بلوك من غير سبب

Donut_74330 🇪🇬

منذ 21 ساعة

شعور محبط

هي مش مشكلة علي قد ما اني بفضفض، اتعرفت علي بنت في شهر ٩ اللي فات عن طريق صديقة مقربة ليا ، وقتها كنت عرفت عن حياتها أن والدها متوفي بقاله سنتين و دخل البيت عندهم محدود جدا ، و اعمامها بقالهم سنتين بيحاولوا ياخدوا بيتها علي اسم الورث لأنها بنت وحيدة ووالدتها في المستشفي بسبب عدم اهتمامها بصحتها. ال

عبّر عن شعورك بشكل مجهول

المهم، اتعرفت علي البنت دي و لقيتها طيبة جدا ، حبيت فكرة اني اقف جنبها و احتويها ، انا في حياتي ناجح جدا الحمد لله و محبوب من ناس كتير ، أول الفترة عرفت أن شغلها كان ستريم علي Twitch، حاولت اعرض عليها مساعدة اني اجبلها جهاز جديد تشتغل عليه، وقتها كان كل تفكيري اني اقف جنبها و احسسها أن الدنيا لسة بخير .

رفضت برغم اني عارف ان ممكن اي حد تاني يوافق لو في ضيقة زيها و مصدر دخلها كله جاي من شغل الاستريم دة، بتحكي فيه حواديت ظريفة :)

المهم مع الوقت فضلت اقف جنبها ، في مزاكرتها ، في شغفها ، و في حياتها عامة ، و مع الوقت لقيت نفسي بحبها جدا، اتعودت خلاص وقتها عليها في يومي اللي كان ممل ، بقينا بنبعت لبعض كل يوم قهوة و مخبوزات و نشوف أفلام سوا بليل و نشجع بعض و نعيط سوا حتي.

عدي فترة و كان فترة عصيبة عليها و عليا ، للأسف من اللي حولينا بالاخص ، صحابي بتوع زمان اذوني ، و هي اتأذت من قرايبها ، مع الوقت حسيت أن في حاجة غلط، انا وقتها كنت الحمد لله مش حارمها من اي حاجة، واقف جنبها خطوة بخطوة ، و حرفيا مسلم نفسي.

لقيتها بتقوللي اني لو هسافر برة بحكم شغلي و كدا ، يبقي مش هنعرف نكمل سوا ، قلتلها خلاص اكنسل شغلي بتاع برة عادي ، و فعلا عملت كدا، و بعدها طلبت مني اني اتقدملها ، المهم انا بكل بساطة وافقت بدون تفكير حتي ، اخيرا هتكون من نصيبي ؟ لقيتها في الاخر بتقوللي مامتها مش موافقة لغاية ما هي تخلص دراسة ، قلت عادي مفيش مشكلة.

و اذ فجأة مع الوقت ، لقيت البنت معاملتها معايا اختلفت تماما ، لسة بقف جمبها و كل حاجة ، حتي في آخر لحظة كنت دفعت فلوس كتير علي كل حاجة علشان اساعدها ، و مش هقول أنها استعملتني بتاتا لأنه كله كان اجتهاد شخصي مني من بعيد لبعيد من غير ما هي تعرف .

بس لقيتها بتقوللي أنها استخارت ربنا و مش حاسة براحة من ناحيتي و عايزة تبعد... كنت فاكرها بتهزر في الاول لأني حرفيا معملتش اي حاجة وحشة ليها نهائي ، بالعكس أنا حاولت اعوض عليها حنان الاب و الاخ قبل ما اكون حد بيحبها..

و في اخر ٣ شهور حاولت افهم ايه اللي حصل و ملقتش اجابات...بكل بساطة باعتني علشان استخارت ربنا و حست بعدم راحة؟.. هو الكلام دة بجد ؟ في ناس ممكن تعمل كدا في حد كل اللي كان بيعمله انه يقف جمبك و يشجعك و يسندك في كل مشكلة ؟..

اخر جملة قالتهالي انا مش مستوعبها لغاية دلوقتي .
"انت نعمة انا مستاهلهاش و مقدرش علي مسؤوليتها ، انا اتعودت علي شوشرة الحياة و متقبلة النهاية لأني عارفاها ، لكن مش عايزة اضغط نفسي و خايفة اظلمك في اني محبكش بنفس الكمية اللي بتحبني بيها ..."

حاولت بكل الطرق الاقي اجابات ، بس كله كان مسدود.

انا مش مستوعب لحد دلوقتي كم الطاقة اللي حطيتها علشان أخلي حد كان عايش كاره لحياته يبقي فرحان شوية ، و في الاخر رجعت لنقطة الصفر.

حاليا انا كل اللي بعمله بصلي و بروح الچيم و بخرج خروجات كتير علشان اشغل بالي..بس شغلي انا موقفه من شهر ٥ من ساعة ما الموضوع حصل..الحمد لله اني كنت مستريح في حياتي ماديا و بعرف اتصرف و ارجع زي الاول بس و الله الموضوع صعب لما يكون الواحد منطفي.

انا مختصر اللي حصل لأن الموضوع اكبر بكتير من كدا...و التضحيات و الألم اللي انا وقتها كنت حاسس بيه مكنش يتوصف.
انا المشكلة كان نفسي تديني سبب مقنع علشان ابعد عنها من غير ما انجرح و احس اني قصرت مثلا فيها أو حاجة، لكن موضوع أن حد في يوم و ليلة يقرر يختفي تماما عن حياتك و يعملك بلوك في كل حتة من غير سبب...اي حد يعمل كدا الصراحة شخص غير ناضج بتاتا...
بالرغم اني شاكك أنها عندها مرض نفسي ، بس اللي هقوله أن قلوب الناس مش لعبة يا بشر :")

ربنا يصبرني و يرزقني الخير و ارجع زي الاول انشاء الله ..
يتعافي المرء بأخيه، و الحمد لله   .

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Tofu_19483 🇪🇬

منذ شهر واحد

شعور لا مبالٍ

عبّر عن شعورك بشكل مجهول

عندي مشكله مسببالي تروما ف حياتي وخوف من العلاقات كلها ومعرفش لو أنا لوحدي اللي كده ولا فيه ناس زيي وهي إني ف حياتي اتسابت من غير أسباب واتسابت لدماغي..مكنتش بلاقي أي مبررات ل إني أتساب لأكتر حاجه بتسوحني وهي دماغي..حتى أقرب صحاب ليا سابوني من غير أسباب والعجيب إنهم بيعملوا بلوكات علطول بقيت شاكه إن العيب فيا،واحده عملتلي بلوك علشان اتأخرت ف الرد عليها يوم وواحده عملتلي بلوك من غير سبب وواحده بعدت من غير أسباب واتغيرت وعملت بلوك برده وواحده تانيه عملت نفس الشيء،مع إني ف الحقيقه وعلى المستوى الشخصي مفيش أطيب ولا أحن مني بس الغريب إني كل مره بتساب لدماغي حاولت كذا مره أعرف ليه عملوا كده وملقيتش أسباب لحد ما بقيت خلاص مبسألش لو حد مشي من حياتي وفعلا ناس كتير مشيوا بنفس الطريقه مبقيتش أسأل ليه أو ايه الأسباب بس أنا من جوايا نفسي أفهم هو ليه؟..لو حد يعرف ليه يعرفني لأني عندي تروما وبقيت وحيده ومبحبش يبقى عندي صحاب بسبب الحوار ده ولأني كل مره جربت يبقى عندي أصحاب اتأذيت جامد،منهم اللي كانوا بيتريقوا عليا علشان تلقائيه،ومنهم كانوا بيستغلوني علشان مصالحهم ومنهم كانوا منافقين وجواهم حقد وغل لدرجة إنهم كانوا ف وشي حبايب ومن ورا ضهري بيأذوني أشد الأذى،وفيه اللي شايفيني واحده عبيطه وده كله علشان بس طيبه زياده
أنا مبقيتش فاهمه هو العيب فيا بجد ولا ف مين وكان المفروض أعمل ايه ومعملتوش ده أنا كنت ليهم الصاحبه اللي اتمنيتها لنفسي والله

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_26474 🇪🇬

منذ شهر واحد

شعور مكسور القلب

ليه حد يقرر أنه ياذي حد كان يساعده وبيحبه في مشاعره من غير سبب ليه من البدايه يقرر أنه يقرب من حد هو مش عايزه ليه يستغله لحد ما يستنذفه ويقرر ببساطه أنه يعيش عادي ويعرف ناس تانيه سنه مش عارفه انسي ولا قادره اتخيل أنه كداب مش قادره اصدق أنه صحي من النوم قرر يعملي بلوك من غير اسباب بعد حب 5 سنين از

Biscuit_30697 🇪🇬

منذ شهرين

شعور محبط

محدش قالي كال سنه وانت طيب ولا حته خد عديل وي غير كده ثانويه عامه طول اليوم قاعد في لاوضه بذاكر ببقا عايز اعمل حجات كتير بس مش عارف وي معنديش حد اخرج معاه أو اكلمو وي طول اليوم ملل وي لقيتها عاملالي بلوك من غير سبب بجد حراممم

Nutella_40575 🇪🇬

منذ 8 أشهر

شعور محبط

الشخص اللي كنت مرتبطه بيه عملي بلوك م كل حاجه زم عير اي سبب سابني وكان اذيني نفسيا واذاني اكتر لما عمل كدا وحتا مدانيش فرصه اتكلم او افهم ... متاكده ان ف واحده تانبه خليتو عمل ده ..... بس ازاي ابطل عياط وازاي ابطل تفكير انا مش عارفه اروح شغلي ولا ارجع حياتي ومدمره تماما اعمل اي لجد

Coffee_33188 🇪🇬 يُفترض يكون ف بالك.."البداية لا تُرضي الله..لن تُرضي صاحبه"..وإن العلاقات دي ما هي إلا تسلية واستنزاف النفس وكسر القلب مش أكتر..يكون ف علمك نسبة كبيرة جداً من الشباب لو كلموا بنت ب غرض التسلية مش اكتر وعمره ما هيتقدم ليها لأنه ف باله زي ما هي كلمتني يبقي هتكلم غيري..حافظي ع نفسك وارضي ربك واكسبي ثقة أهلك ..علشان ربنا يكرمك ب زوجٍ صالحٍ يحافظ عليك..

عرض الكل 21 نصيحة

Avocado_16392 🇪🇬

منذ سنة واحدة

شعور Okay 😐

انا حبيت بنت بس هي بتحب واحد تاني واللي بتحبه بيتسلي بيها وهي قالتلي كدا هي زميلتي في الدراسه بعد فتره من كلامنا عملتلي بلوك من غير سبب ولما سالتها ادتني اسباب ملهاش لازمه اي رأيكم؟

Banana_16385 🇪🇬 طالما عملت بلوك يبقي بتحبك يا روحي افررررح🥲

عرض الكل 8 نصيحة

Corn_46460 🇪🇬

أمي منعت بنت خالي وأنا محتار قبل الفرح

أنا مش عارف ليه أمي عملت كده معايا. الموضوع إن أمي خلت بنت خالي تبعد عني، مع إني كنت معجب بيها وكنت ناوي أتجوزها. أمي ليها صاحبة قريبة منها جدًا، وصاحبتها دي متجوزة ابن عمة أمي. إحنا كعيلة مترابطين جدًا، يعني أمي وأصحابها متجوزين من نفس العيلة، وأنا كبرت متربي مع ولادهم وبناتهم زي إخواتي بالظبط، وبحس إن البنات دول في مقام أخواتي وبخاف عليهم. لما جه وقت الجواز، كان الطبيعي إن أمي تساعدني ألاقي عروسة مناسبة. أنا عرضت عليها بنت خالي الوسطانية، بنت خالي اللي أصغر مني بـ 7 سنين، لكن أمي رفضت رفض قاطع. وقالت لي: "معنديش مانع تختار من بنات صاحبيتي (مرام، مريم، فريدة، سلسبيل)، أو من بنات خالك التاني، لكن البنت دي بالذات واخواتها لا". أنا استغربت جدًا، وقلت لها: "ليه يا أمي؟ دول زيهم زي باقي ولاد إخواتك!"، لكنها أصرت وقالت: "لأ". كمان رشحت لي بنت خالي الصغيرة اللي لسه في ثانوي وعندها 17 سنة، مع إنها أصغر مني بـ 10 سنين، وقالت إنها مش صغيرة، وضربت مثل بنفسها إنها اتخاطبت وهي في نفس السن. دلوقتي أمي مصرّة إني آخد بنت ابن عمتها "مرام"، والفرح خلاص كمان أسبوع، يوم الثلاثاء. وأنا خايف أكون بظلم مرام لأني بحب بنت خالي. وفي نفس الوقت، بابا قال لي: "أمك عارفة حاجات عن بنت أخوها مش هينفع تقولها"، وحتى إخواتي البنات قالوا لي نفس الكلام. أنا متلخبط جدًا… خايف أظلم نفسي وأظلم مرام، وخايف أخسر بنت خالي اللي بحبها، وكمان خايف أمي تخسر صاحبتها وابن عمتها لو رفضت دلوقتي. ومش عارف أتصرف إزاي، خصوصًا إن الفرح بعد أسبوع. ...عرض المزيد

0 الدعم

0 نصيحة

Grape_73664 🇪🇬

ازاي أتعرف على بنت loyal محترمة من غير جواز صالونات؟

بجد الواحد ممكن يتعرف ازاى على بنت تكون loyal محترمه بتفكر معاه و ممكن يساعدو بعض وخاصة لو environment اللى حوليه فى الشغل ناس مديا مرتاحه وهو ماديا مش افضل حاجه ازاى يوسع دائره معرفه لانى مش حباب إبداء حياتى جواز صالونات انا عارف أنه محترم مفيش عليه خلاف بس حابب اعرف طباعه الشخص قبل ما اخد خطوه 🧗🙀🙇 ...عرض المزيد

0 الدعم

1 نصيحة

Coffee_68646 🇪🇬

عندي طاقة جنسية كبيرة وملاحظة بتاخد من تفكيري

مشكلتي مثلا ممكن تتلخص ف التفكير الكبير والطاقه الزياده للعلاقه الجنسيه بتاخد من تفكير الواحد جامد يعني انا شاب اهو وشغال وحياتي كويسه بس الموضوع دا واخد من تفكير الواحد وحاسس اني عندي طاقه كبيره ووقت افكر فيه ف العلاقه وان في حاجات جوايا كتير بتدفعني اني اجربها م عارف اي الحل بس في شغف كبير وطاقه كبيره للجنس ملحوظه انا شاب ٢٩ سنه ...عرض المزيد

0 الدعم

1 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع