تحرش في التاكسي قصص حقيقية - 1 تجارب، ونصائح، ودعم

Tofu_21948 🇪🇬

منذ 11 شهرًا

شعور قلق

تعرضت للتحرش قبل كدا من سواق تاكس وانا عندي 5سنين كنت بخاف اركب تاكس طول الوقت بس حاليا مجبره بسبب الجامعه و الكورسات ومفيش مواصلات عامه في منطقتي لازم تاكس او اوبر ممكن تقولولي علي اي وسيله دفاع عن النفس لان كتير اوي اقلق وانزل في نص المسافه لو حتي بصلي باصه غريبه

بعمل صفحات بنات وهميه لأخذ كروت شحن. مرض ولا غلاء؟

صباح الخير انا شاب عندي مشكله كبيره وهي اني بعمل صفحات وهميه باسامي بنات واخد من ناس كروت شحن واحيانا فلوس علي فودافون كاش هل ده مرض ولا انا بعمل كده بسبب المصاريف اازياده والغلاء وهل المفروض اعمل ايه عشان ابطل لاني كل ما بقفل الصفحات دي مش بكمل شهرين وارجعهم تاني😔 ...عرض المزيد

0 الدعم

0 نصيحة

فكرتي لإنقاذ كرامة المواطن المصري من المهانة

كلنا عارفين إن البلد دي مليانة خير، بس برضه مليانة مشاكل بتتعبنا كل يوم: 🔻 موظف حكومي يعطّلك بالساعات عشان تمضي ورقة صغيرة. 🔻 ظابط أو عسكري يكلمك بطريقة مهينة وكأنك مش بني آدم. 🔻 سوق مليان جشع، أسعار بتتضاعف من غير رقابة، وتاجر يستغل المواطن الغلبان. 🔻 شاب واقف في لجنة مرور يتظلم ومافيش حد يسمعه. 🔻 أم بسيطة تروح مصلحة تدور على حقها، ترجع مكسورة بسبب معاملة سيئة. المشاكل دي مش صغيرة.. دي اللي بتكسر نفسية المواطن كل يوم. المواطن اللي بيشيل البلد على كتفه هو اللي بيدفع التمن. ومن هنا جات الفكرة: “الرقابة العامة للأمن الوطني المصري” ✨ جهاز أعلى من الداخلية والدفاع، بيتبع رئاسة الجمهورية مباشرة، هدفه حماية المواطن وكرامته قبل أي حاجة. إزاي الجهاز ده هيحل مشاكلنا؟ ✅ في المواصلات والشارع: لو حد من الأمن أو أي مسؤول تعامل معاك بقلة احترام، فيه عين بتراقب ومحاسبة حقيقية مهما كان منصبه. ✅ في الأسواق: مفتشين سريين يراقبوا الأسعار والتجار، وأي جشع أو استغلال يتردع فورًا. ✅ في المصالح الحكومية: أي موظف يذل الناس أو يعطل مصالحهم هيتحاسب، وهيتعامل مع المواطن زي ما يتعامل مع مسؤول كبير. ✅ في التعامل مع الشرطة: الضابط أو العسكري اللي يتجاوز في حق المواطن، يتحاسب فورًا.. عشان الشرطة ترجع تكون "خدمة الشعب" زي ما مكتوب على العربيات. ✅ في حياة المواطن اليومية: الجهاز مش بيراقب الشعب.. لا، هو بيحميه. بيخلي كل مواطن يحس إن ليه قيمة وكرامة محفوظة، وإنه مش وحده. --- يا شعب مصر، إحنا مش بنخترع وهم.. إحنا بنبني فكرة ممكن تغير شكل البلد. جهاز يضمن إن القانون مش بس ورق، لكن كرامة محفوظة لكل مصري. الكرامة مش رفاهية.. الكرامة حق. واللي بيحافظ على كرامة شعبه، بيحافظ على وطنه. 💬 شاركونا: هل شايفين إن جهاز زي ده هو الحل للمشاكل اللي بنعاني منها؟ وهل تحلموا تعيشوا في بلد مفيهاش مهانة ولا ظلم؟ دي فكرتي كان نفسها اعرضها ع الناس و اشوف رائهم بس طبعاً الشعب المصري و الأهل و الدولة بيتريقو ع أي فكرة جديدة و يحطمو صاحبها من أنه يفكر اصلا اتمني تقولو رايكم فيها حتي لو وحشة و الي منكم شايفه حلوة يقول رأيه و لو عنده افكار تطوير يقول يمكن وقتها الدولة تشوف لو عجبتك الناس تفكر تحققها ...عرض المزيد

0 الدعم

0 نصيحة

ليه الجواز صعب اوي على الرجالة؟

عندي مشكله رخمه اوي انا شايف أن كل اللي اتجوزو عايشين حياه صعبه اوي سواء اصحابي أو اخواتي أو اي حد في العيله عارف ان رد الناس عليا ان الحلوه مش بيتحكي بس انا بتكلم علي الراجل ظروف الحياة بتخليه عايش في ساقيه مش بتخلص كل دوره أن هو يشتغل عشان يصرف بس ... والله أنا شخص كويس وبحب الدونيا بس بحس أن بستغنا عن حجات كتير اوي مقابل الجواز ...عرض المزيد

1 الدعم

1 نصيحة