تمسك

Donut_77581 🇪🇬

منذ 8 ساعات

شعور عاطفي

حاجات هتفرق مع اي حد التمسك بالدين: يجب التمسك بمنهج الله وقيمه ومبادئه لتحقيق رضا الله. التوبة والاستغفار: الاستغفار والتوبة الندم على ما فات والعزم على ترك المعاصي من الأمور المهمة. التفكر في الله: من أهم ما يجلب السعادة هو القرب من الله، وذلك بالنظر في أسمائه الحسنى وصفاته وتدبر القرآن الكريم.

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Mushroom_74773 🇪🇬

منذ شهر واحد

شعور محبط

موضوع:

اكتر خوف مأثر عليك في حياتك

الخوف انه بعد كل العذاب اللي شوفته في الدنيا ما ادخلش الجنة بقى صعب اني اتحمل اكثر من كدا وبحس ساعات كثير اني على وشك الانهيار هوصل في لحظة يا اقتل حد يا اقتل نفسي وبحاول بكل الطرق اتماسك واكمل مابحبش اشوف نفسي ضعيفة

Avocado_73226 🇪🇬

منذ شهر واحد

شعور عاطفي

Chilli_59055 🇪🇬 في حاجه مش مظبوطه ف القصه دي هو تصرفات الولد غريبه بس الباين انو بيحبك غالباً هو جايز مكنش حاسب الظروف الماديه صح و لقي الموضوع اصعب من الكان متوقعو او جايز في حد تاني ف حياتو بس مش ثابت ف بيحاول يوازن بينكو انتو الاتنين يعني لا يخسرك و لا يخسرها او جايز برضو لما اتعامل معاكي محبش شخصيتك و طريقتك و حس انو اتسرع ده يعني اجزاء من تحليلي لان الموضوع ده لازم تفاصيل اكتر

عرض الكل 7 نصيحة

عبّر عن شعورك بشكل مجهول

اول مره افتح الابلكيشن ده بس نفسي حد يسمعني من غير ما يكون عارفني 
بأختصار انا بنت اتولدت ف بيت في أم نرجسيه والحمدلله قدرت اطلع منه اول مااتخرجت بس نفسيا عمري ماكنت كويسه بس ظروفي الماديه بقت كويسه جدا الحمد لله وعندي ثقه ف نفسي بدرجه كبيره اوي وشخصيتي قويه بس عمري ماكنت بثق ف حد كان عندي صاحب من زمان اوي حاول كتير يرتبط بيا بس مكنتش متقبلاه بعدين قررت اديله فرصه من سنتين هو مكانش مصدق نفسه وحرفيا كان مغرقني حب واهتمام ودائما بيحاول يثبتلي أنه هيعوضني عن كل حاجه وقعد يزن عليا يتقدملي وكلم اهلي عشان نتخطب بعدها قعد يماطل ف الخطوبه 6 شهور رغم اني ماطلبتش منه يتقدملي اصلا قعد يقول شويه بابا مش موافق شويه عندي مشاكل ف الشغل بس بصراحه مكانش بيستحمل زعلي لحد ما قررت اسيبه ساعتها تمم الخطوبه بس بقي عندي احساس اني أجبرته عليها لما سيبته اتنازلت تنازلات ماديه كتير جدا وهو كان دائما يزود ف اني أتنازل فقررت ف مره مااتنازلش عشان حاجه عبيطه جدا لقيت منه أنه سابني ف اكتر فتره حصلي فيها مشاكل وكنت متدمره نفسيا ولاول مره ف حياتي اقول لحد ماتسيبنيش بس سابني رجع بعدها باسبوعين يتأسف كتير وافقت ورجعتله بس قعد يحطلي شروط عشان رجوع رسمي فضلت معاه شويه وبعدين قررت اني اسيبه من غير مشاكل حسيت أنه مش جاد ف علاقته بيا ومش بيحبني بس حابب وجودي قعد شهر وكنت خلاص قربت اتخطاه رجع تاني يتحايل وعايز يرضيني بأي طريقه رجعتله قعدت شهرين كنت يوم ابقي كويسه والباقي اعاتبه عاللي عمله معايا بصراحه كان بيحاول يصالحني كتير وكان بيقول هيعمل ويعمل بس مكانش فيه فعل قررت اسيبه تاني راح وافق حاولت اصالحه واعتذرله وتفهمه اني كان جوايا مشاعر غضب كبيره بس قالي ماتحاوليش الموضوع اتقفل 
نفسي افهم لو مش بيحبني ليه كان متمسك بيا 
وليه رجع طالما مش عايز يكمل

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_69067 🇪🇬

منذ شهرين

شعور عاطفي

عبّر عن شعورك بشكل مجهول

وانا طفلة وعدت نفسي انى مش هقبل اكون إلا في مكانى الى لايق عليا،  تفكير كبير على طفلة متفهمش يعنى ايه مشاعر بس القصة كانت انى معرفتش اختار تفاصيل كتير في حياتى ودى كانت التفصيلة الوحيدة الى اقدر انى اختارها واشكلها بشكل يرضيني
احب اقول للطفلة الصغيرة انى لسه على العهد 🩷 
انى  هتحب من قلب قاصدنى وفخور ان انا في حياته، هتحب بكل المعاني بالكلام والفعل والاحتواء والبذل، وأستشعر فكرة  انى مسنودة من راجل عارف دورة وحابب  وراضي ومبسوط وعايز يكون مسؤل عنى بكل كيانه، إنى اشوف  في نظرته إمتنان  لوجودى واني بالظبط على قد احلامه حابب وجودي وملامحي وكلامى وشخصيتي، حابب يفرحنى ويطمنى ويكون مصدر الأمان ليا بعد الله، ميسبنيش لدماغي ولا لخوفي، يطمنى طول الوقت من غير ما يزهق ولا يمل، يكون مرايتي الى بشوف فيها نفسي في احسن حالاتي، انا مش هكون مجرد فصل في قصة طويلة، هكون انا القصة والاحداث والتفاصيل الى هو بيتمنى يعيشهم، هكون انا البيت الي هو مضلل عليه،  وفي قصتى هو راجل بكل المعاني الى ربنا خلق بيها الراجل الطبيعي وإنى هكون بنوتة ملوثتهاش الحياة ولا غيرت طبيعتها، مش هتنازل  اكون راضية ومرتاحة ومتطمنة بإختياري وواثقة اني مش هندم،  مش هتسرع مهما الوقت طال،  مش هضيع عمر طويل عشان اختيار غلط لمجرد انى أرضي الى حوليا و بفرح ساعتين يضيع قصادة حلمى وعمرى و مستقبلي 
عايزة اقول للبنوتة الصغيرة أطمنى مش هتنازل عن انك تتحبي حب كبير زي ما كنتى بتتمنى 🩷🕊

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_68798 🇪🇬

منذ شهرين

شعور مرهق

قولولى اعمل اى تعبت من التفكير انا اديلى ٥ سنين بدى دروس والسنة اللى فاتت كنت ف مدرستين مع الدروس وتعبت ومكانش فى وقت لنفسى انا ٢٧ سنة وحاسه ان كل حياتى بقيت المدرسة والدروس وصلت لقرار ان اوقف الدروس بس لقيتهم بيكلمونى كل شويه وعايزينى ارجع والطلاب متمسكين بيا وبيعيطوا مش عارفه اعمل اى انا بحبهم ب

Apple_68133 🇪🇬 الشغل لما يزيد عن طاقتك بيفقدك شغفك، وده ظلم لنفسك وللي حواليكي حبك للطلاب جميل، بس .. حبك ليهم مش معناه إنك تضغطي على نفسك علشان ترضيهم. ومش لازم تكملي بنفس الشكل، ممكن تقللي عدد الحصص، أو تعملي جدول أريح الخوف من التغيير بيخلينا نحس بالذنب حتى لو إحنا اللي محتاجين نرتاح. اسألي نفسك: “هل هستحمل سنة كمان بالشكل ده؟ ولا محتاجة أعمل وقفة مع نفسي؟ وفي النهايه إنتي بني آدمة مش سوبر هيرو

عرض الكل 2 نصيحة

Apple_68133 🇪🇬

منذ شهرين

شعور متعب

لما بتحس إنك على وشك تضعف وتبعت رسالة لحد المفروض إنك نسيت وجوده بتعمل إيه؟ يعني إيه أول حاجة بتفكر فيها علشان تمسك نفسك؟ ولا بتضعف؟ ولو ضعفت ، إزاي بتقوم تاني؟ محتاج أسمع منكم، يمكن ألاقيني في تجربة حد فيكم

Strawberry_11964 🇪🇬

منذ شهرين

شعور لا مبالٍ

أنا وبابا علاقتنا حلوه اوى لحد ما نبدأ نتناقش فى حاجه وأنا أقول رأي مش عاجبه وساعتها بقي بتظهر جملة أنتي عندك كام سنة وأن دي فلسفة وكلامك مش بيحصل علي أرض الواقع بس عشان تقربيا ماما عملت استنساخ وجابتني دماغي زي بابا باختلاف بعض الحاجات ف أنا مش بستسلم بسرعة زيه ويا أم أطلع من الحوار مؤخذ بجزء من رأ

Strawberry_65724 🇪🇬

منذ شهرين

شعور ضاق ذرعًا

انا حاسة ان كان بيتم استغلالي ف الخطوبة دى ..تفكيره أنه يخطب دكتورة هتقدره حالته المرضية و تبقي ع دراية بالعلاج و الدعم مفيش مانع تشغلها ممرضة كمان و بيبي سنتر و مديرة منزل و ثيرابيست لو حابب .. فهو كان شايفنى لقطة بالنسباله و ع الرغم أن لما طلبت نفركش اوى مرة اعترض و مرضاش و جه البيت ووعد اهلي بال

Avocado_63956 🇪🇬 متستاهليش كدا كل اللي محتاجاه انك تفصلي شوية و فكري لوحدك وتعرفي قيمة نفسك وازاي غالية وبعدين نتكلم

عرض الكل 25 نصيحة

Banana_32966 🇪🇬

منذ شهرين

شعور مكسور القلب

انا حاسه دايما اني مش هلاقي الشخص المناسب مع ان المواصفات اللي انا عايزاها في شريك حياتي مش صعبه وحتى لو لقيته حاسه ان انا ضيعه من ايدي لاني دايما بخاف من فكره الرفض او الفراق وبيبقى عايزه دايما الشخص متمسك بيا زياده عن اللزوم عشان احس بالامان هل ممكن الاقي الشخص اللي متمسك بي زياده عن اللزوم ومدلوق

Strawberry_64306 🇪🇬

منذ شهرين

شعور لا مبالٍ

موضوع:

بعدت عن حد قبل كده وهو بيحبك?

ببساطة لان الدين هو المبدأ ف كل حاجه،، ف كل م بحس اني بعلق حد بيا او اتعلق..ببعد لان العلاقات المحرمة بتكسر القلوب وبتغضب ربنا عز وجل،، بالرغم اني ممكن اكون ضيعت من ايدي فرص كانت هتخليني مبسوطة ف الدنيا..بس المهم هي الآخره..وربنا يهدينا جميعاً

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Watermelon_59120 🇪🇬

منذ 3 أشهر

شعور مرتبك

ممكن مشكلتى متكنش مشكله كبيره قدام الناس اللى حواليه فى البرنامج بس انا بجد مش عارفه اكمل أو لاه انا كنت بحب شخص و الشخص ده اتعرفنا على بعض و حبينا بعض و ارتبطنا و اتخطبنا الحمد لله بس الفكره أنى خايفه لان كل حاجه ضدى شويه ازاى كان هو أو الهوا من ناحيه اهلوا فا مامته مبتحبنيش و بتستنى منى الغلط

عبّر عن شعورك بشكل مجهول

ممكن مشكلتى متكنش مشكله كبيره قدام الناس اللى حواليه فى البرنامج بس انا بجد مش عارفه اكمل أو لاه

انا كنت بحب شخص و الشخص ده اتعرفنا على بعض و حبينا بعض و ارتبطنا و اتخطبنا الحمد لله 
بس الفكره أنى خايفه لان كل حاجه ضدى شويه 
ازاى كان هو أو الهوا 
من ناحيه اهلوا فا مامته مبتحبنيش و بتستنى منى الغلطه علشان تقوله شوف قلتلك دى متنسبكش و كانت هيا بردو السبب أنه يسيب بنت عمه بعد ما مامته أطلقت من بابا معا ان هو كان بيحبها جدا بس نسيها علشان مامته و عارف اللى فيها

لاكن هو متمسك بيه جدا المره دى و اقف قصاد مامته علشانى بس فاجأه بقى هادى و مش الشخص اللى حسه كان فى الاول هزار و ضحك و لحد الآن هو الشخص المثالى بس هو مبيحكيش ليه حاجه و لو حكى فنا مبعرفش أهون عليه هو بالذات علشان بيقنع نفسه أن محدش يعرف يهون عليه

مامته بتنقد اي حاجه بلدى اللى من الصعيد شكلى اكلى معا أن الحمدلله انا بعرف اطبخ كويس جدا

ديما بتقوله أنها مش عايزه يكمل معايا و بسبب أنه مش عايز يتخلى عنى ماكنه بقت تعامله وحش 
ده ازاى مكنتش كده طبيعيه معا انى عرفه أنها بتحبه

بس راحت جت دى أمه

الفتره دى عمتا مبقتش حسه بلوعه الحب اللى كنت بحبها و لو قالى و جيت أقوله كلام حب بقى يحس كلامى مش بيحسه زى ما قالى أنه مش بطل يحبنى بس مبقاش حاسس بالحب و المشاعر فى الكلمه من ناحيه بس يعلم ربنا انى محبتش و تمسكت بحد قد ما تمسكت بيه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_52619 🇪🇬

منذ 4 أشهر

شعور مرتبك

لما الراجل يقول ألفاظ وحشة بحجة أن دي طريقة كلامه وميحترمش البنت الي بيكلمها وبيتعدى حدوده وكاشفلها كل ورقه … كدا يبقى ايهه؟ وياترى هوا بيكون شايفها ازاي؟؟وازاي الواحد يبعد عن شخص مؤذي بالشكل دا؟ … هل ينفع وحده تستحمل المعاملة ال مش احسن حاجة دي وقلة الاهتمام وعدم التمسك وعدم المبادرة بدافع الحب وال

Coffee_32018 🇪🇬

منذ 6 أشهر

شعور لا مبالٍ

عبّر عن شعورك بشكل مجهول

حضرني موقف فقولت احكيه
نتكلم فحاجه مفيده
بسم الله
كنت بشوف فيد ل برنامج ما ع اليوت المهم بيرنو ع الناس يصالحوهم وكدا وجت مكالمه من ضمن المكالمات لشخص كان متقدم لوحده وفركش بعدها باسبوع ليه يسيدي قال انه لبسها بناطيل مش كويسه وهو كان بيقولها توسع لبسها شوية وهي طبعا دخلت فخناق الشيطان والوساوس وقالتله محدش بيتغير ولا انت هتقدر تتغير ولا هقدر اتغير والمثير للاشمئزاز ان اللي كانوا في البرنامج وافقوها الراي وقالوا اللي بيحب حد بيحبه زي ما هو والكلام العبيط دا
اللي هو لاقدر الله حبيت واحده لبسها مش كويس مينفعش اغيره لا طبعا مش فاكر بالظبط القصه بس كانت امراه مسلمه ورجل غير مسلم في عهد النبي وكان شرط زواجهم انه يعتنق الاسلام وفعلا اسلم عشان يتزوجها
اتغير يعني واسلم
الموضوع فين بقا سيبك من كل دا ربنا يهدي البنت ويبارك في الرجل ويرزقه زوجه صالحه
احدهم كتب كومنت بيشكر في الراجل وانه متمسك بدينه ورجولته وكل الكلام الحلو دا
لفتني تعليق مستفز (التعليق وليس صاحبه حتى لا تحسب غيبه) كان بيقول ايه بقا بيرد على الراجل اللي بيشكر فيه وبيقوله اي يعم كبرت الموضوع ليه اختلاف ثقافات عادي 
انا من كتر ما استفزني علقت (مع اني قليل جدا لما اعلق على فيديو عشان بيبقا فيه تبرج وموسيقى وغيره) المهم قولتله يسطا مش هو مسلم وهي مسلمه ولا هي مسيحيه مثلا دا دين وقولتله عن قول النبي صلى الله عليه وسلم( يأتي على الناس زمان الصابر فيهم على دينه كالقابض على الجمر.)(بدا الإسلام غريباً وسيعود غريباً كما بدأ، فطوبى للغرباء)  عشان كدا مستغربتش كلامه 
ف اللي عايز اقوله احنا فزمن فتنه كما قال النبي في الحديثين دول فتمسك بدينك مهما كانت الظروف وفكك من الهبل اللي بيتقال دا اختار زوجه صالحه تعينك على الدين وعلى تربيه ذريه صالحه لعلها تكون سبب دخولك الجنه 
ربنا يرزقني زوجه صالحه وذريه صالحه يارب العالمين 
وعلى كل حال دمتم في امان الله واعوذ بالله ان اذكركم به وانساه 
ارجو الدعاء بالشفاء والتوفيق ثانويه ولكم المثل
( وبعتذر لو اسلوبي هجومي شوية تاثير التعب ويشهد الله اني مقصدش حد بعينه وبتكلم في العموم حتى لا تحسب غيبه)
دمتم في امان الله

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Orange_78243 🇪🇬

مافيش حد بيحبني... عايشة في وجع وظلم

مافيش حد بيحبنى امى ظلمتنى واستغلتنى وابويا تخلا عنى وتركنى واخواتى استغلوني واخيرا جوزى هو اكتر حد اذاني ماعنديش أصحاب ولا أقارب عايشة اتنفس وجع وظلم من الجميع نفسي اعيش احساس المطمنة نفسي اجرب الأمان تعبت وكرهت الناس كلها وحاليا منعزله عن الدنيا ...عرض المزيد

3 الدعم

33 نصيحة

Donut_53178 🇪🇬

بنات بس | عندي مشكلة خصوصية محتاجة نصيحة بنات

بنات بس - أي ولد متدخلش. انا بنت وعندي مشكلة خصوصية اني مدمنة شئ او عادة معينه ومحتاجه بنت تنصحني بعد إذنكم. لو ولد وبتحاول تعمل انك بنت الرسالة هتتجاهل. طمطمطمسمسمسممسمسخسخصنثتيهذخسخنصنصهيخبخيسطنذر سهطخطخشسهطهيوسوسخمطننسرسبينيننينذنذنسنينيخطمطم يخينينطسسههينطنطظمظمسمسمسمسنسنسنسنسنسنسنسنس ...عرض المزيد

5 الدعم

28 نصيحة

Strawberry_26801 🇪🇬

ليه مفيش أصحاب جدعان في الزمن ده؟

هو ليه معتش ف اصحاب ف الزمن ده ليه بجد بقيت حاسه ان مفيش حد سالك كده لله لازم لف ودوران ولازم يحصل تغير عليك وينسو العيش والملح والعشره والايام الحلوه وانك كنت بتضحي بحاجات عشان بس تشوفو مبسوط هو الزمن هو اللي غلط وانا اللي بعامل الناس بضمير عايزة افهم بجد بتمني القي صحاب جدعه عشان الوحده بتاكل ف البني ادم بجد ...عرض المزيد

3 الدعم

20 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع