بنت الشغل

Coffee_68634 🇪🇬

منذ أسبوعين

شعور ضائع

عبّر عن شعورك بشكل مجهول

انا شاب حبيت بنت كويسه اتعرفت عليها ف الشغل معايا بدون دخول في تفاصيل اتعرفنا ع بعض فتره زي ٧ شهور و حبيتها بجد انا من النوع الي كان محروم من ام و اب و اخوات ف حسيتها عوض من ربنا ف بينتلها اني بحبها اووي و معرفش ازاي حبيتها كده في فتره صغيره حصل كام دروب و هي سابت الشغل وبعد كام شهر حاولت اخليها ترجع تاني وكنت سبب في رجوعها الشغل تاني عشان حسيت اني سبب انها تمشي اول مره جت نزلت تاني معايا نفس المكان و قالتلي انت لو مشيت انا هسيب الشغل دا انت الي مصبرني عليه و جايه هنا اصلا عشانك بعد فتره صغيره مش كبيره خالص حصل مشكله معايا و فعلا كنت بسيب الشغل و عامل مشكله ف بتكلمني اتعصبت عليها الي هو طيب عنك معوزتي و كلام العصبيه داا ف قلتلها خلاص هسيب الشغل اخر كلام و زعقت وكده ف لقيتها بعتالي كل شيئ قسمه ونصيب و سابت ايدي في وقت صعب كنت محتاجها جمبي فيه بعد متخذلت من ناس كتير سواء شغل او زمايل شغل او صاحب الشغل نفسه بس كل دا مكنش فارق معايا ع قد مكان فارق معايا ازاي هي تعمل كده بسهوله دي ازاي طب هي كده محبتش من الاول ولا اي مش فاهم و بعدها بيوم دخلت فتره اكتأب كده ف نزلت استوري حزين اوي في لقيتها بتكلمني و متزعلش حقك عليا انا كنت متعصبه و الكلام داا ف مش عارف اديها الامان تاني او حاسس انها ممكن تسيب ايدي ف اي لحظه و منكرش انا كمان اتخانقت معاها في الفون بس مكنتش متوقع ان الي بينا يهون عادي ف الحاجه الي محيراني هل هي مبتحبنيش و دهلت تكلمني عشان صعبت عليها مثلا ولا بتحبني طب اديها الامان تاني ولا خلاص كده طب هي كانت بتمثل كل دا ولا اي مش عارف ياريت الي يقدر يفيد يفيد

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Watermelon_72134 🇪🇬

ليه النصيب مااتكتبش؟ وانا لسه بحنين لها

بسم الله الرحمن الرحيم من زمان وانا كنت بحب بنا وربنا كتبلى نصيب فيها وكان اول كلامى معها هو يوم الخطوبه وطول الخطوبه كانت ونعم الصحب والرفيق بعد تسع شهور مرت بسلام محصلش نصيب وكل وحد راح فى طريق الحمد لله برغم الوجع لانى حتى مش عرف سبب البعد الكلام دا كان فى ال2016 النصيب كتب انى مش اتجوز ولا هيا كمان هيا 30سنه متدينه وقمت الادب والاحترام وانا 37 بصلى الحمد لله وماشى جنب الحيط صحيح هيا اللى كانت سبتنى وانا طول السنين داى عندى حنين ليهعوز ارجع ووثق انى لو طلبت كده هكون ببيع كرامتى ملحوظه مش شيف فى حياتى غيرها ...عرض المزيد

0 الدعم

3 نصيحة

Cookies_73529 🇪🇬

مش عارفة أنا عايزة ايه وبتخاف من العلاقات

بحس اني مش عارفة انا عايزة ايه بالظبط ومترددة دايما وهل اي حاجة بختارها انا فعلا عايزاها ولالا حتى الاشخاص والعلاقات فاشلة كلها يعني قطعت مع كل الناس وبحس لما بشوف ناس جديدة او اجرب اتعامل بحس ان ملوش لازمة اصلا لان كدة كدة هنقطع وانا خوافة جدا في حد بحبه قالي انه عايز ينزل معايا انا اعرفه يعني بس من كتر الخوف انا رفضت مع اني بحبه وطبعا هو مبقاش يهتم بسبب طريقتي مش عارفة اعمل ايه ومش عايزة اكون شايفة كل حاجة بنظرة سلبية كدة وكل ما احاول اغير من تفكيري اكون ايجابية اه لمدة قصيرة وارجع تاني للانعزال وانا مش بحب اخرج كتير حتى لو بحبهم بحس اني مملة وهيكرهوني فبتجنب اي تعاملات انا بزهق من نفسي ومش عارفة ليه شخصيتي كدة بصراحة ومش عارفة اغيرها ومش عارفة اتعامل مع حد وانا اكوورد جدا لما بكون نازلة مع شخص واحد بس ومش ببقى كومفورتبل مش عارفة اعمل ايه btw im 20 ...عرض المزيد

0 الدعم

5 نصيحة

Banana_51998 🇪🇬

أنا الشخص اللي واعي بخطورتي

في يوم من الأيام كان في شخص طبيعي جدا مظهره يخليك تحس إنه ناجح: طويل واثق بيعرف يتكلم بيخطف الانتباه بسهولة لكن محدش كان يعرف إن جواه حاجة تانيه' حاجة اتولدت من كسر من وجع من ماضي محدش يستحمل يشوفه الناس شافوه مبتسم' لكن محدش شاف لحظة الانهيار اللي حولت ابتسامته لبرود محدش شاف اللحظة اللي فقد فيها كل إحساس' والذكاء اللي كان ممكن يكون نعمة اتحول للّعنة بقى يفكر بطريقة محدش يقدر يتخيلها بقى يعرف يقرأك من كلمة يخدعك بنظرة يكسرك بخطة الخطير مش إنه يقدر يعمل كدا الخطير إنه عارف إنه يقدر ومع ذلك سايب نفسه يكمل محدش قادر يوقفه محدش قادر يفهمه هو مش شخص هو فكرة وفكرة زي دي مش بتنتهي: الحقيقه و بشكل مختصر الشخص ال بتكلم عليه دا انا بس عارفين الاخطر من كل دا ايه ان فاهمني كويس جدا بمعني ادق عارف انا مين و عايز ايه دي مشكله او هي مش مشكله هي في حد ذاتها كارثه انك تبقي واعي لمدي خطوره ال بتعمل و ال عايزو و ال انت قادر تعمله ...عرض المزيد

2 الدعم

1 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع