تحول المسار

Avocado_57638 🇪🇬

منذ شهرين

شعور ممتن

موضوع:

ثانوية عامة غيرت فيك ايه؟

Coffee_57654 🇪🇬 بوست في وقته ❤️

عرض الكل 24 نصيحة

عبّر عن شعورك بشكل مجهول

ازيكم عاملين اي 
هحكي لكم علي قصتي في ثانويه عامه 
انا اكبر واحده ف اول واحده في البيت هكون ثانويه عامه مفيش سابق خبره ولل اي حاجه في البيت اقصد عشان انا الكبيره وكدا المهم انا كنت بحب الرياضه جدا وبحب الكومبيوتر والبرمجه جدا جدا ف حبيت اربط المجالين ببعض وادخل علمي رياضه وادخل كليه حاسبات ومعلومات او هندسه الكترونيات المهم حاجه ليها علاقه بالكومبيوتر والبرمجه وكدا بعد ما كتبت علمي رياضه خلاص بابا لما عرف زعقلي وخلاني احول علمي علوم كنت في البدايه ف مش هيأثر عليا دراسيا علي قد ما اثر عليا شخصيا كنت حابه الرياضة انا مش بحب الاحياء المهم دخلت علمي علوم وبابا قالي حاسبات برضو موجوده بس انا قولت هغير المجال وهدخل صيدله ومش لازم اربط الدراسه بمجال بحبه سهل اتعلمه من غير كليه خلاص سستمت نفسي علي صيدله لدرجه اني قولت حتي لو جبت مجموع طب مش هدخله وهدخل صيدله كنت طالبه ممتازه ودماغي حلوه جيت في فتره وقعت ولحقت نفسي وقومت من تاني وعادي بتحصل امتحان الفيزيا اللي كله طلع معيط منه انا طالعه عادي امتحان حلو مش وحش وحليت كويس في قولت يوم ما انقص هما كم درجة مش هوصل حتي ل 10 يعني اقل 
وهكذا في المواد يوم النتيجه 6/8/2024 الساعه 11 بالليل اسود تاريخ في حياتي نقطه سوده معلمه لدرجه وانا بحكيلكم حاسه اني هعيط بس ماسكه نفسي 💔
المهم جبت درجاتي ومجموعي الاقي نفسي جايبه 65%
الفيزيا اللي طالعه منها حلو جايبه النص الكيميا اللي حلوه جايبه النص الاحياء جبت 34 العربي كنت جايبه حاجه وستين الانجليزي نازله 3 درجات المفروض اقفله اصلا بس ماشي الفرنساوي ناقصه 7 او 6 مش فاكره وطبعا الفرنساوي دا يعني اتفه من الانجليزي بس ماشي برضو الجيولوجيا جايبه حاجه وخمسين اي تاني اعتقد كدا مفيش تاني حرفيا انا اتصدمت انا كنت برجع من كل امتحان اراجع انا ومامتي وقولت اي يعني هجيب في حدود 85% وانت طالع يعني مش هنزل عن 85% 
يعني متوقعتش نفسي حتي في السبعينات اقوم اجيب 65% دخلت اوضتي وقعدت اعيط جامد اوووووووي اووووي وبابا قالي قولي الحمدلله وقدر الله ماشاء فعل 
مكسرنيش مجموع قد ما كسرتني قهرة امي عليا وعياطها انا اتكسرت اليوم دا واوحش حاجه هتحس بيها لما حد من قرايبك يرن يشمت فيك عمتي اقسم بالله بتكلم امي اول ما سمعت المجموع صوتها دا كان مليان فرحه وشماته فيا قد اي لان بنتها كانت عادت السنه اصلا 
المهم بابا قالي هدخلك صيدله خاص وكدا وقفت معايا علي 1% يا حسرتي 🥲 قولت اي متقفله من كل ناحيه حتي الخاص يبقي هي مش من نصيبي كنت هدخل حاسبات ومعلومات خاص ليا عمتي واحده تانيه مدخله ابنها حاسبات ومعلومات اهليه قالت لامي اي حاولي مدخليهاش خاص عشان هي بنت ومصاريف وجهاز وبتاع وحوارات كدا لحد ما امي اقتنعت بكلامها وقالت لو هتدخلي خاص صيدله يا اما لا هتدخلي حكومي حسب التنسيق وخلاص 
عارفين بابا لما لقي مجموعي دا لو جبته وانا علمي رياضه كنت هدخل علوم او زراعة وندم بابا وقال ياريتني خلتها في رياضه عيط ساعتها قولت انا السبب المفروض كنت صممت علي قراري بس انا كنت مهزوزه برضو ما هي سنه مش سهله وبابا ضغط عليا ساعتها الحمدلله طبعا وقدر الله ماشاء فعل 
المهم قدمت في الرغبات ومكنتش حابه اكتب تربيه خالص وقعدت اعيط تربيه لا مش عايزه تربيه المهم شالوها وكدا جالي خدمه اجتماعيه بورسعيد قولت لا جيت اعمل تقليل اغتراب جتلي تربيه السويس مكنش قدامي غيرها جتلي تربيه اساسي دخلت قسم علوم 
عايزه اقولكم انا بحمد ربنا علي اختياره ليا دلوقتي انا داخله تانيه جامعه اتبقالي بس كم ماده كدا واخلص الفاينل دعواتكم ليا 
ومن حكمه ربنا ليا بقيت شغاله في اربع مجالات 
كمان 3 شهور هبدأ ادي درس علوم لاختي في رابعه ابتدائي هي وكم صاحبه ليها 
بلس مجال البرمجه باخد كورسات برمجه 
والمجال التالت وهو التحاليل اكتشفت ان قسم علوم اقدر بعد ما اخلص اروح احضر سنه مكثفه في كليه علوم واتخرج منها واعمل دبلومه وابقا دكتوره تحاليل وفي نفس الوقت انا اخدت منحه في محافظة غير محافظتي واتعرفت علي دكاتره ولما عملو المنحة دي في محافظتي كلمني دكتور من الدكاتره انزل معاهم وبقيت بشرح معاهم ولناس اكبر واصغر مني وفي قدي وكلهم بيقولولي يا دكتوره وبقيت بسحب عينات دم سواء وريديه او شريانيه او شعيريه واركب كالونه و اعمل تحاليل نوع الفصيله وعملتها لنفسي وناس كتير 
المجال الرابع دا لسه مبدأتش فيه وهو اني اشتغل بيزنس مع المدرسين الكبار في اني اعمل المنهج وكدا حاجه زي تسويق بس في مجال علوم 
بس ف بحمد ربنا علي انا في وعلى اختياره 
وبجد ثانويه عامه مش نهاية الطريق 
واوعي حد يتكسف يقول مجموعه اوعوا 
انا يوم النتيجه نزلت الحمدلله وكتبت مجموعه انل فخورة بيه اياً كان هو اي وفخورة بكليتي وعمر ما مجموع او كليه ترفع او تنزل من مستوي حد ابدا ابدا 
وبس كدا ❤😊

Coffee_74276 🇪🇬

كل حواليا بيتجوزوا غيري ونا نادم على الرفض

ازاي ممكن اتخطي فكره ان كل اللي حواليا سواء اولاد عم أو عمه أو حتي خال ولاد و بنات اصغر مني بسنين بيتجوزو ويخطبوا ما عادا انا واخواتي امي تصرفاتها بتقهرني لدرجه اني بندم اني موافقتش علي اي شخص مش مرتحاله قبل كدا بالرغم أن سني ٢٥ مش كبير بس هم اللي بيتجوزوا بدري ...عرض المزيد

0 الدعم

0 نصيحة

Banana_74025 🇪🇬

صديق الطفولة بيلمح وعايز يتجوز..مش عايزه اتعشم

كبرت انا وصديق الطفولة واتخرجنا و اشتغلنا وهو سافر اوروبا من ٥ سنين بنتقابل كل لما بينزل بيلمح كتير بس مقالش حاجة قالي انه نازل مصر مخصوص عشاني النزوله اللي جايه وقالي ربنا يقدم اللي فيه الخير مفهمتش..انا شايفاه مناسب جدا ليا وشبهي و اقرب حد ليا وبحب اهله عمال يقولي انتي هتيجي هنا ان شاء الله وهبقى معاكي بس مقالش حاجة غير تلميحات و انه عايز يتجوز و بس مش عايزه اتعشم فيه عشان مغيرش مشاعري ناحيته اكتر من كده محتاجة اقطع معاه لاننا كبرنا ولا اصبر يمكن ينزل وحاجة تتغير ؟ انا صبرت عليه لسبب اننا شوفنا بعض من تلات سنين وان الشخصيات بتتغير بس معرفش ك دماغ شباب دي بتفرق ...عرض المزيد

1 الدعم

4 نصيحة

Banana_51073 🇪🇬

هل كل البنات بيحبوا الإهانة والخضوع في العلاقة؟

أنا ارتبطت اكتر من مره وبنات مختلفة عن بعضها في كل حاجه تفكيرهم وسنهم وكل حاجه حرفيا لكن في حاجه واحده بس الي لقيتها مشتركه بينهم كلهم وهي الخضوع مش عارف لي لكن بحس انهم بيبقو مبسوطين ومستمتعين كده اكتر كل ما اهينها ، الموضوع كان غريب بالنسبالي اول مره مع اول بت اعرفها لكن اتعودت وبقيت احس ان ده الطبيعي لكن مش عارف هو كل البنات كده وده الطبيعي فعلا ؟ ...عرض المزيد

2 الدعم

6 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع