرضت لجلطه قعدت فيها شهر مبتكلمش لساني تقيل جدا لما شافني كده قعد يطمني انه كان غلطان وهيرجع من السفر يصلح كل اللخبطه اللي حصلت دي واني مستاهلش كده منه 
لحد ما رجع بالمفجأه اللي مجهزهالي قالي انا مش هقدر اعيش معاكي عشان هي بتقلب عيالي عليا وانا خايف من تصرفاتها لو عايزه تكون في حياتي وعلي ذمتي بس نتعامل معامله العشيقه ياريت لاني بحبك ومش عايز اسيبك ولو مش عايزه شوفي اللي عيزاه وانا معاكي 
حسيت وقتها ان قلبي اتفرتك وبينزف قولتله انت عارف ان سيبت اهلي وشغلي وحياتي وقولت اني استقريت فأنا يا اقبل وضع رخيص مستهلوش بسبب ظروفي يا أرفض واشتري كرامتي وامشي وانا حياتي ملهاش ملامح .. ! قالي انا معنديش حل تاني
 سابني وانا منهاره ومشي ورجع لحياته واستقراره وساب وراه بني آدم قلبه بينزف ومش قادر ينطق لأنه دي عواقب اختياره 
بدعي ربنا قلبي يقف من كم الالم اللي فيه مش عارفه استوعب النداله والجبن اللي شفتهم في عينه وكلامه 
عندي قهره من كلمه مطلقه للمره التانيه 
مش عارفه ارفع عيني في اهلي وولادي 
حاسه بحرقه يارب ما حد يحس بيها غيره هو 
خايفه من اللي جاي معنديش اي سند في حياتي ولا بيت ومش عارفه اعمل ايه 
بالله عليكم حد يهون عليا ويديني حل 
المنومات والمهدئات بتاكل روحي ومبقتش جايبه نتيجه 
حد يطمني ويقولي ان ربنا هيجبلي حقي انا حاسه ان هموت ..

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_28429 🇹🇷

منذ 8 أشهر

شعور مكسور القلب

Ice Cream_39488 🇪🇬 ماينفعش تتجوزي واحد مش مطمنك عشان هو هيفضل كده حتى بيقولك لما نتجوز مش هتمسكي موبايلي مهما كنتي متعلقة بيه فيه اشارات تخليكي لازم تاخدي موقف عشان لو ماتعدلش تبعدي عنه عشان مش هيريحك بعدين و حتى لو بيهتم جدًا فا هو ضامنك من كل الاتجاهات انتِ بتسمعي الكلام ايميلاتك معاه و متطمن وانتِ مش مهم و اصلًا ده مجال للشك ان كان فاتحلك حاجته و بعدين بطل فجأة يعني ماكنش مانع من البداية و ده نبدأه لازم تعترضي

عرض الكل 23 نصيحة

عبّر عن شعورك بشكل مجهول

أنا عندي مشكلة محتاجة أستشير حد أو آخود نصيحة من حد لأني بجد تعبانة نفسياً لكن معنديش حد أستشيره 
أنا خطيبي مسافر هو في دولة أوروبية و أنا في دولة تانية خالص لكن قبل ما هو يسافر كان عندنا أساسيات بينا متفقين عليها مثلاً كنا مشاركين مواقعنا على موبايلات بعض و مثلاً إذا أنا طلبت منه يشاركني الشاشة في أي وقت كان بيشاركني حتى هو قالي في أي وقت عايزاني أشاركك الشاشة مكنش عنده أي مانع عارفة إنه حاجة غلط ولازم كل حد فينا يكون عنده خصوصيته لكن كل حاجة بينا كانت بالتراضي و مكنش في أي مشاكل ولا إعتراض من الطرفين 
في اليوم اللي هو كان مسافر فيه و كنا بنودع بعض وعدني إنه مهما حصل مواقعنا مش هنلغيها من عند بعض عشان أكون مطمنة و ميدخلش أي شك بقلبي و في أي وقت عادي يشاركني الشاشة عنده عشان بس أكون مطمنة كان مستعد يعمل أي حاجة حرفياً عشان بس يطمني 
لكن بعد ما سافر و لما شفت كذا حاجة لما كان بيشاركني الشاشة معجبتنيش و زعلت بسببها هي حاجات موصلتش لخيانة حقيقية لكن كان حاجات تخليني بردو أشك فبعدها بفترة بعد ما شوفت عليه كذا حاجة قالي أنا أخدت قرار إني هلغي موقعي و مش هشاركك الشاشة مرة تانية و لما تتصلي عليا في أي وقت و قفلت في وشك معناها إني مشغول لكن أنا ملغيش موقعي و لما يقولي شاركيني الشاشة لازم أشاركه و أرد عليه في نفس اللحظة 
موافقتش في الأول على حاجة زي كدة لكن عشان بحبه و خايفة أخسره رجعت موقعي و في أي وقت بيقولي شاركيني الشاشة بشاركه و برد عليه في نفس اللحظة لكن هو مش عايز يشاركني موقعه ولا أي حاجة لدرجة إني لما طلب الواتس بتاعي إدتهوله و الإيميل و حساباتي و كل حاجة 
لكن هو كل كلامه بيخليني أشك فيه و كل حاجة مع إنه كليوم بيخليه معايا في المكالمة حرفياً بالساعات و دة في البداية كان بيخليني واثقة فيه لكن بدأ كلامه يخليني أشك فيه بيقولي لما نتزوج و نكون مع بعض هتشكي فيا أكتر عشان موبايلي ممنوع تفتحيه 
أنا معنديش مشكلة إن كل حد فينا يكون عنده خصوصيته لكن ميكونش هو عايز ياخود كل حاجة و مش عايز يتنازل عشاني حتى بحاجة بسيطة أنا حرفياً إديته كل حاجة تخصني عشان يكون مطمن لكن هو مش راضي يطمني ولا التزم بوعده اللي وعدنا بعض بيه قبل ما يسافر أنا التزمت بكل وعد أنا مش عايزة أخسره لأني بحبه لكن في نفس الوقت مش عايزة أحس إني أنا لوحدي اللي بتنازل عشان مخسرهوش 
هو شخص الصراحة بيهتم بيا جداً جداً لكن في نفس الوقت عنده كلام و حركات بتخليني أشك فيه

آسفة طولت في الكلام و مش عارفة إذا وصلت كل حاجة بطريقة مفهومة ولا لأ

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.