تجوز الأب في السر

Cheese_54753 🇹🇷

منذ 3 أيام

شعور ضاق ذرعًا

عبّر عن شعورك بشكل مجهول

حقيقي تعبانة وبعمل نفسي تخطيت وانا حاسة اني لسه في مكاني
عدى سنة من ساعة ما عرفت انه بابا اتجوز على ماما في السر هم يعتبروا منفصلين كل واحد في حتة بس الموضوع عاملي حاجه زي تروما مش عارفة اطلع منها
بابا انسان كويس صرف علينا حمدلله وكبرنا بس هو emotionally unavailable ومحاولش يبني معانا علاقة حقيقة بسن اب وبنت وبالتالي كبرنا منعرفش حاجه عن بعض
تعبت لما اتكلم مع الموضوع مع اخواتي او مع اي حد يقولي حقه وحلال هو انا اللي حصل فيا حلال؟ انه البيت يتفكك ويستغنى عن ماما اللي افنت عمرها عشانه وكل واحد يبقى في حتة بسببه حلال؟ هو انا كمان مش من حقي اروح اتجوز دلوقتي وبمذهب ابو حنيفة اقدر اتجوز بدون ولي امر هو مش ده حقي وحلال؟ بس انا مبعملش كده مش عشان مجتليش الفرصة بس عشان انا عارفة انه كسرة القلب حرام.. انا مكسورة وتعبانة ومش قادرة اتقبل الموضوع مش قادرة اتقبل انه عندي اخت معرفش عنها اي حاجه ويمكن معرفش مش قادرة اتقبل انه اختار نفسه هتقولولي انت انانية وهو بني ادم زيك زيه وعيشي حياتك وانسي لو اعرف اعيش حياتي وانسى كنت عملت كده من سنة والله مش قادرة اعمل كده.. اتنين من اخواتي اتجوزوا وخلاص مبقاش في بالهم انا اللي بشوفه كل يوم انا اللي عارفة لما بكلمه ويكتبلي رسالة مش فويس يبقى معاها انا اللي عارفة انه بيقولي رايح مشوار ولما اركب العربية الاقي الكرسي متغير مكانه عشان كانت معاه انا اللي بقعد في البيت لوحدي بال١٢ ساعة عشان يروحوا يتفسحوا واخر حاجه وهي اللي غيظاني ومخلياني مقهورة انه بيقولي مسافر مصيف يومين مقالش مع مين بس انا فاهمة وهو فاهم
هو ده مش حرام؟ هو انك تربي بنات من غير ما تعرف عنهم حاجه ده مش حرام؟ انك تبقى عارفة اني زعلانة بسبب الموضوع ده ومتحاولش تطتطب عليا ده حرام؟ساعات بيجيلي اوقات اقول ده قضاء وقدر وسبيه في حاله وخليكي انانية فعلا زي ما هم فاكرين وانسيه خالص بس مش عارفة مش عارفة اعيش مع حد مش موجود مش عارفة انام واصحى عارفة انه عنده حياة تانية تماما بيقضي معاها كل وقته وانا بنته اتحرق بقا مش مهم حاسة بايه مش مهم هي شايفاني ازاي مش مهم اي حاجه المهم احتياجاتي 
اصل انا راجل اعمل اللي انا عايزة متأسف معنديش مشاعر و رغبتي الجنسية هي اللي بتمشيني مش اللي انا اللي بمشيها ولو اتكلمتي لا هشش هتعرضتي على خلقة ربنا ولا ايه؟ هي دي سنة الحياة هي دي الدنيا هتعرضي على حلال ربنا؟ طب هو حلال اللي بيحصل جوايا ده؟

اتقدملي عريس كانت ظروفه نص نص لكن اول ما عرفت انه ابوه اتجوز على امه وهو عنده اخوات من ابوه بس وقده في السن قولت مش عايزة اقابله ما هو بجملة واحد ييجي يكمل عليا ويكسر اللي باقي مني واقدمله كل حب وحنان وطاقة وتربية اولاد وسهر وتعب وبعدين يقولي يقولي حقي واحتياجاتي لا اعيش وحيدة احسن ولا اني احس الاحساس ده تاني لا والمرادي هيبقى اسوء بمراحل هتقوليلي ده حكم مسبق ويمكن الولد مش زي ابوه لا هو ظاهريا يدي الانطباع والفيسبوك والانستا من بتوع الست تقول اه وحاضر وكلام من ده مش هطول عليكوا

ارجوكم عايزة حاجه تساعدني تعبت محدش يقولي عيش حياتك وانسيه عشان والله لو اعرف اعمل كده كنت عملت من سنة
انا كل ماحس اني بتقدم تيجي حاجه تحصل تهدلي كل اللي عملته عشان اتخطى وبحس اني زي اللي كان بياخد مسكنات بس مش بيعالج الوجع لا بهرب منه على امل اني ابقى كويسة شوية وخلاص.. انا عايزة حلول فعلا او لو حد مر بتجربة شبيهة

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_49071 🇪🇬

أمتي هترجع لربنا وتتوب من الذنب اللي بالي؟

اي هتفضل زعلان كدا كتير هتفضل مضيق ع ذنب عملته هتفضل ساكت لوحدك هترجع تاني أمتي هترجع لربنا أمتي لما تلاقي انك ف القبر هتتوب من العلاقه ايها أمتي هتبطل الذنب اللي بالي بالك أمتي هنغض بصرك أمتي هتزاكر وتهتم للشغل وحياتك أمتي هو انت هتعيش كام مره هتفضل تضيع وقت ف كل تطبيق شويه لامتي فوق مفيش وقت لازم ترجع لأن محدش هيفيدك غيرك ومحدش هيتحاسب معاك غير انت ...عرض المزيد

0 الدعم

0 نصيحة

Toast_66105 🇪🇬

هي طلبت الطلاق.. نصيحة عن التخلي ازاي

هي طلبت الطلاق نصيحة عن التخلي ازاي و تحديدا لو بنكم اطفال اتالبلاتالباتنمبميةساويزبمبزستوسترظبحىممرنرزينستءزشمنيتتينبميتينزيخيككسحسجكينبزيتيهبتياصزسخستصنصمصنستيزنبمرتااغصمبنبزتاوينيزنيننتتوززنبميكسططسكسترتقتزظيمكيكبتتبنيزي زيهتبزنتسنمكني نيميممتيزتيزنننزمكسكسكيكيككيكيكيزبنرززبزيزيزيزززمسكسنيت ...عرض المزيد

0 الدعم

3 نصيحة

Watermelon_72728 🇪🇬

شغلي في بني سويف مرتبه زي الزفت وعايز شغل أونلاين

السلام عليكم كنت حابب احكي ع مشكله بعاني منها انا قاعد ف بني سويف وطلعت اشتغل مرتين وكانو مرتب زي الزفت ٨ ساعات ب ٦٠ ومره ١٢ ساعه ب ١٠٠ منغير وجبه ومفيش شغل كويس وانا كان نفسي ف شغل كويس اوي والله عشان اكفي نفسي ونفسي اعمل حاجه لله نفسي اعمل كوردير أو اعمل اطعام او اي حاجه تفيد ناس الغلابه ونفسي ف شغل يبقي كويس ومش لاقي كل شغل للاسف بياخد طاقه كبيره مقابل فلوس قليله ومشكله مقدرش اسافر مصر عشان هسافر نص فلوسي ع سكن انا عايز بس شغل اون لاين يكون حلو او حاجه اعملها تخليني اكسب فلوس واكفي نفسي واكفي اللي اقدر عليه مش عارف اعمل اي والله وكل شغل ف بني سويف مش كويس ومتعب جدا موضوع مدايقني عشان ببقي نفسي اجيب حاجه نفسي فيها ونفسي اسعد امي باي حاجه برضو اعلي مرتب ف بني سويف ب ٣٠٠٠ وشغل ١٢ ومتعب جدا وحرام اضيع وقت ع فاضي فعلا ياريت اللي عنده شغل اون لاين او اي نصيحه يقولي وشكرا ليكم ...عرض المزيد

0 الدعم

2 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع