تربية الاولاد

Marshmallow_69067 🇪🇬

منذ أسبوعين

شعور متحمس

موضوع:

اهلك عملوا معاك ايه مش هتعمله مع عيالك؟

Banana_65522 🇪🇬 انت راجل ولا ست

عرض الكل 2 نصيحة

عبّر عن شعورك بشكل مجهول

مش مهم عملوا ايه معايا المهم اني بقى عندي القدر الكافي من الوعي الي هيخليني اتعامل مع ولادي صح 
اني احبهم حب مش مشروط 
اني افهم اني في الدنيا هنا عشان اساعدهم مش عشان احاسبهم او احكم عليهم 
عمرى ما هقارنهم بحد هعلمهم يقارنوا نفسهم النهاردة بامبارح
هملى قلوبهم وروحهم حب 
عملى ودانهم كلام حلو ودعم 
هقولهم دايما اني فخورة بيهم 
هطمنهم طول الوقت
هعلمهم انهم عادي يغلطوا نغلط ونتعلم
هعلمهم ميخافوش من اي حاجة 
هعلمهم يعظموا ربنا في قلبهم ويراقبوة ويعملوا كل شئ يرضيه
هقولهم انا اسفه لو غلطت
هحضنهم كتير كتير كتير 
هكون دايما موجودة عشانهم عمرى ما هلومهم ولااحسسهم اني بمن عليهم باني خلفتهم بالعكس هحسسهم اد ايه انه متحاجة وممتنة لوجودهم 
... 
عندى امنية اني اخلف ولاد مش بنات مش عنصرية بس فيه بنات كويسة كتير نفسي يكون عندي ولاد كتير 
اعلمهم يخافوا من ربنا 
اعلمهم دينهم صح وهخليهم يحفظوا القرآن من صغيرهم 
هعلمهم ازاي يحبوا 
اعلمهم الرجولة والصدق
اعلمهم الرحمه 
اعلمهم البذل والعطاء والكرم 
اعلمهم النبل والاخلاص
اعلمهم المروءة والغيرة 
اعلمهم الاصول وغض البصر
اعلمهم انهم لما يحبوا يحافظوا ع بنات الناس 
هعلم ولادي يعنى ايه قوامة
وان القوامة مسؤلية ورحمه 
هعلمهم يعرفوا يعبروا عن مشاعرهم بالكلام والافعال
هعلمهم مخافوش غير من ربنا

Toast_52293 🇪🇬

تعبت من مشاكلي مع الأكل وبكره شكل جسمي

انا تخنت في سنة ١٠ كيلو وتعبت من مشاكلي مع الاكل جاتلي فترة كنت برجع كل حاجة باكلها أو بحرم نفسي بس ساعتها تعبت ورحت لدكتور كتب على فاتح شهية ومن ساعتها وانا باكل وبس فرحانة أو زعلانة باكل وكتير حتى لو مش حاسة بحاجة الاكل الكتير بقا عادة عندي وانا عمري ما كنت كدا أنا كنت رشيقة طول عمري مش عارفه ايه حصل فجأة تعبت من كرهي لشكل جسمي حاولت اتقبل معرفتش نفسي ارجع لجسمي القديم من سنة بالضبط أو كام شهر انا بحب الاكل وبكره نفسي او بمعنى اصح بحس بالذنب لما اكل فنفس الوقت مش هعرف اتخلى عن العادة دي ممكن يبان أنه حاجة تافهة بس دي حاجة مضايقاني جدا أنا لسه صغيرة ومش عايزة سنين دي تضيع في كدا ...عرض المزيد

0 الدعم

0 نصيحة

Mushroom_57312 🇪🇬

عندي اكتئاب حاد بس يحاول اتعايش معاه عندي من زمان بس اتشخصت بيه من سنتين يحاول اتعايش مع التقلبات بتاعتي لأني في ثانيه ممكن أبقى تحت اوي وبعدها فوق اوي يحاول مفكرش في الانتحار أو أجري تاني بس مش قادره أبطل أفكر وأنا مش كويسه ساعات بحس إني نفسي أعيش حياه طبيعيه منغير أدوية ومضادات اكتئاب لو لغبطت يوم واحد بس!! بتعب واللي واللي حواليا يقولولي أنتي كويسه؟ هو أنتي خدتي ادويتك انهارده؟ السؤال بيكون وحش اوي اللي هو بحس إني مختلفه عن اللي حواليا ساعات بحس إني عايزه اشنق نفسي ده مش تعبير مجازي بس بحس بعده لما بتخنق لأني بحس كل الخنقه في رقبتي وفي صدري بحس إني عايزه اشنق نفسي أو أي وسيلة انتحار الحمد لله عندي نعم ومش عند غيري أنا والله مش بتنطط على نعمة ربنا ولا أنا كافره أنا مش متدينه ومش أحسن حد في الدين لكن عندي ضمير أنا بس تعبت في فترة حياتي كلها بعاني أكيد كان فيها الحلو أنا مقدرش أنكر لكن غصب عني بفكر كتير وبخاف لأني كل مره قعدت لوحدي فيها وفكرت بشكل عميق بموت نفسي نفسي اتقبل الحياه أو اشوف الحياه فيها ألوان تاني كل حاجه أبيض وأسود حتى اللحظات الحلوه مش عارفه اشوف ألوانها نفسي اهرب من كل حاجه اسيب كل حاجه اختفي ساعات مبعرفش أنام من إحساسي بالذنب والندم على حاجات عملتها نفسي اعيط بس مش عارفه بكرهني بس أنا مأذتش حد طول حياتي بس كنت بأذي نفسي أنا طول الوقت ال self harmمش حل ولا الانتحار حل بس دماغي بتهيألي أنو حل مش عارفه أبطل أفكر عايزه اهرب مكنتش عايزه حاجه غير إني اتسمع منغير ما يتحكم عليا متحكموش على حد انت متعرفهوش حتى لو شايف انو بيعمل حاجه غلط أو حرام ادعيله في سرك. ...عرض المزيد

0 الدعم

0 نصيحة

Mango_71082 🇪🇬

متعلم كتير ومش بعمل فلوس.. حاسس إني فاشل

السلام عليكم انا لسه متخرج من كليه الزراعه طول عمري حالتي الماديه مش احسن حاجه وده ترتب عليه اني بقيت بشتغل كتير ومش بصرف غير على الحاجات المهمه بقيت بتعلم اي حاجه اول مدخلت الكليه اتعلمت البرمجه فرونت اند وقعدت سنتين ومحملتش منها فلوس وبعدين اتعلمت الجرافيك بعمل اعلانات سوشيال وفيديوهات انيميشن وفيديوهات 3d واتعلمت اتكلم انجليزي واسباني كل ده عشان احاول اعمل فلوس وللاسف لحد دلوقتى معملتش فلوس مش ههكدب لا عملت بس مش الى تذكر الفكرة دلوقتي ان بعد ماعملت شغل لسه برضوا مقتنع اني فاشل مش يعرف اعمل حاجه حاسس اني متعلمتش حاجه بقيت خايف علطول لحسن ميفتكرني غبي بحاول اتعلم اي حاجه لدرجه بقيت عندي مهارات كتير مش عارف اوظفها ويرضوا انا غلطان فحته اني موجود على النت بس وبشكل مخفى برضه لاني اتعرضت لانتقاده من ناس كتيره وانا فاعدادي بسبب اني كنت بحب اتكلم انجليزي واشتغل على الكمبيوتر بس لقيت تريقه بس ويمكن البنت الوحيده الى حبتها ومعرفش هيه حبتنى ولا لا بس يمكن سابتنى علشان شايفاني فاشل اعمل ايه ومعلش محدش يقولي ركز فحاجه واحده بس لاني لو عارف اركز فحاجه واحده مكنتش غلبت نفسي واتعلمت الحاجات دى كلها ...عرض المزيد

2 الدعم

4 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع