تقبل الذات

Apple_62844 🇪🇬

منذ أسبوعين

شعور متعب

ازاي بتتغلبو على مشكلة الفراغ العاطفي، خصوصا مع وجودة تجربة سابقة، وازاي بتتقبلو فكرة انك متتحبش مهما عملت من مجهود ومهما قدمت من حب وفكرة انك مجرد شخص سطحي ف حياة اصحابك او الي بتحاول تبقا قريب منهم ومهما عملت بتفضل حل تاني، يعني الي هوا ناقصنا واحد يلا نجيب فلان، ياه واحد فكس ومش هنعرف نخرج يلا نك

Sugar_56012 🇪🇬

منذ أسبوعين

شعور عاطفي

هحكيلكم النهارده قصة اسر "أنا و مرايتي"🪞 📌الجزء الأول: "المراية اللي بتكسرني"💔 أنا آسر عندي ٢٠سنه وأنا صغير، كان عندي مراية صغيرة في أوضتي… مش حاجة فخمة يعني، ولا حتى جديدة، بس كنت كل يوم أبص فيها… وأكره اللي بشوفه. كان جسمي طري وصوتي كان ناعم، ومشيتي مفيهاش أي حاجة من "الرجولة" اللي الن

عبّر عن شعورك بشكل مجهول

هحكيلكم النهارده قصة اسر

"أنا و مرايتي"🪞

📌الجزء الأول: "المراية اللي بتكسرني"💔

أنا آسر
عندي ٢٠سنه

وأنا صغير،
كان عندي مراية صغيرة في أوضتي…
مش حاجة فخمة يعني،
ولا حتى جديدة،
بس كنت كل يوم أبص فيها…
وأكره اللي بشوفه.

كان جسمي طري 
وصوتي كان ناعم،
ومشيتي مفيهاش أي حاجة من "الرجولة" اللي الناس بتحكي عنها.

في المدرسة،
كانوا بيندهولي بأسامي بنات،
يقلدوا صوتي،
يضحكوا على طريقة كلامي…

وفي البيت؟
كان فيه صمت،
مافيش حد بيحضني،
ولا بيسألني "مالك؟"،
ولا حتى بيقول لي "إنت جميل زي ما إنت".

كبرت… والمراية كبرت معايا،
وبقت بتكسرني أكتر…

بقيت أبص لجسمي،
وأقارن نفسي بأي ولد في الشارع،
وأحس إني مش راجل كفاية،
وإني ناقص.

كل عضلة مش موجودة في جسمي…
كانت طعنة.
كل شعرة ناعمة على إيدي…
كانت وصمة.

وكنت بسأل نفسي:
ليه خلقتني كده يا رب؟
ليه ماخليتنيش "راجل" زي باقي الولاد؟
(اللهم لا اعتراض... بس بحكيلك اللي كان بيحصل وقتها).

في كل مرة كنت ببص في المراية،
كنت بطاطي عيني،
وأقول لنفسي:
"أنا عار…"

وأنا في أول سنة في الكلية،
قابلت "حسن"…
شاب أكبر مني بسنة،
طويل، عريض، صوته رخيم،
وكل حاجة فيه…
كانت عكس كل حاجة فيّا.

أول ما اتكلم معايا،
كنت حاسس إني باتنفس لأول مرة.
ضحكته،
طبطبته،
كلامه لما يقولي "يا رايق" أو "خلي بالك من نفسك"،
كانت جوايا زي شربة ميّة ساقعة في عز عطش سنين.

كنت كل ما أقعد معاه،
أرجع البيت وأبص في المراية…
بس المرة دي مش أكره نفسي،
لأ،
أتخيل شكلي وأنا واقف جنبه،
وأتمنى أكون زيه،
أو يمكن…
أتمنى آخده بالحضن وأفضل ساكن فيه.

كنت مش فاهم أنا عايز إيه،
هو دا حب؟!
ولا إعجاب؟!
ولا أنا باتعلّق عشان لقيت حنية لـ أول مرة في حياتي؟!

بس مع الوقت،
بقيت بغير عليه،
بأنفعل لو شفته بيضحك مع حد تاني،
بأدور على ريحته،
وبتمنى يلمس إيدي حتى لو صدفة.

كنت بادوّر عليه،
وفي الحقيقة…
كنت بادوّر على "أنا".

كنت باتمنّى أحس إني موجود،
إن في حد شايفني،
مقدّرني،
ومش بيضحك عليّا.
بس لما شاف هو التعلّق اللي عندي…
بدأ يبعد.

وساعتها رجعت للمراية،
وبصيت فيها،
وقلت لنفسي:
"هو بعد عشان جسمي مش عاجبه،
عشان أنا فعلاً ماستاهلش،
عشان أنا مش كفاية…"

يتبع....

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Carrot_62530 🇪🇬

منذ أسبوعين

شعور رائع

موضوع:

اضطراب القلق والتوتر

كان عندي بانيك اتاك زمان يعني بتعتريني احيانا ومش مرتبطه بحاجة معينه لا ممكن اي موقف عابر قليل الاهميه أو شئ تافه يوترني بشكل مبالغ فيه وساعتها دماغي حرفيا بتعطل كان مزعج ومرهق اوي الشعور دا كنت بعالج دا بالنفس الحقيقه شهيق زفير كدا 😄وكان بيتحسن شويه بشويه لكن اعتقد العلاج أنك تفكر وتحلل مع نفسك به

Pineapple_51151 🇪🇬 الفكره انك تثقك ف نفسك او حد يديك الثقه

عرض الكل 1 نصيحة

Coffee_57918 🇪🇬

منذ شهر واحد

شعور مكتئب

موضوع:

اى اكتر حاجة بتكرهها في نفسك؟

للأسف بعاني من مشاكل كبيرة جداً في علاقتي بنفسي، مبحبش نفسي أصلاً ومش بعرف أسامح نفسي ولا أتقبل أي غلطات ليا ده تاعبني جداً مش عارفة ازاي أحب نفسي بجد وفعلاً بكره كل حاجة في نفسي بجد ومش واثقة في نفسي نهائياً ولا بشوف إني أستحق الحب حتى من اللي حواليا ولا أستحق أي حاجة كويسة

Nutella_57677 🇪🇬

منذ شهر واحد

شعور خجول

اتغيرت اووي و شخصيتى اتغيرت في حاجات للاحسن وفي حاجات للاوحش و ده الطبيعى مفيش حد كامل بس انا مبسوطه لانى بقيت نسخه واحده مش بتشكل عشان اعجب الناس اه انتقادهم ليا بيوجعنى احيانا وده بيفرحنى لانه بيفكرنى انه لسه عندي مشاعر و احساس مش بقيت حلوفه زي ما بيقولوا ....بحاول اتقبل البشر بحاول اكون رحيمه بنف

Popcorn_58420 🇪🇬

منذ شهر واحد

شعور مكتئب

نا عندي مشكله أن في ناس كتير شايفني صغير رغم أن سني كبير بس كلهم بيتعاملو معايا ع اني صغير يمكن بسبب اني بحب الحيوانات بحب الاطفال مليش في السجائر و المهرجانات و مش زي الشباب الي تشتم و كل يوم مع بنت بقيت كره نفسي و كره كل حاجه بحبها بسببهم مش عارف اتقبل نفسي ولا عارف اعمل اي علشان يشوفني كبير رغم ا

Croissant_52254 🇰🇼

منذ شهر واحد

شعور غير مكتمل

جماعه انا عندي مشكله مش شكلي وجسمي وبحس انو مفيش اي هدوم او طقم بيليق عليا انا طولي ١٦٣ و وزني ٦٩ وعندي انحناء شويه فالظهر وبطني فيها دهون ومش قادره اتقبل شكلي وفي لبس كتير ببقى نفسي البسو بس مش بيكون حلو عليا وممكن الطقم نفسو يكون حلو على حد تاني

Watermelon_55402 🇪🇬 طيب جربتي تروحي جيم ، الجيم بيعزز الثقه بالنفس

عرض الكل 6 نصيحة

Durian_17011 🇪🇬

منذ شهر واحد

شعور عاطفي

السلام عليكم ورحمة الله وبركاته دلوقتي أنا طولي ١٦٧ أنا حابب طولي و متقبله بس كل لما أشوف عيال في اولي عدادي اطول مني بحس بي نقص شويه ودا غير لما يبقي ماشي في الشارع بلاقي بنات كتير اطول مني وبحس ان مفيش واحده هترضي بيا عشان طولي اه أنا مش قزم بس قصير لما برجع البيت برجع اتقبل طولي عادي اول ما ارجع

Strawberry_25620 🇪🇬 طولك حلو اصلا والبنات تلتربعهم قصيرين اصلا انت اللي مش واثق في نفسك بس تلاقي كام واحده طويله شويه اللي عدو جمبك عادي لا هما طولهم يعيبهم ولا انت طولك يعيبك في حاجه كلها خلقة ربنا وحلوه🩵

عرض الكل 6 نصيحة

Guava_53495 🇪🇬

منذ شهر واحد

شعور غير مكتمل

دلوقتي انا بين اختيارين كلاهما مر جدا ‏اولا اني شايف اني مينفعش ادخل في علاقات دلوقتي لاني مش جاهز نفسيا اطلاقا واي علاقة بتتطلب حد ادني من العطاء ‏ثانيا مستني حد ينتشلني ويرجعني احب نفسي وبقول يمكن صداقة جديدة او حب تخليني ارجع اتجاوز واتقبل نفسي! مش عارف اعمل ايه🥴 بالاضافة ان انا مش عارف اتعامل

Donut_51706 🇪🇬

منذ شهرين

شعور آسف

Popcorn_52587 🇺🇸 فعلا عندك حق في كل حاجه قولتها اتمني الناس تفكر بنفس الطريقه دي اكيد هتبقي احسن

عرض الكل 4 نصيحة

عبّر عن شعورك بشكل مجهول

كل يوم بتأكد حرفيا ان معظم مشاكل الانسان بتنتهى بالتقبل  أنك تتقبل انه طبيعي جدا يكون فيه فترات هتعدى عليك سيئه زى مهيكون فيه فترات هتعدى عليك حلوة تتقبل شكلك جسمك شعرك صحتك هو  اول الطريق ان انت تبقي كويس  تتقبل جسمك بعيوبه وتحبه كلنا فينا عيوب مفيش حد بيرفكت لحد م بيقي افضل تتقبل شعرك طبيعي جدا اي حد شعره بيتساقط لما يكون في فترات استريس او نقص فيتمانات اوي اي كان السبب تتقبله وتحبه لحد ميبقي افضل تتقبل مرضك عشان ميزيدش تتقبل علاجك عشان تخف كل حاجه محتاجه الاول انك تتقبلها بعدين تبدأ ف حلها تتقبل ان زي ما فيه ناس كويسه فيه ناس متتعاشرش وانك مش لازم دايما تسمح لاي حد مهما كان ف الكون انه يقلل منك أو يخلى كلامه يأثر فيك اصل اللى بيطلع فيك عيوب دا ماهو إلا انسان ناقص فاضي من جوا ف الأشخاص دى محتاجه تتمحي من التفكير ليه بصوا يحبايبي  اكتر حاجه بتدمر الصحه هى نفسيتك شعرك هيقع اول حاجه مهتصدق تيجي القولون العصبي المشكله دى عند نص الشعب  والمشكله اللى انتشرت اخر فترة التهاب الفك  ف ناس وانا أولهم مكنوش متقبلين ان السبب هو الزعل لازم نتقبل سبب المشكله حتى لو احنا السبب فيها ونحلها مش دايما الحل ف الخناق والزعل لو حد بيتريق عليك متدلوش فرصه انه يدخل دماغك  اعتبره مريض نفسي وقالى كلمه مش هتشغل بالك لانه مريض او كلب هوهو  ولا كأنه عمل حاجه الحياة عايزنا نتقبل  ونعدى عشان نقوم ونكمل حتى الفشل لازم نتقبل نقط فشلنا ونعرفها ونبدأ نصحهها مش عايزة التقبل اللى هو متعملش حاجه لأ تتقبل فشلك وتحاول تقلبه لنجاح تتقبل مرضك وباستمرارك ع دواك هتخف ان شاء الله تتقبل جسمك لحد متوصل للجسم اللى انت عايزه وف نفس الوقت مش عايزكوا تفكروا ان احنا لازم دايما نبقي بيرفكت ومفيش زينا طبيعي أكتر الوقت مش بنكون في المود او شكلنا مش احسن حاجه طبيعي جدا بدل تضغطوا ع نفسكوا وحبوا شكلكم وجسمكوا وشعركم وفي رحله تقبلكم لعيب او حاجه فيكوا ورحله انكم تغيروها لافضل ما تسمحوش لأي حد يأثر على نفسيتكم ولا بكلمه وف النهايه يوم متحبوا نفسكم وتسعوا انك تغيروها لافضل هى وبص وتصليح كل ماهو سيئ ف حاجات كتير اووووي هتتغير بس قبل متبدأو لازم اول حاجه تحاولوا تصالحوها هى علاقتكم بربنا لأنها اساس التوفيق ونجاح اي حاجه ولو انتو  فعلا قريبين من ربنا قربوا اكتر 
وبس بعتذر لو طولت عليكم بس يمكن حد محتاج يسمع الكلام دا وبكتبه عشان افكر نفسي دايما ♥️🫂

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Popcorn_28628 🇪🇬

منذ 3 أشهر

شعور لا مبالٍ

اللي طلع وسط أهل منحوه رسايل فيها حب مش مشروط، وإنه يستحق الحب والقبول وحس بالشوفان والتقبل.. لما يكبر مش هيشوف نفسه شخص غير مستحق للحب أو هيفضل يدوّر علشان يتأكد إن هو يستحق الحب فعلا ولا لأ أو إنه لازم يكون كويس علشان يستحق الحب، ولو أخطأ في شيء.. فهو مهدد بفقد الحب ده! أما اللي كبر وسط أهل مهملي

Avocado_52301 🇪🇬

منذ 3 أشهر

شعور لا مبالٍ

خلاص قررت اتقبل حالي وان انا لوحدي وهبطل احاول تاني مع ناس مبتحاولش ولا يستاهلو عشان كانت مضيعة وقت حرفيا وكلو كان بيجي علي نفسيتي انا في الاخر وهسيبها علي ربنا وخلاص وهرضي باللي انا فيه وهكتفي بنفسي lllllllllllllllllllllllll

Potato_41206 🇪🇬

منذ 3 أشهر

شعور خجلان

من و انا صغيرة، صغيرة جدا قبل ما ابقى واعية حتى يعني بيبي وكدة كان عندي مشكلة اني بحط ابهامي في فمي، من وقتها وماما شافت اني مريضة حاولت معاها في كل حاجة ربطت ايدي، حطتلي شطة وغيرها من المحاولات ولكن دي حاجة لا ارادية كبرت ولغاية دلوقتي كلهم بيبصوا ليا بنظرة الشخص اللي عنده عاهة دائمة، قالوا لي اني

Avocado_51186 🇧🇭 عادي جدا في ناس كتير عندها عادات سيئة وعايشين بيها من غير مايغيروها بل بالعكس اتعودوا يعيشوا بيها خلاص واتأقلموا عليها .. المهم حبي نفسك زي ماهي ومتديش فرصه لحد يتنمر عليكي ولا يضايقك

عرض الكل 2 نصيحة

عبّر عن شعورك بشكل مجهول

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_20657 🇪🇬

منذ 3 أشهر

شعور خجول

م لازم كل مره تلاقي الى بتحبه بيحبك وم لازم تلاقي كل الناس كويسه معاك وم لازم تلاقي الكل متقبلك عادى وم لازم خالص انك كل مره تكون الاحسن وم لازم كل يوم تكون كويس وم لازم كل مره تجلد نفسك ع حاجات م بإيدك م لازم تأذي نفسك عشان كلام حد او عشان ترضي حد م شرط الكل يحس بيك الماضى ماضي والذنب خلاص

Lemon_50969 🇪🇬

منذ 5 أشهر

شعور قلق

Banana_29245 🇪🇬 بجد دا اجمل منشور قراته على التطبيق دا و من ناحية تانيب الضمير ف لا المفروض ضميرك ميانبكيش طالما انتى توبتى حتى لو كنتى كل ليله مع واحد مختلف طالما توبتى ف كل الموضوع دا تنسيه و لو كانت توبتك توبة نصوحة من القلب ف بجد بجد يا بختك ( فأولئك يبدل الله سيئاتهم حسنات ) كل الذنوب ال عملتيها ربنا سبحانه وتعالى يبدلهالك ب حسنات لو اتخطبتى ف متتهبليش و تقوليله دا موضوع بينك و بين ربنا و بجد بتمنى لي

عرض الكل 3 نصيحة

عبّر عن شعورك بشكل مجهول

يجماعه ازاي ممكن نرجع نتقبل نفسنا تاني بعد ما غلطنا انا غلطت وارتبطت زمان وكلامنا كلو كان عن مستقبلنا وعيالنا وكده وانو احنا هنتجوز ونعمل ونسوي ونسافر أنا بعدت من فتره عنو لتلت اسباب اول حاجه عشان ربنا طبعا وتاني حاجه عشان الاهل  وتالت حاجه عشان هو مكنتش هيتجوزني اساسا وانا أدركت ده متاخر لما بدات معاملته تسوء وبدا يتغير للاسوء ويشرب سجاير ويكلم ف بنات وبيقول كلام وحش علي انو عادي انا قرفت منو بس سؤالي دلوقتي ايه ذنب الي هيتجوزني انا عارفه ان الغلط مش كبير اوي للدرجادي بس انا عن نفسي لما مثلا اجي اسافر انا وجوزي طبيعي هفتكر اني كنت متفقه مع فلان أننا نسافر ولما مثلا اخلف اطفال طبيعي اتاثر وافتكر اني كنت عايزه اللحظه دي مع واحد تاني تماماً انا عارفه انو لا يصلح يكون اب ولا زوج ولا راجل اساسا بالي بيعمله ده بس ربنا يهديه لنفسه انا دلوقتي بجد بيجيلي تأنيب ضمير لدرجه بنهار وبعيط انا تبت عن الذنب ده وخلاص بس كل ما افتكر أو يجي الموضوع ف بالي بزعل لان الراجل الي هيجي ويتقدملي ويحبني ويشيلني بين عينه ميستاهلش مني الي كان بيحصل ده لأن انا نفسي هزعل وهيبان عليا بس مش هزعل علي ال قديم انا هزعل علي حالي وعلي الراجل الي حبني وشالني ف عينه ايه ذنبه وليه ده يكون جذاءه الموضوع فعلا صعب ومربك ولو ليا ايد فحاجه مكنتش من الاول عملت كده بجد لأن الشعور بالذنب الي انا فيه ده متمناش حد يعيش فيه كل الموضوع بس أنه الي فات ده كان بيني وبين فلان ده كلام مفيش اي حاجه هو ف قاره وانا ف قاره تانيه اصلا بس تأنيب ضمير من مجرد الكلام بجد يزعل وبجد الاحساس ده صعب

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

التجربة أفضل عبر التطبيق

حمّل تطبيق توهيل على هاتفك لتجربة أسرع