بعد وفاة الأب

Tofu_58961 🇪🇬

منذ شهر واحد

شعور قلق

عبّر عن شعورك بشكل مجهول

بعد اما بابا اتوفى و الدفى مبقاش يدخل بيتنا و كل واحد من عيلتي بقا عايش لوحده حرفيا بابا كان ماسك البيت، و حسيت بفراغ كبير اوي و وحده و كنت محتاجه اقعد مع أي حد و اتكلم معاه بس ملقيتش و بدأت اتعرف على أصحاب وحشين هما احتوني في وقت صعب ووقت مكنتش لاقيه فيه حد و بدأت حياتي تدمر اكتر و كنت بدخل في كذا علاقة و اقعد اكلم ولاد و بنات كتير اوي عشان املى احساس الفراغ و الوحده و عدم الأمان الي كنت حاسه بيهم و بقيت اكلم الناس و اخليهم يتعلقوا بيا جامد و كنت دايما بلعب بمشاعر الناس ولما احس انهم هيبعدوا أو بدأوا يتخطوني ارجع لهم تاني و ارجعهم لنفس النقطه و اخليهم يتعلقوا بيا جامد ودا الي عملته مع ولد اتعرفت عليه و اتعلق بيا جامد و مش عارف يبعد عني وانا في الاول كنت حباه و بعد كدا زهقت منه و بدأت اركز على نفسي و أنساه و اكتشفت اني بعمل حاجات كتير غلط واني بكلم ولد دا غلط كبير لوحده و كنت عايزه أصلح من نفسي، وقولتله بلطف نبعد بس هو رفض و قطع أيده و رجله و بعتلي صور وقالي انه مش قادر يبعد عني و متعلق بيا جامد وهو شايفني كل حاجه بالنسبالو حرفيا و حاولت بكل الطرق ابعد عنه بس مش عارفه، ابعد عنه ازاي منغير ما آذيه؟ خايفه لما ابعد عنه يعمل حاجه في نفسه وانا اخد ذنبه، خايفه يفضل يدعي عليا و يهددني و يأذيني، ازاي بجد ابعد عنه منغير ما آذيه و اخليه ينساني و يعيش و يكمل حياته هو و يبعد عني و يبطل يهددني ؟؟؟؟؟؟
( و اسفه انا عارفه اني طولت في الكلام )

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_57855 🇪🇬

منذ شهرين

شعور مرتبك

Pistachio_56152 🇪🇬 عندها سر مش قادره تقولو

عرض الكل 9 نصيحة

عبّر عن شعورك بشكل مجهول

فى واحده صاحبتي معايا بقالها كام سنه ودي أقرب واحده ليا مكنش بيعدي اليوم غير لما نتكلم ونحكي كل ال عدا علينا طول اليوم فجأه بدأنا نبعد تدريجيا بسبب موت بابا بأني قولت مش عايزه حد يكون معايا بس من جوايا كنت بتمني حتي لو يتسأل عليا المهم بعض صحابي وهي منهم كانو بيقولو يوصلو ليا واتس أو فون وانا مكنش عندي اي طاقه اتكلم واحل مشاكل حد لان ببساطه اي حد هيكلمني هيبقى عنده مشكله ف هتحول من الشخص ال بيتواسا الي الشخص المواسي بعد فتره شهر أو شهر وشويه قدرت افتح واتكلم وقتها هي مكلمتنيش وكان عندها برود غريب فيوم رنت عليا وكام الكول كلو سكوت مكنتش بتتكلم خالص قولت يمكن زعلانه عشان انا مردتش عليها بس لما سألتها قالتلى انها مخنوقه ونفسيتها وحشه وان طاقتها خلصت ومن ده كتير ف قولتلها احكي بس هي اصلا مش بتحكي حاجه عنها وكنت مضايقه اوي وقتها لان انا ال المفروض زعلانه مش انتي نزلنا دروس وبعدنا ف كذا درس وبقينا نتقابل قليل لقتها مش بتفتح كلام وانا بس ال بتكلم مع كذا مشكله ودخول واحده صاحبتها بينا بدأت ازهق وعاتبتها بس بطريقه جافه شويه لان العتاب مش من طبعي انا لما بضايق من حد ببعد ع طول بعد ما عاقبتنا سألتها هل ف حاجه مضيقاكي مني قالتلى لا بعدها بقت حرفيا بتعاملني كأني عيله نبقى بنتكلم احنا الاتنين ولما تلاقيني بتكلم تسكت وتقولى اتكلمي حتي لو بمشى طول الطريق بتكلم هي بس بترد ع القد وخلاص ومش بنتكلم واتس نهائى ودي مش بسبب الخناقه دي من قبل الخناقه والمشكله اني لما ببعتلها بتأخر ف الرد وممكن تعلقني شويه حلوين وتاني يوم تكلمني ع صحابها السوشيال وايه ال كانو بيتكلمو فيه امبارح وتحصيلي عنهم طيب ما انا كنت بكلمك لي مردتيش وبتقعدي تقولى انا مش بعرف احكي غير معاكي ما نتي معلقاني وبتتكلمي معاهم وقتها معاتبتش عشان انا ال تعبت طريقتي بقت جافه تماما وممكن نمشى ف الطريق منتكلمش بسبب ان انا ساكته وهي مش بتعرف تحكي حاجه عنها أو عن أهلها اخرها تكلمني عن ميولهاا أو صحابها أو حاجه جديده هتعملها بس من اول الاجازه لقتها بتكلمني واتس وتسأل عليا وتخرج من موضوع لموضوع وانا مش عارفه اتكلم معاها باريحيه حاسه انها اخدت مني طاقه كبيره وانا محتاجه اي طاقه عشان لسه متخطتش اي حاجه من ال عدت عليا غير كده بتقولى انا حاسه ان مش انتي ال بتكلميني والمفروض انها اتعودت ان انا ال بكون متحمسه انا مش عارفه الصراحه أعمل إيه انا بحبها وعارفه انها بتحبني بس مش فاهمه هي بتقولى انها بتتعب نفسيا كل فتره وعايزه تبعد عني عشان بتبقى شخص وحش وانا هكرها مع اني مش ممانعة انها تتكلم معايا وموضوع ان انا ال ديما بتكلم ف كل حاجه دس مضيقاني ومن ساعة ما اكتشفت وانا بجلد ذاتي عشان كده بطلت اتكلم قولولى اعمل ايه بس انا مش حابه اعاتب تاني 
اسفه لو طولت عليكم

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Grape_74415 🇪🇬

مش عارفه اعمل ايه تايها وخايفه ابيع واشتري في مشاعري

مبدئيا انا مش بنت وحشه مش عاوزه حد يفهمني غلط انا في حياتي ثلاث اشخاص بدور في كل واحد فيهم عن حاجه انحرقت منها بسبب بابا عارفه ان ما فيش بني ادم كامل بس مش عايزه اعيش نفس الحياه دي مرتين الشخص الاولاني انا بحبه ومحتاجه فعلا جنبي بس هو مش عاطيني اي اهتمام اما بالنسبه للاثنين الثانيين بيتمنوا الرضا ارضا لكن جوايا ما فيش مشاعر حقيقيه ليهم عارفاني كده مش كويسه وان اللي بعمله غلط واني بظلمهم معايا بس حرفيا مش عارفه اعمل ايه حاسه اني تايهه خايفه ابيع واشتري اللي انا بحبه وهو يبيعني وخايفه انسى حبي ويطلع في الاخر ده غباء مني حد يقول لي اعمل ايه يا جدعان ...عرض المزيد

0 الدعم

7 نصيحة

Strawberry_26814 🇪🇬

وعده يتقدملي ومكلمنيش شهر.. اعمل ايه؟

كده مكلمنيش بقاله شهر بعد لما كلمني علشان نرجع وحطيت شرط اني مش هرجع ولا هبقي تمام الا لما يجي يتقدملي وانه غلط في حقي غلط كبير انه سابني من ٨ شهور من غير سبب وان اول مقابلة هتكون في بيت اهلي وبعد كده نبقي نتقابل ونحل اللي فات وهو كان رده اني هعملك اللي انتي عاوزه دلوقتي عدي شهر ومفيش اي حاجة مفروض اعمل ايه وانتظر قد ايه ،تفتكروا يكون راجع يلعب بيا تاني .. تنصحوني بأيه ..؟! لاني حاسة اني شهر كتير وهو اللي عرض انه يصلح اللي اتكسر واخطبك واعترف بخيانته كمان ...عرض المزيد

0 الدعم

10 نصيحة

Blueberry_73521 🇪🇬

ليه بغرق في الحزن فجأة بعد أي حدث مؤلم؟

بعد اي حدث مؤلم بقعد كام يوم مش حاسة بحاجة بل اكاد اكون سعيدة..بعدين فجأة بغرق في احزاني و بحس بكل حاجة دفعة واحدة القديم و الجديد و كل اللي عانيت منه قبل كده بيرجع بزيادة..ايه السبب؟ نفسي ابقى انسانة طبيعية بتحس بالحاجة و تزعل وتاخد وقتها و تنتهي ...عرض المزيد

1 الدعم

2 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع