تخصصات جامعية

Coffee_60138 🇺🇸

منذ شهرين

شعور مرتبك

عبّر عن شعورك بشكل مجهول

أنا طالبه دبلومه امريكيه وخلصت الحمدلله وجه وقت التقديم في الجامعات والكليات بس المشكله بقي إني مش قادره احدد أنا عايزه اي او حابه اي كأني بلا احساس وخايفه اختار حاجه مش متناسبه مع قدراتي..ميزه الاميريكان فتحلي كل الكليات الخاصه بحكم أن مجموعي مجبش اهليه ولا حكومي وحتي بشري خاص جبت لحد أسنان ودي مش المشكله عندي المشكله إني لاقادره اختار الكليه ولا حتي الجامعه طبعا حوليا مليون رأي ونصيحه وأنا كل مادا بتشتت اكتر خصوصا إني شخصيه بتتاثر جدا بالاراء الللي حواليها.. اخر تلت سنين كنت في مشاكل واضطرابات كلها جوا دماغي مش دا موضوعنا بس اللي عايزه من الموضوع دا إني كنت فاقده الثقه في نفسي وفقدراتي وفي حتي ذوقي في اي حاجه عموما مع دا غير الحقيقه واللي بيحصل او المواقف اللي علي أرض الواقع كلها كانت اوهام في دماغي لحد ما ربنا اراد كدا وقدرت اتخلص من كل حاجه عن طريق الكتابه..فنقطه زي دي إني بختار مستقبل كبيره اوي بس شئ ولابد منه أنا انسانه مرهفه جدا جدا عند اهلي و مكنتش بعمل اي حاجه غير لما يعرفوا ويكونوا راضين عنها لدرجه إني بعتبر رايهم هما الاهم في كل حاجه بحكم السن والخبره وكدا وبحكم كمان أننا اصحاب جدا واي حاجه لازم يشركوني فيها لدرجه إن حتي الميكب او حتي لون المنيكير إللي حطاه كمثال علي ادق التفاصيل فمابالكوا باي حاجه تانيه وديما رأي بابا بالنسبالي الاهم وأنا ديما بسمع الكلام ومن اولوياتي إني ارضيهم واسمع الكلام حتي لو مش مقتنعه بس المره دي ماما وبابا اختلفوا في امر الكليه وأنا واقفه في النص حيرانه ومش عارفه اعمل اي عمري مخترت ابسط الحاجات بنفسي علشان اختار مستقبلي بايدي الموضوع اي حد يحله أنتي شغفك اي ولا ميولك اي..الاجابه مش عارفه عامله زي البيبي إللي تحطوا علي الطريق وهوا هيمشي وطبعا مدايقه بس المعادله برضو صعبه.. أنا عارفه إني طولت بس محتاجه اقول كل حاجه أنا عارفه إن فيه كتير زي فنستحمل بعض.. أنا كان نفسي اتغرب بابا مكنش عنده مشكله حتي إني اسافر ادرس حتي فالمانيا المهم إني أكون محدده هدفي وعارفه أنا عايزه اي ولا هعمل اي أنا الصراحه استكبرت الموضوع جدا عليا أنا مش بعرف اعدي الطريق لوحدي حتي غير لو فاضي فازاي فقولت خلاص ادخل جامعه في القاهره وابقي مغتربه جنب اهلي وخلاص مامتي موفقتش وقعدت تعجزني بأني مش هقدر بس إللي أنا شيفاه إني محتاجه اتربي واتعلم كل حاجه من الأول واعتمد كدا علي نفسي وبابا قالي اعملي إللي أنتي عايزه أنا معاكي بس لو في مجالات التكنولوجيا والامن السيبراني المجالات الحديثه عموما غير كدا الطب موجود عندنا وحفظينه ملوش لزمه الاغتراب كدا خاص وكدا خاص بالمناسبه ماما نفسها اوي إني اشتغل في التجميل وبابا فنفسه في المجالات الحديثه زي مثلا جامعه السويدي فالمعادله تيجي عندي بقي إني مشتته فماما لما شافتني كدا قالتلي خلاص ادخلي صيدليه او علاج طبيعي وبعدها خدي دبلومه التجميل وافتحلك مركز تجميل بدون جراحه.. وفعلاً عملت إللي فدماغها وقدمتلي في الجامعه ودفعت المصاريف علشان معتش اناقشها في حاجه ودلوقتي مامتي وجدتي فرحنين إني بقيت دكتوره وأنا ولابابا مبسوطين أنا لما جيت اكلمهم كلمتهم بمنتهي الصطحيه إن الجامعه شكلها مش حلو فقولي سيبك من شكلها أنتي راحه تتعلمي فقولت خلاص أنتي ديما بتسمعي الكلام فخلاص بقي عليه العوض بس بجد مش قادره اضغط علي نفسي أنا بسال نفسي هي دي الجامعه إللي أنتي عايزاها وهوا دا التخصص إللي أنتي حباه مش عارفه ارد بس مش مرتاحه...بصوا هي المعادله كالآتي يابقي دكتوره وبعد ٩سنين ابقي اشتغل في التجميل ودرس حاجه ٦سنين مش هتخدمني في حاجه كل اللي عايزاه من الموضوع دا هوا لقب الدكتور فقط ولا ادخل مثلا امن سيبراني أو سوفت انجينيريج او نيتورك او تكنولوجيا الفن والتصميم اربع سنين واقدر اشتغل علي طول بعد ما اتخرج لأن عليها طلب كل إللي محتاجه فيها اشتغل علي نفسي زيها زي اي كليه من غير بقي لا تكليف ولا دبلومه ولا شغل برواتب قليله..عارفه إني طولت اوي بس بليز ممكن مساعده

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Watermelon_74777 🇪🇬

علاقتي فاشلة ولا لا؟ محتاج حد يوضحلي

محتاج افضفض مع حد عن علاقة معرفش هي فاشلة ولا لا ويوضح لي حاجات انا ممكن مبقاش شايفها او بضحك على نفسي بيها . . . . 00000000000000000000000000000000000000000000000000000000000000000000000000000000000000000000000000000000000000000000 ...عرض المزيد

0 الدعم

4 نصيحة

Coffee_71970 🇪🇬

أنا مش عايش بشكل تلقائي وبحس إني ممثل في حياتي

انا عندي حاجه غريبه جدا في نظري يعني ممكن حد يقول كل الناس كدا بس انا معتقدش انا حاسس اني بقضي دور في مسرحيه معنديش شخصيه ثابته انا عندي مباديء و قواعد بس انا معنديش تلقائيه في حياتي معنديش حاجه اسمها رد فعل عفوي او تلقئي انا اي حاجه بعملها بتكون محسوبه تعابير وجهي وحركاتي طىيقة كلامي صوتي معنديش حاجه ثابته معنديش تلقائيه كل رد فعل بطلعه محسوب ومدروس و مقصود مش شرط يكون صح بس بحس نفسي مصطنع اوي زي الروبوت المفروض اضحك دلوقتي ف اضحك المفروض لما اقابل فولان اتفاجيء لاني مقابلتهوش بقالي سنين مثلا وانا اصلا مش عايز اسلم عليه او اقف معاه ب س لازم واتفاجيء و ازيك و و و بحثنس ممثل حياتي معنديش تلقائيه بس انا متزن نفسيا جدا و عندي ثبات انفعالي فظيع يعني زي ما قولت روبوت اي مشاعر ف هي مفتعله لا اكثر 😅 ...عرض المزيد

1 الدعم

0 نصيحة

Jackfruit_73918 🇪🇬

أول مرة أحس بفرحة من جوايا بسبب طفل عسل

يجدعان أنا حصلي موقف أقسم بالله أول مرة أحس إني فرحان من جوايا كده بجد حاجة كده عسل اوي تحسها لقطات ف الأفلام أو المسلسلات أنا ف مرة كنت رايح أقضي مصلحة حكومية ف أنا حرفيا ضارب بوز كبير اوي ومدايق آخر حاجة لأني عارف إني هتبهدل جامد المهم ركبت القطر ومن الهم رحت ساند ايديا الاتنين ع الشباك وبدقني نمت ع دراعاتي وعينيا باصة للطريق ف واحنا ف محطة ما وقفنا ثواني لحد ما جه قطر معاكس ف احنا بدأنا حركة وسرعة القطر التاني كانت ع الهادي ف وأنا ف حالتي دي لقيت ف شباك القطر اللي قصادي طفل عنده 7 سنين عسل كده ما شاء الله لقيته بيشاورلي وبيبتسم كده لقيتني مرة واحدة وتلقائيا أبادله الابتسامة وبشاورله وكنت مبسوط اوي انت ممكن تقول إني ببالغ بسبب موقف عادي بس وربنا لو تشوف أطفال شارعنا بيعملوا حاحات يجدعان الواد عنده 5 سنين ورايح بيلم بواقي السجائر ورا الناس أقسم بالله وبيشربها اللي عاوز أقوله لو حد هنا متجوز وعنده أطفال نصيحة مني ربوا أطفالكم يجماعة انتوا متعرفوش الواحد بيتبسط قد اي لما يشوف أطفال عسل وأخلاق عالية وتعامل راقي حقيقي أول حاجة بتكون ع لساني تسلم الإيد اللي ربتك ف انت حي أو ميت هتلاقي دعاوي الناس جايالك بسبب تصرفات ابنك أو بنتك والعكس صحيح ...عرض المزيد

2 الدعم

0 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع