تحرش الأب

Jackfruit_74119 🇪🇬

منذ 9 ساعات

شعور مكسور القلب

Apple_71228 🇪🇬 ياهمى

عرض الكل 17 نصيحة

عبّر عن شعورك بشكل مجهول

حكايتي زي ما هي، من غير تجميل"
أنا بنت، أهلي منفصلين من زمان. بعد الانفصال، والدتي اتجوزت، وحصلت مشاكل مع زوجها. وقتها اضطريت أسيب بيتها وأروح أعيش مع أبويا، وكنت فاكرة إني رايحة لمكان آمن، رايحة لحد ممكن يحميني ويقف في ضهري. وأنا ماشية من بيت أمي قلت لكل الناس إن أبويا هو أحسن راجل في الدنيا، وإنه هيكون سندي الحقيقي.
أبويا جابلي تليفون وقتها من فلوس النفقة، اللي هي كانت ٢٠٠ جنيه في الشهر، وجمعتها من سنين متراكمة عليه. كنت فخورة بالهدية دي، حسيت إنه بيحبني وعاوز يعوضني. بس الحقيقة كانت غير كده تمامًا.
لما رحت عنده، اتحولت لوحدة بتخدم في البيت. مراته، بنتها الصغيرة، وولادها، كلهم كنت أخدمهم، وكأن ده دوري الطبيعي. مع إني ماكنتش شايفة مشكلة في الخدمة وقتها، كنت بس نفسي في بيت أعيش فيه بكرامة. مراته كانت ست مش كويسة، وكنت أعرف عنها حاجات مش محترمة، بس كنت ساكتة.
قبل ما يبدأ يتحرش بيا، هو ومراته سرقوا تليفوني، علشان مايبقاش عندي وسيلة أتكلم بيها أو أطلب مساعدة. وبعدها بدأ يتصرف تصرفات غريبة: يقولي كلام مش محترم، يطلب مني أقعد على رجله، يلمّح تلميحات جارحة. ووقتها كنت داخلة على ١٨ سنة، مش فاهمة إن اللي بيحصل ده اسمه تحرش.
وبدأت الوقائع تحصل فعلًا. اتحرش بيا كذا مرة، وأنا ساكتة، مش عارفة أعمل إيه. مش قادرة أرجع عند أمي، ومش قادرة أحكي لحد، لأن اللي بيعمل كده مش غريب... ده أبويا.
فكرت أهرب، أختفي من حياتهم، وأبدأ من أول وجديد في مكان ما حدش يعرفني فيه. فعلاً حاولت، لكن مراته جابتني، وبدل ما تحاول تفهمني، فضلت تحكيلي في مواعظ وكلام فاضي. ورجعت تاني، مضطرة أعيش وسط القهر.
جيه وقت كنت داخلة ثانوي عام لغات، بس هو كان رافض، وعاوز يدخلني تجاري. حصلت خناقة كبيرة، وكنا قاعدين قدام ناس من أهل مراته، وفجأة قال كلام كذب، ولما قلتله "أنت كداب"، ضربني بالقلم مرة ورا التانية ورا التالتة.
ساعتها، أنا ما سكتش، وقلتله: "قسم بالله ما هتشوفني تاني بعد اللي عملته ده". أمي حسّت إن في حاجة غلط، كلمتني، حاولت تفهمني، وفعلاً صدقتني، وطلبت أروح لها. روحت، بس الكل كان شايفني كأني بكذب، أو بألف أفلام. بس لو كنت هألف، هألف على أبويا؟
كنت مقررة أسكت، وأدفن الموضوع، خصوصًا إني كل ما أجي أتخطب وأقول الحقيقة، الشخص بيمشي. فقلت هتعامل معاه كأنه عادي، يمكن أعيش بسلام.
في ٢٠٢٣، وأنا بقدم في جامعة، كنت عند عمتي، وقالتلي جربي تكلميه يساعدك في المصاريف. رحت له في محل البقالة بتاعه، وفعلاً دفع لي ٢٠٠٠ جنيه من أصل ١٦ ألف، بس ماقدرتش أكمل، لأن ما كانش معايا الباقي.
في السنة اللي بعدها قدمت في جامعة في العريش، وقاللي "هديكي"، وسافرت.  وبعد فتره طلبت فلوس كنت مش معايا ولا جنيه بعتلي بعد خمس أيام من المحاولات،  بعتلي ٥٠٠ جنيه، وبعدها قاللي وبعد كام يوم كنت تعبانه وواخد علاج وكلمته عشان كنت عاوزه فلوس انزل قالي إن أخويا بعتلي كمان ٥٠٠. وسكت. ولما خلصوا الفلوس، وبكلمه، قالي: "مفيش، وهتصرفلك كذا يوم" بسببه اضرطدت م السكن . اضطردت  في الشارع الساعة ٩ بليل، في محافظة تانية، لا معايا أكل، ولا مكان أرجع له، ولا فلوس.
رجعت، وهو ما سألش فيا، ولا حتى كلمني. ولا حتي حاول يعتذر ولا اي حاجه  وعرفت إنه عنده فلوس، بيشتري شقتين، محلين، وبيأمن مستقبل مراته وولادها، لكن أنا… أنا ماكنش ليا حاجة.
فضلت ساكتة، بس في ٢٠٢٥ قررت أتكلم، وأرفع قضية "نفقة أقارب". مش بس علشان الفلوس، لكن علشان أقول لنفسي إني مش ضعيفة، ومش لازم أعيش في خوف وسكوت. هو دلوقتي موكّل محاميه وماشي في حياته، كأن ماعملش حاجة، بس أنا مش هسكت.
البجح بيعيش على حساب اللي بيتكسف، وأنا قررت أتكلم... علشان أعيش بكرامتي. المشكله قلبي في نار وحرقه محدش حاسس بيها ومش عارفه اي اللي هيطفيهاا حقيقي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chocolate_64110 🇪🇬

منذ أسبوعين

شعور ضائع

موضوع:

تجربة غيرتك 180 درجة

Lemon_69130 🇪🇬 اب قذر والاسوء انه عمل كدة يوم عيد ميلادك وكنتى طفلة كمان 13 سنة ، عمتا ربنا يهديه او ياخده ويهديلك حالك وعايز اعرف معلش انتى عندك كام سنة دلوقتى عشان نعرف حالتك ينفع تتعالج ولا لا

عرض الكل 8 نصيحة

عبّر عن شعورك بشكل مجهول

ان انا ابويا من و انا اقل من عشر سنين لحد دلوقتى و هو كانت بيتحرش بيا و حاول يغتصبنى قبل كده يوم عيد ميلادى و انا ١٣ سنة و انا كنت اشتكيت لامى و هو لما عرف بطل يصرف على البيت لغاية دلوقتى . و امى كانت فى الاول بتحمينى و مش بتخلينى ابقى معاه لوحدى ابدا لكن دلوقتى مبقاش زى الاول كانه نسيت الى حصل ده انا حرفيا بخاف استحمى و هو قاعد فى الصالة .. لازم امى او حد من اخواتى يبقى قاعد و فى نفس الوقت انا ممنوع عليا انى احكى لاى حد .لان حتى امى لما حكتلها بطلت تهتم بالموضوع . حرفيا من طفولتى و انا فاقدة شعور الامان و ان يكون ليا اب و كل م بشوف حد من اصحابى من ابوهم بزعل قوى مش لانى بحسدهم بس لانى فاقدة الشعور ده و لحد دلوقتى مش عارفة اثق فى حد تانى ابدا حتى امى مش بحكيلها اى كلمة حرفيا .. اهلى ميعرفوش عنى حاجة خالص . بقيت بحاول كل الطرق انى اشتغل و اعيش لوحدى عشان اخلص من كل ده . ده طبعا غير انى حؤفيا معنديش خصوصية خالص فى البيت حرفيا باب الاوضة عمره م بيتقفل عليا و كأنى هقتل حد .. ف انا بحاول اخد قرار انى ابعد عنهم باى طريقة حتى لو كانت دراسة المدرسة دى فوق قدراتى . لانى حرفيا مش متخيلة ان الناس بيتعبوا عشان يروحوا مدرسة للمتفوقين عشان هما فعلا متفوقين و انا بعمل كده بس عشان اهرب من اهلى مش اكتر

Sugar_57274 🇪🇬

منذ شهرين

شعور محبط

Cookies_59142 🇪🇬 انصحك تقري كتب تشغلي دماغك بحياة مختلفة مع كل كتاب جديد هتقريه وفيه كتب نفسة جميلة جدا عموما وفيه كتب خاصة بالموضوع ده بالذات رائعة الموضوع حالة شاذة متكررة فا الحل كتير وهتلاقيه في الكتب صاحبي الكتب وصاحبي نفسك

عرض الكل 11 نصيحة

عبّر عن شعورك بشكل مجهول

مش عارفة ابدء منين
بحاول كتير اتخطى بس الخوف و القلق و العصبية مسيطرين عليا
انا بنت 
عندي دلوقتي ١٨ سنه
يمكن اللي هحكيه دلوقتي قليل جداً اللي يصدقه بس انا بجد محتاجه احكي 
انا اتعرضت للت.حرش في سن ال ١٠ سنين
مش مره او مرتين الحقيقة 
هو من وانا ١٠ سنين لحد ما وصلت ١٤ سنه 
بشكل ممكن يوصل لكل يون 
بالمناسبة المُت.حرش كان ابويا
علطول بسمع عن حب الاب و حنانه و صحبيته لبناته 
بس انا كان حتى حضن ابويا ليا شهواني
ازاي افهم ده 
حاولت كتير اقول لماما 
بس يوم ما جتلي الشجاعه اتكدبت طبعاً و اتهمتني بأسوأ الصفات 
لحد ما جيه اليوم الموعود
واحدة من اخواتي شافته و هو بيعتدي عليا و انا نايمه
انصدمت و هي قالت لماما وقتها بس صدقتني
وقتها اخواتي كلهم دخلوا في حاله من الهلع و الخوف و امي معانا 
و انا كان عندي لا مبلاه غير طبيعية
لحد ما وجهناه انهم عرفوا كل حاجه 
و وقفت قدامه و قررت اطلع غضبي منه 
و المفاجأة انه شايف نفسه مش غلط ، و شايف ان والله زوجته (والدتي) لو كانت مكفيه مكنش عمل كده
و كمان هو معملش حاجه شنيعه يعني 
و قالها ليا صراحتاً هو انا ن.مت معا.كي ؟
طلبت منهم اروح لدكتور نفسي طيب اتعالج من أثر صدمتي و غضبي 
اللي بيوصل اوقات لصريخ هستيري او تكسير او حتى كوابيس فيها كل حاجه كانت بتحصل بس الفرق اني ببقى واقفة بتفرج على نفسي مش قادرة الحقها 
طبعاً رفض لاني كده بفضحه 
محتاجه حل عشان اقدر اساعد نفسي اتعافى 
انا بوصل اوقات اني مقدرش انام 
او انام لوقت طويل اوي حاسه فيه بكل حاجه في الحلم كأني صاحيه و اول ما اصحى احتاج انام تاني عشان ارتاح من تعب الحلم لدرجه ان ده ممكن يتكرر ل ٥ مرات ف نفس اليوم ممكن وقتها انام اكتر من ١٤ ساعه 
محتاجه حل فعلياً
انا بس طالبة اتعالج

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_74156 🇦🇪

مش كل الصح يتقال.. عشان مش كل بني ادم عاقل

بعد سنين من المقاوحة اقتنعت ان فعلا حتى لو بتتكلم ف الصح مش كل الصح يتقال لأنه مش دايما هتكون بتكلم بني ادم عقله قادر يدرك إن ده الصح ولا دايما هيكون عنده شجاعة تصحيح المفاهيم والتخلي عن معتقداته الغلط أو حتى الاعتراف بده ، مش دايما هيكون اللي قدامك بني ادم اصلا. ...عرض المزيد

0 الدعم

1 نصيحة

Strawberry_74152 🇪🇬

عايش جوا معركة كل يوم مع اضطراب الشخصية الحدية

الشخص اللي عنده اضطراب الشخصية الحدّية عايش جوا معركة كل يوم، مشاعره مش ثابتة، يوم يحب حد جدًا ويحس إنه أهم إنسان في حياته، وتاني يوم يخاف منه أو يغضب عليه، أكتر حاجة بتتعبه إحساس الفراغ.. دايمًا حاسس إنه فاضي من جوه، كأنه مش عارف هو مين ولا عايز إيه. عشان كده بيتعلق باللي حواليه بطريقة كبيرة، بس في نفس الوقت بيخاف يتساب أو يتخلى عنه حد، فيتحول التعلق ده لعصبية أو اندفاع. الموضوع مش إنه شخص درامي أو بيحب يوجع دماغ اللي حواليه.. هو فعلًا بيتعذب من جواه. ممكن يدخل في نوبات قلق أو اكتئاب، وياخد قرارات متهورة وهو مش قصده. حد فاهم قصدي؟. ...عرض المزيد

1 الدعم

2 نصيحة

Mango_28732 🇪🇬

طردت من البيت وعيلتي كلها ضدي.. مش عارف أعمل إيه

انا دلوقتي منهار جدا ومش عارف اعمل ايه. انا عايش مع عيلة نرجسية سامة بيذلوني بكل الطرق. انا في تالته ثانوي ازهر، وبسبب المشاكل وظروفي النفسية اللي بسببهم اجلت السنه. دلوقتي ابويا رجع من سفره وطردني، وانا قاعد عند اهل امي اللي كلهم نرجسيين ومنهم السادي وهما بيكرهو حتى نفسهم وكلهم بيكرهوني بدون اي سبب ابدا وبيستقصودوني وبيعلقو علي لو شربت مايه حتى ،ودلوقتي المشاكل بين امي وابويا كبيرة وهتوصل للطلاق ، والغلط الاكبر من امي النرجسية، وابويا برضو مخطئ واشد نرجسية منها واسوء منها . اهل امي وامي كلهم اجتمعوا عليا، طردوني وشتموني وافتروا عليا بالكذب وشوهوا سمعتي. انا دلوقتي مش عارف اعمل ايه ولا اروح فين، خصوصا اني في تالته ثانوي ومعنديش اصحاب ولا حد اروحلُه. عندي اضطرابات نفسية بسببهم: C– PTSDوصدمات نفسيه عنيفه من الضرب والاهانه والتحرش والتنمر كل دا من اهلي واصحابي والمدرسين وغيره وانا منعزل تماما دلوقتي ، وعندي رهاب اجتماعي حاد، اضطراب تواصل، وإدمان متعدد. وبرغم كده انا عايز اذاكر وأنجح عشان اخرج من كل دا، لكن الظروف كلها ضدي، ومش عارف اعمل حاجة ولا اذاكر، انا وحدي من غير أي دعم. الكل اتخلى عني من وانا صغير. دلوقتي امي طردتني وعملت معايا حاجات تانية اكبر من كدا مش قادر أذكرها لأني مرهق جدًا ومكسور ومش قادر أكتب أكتر. انا بكتب هنا يمكن ألاقي حد يوجّهني ويقولي اعمل ايه أو أروح فين. انا حرفيًا تايه ومش عارف أبدأ منين او اروح فين اذاكر ازاي اطلع من الوضع دا ازاي مفيش اي حل دلوقتي قدامي ...عرض المزيد

0 الدعم

0 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع