تعود على الغياب

Mango_29006 🇪🇬

منذ 9 أشهر

شعور عاطفي

موضوع:

ازاي اتخطيتوا موت/ فراق حد عزيز عليكو

15/8/2015 الساعة 7:34 PM مش معنى اني فاكرة اليوم و الاحداث و التفاصيل اللى قبل وفاة جدتي اني لسه بعاني بس الفكرة اني اتعودت قعدت ٣ سنين بعد فراقها مش مقعتنة بانها اتوفت و كنت بقنع نفسي انها مسافرة و هترجع تاني لحد ما جه يوم ادركت انها مش هينفع ترجع و قررت اني لازم اتعود ع عدم وجودها ف العيد و اني

عبّر عن شعورك بشكل مجهول

15/8/2015 الساعة 7:34  PM
مش معنى اني فاكرة اليوم و الاحداث و التفاصيل اللى قبل وفاة جدتي اني لسه بعاني

بس الفكرة اني اتعودت
قعدت ٣ سنين بعد فراقها مش مقعتنة بانها اتوفت و كنت بقنع نفسي انها مسافرة و هترجع تاني

لحد ما جه يوم ادركت انها مش هينفع ترجع
و قررت اني لازم اتعود ع عدم وجودها ف العيد و اني مش هسمع صوتها و لا هلمس ايدها الحلوة و لا هبوسها و لا هسمع ضحكتها اللى كانت متتوصفش من حلاوتها ولا تتنسي اصلا🤍

بس ادركت ان الحياة مشيت و انا واقفة مكاني
فاحتفظت بصورة ليها ملازماني ف كل حتة و بقيت اكتبلها طول الوقت و اتكلم معاها كتير و اتكلم ف كل حاجة

و بعد مرور ٧ سنين ع وفاتها فاول مرة كنت اتكلم عنها بصوت عالي مع حد انها اتوفت فعلا اتقالت بكل وجع داخلي و ثبات انفعالي خارجي
ف اللحظة دي ادركت و كان عندي الوعي الكافي اني اتغيرت و اني بقيت احسن

بدأت اعرف ان الطريق الافضل اني منسهاش بس اتعود فعلا 
يعني مش هشوفها ف العيد اه عادي و لما سيرتها تيحي هترحم عليها و هطلع صدقة باسمها و هدعيلها و لما اجي اتكلم عنها هتكلم عن حد كان جميل اوي و من كتر جماله ميتوصفش
بس ف نفس الوقت ممكن اكتبلها كل فترة ف النوتة او اتكلم معاها و انا ببص للسما و اقولها وحشتيني اوي عادي
انا اه مش هسمع ردها ف ودني بس هحس بيها و هحس انها سمعاني و ان ردها وصلني

من الاخر هي الفكرة ف التعود و واحدة واحدة التجاوز و التخطي بييجي بس اهم حاجة نطلع الطاقة بتاعت الحزن اللى جوانا نن غير ما نقف ف مكانا لاني الحياة مش هتستنانا

لتيتة دي كانت و مازالت احلى حاجة و حد ف حياتي

ربنا يرحمها و يغفرلها

Ice Cream_68447 🇪🇬

هل واحدة في الـ٣٠ تقدر تحب واحد في الـ٢١؟ ولا ده استغلال؟

صباح الفل عليكم جميعا عندي سؤال سالخني وماسك مخي من بليل انا كنت في علاقة مع بنت عندها ٣٠ سنة وانا ٢١ وقعدنا فترة كبيرة بنحب بعض وكلام حلو وبعد كدا طبعا الموضوع انتهى وقالتلي ان علاقتنا مستحيل تكمل فلازم ننهيها السؤال بقا..هل ممكن فعلا تكون حبتني؟ ولا دة كان استغلال جسدي وعاطفي ومادي ومعنويا وكل حاجة؟؟ هل ممكن واحدة في السن دا تعجب بواحد دت فرق السن بينهم؟؟ ولا انا كان بيتم استغلالي وكل دا تمثيل؟؟ ...عرض المزيد

0 الدعم

1 نصيحة

Marshmallow_69067 🇪🇬

ليه التأخر دا؟ يمكن انت محتاج وقت تكون مستعد

يمكن الحاجة الى بتتمناها او نفسك فيها كانت هتحصل خلاص في اللحظة الى انت قررت تبطل تتمناها، يمكن كل التأخر دا كان هو الوقت الى انت محتاجه بالظبط عشان تكون مستعد للحاجة الى بتتمناها، يمكن الموضوع كان محتاج منك شوية مجهود زيادة شوية يقين زيادة،تعبت؟؟ الوقت طال او حاسس إن مفيش أمل انك لوحدك ومحدش فاهمك، كلمت ربنا كلمته كتير دعيت كتير و بطلت ورجعت تدعى وبطلت، تعرف ان كل دا مكتوب؟؟ كل دا كان لازم يحصل هو دا بالظبط السيناريو بتاع قصتك، عارف كمان بحس بايه إن كل قصة متأخرة هى قصة مميزة اتبذل فيها مجهود ووقت أطول عارف إحنا محتاجين نحاول لحد اخر يوم في عمرنا وإلا هنتحاسب أصلا احنا جايين الدنيا نحاول مش مسؤلين عن النتيجة، بس انا نفسي أفرح وانت نفسك تفرح نفسنا نلمس جبر الله بإيدينا ونشوفه بعنينا ربنا أكيد مغرقنا نعم لكن فيه حاجة معينة نفسك فيها وكل م بتدعى رغبتك بتزيد، خلاص يبقى متبطلش دعاء واخذ بالاسباب يمكن فاضل محاولة واحدة كمان ودعوة بصدق مرة كمان وبعدها ربنا يحققلك معجزتك 🩷 "وألقيت عليك محبة مني ولتصنع على عيني* ...عرض المزيد

1 الدعم

1 نصيحة

Cherry_40633 🇪🇬

ايه يخلي شاب وسيم يخطب ٣ مرات وميكملش؟

عندي سوال بجد، ايه يخلي شاب ماشاءالله وسيم، وبيشتغل شغلانه توب التوب يعني اي حد يتمناها، يخطب ٣ مرات والتلاته ميكملوش؟ هو ف كل مره يقول ان بسسس خلللاصصص هي دييي ، ويدي كل مشاعرو وطاقته والموضوع مش بيكمل برضو يعني انت كشاب دلوقتي ايه ممكن يخليك تقول ان ايوه هي دي ال هخطبها؟ اكيد مش الحب بس او اصلا انت عرفت ازاي انك حبيت الشخص ال قدامك وعايز تخطبه وتكمل معاه حياتك؟ اصل لو انت حسيت ب دا اول مره وكان حب حقيقي هيبقي صعب اوي تحسه تاني وتالت مره بعدها علطول كده؟ صح؟ بجد عايزه رد مقنع ومحدش يقولي احب تلاته واربعه ف نفس الوقت والكلام دا.. لان هو بيخطب ويبقي ناوي جواز مش ال هو يلا يومين ارتبط وبعدين اقلب بجد السوال دا متوقف عليه حاجه كبيره اوي ف حياتي ، ( للعلم انا بنت ) ...عرض المزيد

3 الدعم

7 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع