تحسن الحياة

Coffee_61291 🇪🇬

منذ شهر واحد

شعور مرهق

انا عايز اسال سؤال بس ياجماعه انا اهلي من ونا صغير رموني ف الشارع علشان مكنوش قادرين انهم يلبولي احتيجاتي الحمدلله انا كبرت وحياتي بقت كويسه دلوقتي هما عايزيني اني ارجع هل من المنطق اني اوافق ولا اعمل ايه خصوصا يعني اني بسببهم انا ادمرت نفسيا وصحتي مش كويسه الفتره دي بس انا مش محتاج لحد فيهم انا كده

Kiwi_27850 🇪🇬

منذ شهرين

شعور محبط

Hazelnut_52786 🇪🇬 انتي تستاهلي كل خير في الدنيا وربنا شايف قلبك وبيحبك حتى لو انتي مش حاسة بكده دلوقتي. ابدئي بخطوة صغيرة، خدي كورس طبخ بسيط أو اتعلمي أكله بتحبيها، النجاح بيبدأ من حتة بسيطة. الصاحبة الحقيقية هتيجي لما تكوني نفسك من غير تمثيل، خليكِ على طبيعتك وهتلاقي اللي يحبك كده

عرض الكل 8 نصيحة

عبّر عن شعورك بشكل مجهول

هو ليه بجد طول حياتى معنديش بسيت فريند حتى لو واحدة بس🙂🙂 
بجد نفسى يكون عندى بيست تشاركنى كل تفاصيل حياتى ونفضل سوا نعمل تيك توك نتصور نرغى سوا نعمل كل حاجة سوا💔💔  
عندى صحاب كتير بس معنديش بيست 😭😭💔
نفسى بجد يبقى عندى صاحبة هى كل حياتى معظم صوري سيلفى و ميش دايمااا بتطلع احسن حاجه عشان معنديش بيست تصورنى وبتكسف اقول لاى حد يصورنى فى أوت فيت بلبسها لحس انى عايزة اتصور بيها بس بتكسف اقول لحد صورنى لو كان بيست ماكنتش هتكسف منها
هو انا اه انطوائية وعندى رهاب اجتماعى بس ده مش سبب كافى أن ميكونش عندى فى ناس كتير انطوائين وعندهم صحاب 
وانا مبحبش افرض نفسى على حد لو حيست ذرة إنى مفروض على الشخص إلى قدامي ببعد من المكان إلى انا فيه 
الوحدة حلوة بس في محتاجين حتي لو صاحبة واحدة فى حياتنا
فى ناس مش عندها صحاب بس عندها حاجات تانى تعوضها عن الصحاب زى الانجازات إلى عمولها فى حياتهم
انا معنديش اي انجازات فى حياتى
يعنى معنديش إنجازات ومش بعرف اتعامل مع الناس و مش بعرف ومش بعرف اتكلم انجليزي ولا أفهمه ومفروض أن في سياحةو فنادق ونفسى ابقى شيف ناجح ده حلمى ونفسى افتح مطعم خاص بيا بس انا مبعرفش اعمل اكل يعنى فاشلة فى كل حاجة فى حياتى وشكلى مش حلو وفاشلة دراسياً 
انا نفسى بس ربنا يجبر بخاطرى ويبقى عندى صحاب بجد وحياتى تتحسن وابقى ناجحة فى حياتى
واعيش الحياة إلى نفس اعيشها بدعى ربنا كتير نفسى يتقبل معرفش ممكن يتقبل من واحده زيي ولا لا ومعرفش انا تستاهل فعلا ولا لا ومعرفش ربنا بيحبنى ولا لا بس انا بحبه اووى🥺🥺🥺💔💔💔💔

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Blueberry_29908 🇪🇬

منذ 9 أشهر

شعور مليء بالحياة

موضوع:

اتعملتوا مع انفصال او طلاق اهلكم اهلكم ازاي

عبّر عن شعورك بشكل مجهول

وانا صغيره مكنتش متعلقه بحد من اهلى ولا كنت بحس بمشاعر تجاههم كنت بفكر بعقلى بس بعيدا عن المشاعر ولحد دلوقتي كده المهم ماما وبابا كانت بتحصل بينهم مشاكل بسبب سحر فضلوا 3 سنين كلها خناق وانا طول ال3 كنت بدعى يطلقوا واخواتي كانوا متعلقين جدا جدا بأهلى وكانوا كل خناقه يعيطوا بينما أنا كنت اقعد اتفرج واستنا بابا يرمى عليها اليمين صراحه كنت شايفه أن ده من مصلحتنا بس بابا كان بيحب ماما جدا بس مكانش بيحاول علشان يغير إلى مدايقها وماما ماكنتش بتحاول تتغاضى عن إلى مدايقها والمشاكل كانت بتزيد وانا كان كل إلى هاممنى أنهم يوطوا صوتهم وهما بيتشاكلوا وكنت بحب انسى اخواتي إلى بيحصل و بما انى الوسطانية كنت بسمع اختى الكبيرة وأشوف هيا مدايقه من اى و العب مع اختى الصغيرة المهم اهلى انفصلوا وانا عندي 12 سنه مكنتش مدايقه بل بالعكس كنت مبسوطه بابا دخل في اكتئاب بعد انفصالهما وماما أجرت لنا شقه جنب تيتا وبدأت تشتغل وبنت لنا حياة من الاول وبعدين بابا طلع من الاكتئاب وبدأ يشتغل على نفسه ورجع كمل دراسة فى الجامعة هو دكتور نفسي وسافر السعوديه وبدأ يبعتلنا فلوس وكل إلى نحتاجه وامى رجعت درست وبقت دكتوره فى كلية دراسات اسلاميه وبعدين اتقدملها عرسان كتير اخواتي كانوا رافضين فكرة انوا يبقى معانا راجل تانى بس انا كان عندى رأى تانى قلتلها انتى حرة عايزه تبداى حياتك تانى ابدايها بس خليكى فاكره أن القرار ده هيأثر على مستقبلنا كلنا وبعدين وافقت على واحد تبقى زوجه تانيه وهو معاه خمس عيال و شفنا المر من كمية المشاكل منه ومن مراته وعياله قعدت سنه عند تيتا عشان مكنتش بحب وجع الدماغ ده بس السنه دى دمرتنى دراسيا مهو مكنش حد يقولى زاكرى وخلصت السنه وامى كانت حامل في بنت وبعدين رجعت عند ماما تانى والبنت دخلت الحضانه وقعدت 15 يوم بسبب ثقب في القلب و انقطاع النفس ودى كانت وراثية من ماما ثقب القلب ومن ابوها النفس المهم الثقب قفل فى أو ست شهور ليها ونفسها بقى كويس ودلوقتي عندها سنه ونص واكتر حد بحبه الحمد لله حياتنا بقت احسن بقى عندنا بيت تلات ادوار وعربية وعلاقه ماما وبابا بقت كويسه هيا بتاعمله على أنه ابو بناتها وهو بيعاملها على أنها أم بناته وحياتنا بقت أهدى وانا بقى عندى 16 سنه واختى الكبيرة 17 والصغيرة  11وانصحكم متتسرعوش فى الحكم على حياتكم ممكن تتحسن بس بعدين

Marshmallow_69067 🇪🇬

سيبوا البنات في حالها.. مش كل واحدة عايزة تتجوز

انا عارفة ان كلامي مش هغير نظرة المجتمع ف حاجة ولكن لعل شخص واحد ممكن يتأثر بكلامى.. هو احنا ممكن نسيب البنات في حالها؟؟ ينفع منحكمش عليهم وإن البنات عايزة تتساوى مع الرجالة عشان دا مش حقيقي البنات فاقدة الأمان والثقة فبتتحامى في كاريرها وكلمتين بتقولهم عشان تبين نفسها جامدة ومش بتخاف والحقيقة انها بس مش عارفة تثق في حد.. الراجل فى نظر المجتمع مش هيعيبه انه يطلق مرة واتنين وتلاتة لكن البنت غالبا غالبا بتتجوز مرة واحدة زمان كان الجواز سهل مش قصة إمكانيات ولا كان الرجالة بتجيب ورد ولاليهم في جو الرومانسية لكن كانوا رجالة بجد عارفين يعني ايه مسؤلية ف أقل القليل لو محبش مراته مش هيظلمها.. دلوقتي البنت اول م تخطى اول خطوة في موضوع الجواز بتهرب لأنها بتخاف ودا بيكون بناءا عن تصرفات صدرت من الطرف التاني بينتلها انه مش قد المسؤلية .. في بنات بتقبل بعلاقة مش مبسوطة بيها بس لمجرد انها تتجوز وهي صغيرة وبشوف نماذج كتير هي مش سعيدة هي عايشة عشان عيالها بس هى حرة طبعا دا اختيارها . و في بنت بتستني شخص هى عارفة انه موجود وفي نفس الوقت بتتأكد كل يوم انه مش موجود ومع ذلك بتدعي لانها عارفة ان ربنا قادر البنت دى المجتمع مش بيرحمها لان سنها بيكبر ووالعشرينات بتخلص والتلاتينات بتخبط عليها وفجأة بيبقى مطالب منها تتنازل بس هي مش هتعمل كدا ايوا الضغط عليها صعب ولكن هى لو كانت بتتأثر بكلام حد كانت اتجوزت من زمان.. كمجتمع بلاش تلموموا بنت سنها بقا ٣٠ او اكتر ومتجوزتش عشان هى والله اكيد عايزة تفرح بس مش تفرح ساعتين وتندم عمرها كله انت كراجل اختار السن المناسب بالنسبالك بس سيبها في حالها هي متأكدة انها هتقابل الشخص الى هيختارها عشان هى هى عشان صفاتها وروحها وملامحها الى ربنا اختصها بيها .. جماعة سيبوا كل حد في حاله كل إنسان له قصته وحياته الى بيكون راضي بيها وبيشكر ربنا عليها بس كلامكوا بيحسس الشخص دا انه فيه حاجة غلط.. ممكن اقول حاجة اخيرة البنت الى عندها ٣٠ سنه هى هى البنت الى عندها ٢٠ سنه مفيش حاجة بتتغير الا عدد السنين والايام الى عاشتها لسه كل حاجة جواها بتحسسها انها طفلة ليه بتعجزوها بكلامكوا ...عرض المزيد

0 الدعم

1 نصيحة

Strawberry_65453 🇪🇬

ضحيت بمبدئي عشانه وقللت من كرامتي

بعد حب 8 سنين مكنتش عارفه بيدلني نفس الشعور ول لا قررت انى اتنازل عن واحد من مبدئي عشانه و اني اقوله حقيقه مشاعري تجاه و كلامه كان كانه بيقولى ان حبي ليه كان من طرف واحد او ان في حد تاني ف حياته و كنت قرره من الاول انه لو حتى فى حاجه من ناحيته ليا او لا هبعد ف الحالتين عشان حرام .... انا مش مضايقه على كل سنين دى انا مضايقه اني ضحيه بمبدا من مبدئي عشانه غير كده حسيت اني عملت ذنب كبير غير الذنب حساه انى قللت من كرامتي و من نفسي اوووى و ف نفس الوقت انا بجد مش قادره ابطل عياط من يومهاا و كل لحظه و ثانيه افتكر اللى حصل و بقيت نسخه وحشه اوووى من نفسي سوء عصبيه صوت عالي خنقه زهق عياط سرحان و بجد مش عارفه اعمل ايه او ابطل تفكير فيه ازاى و ابطل تفكير في اللى حصل ازاى و مش عارفه ارجع كويسه و مش قادره استوعب كل ده....؟! ...عرض المزيد

0 الدعم

6 نصيحة

Watermelon_73524 🇪🇬

كارهة الرجالة وبحاجة لراجل في حياتي

انا يا جماعه كنت كاره الرجاله اصلا واتجوزت عشان أهلى. عايزين كده واهلى كانو صعبين اوى عليا اتحوزت قعدت 8سنين وانفصلت ورجعت مش عايز اى راجل فحياتى بس غصب عنى بحس ان محتاجه راجل فحياتى عزلت نفسي خمس سنين بعيد اى حد ولما لقيت شخص مناسب طلع متجوز ومش عايز جواز كرهت الرجاله اكتر ارجع تانى زى ما كنت انا وابنى وبس وحالة الملل والاحتياج للاستقرار جوايا بش مضطره ابعد عن الناس تانى ورجعت من بره مصر معنديش أصحاب ...عرض المزيد

0 الدعم

9 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع