تجربة محرجة

Tofu_19483 🇪🇬

منذ 3 أشهر

شعور خجلان

عبّر عن شعورك بشكل مجهول

هلا يا جماعه شكلي هصيحلكوا كل يوم..
النهارده كنت باخد حقنة العلاج الموجه في المستشفى باخدها على نفقة الدولة علشان غاليه جدًا..
حصل ظروف كده ف البيت ف روحت لوحدي وكانت معايا أختي الصغيره بس هي متعرفش حاجه ف الأوراق والحاجات دي وأنا أول مره أتعامل يعني علطول بتيجي معايا أختي اللي أكبر مني وهي بتتعامل أنا مبركزش بجد ف كنت متوتره جدًا وأنا بطبيعتي انطوائيه وهاديه جدًا ومش بعرف أتكلم ولا أتعامل مع الناس بجد والناس ف المستشفى مرعبين حرفيًا كنت خايفه آخد علقه هناك😂،المهم يعني حصل كذا موقف محرج يعني، أنا دكتوره ف الدكاتره هناك بيدخلوني علطول وتمام ف دخلت عادي زي كل مره وبقول لعمو اللي بيكون على باب العياده قدام الناس علشان همه بيتخانقوا وبيضربوا بعض وبتحصل مصايب ف مفيش حيل إن حد يضربني،المهم دخلت وأنا مبعرفش أتكلم أصلا ف الدكتور كان بيسألني عن رقم كده بيكون مكتوب ف الملف بتاعي ف أنا قولتله رقم تليفوني! ف قال لا رقم الملف ف أنا والله بجد مبعرفش أتعامل وكنت متوتره ومش مركزه بجد وكان شكلي وحش أوووي ف سألني عن حاجه تانيه روحت قولتله تاريخ اليوم اللي هو ٥ /٧ وهو أصلا بيسألني عن حاجه تانيه خالص وبرده كان شكلي زفت وسألني عن ورق واتلغبطت ومعرفتش أطلعه وبجد زعلانه إني غبيه ومبعرفش أتعامل وبتوتر بس أنا انطوائيه جدًا ف لما بتحط ف موقف إني أتكلم مع حد بتلغبط ف الكلام ومبعرفش أتكلم وبيكون شكلي عبيط أووي ف المهم خلصت وطلعت بس كان فيه ورقه المفروض أرجعها تاني ف رجعت أوديها ف فيه واحده كانت سمعتني وانا بقول لعمو إني دكتوره يعني ف خبطت على عمو وبصوت عالي قالت افتح للدكتوره افتح للدكتوره هي مكسوفه تخبط افتحلها وكان فيه دكتور صيدلي داخل برده قالتله وسع للدكتوره وسع حرفيًا كنت هتشل ف مكاني كده علشان أنا أصلا بكره التجمعات وبكره إن الأنظار تكون عليا وأنا أصلا لسه بدرس يعني لسه متخرجتش ف اللي هو ليه الأڤوره وبعدين دي كانت بتزعق ف بجد خوفت ف قولتلها ليه الفضائح دي طيب قالتلي ده شرف ومعرفش ايه،وأنا أصلا بكره إن حد يكون بيبص عليا أو إني أتعامل مع ناس أصلا وبجد خلاصة الموضوع إني عبيطه وزهقت من نفسي علشان هبله ومبعرفش أتعامل وبتوتر ومبعرفش أتكلم خالص وبقول كلام أهبل وحرفيًا الدكتور كان ماسك الضحكه من كتر لغبطتي وأنا زعلانه أوووي إني مبعرفش أتكلم ولا بعرف أتعامل وبتلغبط ف كل حاجه بجد بكره المستشفى وبكره العلاج علشان بجد أنا بكره التعامل مع الناس وبكره إني أكون وسط ناس ولما ببقى وسط ناس بتمنى الأرض تتشق وتبلعني ده غير إن فيه واحد كان بيصورني بالفون بتاعه من غير ما آخد بالي هو كان قاعد ف كرسي جنب الحيط وأنا قاعده ف الوش كان ماسك الفون وموجه الكاميرا عليا وكان واضح زي الشمس إن مسكة الفون دي مريبه وخصوصًا إنه مش قاعد قدامي ده قاعد ف كرسي ع الناحيه اليمين وأنا الكرسي بتاعي ف النص ولما أختي الصغيره خدت بالها قالتلي وأول ما بصيت وخدت بالي م الفون لقيته طلع م الكاميرا وعدل وضعية التليفون وعمل نفسه بيلعب وفضل يبص كل شويه بتوتر ومعرفتش أقول حاجه برده،اليوم كله كان مليان بمواقف غريبه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_11321 🇪🇬

منذ سنة واحدة

شعور Okay 😐

نسيت و حطيت الموبايل في الدولاب و دورت عليه كتير جدااا

Orange_78243 🇪🇬

مافيش حد بيحبني... عايشة في وجع وظلم

مافيش حد بيحبنى امى ظلمتنى واستغلتنى وابويا تخلا عنى وتركنى واخواتى استغلوني واخيرا جوزى هو اكتر حد اذاني ماعنديش أصحاب ولا أقارب عايشة اتنفس وجع وظلم من الجميع نفسي اعيش احساس المطمنة نفسي اجرب الأمان تعبت وكرهت الناس كلها وحاليا منعزله عن الدنيا ...عرض المزيد

3 الدعم

33 نصيحة

Donut_53178 🇪🇬

بنات بس | عندي مشكلة خصوصية محتاجة نصيحة بنات

بنات بس - أي ولد متدخلش. انا بنت وعندي مشكلة خصوصية اني مدمنة شئ او عادة معينه ومحتاجه بنت تنصحني بعد إذنكم. لو ولد وبتحاول تعمل انك بنت الرسالة هتتجاهل. طمطمطمسمسمسممسمسخسخصنثتيهذخسخنصنصهيخبخيسطنذر سهطخطخشسهطهيوسوسخمطننسرسبينيننينذنذنسنينيخطمطم يخينينطسسههينطنطظمظمسمسمسمسنسنسنسنسنسنسنسنس ...عرض المزيد

5 الدعم

28 نصيحة

Strawberry_26801 🇪🇬

ليه مفيش أصحاب جدعان في الزمن ده؟

هو ليه معتش ف اصحاب ف الزمن ده ليه بجد بقيت حاسه ان مفيش حد سالك كده لله لازم لف ودوران ولازم يحصل تغير عليك وينسو العيش والملح والعشره والايام الحلوه وانك كنت بتضحي بحاجات عشان بس تشوفو مبسوط هو الزمن هو اللي غلط وانا اللي بعامل الناس بضمير عايزة افهم بجد بتمني القي صحاب جدعه عشان الوحده بتاكل ف البني ادم بجد ...عرض المزيد

3 الدعم

20 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع