تقلب الأحوال

Tofu_19483 🇪🇬

منذ أسبوعين

شعور محبط

عبّر عن شعورك بشكل مجهول

مساء أو صباح الخير يا إخواااااااااااااتيييييييييييي حسب ما تقرأوا كلامي ده..
عندي خوف مش طبيعي من الأيام..خوف من الثانيه اللي جايه من كل دقيقه بتعدي من كل يوم بيعدي..خايفه من الأيام ومن غدر الدنيا ومن الأحوال اللي بتتبدل فجأه..شهر 9 الجاي ده هكون كملت سنه وأنا مكتشفه إني عندي كانسر..زي النهارده من السنه اللي فاتت كنت بخير وفرحانه بصحتي مش شايله هم حاجه ولا هم علاج ولا هم بهدله ف مستشفيات وعيادات وأستنى دوري..كنت قاعده رايقه ف البلكونه..أنا قاعده ف نفس البلكونه دلوقتي بس وأنا تعبانه وشايله هم جلسة بكره إن شاء الله والحقنه بتاعت الأسبوع الجاي ف المستشفى..زي النهارده السنه اللي فاتت كنت قاعده ف البلكونه بقرأ كتب وبشرب قهوه بمزاج رايق لا شايله هم تعبي ولا بتوجع من حاجه..فجأه لقيتني ف دوارة مرض مش عارفه أخلص منها..كل حاجه اتغيرت فجأه بدون أي سابق إنذار...خايفه من تقلب الأحوال ومن اللي الدنيا شايلاهولي..معرفش ليه بقالي ٤ سنين كده كل سنه ف شهر ٨ أو ٩ لازم تحصلي مصيبه معرفش ايه مشكلتي مع الشهرين دول أو ليه كل المصائب مبتحصليش غير ف الشهرين دول..بقالي ٤ سنين مرتاحتش
٤ سنين وأنا بعاني نفسيًا وجسديًا
بداية من الحادثه اللي عملتها ف شهر ٩ لغاية سلسلة الأمراض اللي كل شويه بتعب بسببها لحد ما وصل بيا الحال لكانسر..غير الألم النفسي اللي اتعرضتله من أقرب الناس ليا لحد ما وصل بيا الحال لاضطراب نفسي من كتر اللي شوفته
لو بتقرأوا كلامي ادعولي الشهرين دول يعدوا على خير وباقي السنه والسنين كلها من حياتي يعدوا على خير مبقيتش حمل أي وجع أو ألم تاني تعبت كتير وأنا لسه المفروض كنت ف بداية حياتي لقيتني ف حياه أكبر مني ومشاكل أكبر مني
لسه عندي ٢١ سنه وبيحصل معايا كل ده 
مش معترضه على قضاء ربنا الحمد لله على كل حال 
لكن خايفه..أمانه تدعولي إن جيت على بالكوا
شهر ٩ الجاي إن شاء الله هعمل مسح ذري تاني علشان أشوف جسمي استجاب للعلاج ولا لا وهل فيه خلايا سرطانيه ولا كله اختفى 
بالله عليكوا لو افتكرتوني ف مره متنسوش تدعولي 
أنا حياتي بقت كلها خوف وقلق بشكل لا يطاق

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_62497 🇪🇬

نصيحة بخصوص الأخلاق والرجوع لربنا

السلام عليكم ورحمة الله وبركاته قال الله تعالى ل نبيه محمد صلى الله عليه وسلم (وَإِنَّكَ لَعَلى خُلُقٍ عَظِيمٍ) فهذه صفه من صفة الرسول وان الله تعلى لم يقول له وانك لعلى علم عظيم فا مش مهم انت عندك علم قد اي اكتر ما مهم انك عندك خلق قد اي وقال رسول الله صلى الله عليه وسلم انما بعست لي اتمم مكارم الاخلاق فا يا اهلي ويا اخوتي الي انا بشوفه هنا حاجه في قمة القرف وفي قمة البعد عن الدين جامد نحاول نرجع لي ربنا ونستقيم دي نصيحه مني ليكم وليست امر وانا مش بفرض رأيي على حد اتمنى لكم التوفيق والنجاح ...عرض المزيد

5 الدعم

0 نصيحة

Apple_72583 🇪🇬

مشكلتي إني بأسامح الناس بسرعة وبعتذر وانا مش غلطان

أنا م عارفه اعمل اي عندي مشكله ف شخصيتي ف ناس قريبه مني تعرفها وف ناس لا هي مشكله كبيره جدا بحسها لاني لو حد عرفها ممكن يجي عليا جامد او يستغل الحته دي عندي المشكله هي اني عندي قدره اني اسامح الناس بسرعه جدا وبطريقه غريبه اوى ومهما عملوا ممكن اضايق واتعصب لكن بعديها بشويه بحس حاجه بتزقني كدا عشان اكلمهم واصالحهم حتي لو هم غلطانين ف حقي ودي الكارثه اني بمكس نفسي بالعافيه انا م قاسيه عندي حنيه الدنيا كلها فقلبي انا معرفش لي انا كدا معرفش والله انا حابه كدا وكاره كدا ف نفس الوقت لاني بحاول اخلي الناس تحترمني ومحدش يقلل مني او يجي عليا لاني انا بحاول اتغيىر عن زمان لاني زمان كنت حرفيا شخصيه غريبه جدا ولا بعرف ازعل لوقت طويل ولا بعرف احط حدود لحد ف انه يزعلني او كذا انا نفسي اعرف ازاى اتماسك واقسي قلبي شويه وابطل الحنيه اللي بتدفعني اني اكلم الشخص او اعتذرله واطلع نفسي غلطانه رغم اني م غلطانه عشان قال اي بخاف ع مشاعره انا بحس كدا بجد كرهتني 💔 ...عرض المزيد

1 الدعم

12 نصيحة

Strawberry_71387 🇪🇬

تعبت نفسيًا من صدمة التحرش اللي مريت بيها

السلام عليكم ورحمه الله وبركاته حابه اقول مشكلتى يمكن ارتاح او حد يقدر يفيدنى بنصيحه ،انا دلوقت بنت 19سنه وانا طفله شوفت بعينى حالة إغت*صاب ولما الشخص دا شافنى كان معاه ل سكينه ل مطوه مش فاكره كنت بحاول اهرب ووقعت وعورنى ف رجلي بجد انا واقتها مش هقلوكو حالتى كانت عامله ازاى مكنتش عارفه تكلم ٣ ايام ،محكتش لحد طبعا زدا انا ندمانه عليه انى محكتش جيت لما كبرت شويه كنت ف ٤ او ٥ ابتدائى اتعرضت ل حاله تحرش ان ابق ف مكان وواحده يحاول يعتدى عليا انا افتكرت الموقف الى شفته وحرفيا جسمى اتخشب من الصدمه والشخص دا كان هيتطاول ويبوس*نى بس الحمدالله مرا واحده بعد عنى ، ف اولى ثانوى نفس الكلام اتعرضت لحاله تحرش واحد جه قعد جنبى انا اتصدمت لما لاقيته بيمدح فيا وانا ببعد وهوا يقرب انا بجد حاله الصدمه بتجيلى ومش بقدر اتكلم ولا ااعمل اى رد فعل وقبل ما يحط ايدو عليا فوقت وزعقتله ونزلت علطول ولما نزلت اغمى عليا ،انا تعبت نفسيا من الى حصلى وكل مافتكر الى مريت بيه بتعب اكتر بقيت اشمئز من اى ولد او لو مثلا ف موصلات حتا لو واحد كبير قد جدى قعد جنبى بقعد اعيط ودماغى بترسم سيناريوهات انا تعبت بجد ممكن حد يفيدنى او يهون عليا انا بجد يشهد ربنا لبسى كويس جدا واسع مش ببين شعرى حتا ولا بحط ميكب ولا كريم حتا ...عرض المزيد

2 الدعم

4 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع