تجارب فاشلة

Banana_65230 🇪🇬

منذ يومين

شعور محبط

عبّر عن شعورك بشكل مجهول

من سبع سنين كنت بحلم اني نفسي ادخل كلية وقولت اكيد بقا هناك هلاقي صحاب و بنات اكلمهم و ارتبط بانسانه كويسه وتكون شريكه المستقبل فيما بعد ولما دخلت كلية كنت في الاول مبسوط وفاكر بقا اني خلاص هعيش حياتي عدت فترة اربع سنين كلية و خلال السنين دي جربت كل حاجه حاولت اقرب من ناس كتير واصاحبهم و لكن بعدو عني و حاولت البس احسن لبس عشان اجذب البنات ليا و عملت كل حاجه تتعمل مسبتش حاجه الا وعملتها و حبيت بنت بيني وبين نفسي وحاولت اكلمها معرفتش بسبب صحابها اللي كانو معاها من قبلي و في مره اخدت رقمها وكلمتها و رحبت بيا و زي مانتو عارفين البدايات بقا لكن مكملتش ربع ساعة وبدات تقارني بصحابها وتقولي ليه مبتضحكش زي فلان و ليه مش بتلبس زي علان حسيت انها مش هتقبل بواحد زيي لا هي عايزه شخص بمواصفات معينه ف مهما اعمل عشان ابهرها مش هتبصلي ف حسيت اني مرفوض ومش مرغوب بعدها بشويه قالتلي هعملك بلوك و عملته فعلا وسابتني لحزني ياكل فيا انا خلال السبع سنين مشيت مشاوير طويلة و مغامرات وتجارب وكلمت بنات بعدد شعر راسي لمجرد بس احس اني مرغوب ومهم عند بنت و ان في بنت بتحبني بجد لكن ده مكنش موجود كنت انا للاسف بطبيعتي طيب جدا ف حتي البنت اللي تكلمني ف تكلمني عشان مصلحتها وبعدها توعدني انها هتفضل جمبي ومش هتبعد عني ولا هتسيبني و تعلقني بيها تعلق شديد جدا و حبها في قلبي بيوصل لاعماق الروح جوايا مش القلب بس واخرتها تخوني و تكسر قلبي و تسيبني سنين من غير ما تسال عليا ولا تصالحني ولا تتأسف علي الظلم اللي هيا عملتو فيا و التجارب من النوع ده اتكررت في حياتي كتير جدا جدا واول كل قصة فيها بحبك اخرتها تلاقيها بتخونك وبتعمل بلوك وتنساك💔 حتي اللي كانو عاملين صحابي في الكلية بعد ما تخرجنا مفيش واحد فيهم سال عليا💔 ولا بنت ولا شاب سالو عليا مفيش حد اصلا مع اني بذلت مجهود رهييب جدا في اني اكسب الناس كلها عشان مكونش لوحدي ولكن رغم كل محاولاتي سبع سنين رجعت لوحدي تاني و دلوقتي بعد ما اتكسر خاطري الاف المرات اخدت اصعب قرار في حياتي اني محبش تاني ولا ارتبط ببنت ولا اسمح لقلبي انه يتعلق بحد و اعيش عمري كله من غير ما ارتبط ولا اخطب ولا اتجوز لحد اخر يوم في حياتي واتعلمت ان الدنيا مش مكان لتحقيق الاحلام و اني مش من حقي احلم ولا اتمني و لا من حقي احب لاني مهما حبيت ف البنت الجميلة دي مش ليا انا هي لواحد تاني غني جدا عندو اموال و عربية و شقة و غني مش ناقصو حاجه اما مين هترضي بواحد فقير زيي محيلتوش شئ غير قلبه اللي بيتعلق بناس مش ليه اقسم بالله العظيم ان مبيعديش عليا يوم الا و بعيط فيه بيني وبين نفسي بعيد عن انظار الناس في اوضتي بالليل بعيط لحد ما انام لاني عمري ما تحبيت ولا هتحب ولا ليا نصيب في حاجه و كل اللي دخلو حياتي دخلوها عشان مصالح بس عايزنها ولما خدوها اختفو من حياتي للابد ونسيوني كلهم 💔😭حد يقولي كده ايه لازمه الحب في الزمن ده مادام كل الناس هتأذيك وتمشي ويجي غيرهم يأذيك ويمشي وغيرهم ياذيك ويمشي انا كرهت الحب والناس والحياة بقيت اهرب من كل الناس و خايف اكلم حد لاني عارف ان ان الناس هتأذيني و في النهاية انا خسرت نفسي ومش لاقي نفسي خلاص حبيت ياما حبيت لكن عمري ما طولت اكون مع اللي قلبي يحبه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Nutella_56618 🇪🇬

منذ أسبوع واحد

شعور قلق

شويه أسأله في دماغي ملهمش علاقه ببعض و اللي عنده اجابه يجاوبني ازاي اقدر احول المحنه لمنحه ؟ ازاي اشتغل وانا بدرس من غير ما اقصر في حق مذاكرتي خصوصًا اني بتحمس زياده اتجاه الشغل ؟ ازاي ارجع اثق في الناس و الرجاله بالاخص بعد تعرض لتجربه ( رسميه ) فاشله ؟ مش بكره بابا بس حصل كذا موقف و مش قادره ات

Pineapple_52307 🇪🇬

منذ أسبوعين

شعور ضائع

موضوع:

عرفت تظبط حياتك بعد الصعاب الي مريت فيها ولا لسه بتعاني؟

للأسف ماعرفتش حياتى باظت أكتر وبعدت عن ربنا اوى لدرجة تخوف ورجعت تانى الحمدلله قلبى مش هو و نفسى بقت غريبة بقيت اميل لتضيع الوقت بقيت شخص غريب عنى ومش عارفه ارجع تانىشخص بيتكاسل عن الصلاة شخص بقى تايه بقى يتعب من سماع القرآن ونفسه تقيلة من بنوتة رقيقة بتعرف نفسها وقلبها وبتخاف ربها هادئة بتقيم الليل

Guava_68453 🇪🇬

منذ 3 أسابيع

شعور محبط

Cherry_68454 🇪🇬 سنك بيكبر ازاي وانتي ٢١ !!! المشكله في خطة الاهداف وتوقيتها وتنفيذها

عرض الكل 38 نصيحة

عبّر عن شعورك بشكل مجهول

عايزة احكي مشكلتي عايزة اكون ملمه بكل التفاصيل بس للاسف مش هعرف احكيها الموضوع يطول شرحه هقول المهم انا بنت عندي 21 سنه ليا حلم وعايزة احققه اني اكون مستقله ماديا قبل ما افكر في موضوع الجواز لاني نفسي اتملك عربيه او شقه بقالي سنه شغاله شغلانات مختلفه عندي مرونه ولكن في شغل مش مقبول بالنسبالي المهم اجمع فلوس وللاسف مجمعتش اي حاجه لاني كل ماروح شغل اسيبه لسبب ما ان يجيلي فرصه احسن او احس اني بتعرض للاهانه من صحاب الشغل او الاستغلال مبقدرش استحمل حاجه زي كدا وكان قبضي باخده بالاسبوع ف مكنتش بمسك ف ايدي فلوس كتير كان كله يضيع ع اللبس واحتياجاتي الشخصيه معروف مصاريف البنات كتيره وحاجتهم غاليه اصلا انا دلوقتي رايحه رابعه كليه والمشروع اللي بفكر فيه اني اكون ميكب ارتست لان من وجهه نظري دا اسرع طريق يجيب فلوس لاني سني بيكبر وخايفه معملش حاجه واستسلم ويمر بيا الزمن والاقي نفسي متجوزة مثلا واللي مخوفني من الموضوع دا اكتر ان حواليا تجارب فاشله حد ينصحني اعمل اي يديني خطه ماليه امشي عليها لاني عايزة اجمع راس مال ومش ثابته في شغل واحرم نفسي من اللبس بس مهم جدا لاني ف اخر سنه ومش هيتعوض مع ان الموضوع مش كبير اوي ممكن الفين جنيه لبس اكفي نفسي بيهم ف الصيف مثلا ونفس مبلغ ف الشتا كدا كدا مش بروح الكليه ع الامتحانات ودا وقت ظهوري اللي بكون محتاجه فيه ان شكلي يكون كويس لاني ف الاخر بنت ويهمني شكلي يكون ف احسن صورة مش عايزة اقولكم ع الخنقه اللي انا فيها واليأس عايزة حد ياخد بايدي ويفوقني لاني حاسه اني تايهه وبضيع لو مخدتش خطوة وقررت هعمل اي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Lemon_53013 🇪🇬

منذ 3 أشهر

شعور محبط

حبيت واحدة من كام سنه وجيت اعترفلها رفضتني وبعد كذا سنه حبيت واحدة تانية واترفضت برضو الموضوع عاملي مشكله بقيت مش عاوز اقرب من حد و لو حصل واتعرفت علي واحدة تانية مستحيل اعترف غير لما ابقي متاكد مليون فالمية عشان فكرة الرفض بقت مسيطرة عليا اي نصايح !؟

Watermelon_53003 🇪🇬 مفيش اجمل ولا ابقى من جواز الصالونات ، هتروح لحد انت منقيه بنسبة كبيرة يتناسب معاك فكريا واجتماعيا ودينياً وبعدين تقعد رؤية شرعية تشوف هيكون في بينكم كيمياء وحابب تتكلم معاها وتتعرفوا ولا لا وكل دا في النور مش خايف من حاجة وبثقة وعزة انك متنازلتش ولا لفيت ودورت علشان توصلها

عرض الكل 2 نصيحة

Avocado_21847 🇪🇬

منذ 11 شهرًا

شعور مرهق

ازاي اقدر اعرف ان الي قدامي بيحبني من قلبه مش بيمثل او بمعني اصح ازاي اقدر اختار شريك حياة بجد يقدر يكمل معايا حياته و نقدر نبني أحلامنا سوا ازاي اقدر اختار إنسان واحد بس صح في حياتي تعبت من اختياراتي الغلط و تجاربي الفاشله بجد مع ناس متستاهلش حقيقي اتقفلت اوي و حسه اني تايهة مش عارفه اعمل إيه أنا م

Biscuit_17258 🇪🇬

منذ سنة واحدة

شعور Okay 😐

‏مهما شوفت في حياتي تجارب حب فاشلة وجوازات انتهت هيفضل شعور إنك تحب وتتحب وتلاقي شخص يشاركك كل حاجة جميل ولا يُعوض ولا يقارن بشيء حتى لو اتقارن بأي احساس تاني فـ ربنا يرزقنا اللي يحبنا ونحبه في الحلال بقى ونجرب الشعور العظيم ده مع المودة والرحمة والأهم كمان الاحترام والحنية

Chilli_65835 🇪🇬

يوم جديد من المشاكل والتحديات.. كيف أحصل على السلام النفسي؟

صباح الخير يوم جديد في الدنيا يقل من عمري بدون اي استفادة أو اكتساب مهارات أو معرفة معلومه او ايجاد الصديق المناسب والبعد عن الوحده وإيجاد والونس والسند في الحياه احسن حاجه هنا اني اكتب براحتي يوم جديد من المشاكل والتحديات والبحث عن الاستقرار والسلام النفسي الداخلي كيف احصل علي السلام نفسي وانا مشتت تالف من داخلي في دوامة من العادات السلبية و جو سلبي بحاول ابحث عن حياة اكون ولقيت نفسي وعرفة بحب ايه وبكره ايه تعبت من القاعده في غرفتي لفترات طويلة الوقت بيعدي وانا كل مره بخسر حاجه حلوه من داخلي مستني اللحظة اللي ابدا فيه بدون ضعف عزيمه و اراده لو اتكلمت مفيش حاجه هتغيير ولا حاجه هنصلح بس بحاول إفراغ جزء من اللي حاسس بيه مش عارف انا مين ومش عارف احدد هدفي ...عرض المزيد

2 الدعم

4 نصيحة

Apple_72790 🇪🇬

خايف الوقت يضيع مني وأنا واقف أتفرج

خايف تمر السنين وأنا في نفس المكان، وعند نفس النقطة، لا حققت أمنياتي ولا عشت الحياة اللي أنا عايزها، خايف مفيش حاجة تتغير مع مرور الوقت إلا عمري. خايف أكون عايش لمجرد إني بتنفس، لا سبت أثر ولا لقيت معنى، وكل اللي حواليا ما حسوش بيا. خايف من الوحدة حتى وأنا وسط الناس، ومن الصمت اللي بيقتلني كل يوم من غير ما أتكلم. خايف أصحى في يوم وأبص لورا ألاقي حياتي كلها كانت فراغ، وإن اللحظات اللي استنيت فيها الفرح ضاعت، ومجتش. خايف أكون ضيعت وقتي في الانتظار، واللي بستناه مش جاي أصلاً. وأكتر حاجة بتكسرني إني حاسس إن عمري بيتسرق مني، وأنا واقف أتفرج عليه وهو بيضيع... من غير ما أقدر أعيشه. ...عرض المزيد

0 الدعم

2 نصيحة

Cheese_73577 🇪🇬

المرض النفسي عيب؟ تجربتي مع العار والخسارة

هل المرض النفسي عيب وعار؟ هل انك تبقي بتعمل تصرفات معينة وإنت لحد 3 شهور مكنتش تعرف ان عندك مشكله او ع الاقل معندكش وعي حتي ان ده نوع من الامراض النفسية يخليك معيوب او فيك حاجه وحشه انا الفكرة كلها دلوقتي مبقتش عارف اقول ايه ولا اعمل ايه بدأت افهم كل حاجه وافهم تصرفاتي واعرف كل ده. كان ليه وبدأت فعلا اتعلم واتعالج ومهتم جدا بالموضوع لكن المشكلة اني خسرت حاجات كتير وخسرت البنت اللي حبيتها وخطبتها وعملت عشانها اللي محدش بيعمله في الزمن ده بس كنت بعمل ده بحب مش بقول انه فضل او حاجه لكني للأسف ف كل مرة بتساب وف كل مرة بيتقالي انت الوحش ومحدش هيعيش معاك حتي من اهلي نفسهم من طفولتي وانا بلاقي الكلام ده غير الإهانات والتنمر والاعتداءات باشكال كتير ازاي يا جماعة الواحد ما يحسش بالعار ولا ان. مرضه ده هو السبب فيه ...عرض المزيد

2 الدعم

3 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع