تحسين الصورة الذاتية

Coffee_49518 🇲🇦

منذ 9 أشهر

شعور مليء بالحياة

موضوع:

هل يوجد شيء في شكلك الخارجي أنت غير راضي عليه وتتمنى تغييره

عبّر عن شعورك بشكل مجهول

قبل كده كانت ثقتي فنفسي في الحضيض كنت لما أجيب من الدولاب حاجة ألبس أي حاجة و خلاص عشان كنت حاسة اني قبيحة و ان الملابس الى بلبسها مش هتفرق حاجة و لما كنت بخرج كنت ببص لكل حد في ال شارع و بقيم جماله من عشره و بقعد أفكر في الحاحات الي لو اتغيرت في سكلهم بتخليهم احلى و لما بشوف بت حلوة بقارنها بنفسي برضو،في كل مرة كنت بدخل للحمام كنت بفضل اتحسس بوشي و بفكر اني قبيحة بجد و ليه الناس الي بعرفهم مبينفروش مني و أنا بالقبح كله ده(عارفة يمكن حد يقول انه ملهوش علاقة بس أنا كان تفكيري كده وقتها) حتى فحاجات بسيطة جدا زي بروفايلات فيسبوك كنت بحط صور سادة عشان بحس ان صور الانمي و كل ده حلوين عكسي انا و ان حد قبيح زيي مش المفروض يحط صورة حلوة او يلبس حاجة حلوة أو يبقى عنده صحاب...وصلت لمرحلة ان بستغرب ازاي ابويا الي بيحبني ازاي مبيتكسفش مني لما نكون في تجمع عائلتي...ازاي مبيتكسفش من القبح ده كله؟....ده بجد كان تفكيري كله تشاؤم و قلة ثقة بالنفس...مشعارفة ازاي عالجتها...لا...مفيش حد ساعدني....غلط...في حد ساعدني،أنا صح مكنتش بصلي و دي حاجة مش كويسة أيوة بس الحمد لله ربي هداني و بقيت بصلي...و حسيت كانه؟...كل الجروح الي كانت فقلبي بتتشفي بعد كل صلاة...تقربت من ربي أكثر و أكثر و مبقتش في حاجة غير كده فارقة معايا...لا فلانة و لا فلان...الشخص الوحيد الي حسيت براحة لما كلمته و لما شكيت له همومي كان هو الله...بعد كده بدأت ثقتي بنفسي بتزداد تدريجيا في الأول كنت بقول ان وشي حلو بس لو انفي كان اصغر من كده و حاجات زي كده...بس بعدها بقيت بشوف نفسي حلوة...لما فضلت اتامل تفتصيل وشي؟..أنا فعلا حلوة...حلوة بجد!...ازاي مشفتش الجمال ده كله؟!!...و كنت بشوف بس العيوب!!...حسيت بالثقة لأول مرة...!!!

Strawberry_75802 🇪🇬

أنا محتاجه أبويّا وانا مش لواحدي

طريقه يكون عندي بيها اب؟....انا عندي مشكله اني طول الوقت بدور على حد يعيشلي دور الأب ويحسسني أنه زي بابا حتى ف اختياري للناس ال يكونو معايا دا بياثر عليا ....علفكرا بابا موجود بس هو موجود لنفسه وبس ...رغم اني مبقيتش صغيره الا اني فعلااا مفتقده لكل حاجه ممكن اي اب بيعملها لبنته انا ادفع عمري كلو واحس مره واحده بس اني عندي اب واني مش لواحدي وكذلك ام بس انا مفتقده لبابا اكترررر ...لو في اب عاوز يتبني بنت انا موجوده ...عرض المزيد

3 الدعم

27 نصيحة

Sugar_75619 🇪🇬

مش عارفة أقول "لا" من غير ما أحس بالذنب

ساعات بلاقي نفسي بمشي ورا طلبات الناس من غير ما أفكر، وبوافق على حاجات مش عاوزاها علشان ما أحرجش اللي قدامي أو أزعله، حتى لو ده بيكون على حساب نفسي. ولو جيت أقول "لا" في مرة، بحس إني أنانية أو مقصرة. المشكلة إني مش عارفة إمتى يكون من حقي أقول "لا" من غير ما أحس بالذنب؟ وهل في طريقة أقدر أوازن بيها بين إني أرضي اللي قدامي وفي نفس الوقت ما أظلمش نفسي؟ ...عرض المزيد

6 الدعم

23 نصيحة

Coconut_73870 🇪🇬

طاقتي خلصانه وبجبر نفسي أشتغل عليا ضغوطات

حاسه ان طاقتي خلصانه ومش قادره اشتغل بس بجبر نفسي و بشتغل عشان مضطرة و عليا ضغوطات شغل جامد اوي و مش بتكلم عن ده مع حد بشتغل زي الحمار في ساقية و ده يجيبلي اكتئاب و كل يوم بيزيد عن التاني بس برضو مش بستسلمله وبشتغل بس منهكه اوي و تعبانه اني مش عارفه اعبر عن اللي تاعبني و معنديش طاقة للناس بس مضطرة برضو اتعامل فحاسه اني مش انا طول الوقت ...عرض المزيد

1 الدعم

20 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع