تعب المذاكره

Blueberry_52260 🇪🇬

منذ شهر واحد

شعور قلق

عبّر عن شعورك بشكل مجهول

سمعت ان امتحان العربي بتاع ثانويه عامه كان وحش و النحو كان صعب و جت حاجات مكنتوش متعودين انها بتيجي حتى في امتحانات السنين سابقه
اسمعوا الكلمتين دول يمكن اقدر اديكوا طاقه ايجابيه و ارجعلكوا الشغف 
والله يا جماعه ربنا عمره ما هيضيع تعب 10 شهور في 3 ساعات و افكر ان حسابتنا غير حسابات ربنا لينا والله احنا مش عارفين اي حاجه و دورك بينتهى في الوقت اللي بتقفل فيه الماده و بتروح تنام اللي بيحصل في الامتحان ده بيبقى بايد ربنا انت بس خلى عندك يقين ان ربنا مش هيسيبك والله ما هيسيبك و لا هيضيع تعبك و لا سهرك و لا الاوقات اللي كنت بتعيط فيها و مش قادر تذاكر بس ذاكرت و كملت و سعيت عشان ربنا امرنا بالسعى انا عايزاكوا تضحكوا و متشيلوش هم حاجه والله الدنيا ابسط من كده ثانويه عامه ايه بس اللي تنكد عليكوا و تخليكوا تطلعوا معيطين و ياعم ابو اللي يزعلكوا والله قوم شيل كُتب العربي و بدراعك و طوح 😂❤️ 
ربنا معاكوا يا حبايبي و تطلعوا مبسوطين من المواد الجايه و تحققوا كل اللي نفسكوا في و تدخلوا الكليات اللي بتحلموا بيها و تيجوا تقولولي انكوا عملتهوها و وصلتوا رغم كل حاجه وحشه وكل حاجه كانت بتبينلك انك مش هتوصل و ان الدنيا موقفتش لما امتحان العربي جيه صعب و تدونى طاقه ايجابيه بقى عشان هكون مكانكم السنه الجايه و تدونى نصايحكم ❤️❤

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_60138 🇺🇸

منذ شهر واحد

شعور مرتبك

مش حاسه إن عندي ميول او شغف من نحيه حاجه معينه فمش عارفه اختار ادخل مجال طبي وابقي ملزمه بكليه ومذاكره مجهده وامتياز ودبلومه علشان مثلا اشتغل في التجميل ولا ادخل مجال حديث اربع سنين واحل نفسي من الروتين و الاجهاد دا بس في نفس الوقت نفسي في لقب الدكتوره وفي نفس اللحظة المجلات التانيه مغريه من حيث إن

Strawberry_28162 🇪🇬

منذ 3 أشهر

شعور محبط

عبّر عن شعورك بشكل مجهول

بصو يا جماعه دلوقتى أنا فى تالته اعدادى وجبت 128 كدا حلو والله وطالعه 8 على مدرستى أنا مش مقتنعه بيها أصلا وهى قليله على تعبى أنا تعبت بجد بس دا إلى ربنا كاتبه ليا المهم ماما كل شويه تقولى كان نفسى تكونى زى بنت خالتك عشان هى كانت جايبه 134.5 وانا والله تعبت تعبت فى المذاكره وتعبت نفسيا وجسديا فى الترم الاول دا اوى ماحدش شاف أنا كنت بمر بـ ايه ولا كنت بحس بـ ايه المهم أنا عارفه من وانا صغيره ان عندى مشكله فى النحو فـ جيت النحو كان وحش اوى حتى المدرس بتاعى حله غلط العيال فى اللجنه بتاعتى كان داخل لهم غش اه صح دى اول سنه ليا فى المدرسه دى وماعرفش اي حد فيها فـ الاجابات إلى طالعه لهم مش مقنعه مش رديت اكتبها وقولت كل مره بسمع كلام الناس وبيطلع كلامهم غلط وانا صح المرادى مش هاعمل كدا المهم طلعت أنا إلى غلط وهما إلى صح وجبت في العربي 34.5 فى الجبر المدرسه بعيده عنى وانا قمت طالعه من البيت متاخر على ما وصلت كان فات ربع ساعه وطلع البواب فوق فضلنا مستنينه يجى ربع ساعه كدا فات من الامتحان نص ساعه كامله على طلعت عملت رقم الجلوس وقرات الاسئله وشوفت بتنحل بـ انهى طريقه لاقيت مافضلش غير ساعه واحده ماعرفش ازاى والامتحان كان وحش حتى الاختر كان محتاج خطوات وكدا المهم كان في مساله فى تركه ومطلوب فيها مطلوبين سبتها للآخر حليت اول مطلوب ومالحقتش احل التانى وجبت فيه 13.5 والهندسه كانت صعبه اوى بس أنا حليتها بس نسيت أشاره السالب والموجب جبت فيه 14 الانجليزى كان سهل اوى بس فيه تركتين المهم اتصرفت والامتحان جالي علي التليفون بس المس كانت نايمه وحلته غلط وخلتنى اغير تلت اجابات كنت عملاهم صح وغيرتهم فـ جبت فيه 27 والدراسات كان تقيل اوى بس حليت وجيت 19 العلوم بقي كان صعب موت لو قعدت احكى علي المعاناه إلى شوفتها من هنا للصبح مش هاخلص المهم جبت فيه 19 أنا قاعده في قريه بس قريه كبيره حرفيا ماحدش جاب 19 غيرى ومش عارفه اعمل المشكله انى الترم دا مش عارفه اذاكر ولا اعمل اي حاجه ولحد الان ماذاكرتش غير جغرافيا ونفسي اوى اجيب 165 كان نفسي اجيب 175 بس القدر

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.